壹蒸鍋

營業中

休息中

今日同男朋友黎壹蒸鍋食海鮮，只能説超級驚喜！我地揀左「A款海鮮蒸鍋」，$209/位 （6:30-9:00入座）講真，食完d海鮮都飽左一半，有鮑魚、鮮蝦、龍蝦、蟶子、帶子、魚、蠔、蜆！落左蒜蓉，香噴噴，好正！招牌瑤柱龍躉魚粥鍋食完海鮮就落龍躉肉，熬下面鍋粥。口感又綿又密，鮮味無窮，好好食！可惜冇得加粥，如要打邊爐只能加湯。加湯後：火鍋配料：雪花肥牛肉火炙芝心丸九菜水晶餃蟹粉包丸菜+香甜粟米又好可打邊爐嗌咁少野食，但真係飽到上心口，食埋雪米糍就收工啦！

兆萬成棟都係食嘢， 淨係諗食邊間都有啲頭痛， 不過今日想食下海鮮，就揀咗壹蒸鍋， 繁忙時間都係199 好抵食呀， 兩條友又唔知食乜食放題就最好首先可以揀個最抵或者湯底跟住就可以蒸海鮮， 我哋當然揀咗 招牌瑤柱龍躉魚粥鍋， 上面蒸完嘅海鮮啲先嚟會流落去個粥底到跟住就可以食嘅粥底啦， 鮮甜又好味繁忙時間一早就坐滿客人啦首先就係呢個 二人份量嘅海鮮拼盤龍蝦，大蜆，細蜆，鮑魚，蠔，帶子聖子， 蝦蝦 ，龍躉淨係食呢個拼盤都已經回咗本啦😂走去三聖食海鮮一人都係食呢啲嘢都已經要三四百蚊啦， 仲未計呢度酒水任飲又有刺身又有邊爐配料任食每台仲送一碟小食雖然今日主力係諗住嚟食海鮮打邊爐不過刺身冇理由唔點啲嚟食下， 款式雖然唔係好多不過平時最鍾意食嗰幾日就有齊曬龍躉係 等食完海鮮之後再直接加落粥底食等咗一陣 我哋終於可以開波喇首先我會食咗大蜆先因為 蒸得耐會 變韌鮑魚反而可以最後先食， 因為比較厚身，蒸多陣都唔怕蟶子連埋啲蒜蓉粉絲一齊食簡直精粹所在食完海鮮食埋個粥底，最後就係可以點配料打邊爐啦👏🏻👏🏻👏🏻

過年就要大魚大肉，先有過年氣氛，新一年，第一次同朋友出去聚會，緊係要秉承依個理念😂😂本來基本價錢已經包左時令海鮮，不過我同朋友額外加錢食龍蝦同刺身。其實原來基本價錢已經包買前菜，可以比客等緊蒸海鮮的時間，可以食住等。因為蒸海鮮要等6分鐘，如果無前菜，得個望住個爐都心急架😣😣一大盤海鮮，岩曬超級鍾意食海鮮既我。依間餐廳特別既係會加埋粉絲去蒸，加埋超多蒜，啖啖蒜香味。粉絲唔會無曬水份，好幹身，反而仲保留海鮮既鮮味，最抵讚！海鮮都好新鮮，另外龍蝦好值得加錢，感覺有左龍蝦，一切都upgrade 曬🤩 食完海鮮，可以選擇粥底湯底或者其他火鍋湯底繼續食食食。我地揀左番茄同沙爹味，估唔到依兩款湯底都有濃味，特別係沙爹味，好像去左去食落左好多沙爹醬既魚蛋。火鍋材料都有豐富，有花膠，蝦，脆鯇魚，九肚魚，肥牛，羊肉等等，算係幾有誠意😆😆由於我地加左刺身錢，所以可以盡情叫刺身。不過最後我地都係只係叫左一次刺身，就唔再叫。其實唔係唔想食，只係食左海鮮再加火鍋，我地真係無肚可以食😂😂實在太飽啦食完正餐，食埋雪糕就可以完滿結束😂😂總結：我地估唔到會食足兩個鐘，時間過得好快，平時食放題都會提早食完走，今次

