壹蒸鍋

營業中

休息中

旺角 壹蒸鍋近排有一股食蒸氣火鍋🍲既熱潮🔥，咁我梗係都要試下啦🤣🤣🤣🌟海鮮蒸鍋x 火鍋 x 刺身 ，都只係二百幾蚊，絕對岩哂多心一族😚😚😚飲品款式多，應有盡有🥤有香港、西方、韓國品牌，最開心既係有我最愛既忌廉鮮奶，酸酸甜甜開胃喲😍😍😍😍😍😍刺身都唔錯架，油脂幾多，有三文魚、油甘魚、甜蝦🦐、八爪魚等等，款式同日式放題無異😊😊😊😊😊黎到主角海鮮蒸鍋🍲出場既時候啦～諗唔到有咁多海鮮😱😱😱，大約有十款：蠔、帆立貝、龍蝦、鮑魚等等😇😇😇

參考了食評才撰呢間為朋友慶祝生日，很可惜一肚氣。不會再來！一般蒸氣火鍋的工作人員會久不久來替客人放蒸物和檢查煮熟未及煲粥底煮成點。此店的工作人員，除了剛開始第一鍋放好後，預較timer後便消失了。到第二輪的蒸物，放低後便關人鬼事，完全無理過粥底。當第二輪蒸完後，粥底當然報銷...燶哂！都算啦！工作人員不但話我哋自己煲燶粥，而且仲想就咁加湯落D燶底㷛，要我哋繼續用嚟打邊爐，有無搞錯！我們都無要求再煲粥，只是要求換走個燶底鍋後先加湯打邊爐啫，唔係咁都唔得嘛⋯⋯作為客人，堅持要換㷛，問經理後，他們才肯不情願地換個鍋，唉！除了服務態度，其實味道真是一般，這麼多食客，可能是價錢平。

1月2号晚一共6人第一次來試先蒸後火鍋，給了張很大的枱坐得好舒服，原先說好會加$30食刺身放题，但來到不久經理覺得連火鍋都未食得切，所以跟侍應講唔會食刺身，佢話無問題，但埋單時仍然加了每位$30額外刺身費，可能女侍應未睡醒。先蒸的海鮮很新鮮，但後來的火鍋便很慢，我們6個人有2個爐，但近牆那個爐要很長時間先至滾，滾後一放食物入去又死咗，又要等好長時間先至再滾起，食物質素ok 但份量很細，加上個爐無力，我未試過任食2個鐘去到剩下20分鐘都仲未飽。下次不會再來因為根本食唔飽，時間要同個爐兢争，輸咗

天氣一凍，雞煲火鍋呢啲就少不免，好難走得甩架啦其中一位朋友仔話想食蒸鍋，咁岩見到呢度既有海鮮蒸鍋，又有得任食打邊爐，加上價錢唔貴啵，所以我地一行四人就決定呢晚喺到開餐我地要左“龍蝦海鮮蒸鍋”呢個set，八點半入坐，每位HKd$229+10%，另外再加左HKd$30+10%任點刺身，加加埋埋都仲係300有找醬料同飲品都係放喺餐廳既中央位置，方便人客自行拿取係未食蒸海鮮之前就食下啲刺身同冷盤先啦，以放題質素黎講，啲刺身都幾ok架啦當中既魚生刺身都唔會霉唔會腥，而榮螺仲幾甜添之後就係一大盤既蒸海鮮，扇貝、鮑魚、龍蝦、海蝦、生蠔、大蜆等等樣樣齊，我地見到呢一堆海鮮個刻，未食都已經好興奮啦蒸好之後就緊係要盡快起筷啦，自己最中意當中既龍蝦，味道鮮甜而肉質爽彈之後仲有其他既蒸品可以選擇架，我地都貪得意咁點左啲黎試下，當中既龍躉頭腩味道都唔錯，皮彈肉嫩鍋底我地就揀左個海鮮粥底，所以岩岩蒸海鮮既精華落晒去個粥到，呢啖粥就當然鮮甜無比啦食埋啖粥都未完架，要準備打邊爐啦當中肥牛既質素又唔差啵，唔會太肥仲幾有牛味，而手打蝦滑同墨魚滑仲好爽彈添食左咁多肉同海鮮，當然要食下啲菜菜黎平衡返下啦，呢度蔬菜既選擇都有唔

