壹食就醉

營業中

休息中

好耐無見班舊同學啦，大家平時番工都好忙，今日終於約到齊人啦，大家都想打邊爐，搵左個大家既中心點，係佐敦同尖沙咀中間拉book左呢間壹食就醉。睇完Menu就簡左醉雞湯底，個湯底好香有好濃既酒味，飲落去同樣都覺得幾濃，但最重要係好易入口，然後當然就係雞啦，令到我驚喜既就係碟雞原來好大碟，隻雞係一整隻切件，每一舊都好大舊，就連雞背位置都好多肉。而且舊舊雞都好滑，雞胸一啲都唔老，同埋因為醃過所以好入味。然後仲有手切牛，油脂分佈得好均勻，入口即溶，浸係醉雞湯既牛肉一放入口就有微微既酒香，連豉油都唔洗點！我地仲有叫左豬肉片、響鈴、魚、墨魚滑、手打丸之類。最值得一提係佢個脆骨腩，咬落去個啖真係好脆，食落去好有魚油香味，而且好新鮮。最後鋪頭仲有自家製既涼茶，有竹蔗矛根、五花茶，飲落去好足料，味道都好好入口。整體黎講環境好舒服、野食好好味、價錢又好平。

朋友非常喜歡食小炒中菜，最近在 OpenRice 上見到這間位於尖沙咀金巴利道的「壹食就醉」樓上私房菜，地點位置方便就腳，見朋友這麼喜歡一於約埋一齊試一試先。一上到去見到優惠凡在 Facebook 讚好＋分享，即送滋潤竹庶茅根一樽即 like 唔使講。秘製輝哥沙拉骨 $108秘製輝哥沙拉骨，每條骨都被濃濃的沙拉醬包圍，入口酸酸甜甜非常開胃，肉質甘香肥美。豉汁蒸魚雲 $138豉汁蒸魚雲，足足有一個大魚頭，而且蒸的時間恰到好處，魚頭非常新鮮香滑，加上豉汁的鹹豆豉味把魚頭的鮮味帶出，轉眼又食完一碗飯。風沙廣島蠔 $168風沙廣島蠔，真的非常出色粉漿做的外皮非常之薄，炸的時間剛剛好外皮很鬆脆，內裏的廣島蠔卻非常嫩滑，蠔味超重加上黃金蒜粒和椒鹽的味道，完全令人充滿幸福的感覺。椒絲腐乳通菜 $78椒絲腐乳通菜，腐乳的獨特香味把每一條通菜都包圍着，每一口都有腐乳的香味實在令人沉醉，簡簡單單的中菜煮得非常出色。

今天與友人一起到尖沙咀覓食，在金巴利道找到這間名字有趣的飯店 —「壹食就醉」。這間飯店比較吸引的是可以選擇吃火鍋或炒小菜，而我們今次嘗試的是火鍋。火鍋的款式繁多，引入眼簾的是龍蝦花甲鍋 及 花雕醉雞鍋。個人比較喜歡醉雞鍋，因為雞件新鮮嫩滑，而且最主要是鍋料充分，酒香味四溢。當然喜歡吃海鮮的亦可以選擇龍蝦鍋，以我們6人分量說，有4-5個隻龍蝦，味道不俗。而火鍋食材的種類亦很足夠。我們點了有安格斯牛，雞（醉雞來自醉雞鍋），黑豬肉等。蔬菜等亦很新鮮乾淨。我們最喜歡的是脆魚片，薄切得來也不失咬感，值得一讚及再試。整體來說，兩種火鍋配上不同的食材，都不失食材本身的味道。火鍋湯底本身亦很有鮮味。周圍環境衛生乾淨，裝潢也很有中國的特色，值得再試。

