塚田食堂

營業中

休息中

今晚同朋友黎到坑口，想打邊爐就黎呢度食一人一鍋😋性價比高，一人餐都只係每人$138，加左$20任飲飲品加沙律🥗加一後每人around $170份量嚟講都好大份，而且擺盤好靚😍我哋揀咗壽喜燒湯底，配牛肉真係一流👍🏻其他配料都正常，最緊要有蔬菜就啱我食😎嚟到坑口嘅話都可以一試🧡

原來塚田農場唔止食美人鍋，仲有其他定食都唔錯👍🏻海老牛油果美人卷$43呢個卷嘅內餡非常足料！掂埋附送嘅醬汁就更加提升到嗰鮮味！三文魚親子鹽昆布炒飯 $98呢個炒飯用一個鐵鍋上，一上嘅時候，侍應就再倒啲蛋漿圍住嗰炒飯。嗰炒飯啖啖都饅魚同昆布味，仲有啲飯焦添！增加左好多口感😆好味！雞白湯柚子鹽拉麵 $118嗰湯充滿雞湯嘅油脂感，拉麵係粗麵條，好有咬口，仲有3粒雞肉丸添！總結，野食質素幾好👍🏻環境同服務態度都都唔錯，會不停幫得地斟水😀

早餐午餐都試過，早餐有特色、豐富同健康，同茶餐廳不同，整個用餐感覺係OK。但要留意某一位戴眼鏡及耳環肥哥哥侍應比較冇禮貌，執枱同待客都較粗魯，問他拿一些東西他叫我自己去拎，期望他會改善。至於其他待應都OK 正正常常.

呢間餐廳之前食過都OK所以今日再嚟食🥰夜晚時間七點零鐘唔算好多人 舖頭範圍都比較大 不過近門口位偏熱 坐入啲應該舒服啲～枱面有QR code可以自己掃 另外都有Wi-Fi提供，另外晚市就每人嗌一個套餐 唔可以就咁單點～牛肉壽喜燒鍋燒烏冬定食天婦羅鍋燒烏冬定食兩個餐都有每一個魚生飯 不過啲魚生食落口喺室溫 另外配有豉油同Wasabi 細細個飯食完可以用個碗嚟食過鍋燒烏冬～個湯底都幾濃味嘅，所以用嚟煮烏冬幾有味 天婦羅就分別有兩隻蝦、蛋、茄子、南瓜、粟米 感覺幾健康🍴牛肉鍋入面就有粒大冬菇同埋有一堆腐皮 牛肉份量都幾好枱上面有個爐可以keep住煮嗰個鍋，保持最佳溫度 另外烏冬份量都唔錯，食完真係好飽最咪想嗌雪糕，但係可惜佢冇晒焙茶味😢當日唔算好多客人，但係都幾多職員，所以要搵人嘅時候都幾易～

今日放假，約了好友來到將軍澳東港城的「塚田」食午餐和行街。「塚田」的午餐價錢合理，最開心是有沙律、飲品和甜品自助，飲品種類多，熱飲、凍飲、花茶、汽水都有，咖啡當然是必備的，可以慢慢嘆。「 滑蛋豬扒定食」$83豬扒外脆內軟，肉質非常Juicy，底下鋪滿蛋和洋蔥，不知不覺就把整碗白飯吃完了，正。「 三品料理套餐：沙律和燒雞」$98餐牌見到有三品、四品和五品料理，有很多選擇，燒雞煎得很香口，沙律菜新鮮，還有味噌湯、配菜和漬物，食得出每樣食物都很用心製作。最後飲了兩杯花茶和食埋蛋糕，這頓午餐材料新鮮，又多元化，我和朋友食到好飽，好滿足。

近年好多日式餐廳例如muji café /米氣會出料理套餐，即係日式既3餸飯咁。價錢唔算平，但用料新鮮，調味配搭開胃，飯後配上暖暖既味噌湯，我好鐘意食！今日經開塚田食堂，見到都有類似嘅日本料理，可以揀3/4/5品，正煩惱緊揀幾多品時。。。見到有一個13品御膳！實在令人興奮，一次過有齊咁多樣日本料理，我當然要試試！包括有5份前菜，1份刺身，4份肉類主食，蔬菜玉子甜品各1。前菜豐富，有不同沙律，清新可口，每道都整得好精緻！主食有唔同肉類，由於我唔食牛，餐廳轉了南蠻炸雞給我。我另外加了明太子喺白飯上，好易送飯！以呢個價錢嚟講，可以試咗唔同嘅食品，其實十分超值，加上每一樣嘅質素都唔低，如果同朋友分享就Perfect。餐牌上仲有好多食物，餐廳入邊好多人都有嗌燒肉，下次我都會試吓！