之前都食個佢間姐妹店壹火鍋~今次過黎見到有新店，就試下有乜唔同~咁一黎就梗係要叫過蒸海鮮拼盤啦~有粉絲扇貝、鮑魚、大蜆、龍蝦、蟶子、、魚塊。。。我自己就最鍾意鮑魚同扇貝~鮑魚好爽口彈牙, 而扇貝連埋粉絲食真係好正~食完海鮮仲可以叫其他野繼續蒸~小籠包我就叫左幾次~皮薄又有湯汁~好好食~~之後就係期待成晚既粥底要左榣柱龍躉粥~經過之前啲海鮮精華,個粥真係超甜~仲有佢龍躉塊都幾多~如果食得落仲可是繼續打埋邊爐~不過我食完個粥都已經頂住個胃~所以食埋雪糕就完喇~仲有佢啲刺生都好新鮮~推介~

吃貨的我倆都超愛打邊爐，和另一半慶祝生日，當然首選任食打邊爐，想再搞搞新意思........一於就食"海鮮蒸鍋+任食火鍋"！是日準時5:45PM到達，因為已訂位所以一去到好快就獲安排坐卡位了！無耐餐廳姐姐就捧上令我倆期待的!!!!!海鮮蒸鍋!!!!!  有扇貝、鮑魚、大蜆、長腳蟹腳、蟶子、青口、班魚塊等等堆到滿滿的，而且鋪滿粉絲，個鍋蒸緊時都已經流哂口水~~~趁蒸鍋蒸緊的8分鐘，可以出去自己拎醬料、飲品。眨下眼終於可以開餐，每款海鮮完全唔會有腥味，鮮味十足，而且肉質彈牙一D都唔"霉"! 質素很好!!!!抵食~大讚!!!秒速食好海鮮蒸鍋後，就到第二個環節!!!!!任食火鍋!!!!食材都喺紙仔上任揀，款式都很多....(掛住食食食，都冇咩點影相)以"海鮮蒸鍋+任食火鍋"兩個食法，$169+10%一位真係好抵食，下次都會再安哥的!!!

電話預訂時話要等位，原來唔需要未夠鐘已俾入坐，人都未到齊放晒蒸物前菜係枱，唔理食物衛生，唔叫佢來都唔會有人來將蒸物放上蒸爐，個計時器又細聲，坐係隔離都聽唔到，頂！蒸到過晒時間，食客梗係著緊海鮮夠唔夠生鮮，頂！仲衰過大x樂一人一煲，未蒸前海鮮變晒顏色，完全唔想影相！任食打邊爐價位算平，但完全唔係CP值高！食物質素奇差！個奇望係個粥底，oh! 魚骨溝埋一齊，頂！粥味道，唔甜唔喊，怪味，無海鮮鮮味，完全唔係海鮮火鍋粥底

以$200以下一位嘅價錢唻講，呢餐算係中上級水準，先蒸後火鍋，滿足哂兩種要求。驚喜推介：海鮮併盤 (一人份量已經有齊鮑魚，蟶子，蝦，扇貝，蜆，蠔，魚腩) ，好新鮮，鮮甜，份量同品質絕不失禮墨魚鬚，脆肉鯇魚片，海蝦，非常爽口，新鮮花膠厚片，食完膠住咀。其他食物都合格，包括牛肉，鮮蝦雲吞，墨魚滑，蝦滑，鵝腸，牛柏葉，魚腐…等等注意事項：因為出食物出得好慢，要預早啲落單，否則中途經常冇得食，搞到兩小時唔足夠食飽