一大班人想食海鮮又唔想去咁遠, 喺尖沙咀呢d 美食旺區, 樓上搵間私房菜食都係一個唔錯既選擇, 壹食就醉就係其中之一👍間隔闊落, 一大班人高聲暢談都唔怕騷擾到人蜆肉湯一開始食飯之前緊係飲個湯先, 呢款蜆肉豆腐湯真心唔錯, 清甜得黎味道唔會寡, 細心d 呷係會感受到湯底濃濃既蜆香味👍而且粒粒蜆肉都肥美多汁冇沙, 一路飲湯一路食蜆真係幾享受架😍鴛鴦豆腐帶子珊瑚蚌一道菜式滿足晒你3個願望, 就係新鮮帶子, 珊瑚蚌同香滑豆腐🤤一濃一淡既組合剛柔並重, 互補不足, 海鮮唔會過濃味, 豆腐亦吸收左鮮味, 唔會好淡👍千島牛肉粒d 千島醬幾香幾厚, 配埋香嫩牛肉粒感覺幾新鮮👍啫啫雞煲啫啫雞煲一向都係港式小菜皇之一, 有朋友想食就叫左, 熱度十足👍雞嫩肉香, 而且d 汁唔會太鹹, 就咁食唔洗送飯都ok蝦醬炒通菜食番個炒菜, 鑊氣十足瑤柱蛋白炒飯炒得好靚好乾身, 粒粒分明唔會痴埋一舊舊, 而且瑤柱粒切碎左, 更能夠同個飯融為一體🤤

一向食嘢唔戒口，就算病都繼續要食好嘢，甘啱病嘅時候正值下雨天，搞到冇心情係屋企煮飯，就出街食。朋友介紹位於尖沙咀鬧市中的一間小菜館，招牌裝修以紅色為主，一上到餐廳感覺置身於家中一樣，有住家飯食咁。餐牌多款選擇，除咗小菜之外，仲有得食懶人打邊爐。由於我哋有四人，就決定食小菜送白飯。椒鹽系列係我至愛，當然唔少得叫一份椒鹽鮮魷啦。魷魚嘅份量都頗多，而且面頭鋪滿炸蒜，旁邊仲有幾粒番茄仔做配襯。食落去椒鹽魷魚的外皮唔算太厚，反而好香脆可口，魷魚肉爽口彈牙，新鮮滋味。由於我哋四人太大食了，一共叫了七款小菜，竟然全部俾我哋食晒，當中包括椒絲腐乳通菜、薑蔥爆順德鯇魚腩、沙嗲金菇肥牛煲、薑蔥霸王雞、XO醬爆花枝片同埋黃金蝦。另外我哋仲有每人叫一碗白飯送小菜，我哋認真大食，最重要係每一款食物都非常新鮮，即叫即整，炒得好有鑊氣。

本人覺得呢間位於尖沙咀嘅中菜小菜都幾有特色而且比我想像中嘅味道好，我哋分別叫咗以下幾款小菜 : 椒絲腐乳通菜通菜非常鮮，椒絲同腐乳配料都好足夠，夠惹味。薑蔥爆順德鯇魚腩魚腩每一件都非常肥美，用薑蔥爆得好香，每一件魚腩都很鮮甜入味。沙嗲金菇肥牛煲沙嗲味道很濃郁，金菇夠晒林同埋入味，再配埋新鮮嘅肥牛，呢個肥牛煲送白飯一流。薑蔥霸王雞用薑蔥爆嘅雞真係好好味，每一件雞都很嫩滑，用左特製嘅豉油，再配埋新鮮嫩滑既雞一齊食，返而好滋味。XO醬爆花枝片花枝片份量都算多，再用埋XO醬黎煮，小小辣嘅味道都幾開胃，而且花枝片鮮味十足，值得一試。整體來說，各款小菜都算唔錯嘅質素，位於尖沙咀當然屬於便宜又抵食嘅晚飯啦。

放假就一家人一齊食飯，在網上搜尋下尖沙咀有乜嘢中菜好食，最後諗住試吓壹食就醉。上一層樓就已經到餐廳，店員服務周到，隨即開咗一壺茶水比我地。睇吓餐牌有乜嘢飲品，竟然有我最喜歡喝嘅椰子水，清清甜甜味道，好開胃。見到餐紙有多款小菜選擇，煎炸炆燉不同煮法嘅小菜都有。首先每人一碗青紅蘿蔔豬展湯濕一濕口。最後我哋揀選左四人套餐，當中有五個餸菜，額外再加多兩款小菜。黃金蝦都只係$168一份，朋友鍾意黃金蝦外面嘅蛋黃味道，遠處他已經聞到好香嘅蛋香味道，而且賣相吸引。一份黃金蝦有六隻，中間仲有長長幼幼嘅蘆筍條同埋蕃茄粒做擺設。黃金蝦的蝦肉爽口彈牙之餘，味道仲非常新鮮，而且蛋黃味可以中和清甜嘅蝦味道，所以非常match，仲可以一邊睇住電視一邊食飯。另外仲有椒鹽鮮魷同埋其他食物都同樣滋味。