天氣突然又轉凍，俾個朋友仔拖咗去食蒸鍋，希望可以䁔下個身。去到發現好多人，好彩有book到，冇book可能要排好耐🤭 限時食兩個鐘蒸海鮮盤去到有個日式拼盤小食，一邊點餐一邊食住先。叫咗2種口味既火鍋底，之後就等火鍋底滾。滾咗之後就係重頭戲😍 我嘅海鮮盤放咗喺火鍋上面蒸，個staff幫我哋禁時間蒸。海鮮有聖子，扇貝， 蛤 ，龍躉，鮑魚等，當然要加$60要龍虾，感覺好抵呀，平時龍虾貴嘢。食材都好新鮮，仲有粉絲有好濃既蒜香味。食完蒸野之後,見到可以點其他嘅蒸物。我同朋友就揀咗為淮山同顯。佢呢個時間,蒸到啲淮山啱啱好，唔會太軟綿綿。刺身刺身薄切,甜蝦都好新鮮。係咁凍嘅天氣,都想食熱野,所以今次淨係嗌咗好少。火鍋料有唔少既打邊爐材料，打邊爐一定要叫牛肉、響鈴、菜等等。牛肉薄切,十下就好快熟。仲叫咗花膠仔同魷魚，魷魚好大嚿,食落啖啖肉。特別想讚嘅係啲菜，好新鮮，令我嗌完一盤又一盤。

呢晚放工約左同事行街食飯，佢話有好野推介。原來佢book左蒸鍋，6點去到已經有幾枱人食緊野，原來早食飯避過高峰排隊潮之餘仲平左$20🤣放工餓餓地，無奈食蒸氣火鍋，就算再火力再大的蒸爐因為不是預先煮好，所以都要默默等佢滾同蒸熟啲野食。呢個時候店員送上這碟免費的餐前小食～起默默等待又非常餓底既時候，呢碟餐前小食既角色就好重要！有我最愛既中華沙律😍😍😍😍😍食完碟餐前小食，啲海鮮就岩岩食得嚕～平時食蒸鍋會驚唔知啲海鮮熟未、食得未同蒸幾耐，起度食就冇呢啲煩惱，因為店員會set好個計時器，到時到候就過黎幫你拎開個蓋，等你慢慢食完之後，再幫你蒸下一碟👏🏼呢度個自助醬料吧都幾整齊，醬料既選擇都唔少我地追加左個龍蝦，肉質鮮美，彈牙有口感， 如果唔係怕食唔落其他野都想再叫多隻黎食🤣😂至於預設既海鮮都唔少，鮑魚、生蠔都有，兩個人食完滿滿既一盤之後已經飽飽地😂😂不過火鍋放題就緊係要食埋佢～！肉類就叫左肥牛同黑豚肉片，肉色鮮紅，都幾新鮮。平時叫蝦好驚唔新鮮，食落會「梅」，不過同事想試就試下啦🤣又幾好啵，蝦頭冇變黑，肉質都幾爽👍🏼👍🏼食食下發現出面有一大班人等緊位😳原來七點幾已經座無虛席😱早黎既我已經飽到不行了，

話說壹蒸鍋係朋友仔們的糧尾聚餐之選，所以今次我地又黎食喇XD 差唔多兩個幾月無黎，估唔到壹蒸鍋都仲係咁多人，好彩一早訂左位，等左一陣就有得入座。老實講，壹蒸鍋的環境係有少少迫，而且有時撞正多人仲會幾嘈，不過呢度真係好在平靚正，二百零蚊就有蒸汽海鮮+火鍋+放題，所以就算佢幾嘈都會黎XD (其實我地又傾計又講笑都好嘈XD)海鮮依然係唔差啦，有帶子、蝦、魚、蜆、蟶子，份量剛剛好每人一件，所以樣樣都試到，個人覺得最好味係帶子，蒸完都唔會縮細或變硬，成個海鮮盤下面仲鋪左一大堆粉絲，加埋蒜茸好惹味。海鮮份量幾大，食完呢轉都已經有少少滿足，細食的朋友可能會有一半飽。之後就叫左刺身，當然就唔係貴價餐廳咁高質素，但入口對得住個價錢，件件厚切無手軟，入口唔會有雪味，每件都夠凍夠鮮味，食過咁多次都無因為唔乾淨而唔舒服。個人推薦甜蝦，隻隻都連頭咁上，唔係一般個D幼身甜蝦，食落甘甜軟綿。跟住都仲叫左唔同火鍋配料打邊爐，肥牛前前後後叫左10碟以上，每次都無漏單，而且碟碟都幾靚仔，肥瘦分佈適中，唔會好多肥膏成口油；魚肉都新鮮，煮兩煮就食得，唔會覺得太多骨。整體黎講性價比仍然保持到，下次糧尾都會再拉大隊黎食。

