壽司郎 (無限極廣場)

營業中

休息中

終於第一次排到「壽司郎」，話說星期六去左銅鑼灣追星，追星前特登落上環拎飛，再搭車去銅鑼灣追星，時間岩岩好，拎飛起計，三個鐘先有得食。雖然「壽司郎」真係好多人食，仲限時60分鐘，但係質素真係唔錯，唔怪得啲人肯等幾粒鐘！炙燒芝士鮮蝦｜炙燒生姜醬叉燒｜鹽味牛扒｜醬烤日本產帆立貝｜特大虎蝦天婦羅卷｜鮮蝦牛油果卷｜蟹柳沙律醬｜炸軟殼蟹｜日式焦糖蕃薯｜濃厚芝士味卡達拉娜｜抺茶紅豆瑞士卷即使＄12 都有唔少選擇，而且我好少食生野，熟食壽司真係好多選擇（唔食生野學人食壽司🙈）計計下都真係食左唔少碟，樣樣都係合格線之上，最後埋單 ＄216，下次有機會再食過✌🏻

壽司郎來 香港開咗咁耐，終於可以第一次食到喇！收工先去攞飛，等咗接近一個鐘頭先至有得食，人山人海！呢度落order基本上係全自助，除咗回轉帶上嘅壽司就可以用隔離嘅pad 落order; 而每次只可以最多四樣，所以揀咗四樣之後就先落單，如果唔係揀完一大爛餐佢就會話俾你聽得四樣嘢😅其實主要係想食佢嘅拖羅，我哋一坐低就order咗中拖羅同埋大拖羅比較下兩個嘅分別，中拖羅都新鮮嘅，不過又有大拖羅嘅比較下好明顯就差好遠喇，俾多少少叫大拖羅😆另外有提供其他多款當造壽司，當中我哋覺得鰻魚同埋帆立貝都係食咗唔油貝殼類就麻麻哋，反而魷魚就幾好，爽口唔會好韌埋單兩個人$500，性價比超高！唔怪得咁多人嚟排隊。壽司 色澤新鮮 （前）大拖羅 （後）中拖羅

提起迴轉壽司一定要講壽司郎，不過本人第一次食壽司郎係喺台北，仲要當日朝早就喺app度訂到位。香港店一開就超級紅，除咗有幸上網book過一次黃埔店就無成功過啦！今次上環店當然都係book唔到，但係就先去拎飛，然後就去行街，一邊上網睇住叫到幾多號，差唔多時間就行返去，唔駛keep住困喺果度，而且上環都多嘢行，時間好快就過。入座後就立即拎同叫嘢食！大拖羅 - 店員拎住一盤剛剛整好嘅大拖羅，一檯一檯問大家要唔要，即刻要兩客。入口都係食到油香，$27就食到一件天然大拖羅，可以一試。拖羅紫菜包 - 唔好以為碎上就一定係渣嘢，呢款真係油脂豐腴！鳥貝 - 好鍾意食貝類，呢款較哂爽脆，推介。赤貝裙邊軍艦 $12 - 赤貝裙邊好脆又好鮮。小肌 - 難得有小肌食，味道濃郁，不妨一試。三文魚 $12 - 今次個三文魚來自青森縣，味道比起平時食嘅好味啲。中拖羅 $17 - 以$17一件來說，又係好抵食。醬漬智利海膽軍艦 $17 - 呢款海膽無咩味，有啲失望。蝦三味 - 一次有齊蝦、甜蝦同熟蝦，滿足哂三款味道、口感。認真，食得壽司郎就要用返呢個價錢去衡量，唔係話超級好食，但真係對得住呢個價錢，唔通真係有錢成日去食

🍣CP值高人氣壽司🍣推介指數 ❤️❤️❤️❤️❣️日本人氣迴轉壽司店壽司郎進註香港後，開業年幾時間响香港、九龍同新界都有分店啦。早前更全線分店推出外賣自取服務，3款優惠盛合。分別為超人氣盛合、壽司郎特製盛合、超值三文魚盛合，單點壽司同甜品都有外賣㗎！A. 超人氣盛盒 1人前 HKD88✨油金魚、魷魚、厚切三文魚、日本產帆立貝、赤蝦、特選中吞拿魚腩、極上鰻魚、蔥花吞拿魚腩軍艦B. 壽司郎特製盛盒1人前 HKD88✨灸燒芝士三文魚、灸燒羅勒三文魚、醬烤鰈魚鰭邊、壽喜燒牛排、極上鰻魚、醬烤日本帆立貝、厚切燒鯖魚、灸燒赤蝦✨超人氣盛短主要係刺身壽司、壽司神特製盛盒以熟食食材為主。整體質素CP值高，食落食材新鮮、有口感，飯亦唔鬆散，滿意！.··餐廳：壽司郎 (上環)地址：上環德輔道中199號無限極廣場2樓201號舖