晚飯約埋幾個朋友去食小菜，餐廳位於尖沙咀三角公園附近一棟大廈上面，就上去望吓。餐廳環境舒適，而且位置空間闊落，我哋四人就坐大圓枱位置。餐牌中嘅家常便飯特價優惠套餐，可自由揀選不同款式嘅小菜，差不多有50多款選擇，食物種類已算比較多。隨即店員給予我們每人一碗例湯，入面好足料，有我最喜歡吃嘅紅蘿蔔。咁多款小菜中我最鍾意薑蔥霸王雞，除咗份量好多足夠有半隻之外，而且雞肉肉質鮮嫩，非常入味。而且四人五餸套餐都只係$538，非常抵食。除此之外還有其他餸菜，包括蒜蓉炒通菜、薑蔥魚雲煲同埋沙嗲金菇肥牛煲等等，每一款小菜都炒得好有鑊氣。呢一餐確實非常豐富滿足。

這間位於金巴利道的＂壹食就醉＂私房菜地方雖不太大，但有兩間包房幾私隱，價錢合理公道，環境寧靜和三五知己火鍋小菜亦可以👍🏻記得like Facebook送飲品👍🏻👍🏻秘製輝哥沙拉骨$108沙拉骨賣相吸引一條條整齊排列面還灑上是芝麻，豬扒較瘦身，沙拉醬酸酸甜甜很醒胃風沙廣島蠔$168廣島蠔煮得外層乾身，一口咬下爆汁，每隻蠔都肥嘟嘟脹卜卜很肥美，很多蒜頭和洋蔥有避風塘感覺，很香口😋椒絲腐乳通菜$78腐乳通菜夠鑊氣，腐乳鹹鹹鮮鮮下飯一流豉汁蒸魚雲$138蒸魚雲份量足，魚雲新鮮冇鯹味，魚雲底下還鋪了嫩滑豆腐，入曬豆豉汁味，美味無窮👏🏻

十月八日 簡約不簡單的家常小菜吃得多西餐日餐，有時候都會想念家常便飯，於是就來到這家位於尖沙咀的樓上私房菜館。上樓後馬上獲安排圓枱就坐，座位寬敞明亮，空間感足。餐湯 粉葛豬骨湯足料老火，溫暖入胃，沒有絲毫味精感。鴛鴦豆帶子珊瑚蚌 (HKD 148)蒸得滑溜的豆腐分別放上蒜蓉珊瑚蚌及豆豉汁帶子，可謂一菜兩味。新鮮的珊瑚蚌細嫩有嚼頭；帶子亦同樣絲滑，肉質飽滿，連同白豆腐一起入口，雙重享受。千島牛肉粒 (HKD 168)搶眼的千島醬酸甜開胃，配上鮮嫩JUICY的牛肉粒感覺搭調；而爽甜的甜椒亦增添整體口感，送飯一流。啫啫滑雞煲豬肝、芹菜、洋蔥及雞肉的份量恰到好處，微辛香口，味道多元而統一。值得一提是皮骨的比例很少，吃起來啖啖肉。卜卜蜆活蜆跟上湯、椒絲及西芹共治一爐，滾起後再加入清酒，香味四溢良久，「卜卜」的開殻聲此起彼落。入口清甜順滑，沒帶半分砂石，配上酒香感覺清新討喜。

今晚約咗朋友來尖沙咀食中菜私房菜，地點位於佐敦地鐵站行10分鐘路程的樓上鋪，唔難搵到。餐廳有多間包廂，私隱度高。卜卜蜆，即係清酒煮蜆，下面用個爐一直煮，保持熱度，蜆大粒多肉，湯底鮮甜美味，有少少清酒味，香味滲入蜆肉中，啖啖香甜。鴛鴦豆腐帶子珊瑚蚌，豆腐嫩滑清甜，濃郁豆腐味，帶子鮮甜嫩滑，醬汁惹味，同豆腐的味道好夾，珊瑚蚌新鮮爽脆，咬落有口感，加有蒜蓉好惹味。馬拉盞炒通菜，馬拉盞味道濃郁惹味，通菜份量多，爽脆鮮甜，入味清新。瑤柱蛋白炒飯，飯粒乾爽入味，有鑊氣，蛋白瑤柱夠入味。