近來真的很多蒸海鮮的店舖，不過不是每間都有價廉物美，超大份量提供。但這間價錢不貴，絕對可以一試~~!當中當然首推蒸海鮮窩，再加龍蝦和刺身。點選好鍋底後，在等待的時間，可以先吃前菜，現在前菜有一客壽司跟冷盤小食，味道尚可，反正等待主菜，可以先吃吃~飲品和調味料都是自助形式~(熱櫃)飲品種類很多~~~而且因為現在是冬天，店裡竟然提供了飲品的曖櫃~~!!所以有熱飲哦~很貼心~!!!刺身有十多款可以選，我最愛的都是油甘魚~~味道不錯，沒有雪味~當中的蝦刺身很鮮甜~~~馬刀貝都很爽脆~蒸海鮮來到~~~超大一份，內容都很捧~!!!有龍蝦、扇貝、蟶子、大蜆、蠔、龍躉肉片、鮑魚、大蝦。每一款都新鮮~~~而蒸海鮮鍋的重點當然就是把海鮮的精華吸收起來，用來做火鍋湯底~~今次我選了香茜皮蛋湯底。正因為香茜皮蛋湯底味道不會太濃，所以混合海解精華後，湯底的鮮甜度會有一定的提升。如果想繼續吃清蒸食品的，可以在點選紙上剔選，有雞、魚、豚肉、小籠包等，以供選擇。而我就怕吃太多吃不下火鍋，所以直接開涮~~不得不提，這裡的牛肉很不錯!!!肉夠香，夠嫩!!大愛~~再來必選蝦子~剛才都有提到，刺身蝦的味道很好，而火鍋用的蝦都

近日香港天氣寒冷，最好果然是吃火鍋又到蒸汽火鍋的時間了~最愛蒸汽火鍋+海鮮這個配搭了有火鍋之外更有刺身~點好湯底之後就坐等海鮮啦~~~等鍋的時間不怕悶~有刺身有前菜食不過記得不要吃太多前菜吃飽了飲品櫃有3個~最重要是有暖櫃啊!!!!冬天食火鍋誰說一定要凍飲啊?我這種怕冷的孩子都是要熱茶的!湯底同海鮮一齊到~計時開始!等待開餐~蒜蓉+海鮮+粉絲到底是誰做出這樣的配搭!?太好吃了吧剛煮好的海鮮又甜口感又好~只吃這層海鮮就心滿意足了話雖如此，不過還是要吃一點蔬菜跟肉作為結尾

是晚天氣涼涼地 相約左同事 二人行黎到一放工就急不及待黎到 未點湯底之前 就有一碟幾款小食送上黎有我最愛既芝麻八爪魚之後叫個刺身盤仲會著燈好搞笑 然後點左鴛鴦湯底 番茄同沙爹二種海鮮蒸盤當然唔少得 仲另點左半隻龍蝦未蒸前既樣子 好大盤啊職員會幫手按鐘計時好快就食得蒸完 香噴噴 好香蒜容味仲有好多粉絲 吸海鮮既精華但略覺粉絲唔夠咸味 加返少少咸味 就perfect 龍蝦啖啖肉 好味推薦加返黎試下仲有最愛既大蟶子好滿足 好大隻 仲有其他鮑魚 蝦 魚 蠔 扇貝 都幾多款 樣樣有d 食完蒸鍋就可以點打邊爐料啦番茄湯底略略酸左d 沙爹湯就好濃味 唔錯肥牛 同黑豚豬都唔錯蝦一定要食 都幾大隻 仲有墨魚 唔係間間打邊爐都有得食通常食米線先有既墨魚頭 呢度都有如果細食 可能食海鮮盤都飽左一半再打埋邊爐好飽飽到上心口 仲要食雪糕食左二粒雪米糍作結小結呢餐好抵食 每人二百幾 就食到咁多野質素亦唔錯 有蒸海鮮又刺身又火鍋 限時二個鐘 蒸完海鮮 打邊爐 可能要食快少少 會有d趕

自問女仔嚟講都算大食，但我呢班朋友嘅胃比我更誇張，所以每次出去唔係放題、雞煲就係打邊爐。不過早排搵到呢間壹蒸鍋，竟然可以一次過食晒蒸海鮮、粥底、打邊爐再加刺身，今次gathering就一齊試試去。刺身加$30就有一位，平時出去食幾舊三文魚都要$48，所以勁抵食，不過可惜我遲收工，去到朋友已經食完賣相最精美嘅第一輪，不過刺身質素第二轉都唔差，encore左幾次先肯開始食蒸野。蒸海鮮盆陣容非常鼎盛，蠔、蜆、聖子、鮑魚、蟶子、鱔魚、龍躉、扇貝同大蝦，食完幾轉蒸物已經好飽，而追加精品有唔少得意食物，包括小籠包、流沙芝士棒、金錢肚、章魚燒等等。食晒蒸品後就到粥底，由於吸收晒頭先海鮮精華，咸鮮味極濃，所以都係唔食咁多，留返個粥底打邊爐。食完蒸盤到打邊爐，食哂海鮮仲有好多唔同配料，除咗一般丸、菜，仲有手切肥牛、牛脷片、牛展肉、花膠、青口等等。醬料方面勁厲害，好似海底撈一樣，醬料多到數唔晒，牛肉汁、沙嗲醬、桂林辣醬、蒜蓉、甜酸醬、日式芝麻等等，能夠完全刺激味蕾。甜品方面有雀巢雪糕外，仲有雲呢拿和紫芋雪糕糯米滋，就算食到幾飽都忍唔到口食多幾粒糯米滋。餐廳唔大，座位亦偏迫，不過上菜速度算快，亦無漏單情況。