天氣轉涼，最適合係吃蒸鍋，之後仲可以火爐。約六點前入座，價錢會平些$199，已經包一盤海鮮，連火鍋和刺身任食，追加半隻龍蝦$60，我們揀了瑤柱龍躉魚粥鍋來打邊爐。不用點，侍應會將刺身送上，有三文魚、甜蝦、魷魚、蟹柳、蛋、榮螺片，好新鮮同鮮味。吃完刺身，侍應才送上蒸氣鍋，有班腩、鮑魚、貴妃蚌、元貝、龍蝦、蟶子、蜆、蠔，而我推介蟶子、鮑魚、龍蝦最好。侍應等我們吃完蒸鍋，幫我們打開早前放在蒸鍋低下的粥底，粥底吸收了剛才在上層的精華，粥的味道多了海鮮味，差點吃晒粥，無得用粥打邊爐。任食火鍋配料有幾拾種，我們點了牛肉、花膠、䐁肉、蕃茄、響玲、海蝦、萵筍，我推介牛肉、豚肉、海蝦。飲品有拾幾種選擇，包括汽水、啤酒、罐裝果汁。以連加一每人約$250，又蒸鍋、火鍋、刺身，真的好抵食。

上次在這𥚃吃過一次，念念不忘，加上天氣轉涼，可以吃蒸鍋，又可以火鍋。我們五點幾入座，$199，包一盤海鮮，刺身和火鍋任食。刺身會在蒸鍋來到前自動送上，有三文魚、甜蝦、魷魚、蟹柳、蛋、榮螺片，每種都好新鮮同鮮味。蒸氣鍋有龍蝦、蟶子、蜆、蠔、班腩、鮑魚、貴妃蚌、元貝，每樣都新鮮，而我覺得最好係蟶子、鮑魚、龍蝦最好味。吃完蒸鍋，侍應會打開早前放在蒸鍋低下的粥底，先讓我們吃些粥先，之後才再加湯打邊爐。由於粥底已經吸收了剛才在上層的精華，變成了一個海鮮味的粥，味道就更加鮮甜。我們點了牛肉、花膠、䐁肉、蕃茄、響玲、海蝦、萵筍，我覺得豚肉、牛肉係最好味。我覺得食咁多東西，每人連加一都係$220，真係超值。

食物唔算好新鮮。potion 細。粥底味精。不過200靚蚊係咁架啦。一分錢一分貨。店都肯俾，唔甩order。蒸啲海鮮總類算多，不過唔算新鮮。打邊爐料就一般般。不過，2個鐘蒸得嚟都打唔切邊爐。所以蒸一輪算啦。唔好太貪心。食唔切。調味料同飲品就算係咁。都幾有得揀下。店員都算肯做，不過實在人多，應得唔夠快在所難免。又係一分錢一分貨。唔好要求太多。

之前試過壹火鍋，印象唔錯，但壹蒸鍋才有獨特的粥底火鍋，所以就再來挑戰一下。今次有加埋刺身任食，都算多款選擇，當中推介八爪魚同三文魚，味道較鮮甜，厚度亦適中。食緊刺身時同時開始落粥底材料同蒸海鮮，海鮮層有：龍蝦，龍躉片，粉絲扇貝，鮑魚，蠔，聖子。海鮮果然蒸係最鮮味！全部海鮮都好鮮甜，聖子建議第一個食，因為比較薄身，中後期食有少少韌。龍躉片嫩滑，鮑魚爽口，粉絲配扇貝係無敵！蒸海鮮最忌太熟，佢地個時間計得剛剛好，大家記得一蒸好就要快手食～食完咁多海鮮其實都飽左一半，之後就輪到粥同火鍋。姐姐叫我地先食碗粥先再落火鍋料，個粥有哂海鮮既鮮甜，而且粥好「棉」，但個人覺得咸左少少。火鍋材都幾齊，但之前已經食左好多野，食下丸菜豆腐果啲都夠哂，而個粥底入哂味，所以唔駛任何調味已經好夠呢度最正係可以一次過食唔同既野，聚餐一流，相信總有一樣會岩食，重點係質素都唔錯