香港私房菜選擇越來越多，我們選擇了一家佐敦比較方便的。環境舒服衛生，座位闊落。抵食套餐，包是日老火粉葛豬骨湯，及白飯。椒鹽九肚魚店家炸粉超薄，九肚魚入口外脆內柔軟嫩滑，肉質晶瑩剔透。卜卜蜆奶白色上湯配蜆上桌，店家待上湯沸騰後加入清酒，蜆卜卜而開，密密麻麻地開滿一窩。蜆肉入口鮮甜無砂，上湯微辣帶酒香，清新卻惹味。鴛鴦豆腐帶子珊瑚蚌軟滑豆腐作底，面鋪爽甜帶子及珊瑚蚌，咬下爽脆，豆腐香配上海鮮鮮味，豐富味道及雙重口感。鼓油皇海蝦海蝦每隻大而肉質彈牙爽口，濃度適中，連殻吃下殻脆肉爽，方便美味。

朋友係尖沙咀番工, 放完工就同佢慶生, 去左間樓上小菜海鮮火鍋店, 地方係韓國街之中, 好易搵豉椒炒蜆- 本身叫既花甲已經火速俾人食哂, 轉左少蜆, 醬汁夠濃, 不錯椒鹽九肚魚- 炸得夠脆身鬆化, 又唔太油, 值得推薦!菠羅咕嚕肉- 酸甜度剛好, 咕嚕肉亦炸得夠脆口, 份量亦好多 勝瓜木耳煮魚肚- 食左咁多熱氣野, 除左普通煮個菜之外, 依碟亦都好推介, 味道清淡得黎又各有咬口薑蔥雞 (半隻)-熱辣辣原煲上, 雞唔算多肉但夠滑, 薑蔥汁配飯一流西芹炒黑豚肉- 黑豚肉出奇地好味, 好濃既肉味白灼花竹蝦 - 出名既靚蝦, 肉身爽彈之外, 非常重蝦味, 白灼再點少少醬油己經係最好既食法, 最食到原汁原味! 陳皮水- 本身諗住叫啤酒配小菜, 但見到做小小互動就有一渣陳皮水, 當然即刻換埋佢, 好重陳皮味小菜都好多選擇, 下次應該會黎試埋海鮮火鍋

上個月食完, 今日又黎食, 喺尖沙咀行完街諗唔到食乜通常都會上嚟一食就醉搞掂, 貪佢有平有貴, 跟老闆嚟食可以坐房食名貴的鮑參翅肚, 若然同工作夥伴或朋友嚟食, 通常就會坐大房食家常便飯。今日又嚟跟朋友晚飯, 大房專做散客, 大概得五張枱, 要食最好預先打電話嚟訂位, 今晚叫呢個抵食二人三餸套餐, ABC 各選一餸, 有飯有湯$288, 餸菜味道不錯, 選擇又多, 可加$50改蛋白炒飯/乾燒伊面/乾炒牛河等, 若然你冇我地咁大食, 其實呢個餐夠3人食.椒鹽九肚魚炸得好香, 撒上椒鹽蒜蓉更加惹味, 魚肉滑浖浖, 送飯一流啫啫雞煲爆香大量洋蔥辣椒再加醬油炆雞, 加埋芫茜香芹, 令雞煲上檯頗香, 今次醬油就下得重手左啲。鷄件嬾滑入味魚肚浸時蔬雖然抵食, 不過落料非常足, 你睇下幾多魚肚 娃娃菜及魚肚用上湯浸, 魚肚爽滑, 娃娃菜腍甜, 好食花膠燉鮮奶（$38）我都係第一次喺呢度食呢個甜品, 鮮奶香甜, 花膠都幾厚身, 亦燉得腍滑, 不過花膠分量就少咗啲, 就係得呢大舊咋

今晚同朋友去左間樓上中菜館食晚飯我地叫左個6人餐揀左老火湯，今晚係冬瓜煲豬骨，幾清甜本身想點豉椒炒花甲，但今晚無花甲，就轉左炒蜆，蜆比較細粒，但味道不錯，不太咸，炒得幾惹味椒鹽九肚魚，外脆內軟，炸皮不會太厚雜果咕嚕肉，不會太肥，啖啖肉，酸甜度剛剛好勝瓜浸魚肚薑蔥霸王雞，雞肉幼滑，入味XO醬黑豚肉，黑豚肉肉質好林，好惹味如果多幾片肉就更好啦！另外我地加$50改左白飯做瑤柱蛋白炒飯花竹蝦係我地另外叫既，估唔到得6隻不過就好彈牙好鮮味