隔咗幾個月又再到訪一次，因為呢到真係好就腳之餘，店內位置夠多，唔需要等太耐都好快入座，真係非常適合我班無乜耐性嘅朋友仔啊(笑)。是日照舊蒸鍋加火鍋199，額外刺身加龍蝦，285每人埋單。先是頭盤，分別有壽司、中華沙律、八爪魚等小食。再來就係刺身盤，食過壹蒸鍋嘅就知，開始時要收斂地柯打少少份量，因為要留番部份胃容量去盛載之後嘅蒸蒸美食，所以刺身同小食就最岩邊吃，邊等蒸鍋慢煮。有得食喇！蒸鍋味道保持水準，海鮮新鮮而且份量均衡，唔怕同朋友爭崩頭，人人有份。食完個鍋，侍應問需要加單嗎？由於上一次無留意，原來柯打紙最高高係有得再追加蒸品小食，於是最後每人都分別叫咗些少蒸品，一於試新野。例如：小籠包、流沙芝士棒、水晶餃、日本章魚燒等等。都係叫人十分好奇！唔需要等好耐，侍應已經將新追加嘅蒸品送到，過程都不需3分鐘，十分快手！簡單咁放係蒸鍋又慢煮，期間可以追加刺身、或者準備柯打火鍋配料，咁就可以最快捷同順利咁進行下一個環節：打邊爐！小籠包蒸好後相當搶手，有湯汁、正常尺寸，個人覺得可以一次過柯打多幾件小籠包，每人三隻就差不多；日本章魚燒第一次試，味道又幾新奇啵，唔伏可以一試。到呢一刻已經開始解開褲頭繼續

本住中伏嘅心去寫 點知有驚喜龍蝦海鮮蒸鍋 $229 位+ $30任食刺身  (+10%)價錢已經包哂幾款海鮮,醬料, 任食邊爐配料, 指定蒸品, 刺身, 雪糕, 飲品首先有前菜醫下肚先~個龍躉要嚟最後放落粥底刺身都嚟左~甜蝦, 三文魚同油甘魚都好正~一啲都唔會腥, 又唔會太薄切!嘩~真係好多海鮮~ (一人四行) 店員會放個計時器係度~好專業家~有扇貝 蠔 龍蝦 花甲 蜆 海蝦 鮑魚 龍躉龍蝦肉好彈牙又鮮甜~ 龍躉蒸完仲好滑溜~ 樣樣都好鮮甜~食完海鮮就試左蒸品有金錢肚 龍躉頭腩 章魚小丸子 水晶包等等~食埋粥, 就開始打邊爐啦~ 啲料上得好快~絕對夠時間填飽個肚!最後仲有雪糕糯米糍做甜品~滿足~

同大部份火鍋店一樣，限時2個鐘。正正就係因為限2小時，令我憤怒到極點。第一，上菜速度極慢。第二，我等咗個20分鐘，未見有嘢嚟。我吹單，佢竟然理直氣壯咁講話唔見咗我張單。好老實，咁做生意，啲錢咪好易賺？不知所謂，以後都唔再食！

先整個海鮮蒸氣鍋呢個海鮮拼盤都好多野食，聖子，扇貝，鮑魚等。。。另外仲有龍蝦啖啖肉整體都好好，鮑魚又夠爽。咁等食期間梗係食轉刺生先啦~甜蝦好鮮甜，榮螺片又爽~好新鮮~款式又多~之個粥底嘅味道相當鮮甜，融合晒海鮮精華侍應都好好，會過黎提我地要攪一攪，怕痴底。 粥好綿~龍躉魚件又多，食完都飽飽地。雖然飽左5分，但都繼續打埋邊爐肥牛不過不失，但都收貨。其他都都叫左黎食下~之後食埋雀巢雪糕杯同雪米糍~滿足

以為佢係刺身壽司都任食 點知原來係淨係比一疊你 冇得再encore 再encore就要好貴買 但係蒸鍋同火鍋嗰邊係唔錯嘅 啲海鮮都叫新鮮 但係都係計人頭俾你 冇得encore 可以encore嘅都係啲丸啲肉啲菜啲粉麵 但係大部份都好新鮮 特別係啲牛肉 好正👍 仲有 大家都知火鍋好多兜兜碟碟 啲侍應又唔主動啲收 唔叫佢哋都唔過嚟