自從上次食完之後，一直念念不忘，心思思好想再去食！今日一開壽司郎個app，見到屋企附近嗰間已經停止Walk in！於是唯有去遠啲，但少人啲嘅上環店！但係都要等成個鐘先有得食！望住啲Menu已經超想食！今次有卡位坐，十分舒適！👍🏻壽司郎嘅性價比真係好高！完全唔使睇價錢，係咁食，食到飽都係$500有找兩個人！重點係質素真係高過元氣果啲好多囉！😋😋希望佢可以開多啲分店，唔使每次都要等咁耐先有得食啦！

依家無得飛✈️每個月都要去一去shushiro 打個卡 🇯🇵 但係次次都要排長龍 無左網上預約 所以記得要預好時間去吖😉🌟 五月限定 特盛帆立貝 $17呢款真係好抵 有成4 5 片帆立貝 真係啖啖肉 超滿足😋🌟竹筍茶碗蒸 $19估唔到細細碗 但係都好足料 有驚喜👍🌟天婦羅拼盤🍤 $27比起蝦天婦羅都要十幾蚊 呢個拼盤真係好抵食 鍾意天婦羅嘅朋友千祈唔好錯過❤️🌟卡達啦哪 $22呢個甜品真係未係其他地方試過 真係一試難忘🥰 食落好似雪糕嘅口感 但又有焦糖布丁嘅味🍮 真係好好食💕🌟朱古力芭菲 $32每次都不能錯過嘅甜品 幾飽都要叫黎食🍨 之前試過其他味 但都係朱古力最好食 🍰千層蛋糕 $22平時好鍾意食千層蛋糕嘅👧🏻 就覺得麻麻😔📎店舖資訊📌 佐敦店佐敦彌敦道348號彌敦坊UG樓🚇港鐵佐敦站B1出口 ，步行約3分鐘📌 黃埔店 (紅磡)紅磡黃埔天地享膳坊(第4期)地下G10號舖🚇港鐵黃埔站C1出口 ，步行約2分鐘📌 黃大仙店黃大仙龍翔道110號豪苑G3樓翔盈里5號舖🚇港鐵黃大仙站A或E出口 ，步行約5分鐘📌荔枝角店 (長沙灣)長沙灣長沙灣道680號麗新商業中心地下G38號舖🚇港鐵長沙灣站A出口，

油麻地開第一間時已很想試，但每次見到要排一至二百個籌就放棄了，今次上環新開了一間，而且未到晚飯時間就試吓，不過都要等80幾張檯，好彩檯都算多，但一個鐘係必要的疫情期間居然仲有迴轉壽司🍣，而且唔係乾淨淨的，係有油光、新鮮，見到想食那種，可見流量很快。如果迴轉帶上見唔到想食嘅，可以用點餐pad點。呢個平民價食到呢個品質真係無嘢可挑剔$17油甘魚大件又厚身，咬落一口油，必食😋👍🏻以前排唔到隊想買外賣回家享用是沒有的，但可能聽到客人嘅要求新增了，下次唔想等可直接外買返屋企，正👍🏻👍🏻

平價壽司之選，味道尚可。平時見我寫飲食多數都好評，好少會寫人差評，今次真心例外上環D組廚房教育員啊昇態度好差。對人唔友善。又dirty。食物品質素不穩定。同其他分店差好遠。有些壽司menu話有汁。但來到無。唔推薦朋友來上環度食！

呢篇食評主要係討論下佢排飛嘅運作，等大家參考。港島區暫時第一間。上環壽司郎開咗一個禮拜後人流已冇咁癲，星期日下午3點仲有可以拎飛， 比黃埔區易有飛。下午3點拎飛第435號，個時叫緊第337號，差100張飛，系統話等大約180分鐘，我又信佢，所以就過海去到老遠大圍，點知一個鐘就跳到400號，15分鐘後就450幾啦，過咗我張435號，所以又即刻飛車過返海；值得一讃係你拎完飛可以行開，可以係電話睇叫到乜號碼，唔洗死等，同埋過咗你個號碼，30分鐘內去到都可以補返。入座可以食60分鐘，等大家多啲機會，多啲人可以食到。1. 整體環境，座位都好OK2. 職員服務好好，入座每次都解釋一次點用個screen點餐3. 食物OK新鮮，種類都OK夠4. 特別鍾意佢食物到時個提示音樂，冇得飛日本之下，聽到呢個音樂有返少少興奮5. 唯一麻煩係對於我呢啲想低碳唔食個壽司飯嘅人，冇淨係刺身，唔食個飯好似好浪費P.S. 我入座時4:30，走時5:30左右見到都仲拎到飛