海鮮甚麼的當然要蒸先可以留住鮮甜味～所以蒸就係最佳方式，加上我想食好耐既粥底火鍋，perfect!!呢到係食方式，我位刺身控朋友揀左刺身任食果個餐，都只係200幾蚊其實真係幾抵，啲刺身種類都算幾多，最驚喜係有鮑魚片，好正！仲有看好小食前菜，醬料同飲品就出面任拎。呢個蒸鍋一上枱真係大叫左出黎，二人份量也太豐富了吧～扇貝、鮑魚仔、龍蝦、大蝦、蟶子等等，未蒸熟都已經好想食！熟左之後個色調好靚～全部貝殼類都好好味好鮮甜，我覺得最好味係個鮑魚仔，真係好甜！不過建議要快啲食又轉者拎起佢先，如果唔係會太硬。鍋底都係海鮮為主，有蜆同魚，仲要上面啲蒸海鮮精華，感動到喊出黎～個個都話粥底好食，估唔到真係會一碗又一碗咁停唔到任食仲有好多蒸野配料揀，其實已經好飽但都心思思嗌左小籠包同肉燥茄子，正常野，貪得意

今日同女朋友去咗旺角行下街，返到咁上下發現有啲肚餓，但都兆萬中心見到呢個大大塊嘅banner 發現食指大動，於是同女朋友上咗去食啦。因為時間尚早嘅關係，海鮮蒸氣鍋火鍋放題都只係＄179 ,仲有刺身任食都係加＄30 。上到去餐廳，全層都係佢嘅，感覺好大，唔會有一個侷促嘅感覺，亦都係因為時間做嘅關係，完全唔駛等，上到去就位lu~佢嘅「醬料吧」都有好多醬料，俾我哋鍾意點加就點加。海鮮都好足料，有龍蝦、蜆、聖子、蟮、魚塊、都唔係其他貝殼類嘅海鮮（因為唔識分😅😅）食完海鮮之後仲可以打埋邊爐，完全滿足晒我嚴重肚餓嘅需要。食飽飽之後仲有雪糕糯米糍做甜品，細細粒嘅糯米糍，食多幾粒都唔怕啊！

香港人，總是貪得無厭的。 朋友說，天氣轉涼了，想打邊爐，烚吓烚吓。然後，又說想吃蒸海鮮。繼而，又說如有刺食任吃就好了﹗ 白了她一眼，上搵食網一看- 不難也﹗這次，就去了旺角的「壹蒸鍋」。 火鍋配料、混醬材料，以及飲品，都放在餐廳中央位置。選擇繁多，教人看得眼花撩亂﹗ 我們要了龍蝦海鮮蒸鍋$209/位(六點入座，包日式拼盤和蒸海鮮盆，再加任食刺身$30/位， 連加一，這餐飯每人約$263。 日式拼盤，有三文魚壽司、蟹籽壽司，中華沙律菜、螺肉等，普通前菜，正常之作，驚奇不大。 刺身拼盤，我們選了三文魚、甜蝦、希靈魚、鮑魚片、八爪魚、榮螺片等，以任食來說，小水準著實不錯，稱得上鮮嫩甜美也。 免費精選湯底有八款中式湯底、八款中日鴛鴦窩，以及一款蒸海鮮‧龍躉粥鍋，我們要了後者的粥鍋。無他，只是她，又想吃一碗鮮香綿滑的海鮮粥﹗蒸海鮮盆，予人陣容鼎盛之感。一看，有蠔、蜆、聖子、鮑魚、蟶子、鱔魚、龍躉、扇貝和大蝦各兩隻，以及龍蝦。 飲品，小妹先後要了冬瓜茶和龍井茶，著實不錯﹗ 稍等片刻，蒸海鮮已經熟透了，鮮味洋溢﹗ 大蝦肉嫩味鮮，只須稍稍蘸上少許豉油，已教人吃得津津有味。 爆膏的龍蝦，也是