已經有好多個月冇食壽司郎了，知道佢終於喺港島開咗新分店，於是今日同屋企人特登早啲去Walk in食晚市🤤 5點鐘拎咗飛，大約等咗一個鐘零15分鐘就有得食，比我想像中快😳入到去，我哋就瘋狂咁點餐，好似唔使錢咁🤣 坐低咗5分鐘都無，就已經成枱嘢食😆 其中最鍾意係佢嘅中拖羅、羅勒三文魚、醬烤帆立貝、蔥油赤蝦同埋茶碗蒸😍鍾意食茶碗蒸嘅人一定要嗌！事關佢個茶碗蒸超級多料，有蝦、帆立貝、冬菇，仲有雞肉添！加上佢個蛋超級滑，仲好有蛋味，如果唔係屋企人撳住我，我可能會嗌多兩杯自己食😋而蔥油赤蝦係我第一次食，估唔到都好有驚喜！佢嘅蔥似蔥油拌麵嘅感覺，竟然同赤蝦都幾夾，係一道中日fusion菜🤣最後我哋梗係嗌返個壽司郎必食甜品，卡達拉娜！面頭脆脆地嘅焦糖，配埋下層好濃郁雲呢拿味嘅cheese cake，口感非常之smooth，但味道就偏甜，但飲返啖熱茶就抵消番🤤

作爲壽司郎粉絲，特別係而家去唔到日本，壽司郎繼續逆市擴張，今次插旗係上環，新店開幕限定，$12就有極尚大吞拿魚腩，性價比超高。一早就同朋友開來等開門，開頭好老定，以為閒日，啲人實返工，仲要我地一早來，應該唔洗等直入掛，點知唔係，最後都等左成2粒鐘Orz因為平時已經將呢度變成飯堂，今日主要目的就係不斷駁hit食$12開幕限定，佢比唔上高質拖羅咁入口即溶，而且無火炙上，但係$12你仲想點不斷叫大吞拿魚腩，有油脂，有溶感覺，最後同朋友食左25碟，算係咁，CP真係好高

如果想食平價平民壽司🍣，壽司郎一定係不二之選。一向都有買佢嘅外賣返屋企食（平時買外賣都要等30-45分鐘先有得攞），因為想堂食好似需要排到天昏地暗，而佢哋個訂座系統亦出名係永遠訂唔倒位的所以一直都冇試過堂食上環開咗分店仲要響公司附近，對我嚟講係福音 咁我就可以放工前落去攞定飛排隊搏一搏😂 今次我係5:30pm攞飛，一直留意住佢哋個YouTube叫飛直播，到6:25pm左右就有位了🥰坐bar檯有得攞迴旋輸送帶嘅壽司，亦可以自助點餐會由上面嘅私人輸送帶送到你張檯。佢哋嘅三文魚同三文魚腩壽司都好好味，叫咗4款不過唔記得曬叫咩名😂大拖羅壽司都唔差嘅，不過未去到入口會化嘅質感（$27算係咁🤣）壽喜燒壽司，都ok嘅。呢碟我一直以為係左口魚邊，但係點解個樣有少少唔同，口感又唔似嘅🤪 睇返Menu原來佢係鰈魚鮨邊... 我唔係好鍾意😅帝王蟹腳，好似食酒店buffet嗰種蟹腳凍盤，都ok。茶碗蒸好滑，幾足料～ 唔錯。炸雞翼幾香口，不過要落鹽或者沾醬油😆同行朋友食嘅嘢我冇影到🤪 埋單每人唔使$200，抵食

This is a very impressive Japanese Sushi shop with Quality , atmosphere and Value. All are making the best of Japan Style. All the staff is following a Japanese Standard and working out. They have very good manner and patient with 100% helpful and kind to customer. I like the  Sushi delivery system it has it own track and it wont mistakenly wrong deliver the food or having accidentally drop and spill over the food. It has own ordering tablet and it will sharply take order and user friendly.Sauce

今朝11:35分攞飛下晝15:40有位🤣🤣都算快啦🤭🤭..............................食左赤貝、松葉蟹軍艦、特選大吞拿魚腩、吞拿魚茸軍艦、極上大吞拿魚腩、鯡魚卵昆布、抹茶蕨餅芭菲✨✨✨啲野好新鮮嘅！👏🏻👏🏻我最鍾意係鯡魚卵昆布😋😋咬落去脆卜卜架！☺️☺️魚卵完全唔腥👍🏻👍🏻大吞拿魚腩係抵食😚😚好肥美！口感嫩‼️‼️但個松葉蟹軍艦無味嘅😌😌又無蟹肉味又無蟹膏味😵😵整體中上無想像「嘩‼️」一聲個感覺..............................真心讚佢地嘅服務個個職員都好有活力好細心講解❤️❤️❤️