我點了燒金目鯛定食，並加配了沙律和飲品。首先，金目鯛的燒烤非常出色。魚肉燒得剛剛好，保持了鮮嫩多汁的口感，帶有微微的炭燒香氣。米飯煮得香軟可口，完美地搭配了魚肉。味噌湯鮮美可口，提供了一份溫暖的滋味。此外，配菜中的醃製蔬菜和煮蛋都很美味，為整個定食增添了豐富的口感和風味。沙律部分，他們的沙律非常新鮮。蔬菜色彩豐富，新鮮爽脆，搭配著美味的沙律醬，給整餐帶來了一份清爽的口感。這是一個很好的健康選擇，為定食增添了均衡的營養。

收工好肚餓所以叫咗「13品御膳」($168)呢個餐，可以食得飽啲😂賣相好精緻，有13款種類嘢食，入面包咗味噌湯、主食、沙律、小食同甜品，啱晒心大心細嘅人試。主菜有三色刺身、鰻魚、炸豬扒、雞肉同埋安格斯牛，就咁食晒呢幾款都已經好夠，值得一題係個雞肉真係好juicy而且好軟熟！用少少鹽味已經好好食！沙律嘅款式都好多，其中羽衣甘藍沙律最好食！入邊加埋合桃同埋蘋果，爽脆得嚟又酸酸甜甜咁好開胃🤤食哂主食仲有甜蛋同一串豆黑蜜小丸子🍡小丸子真係好食，竟然係有烤過同入邊仲有餡🥺呢個餐真係咩都有齊晒，如果細食嘅仲可以兩個女仔一齊share食。出邊仲有自助沙律同埋飲品吧，加$20就可以無限任添。

上次嚟過食早餐覺得已經好特別，同埋好多選擇，今次嚟見到佢牛類都有好多選擇，同埋唔同嘅食法，有火鍋🍲炭燒同壽喜燒。和牛壽喜燒定食使用具有美麗大理石紋路的鹿兒島和牛，和牛鮮嫩入口即溶，美味濃厚的地頭雞湯，清甜可口，再配上色彩繽紛新鮮的蔬菜，簡直完美！🐔地頭雞湯🐔經過8個小時的烹調令雞骨溶化到湯，從而特製出「嫩滑抖動」的固體高湯！每口都是管養精華，不需要任何多餘的調味，簡單至極的滋味。#塚田食堂#將軍澳美食#東港城美食#和牛壽喜燒

喺唔同地方都經過過呢間餐廳，望一望menu原來都幾多選擇，就入去試試～▪️牛肉壽喜燒鍋燒烏冬定食🥩🍲壽喜燒湯底味道唔會過咸，配料除咗有牛肉，仲有流心蛋、腐皮、冬菇、烏冬等，幾豐富。另外定食仲有啲前菜同一碗細嘅刺身飯，都幾足料，有呑拿魚、三文魚籽、甜蛋、青瓜▪️宮崎紅遙甜蕃薯天婦羅🍠蕃薯香甜，炸得都脆塚田食堂📍將軍澳重華路8號東港城1樓181號舖📍觀塘觀塘道418號創紀之城五期(apm)3樓L3-13號舖📍沙田沙田正街18號新城市廣場一期1樓105號舖📍尖沙咀廣東道3-27號海港城海運大廈2樓OTE 202號舖

連鎖式既日式餐廳，將軍澳店超大間，座位闊落，估唔到午市惠顧任何套餐，仲可以享有飲品同沙律buffet，雖然Mini Bar形式，款式、味道簡便，不過勝在任添唔嬲。另外樣嘅驚喜嘅嘢就係Menu上面日式料理選擇都幾多，咖喱飯、燒肉、刺身，款式多不勝數。作為為食鬼嘅我，今次揀咗Menu上面嘅13品料理，顧名思義即係有13樣日式料理，每樣都係一小碟，完全滿足到我，呢啲樣樣都想食啲，但係眼闊肚窄嘅人13種料理齊齊整整放咗喺一個長方形木盤上，精緻有菜有魚有肉有湯，營養非常豐富。

今日去左 坑口 地鐵站上蓋嘅東港城 行街順便食飯今次食左滑蛋炸豬扒飯定食 以及 南蠻雞定食包左白飯，麵豉湯，豆腐及漬物另外仲可以加$20 去享用salad 吧野飲/salad 任加性價比很高所以加了主食我較喜歡 炸豬扒外層香脆，肉厚，鬆軟不老配上蛋漿香濃這個價錢來說 性價比不俗另一道主食南蠻雞首先份量很多 其次 炸粉不厚咬開後仍然很厚肉味道方面外層是日式醃粉的味道層次豐富相較之下肉味小淡配上生菜解解油膩感salad 吧有多款罐裝飲品及果汁，茶類也有些salad 跟小甜品味道正常勝在多選擇在其他地方叫一杯飲品都20/30元所以的確十分化算

不論早午晚，多次幫襯，坐位寬躺，性價比高，唯獨去油煙情況未太理想，當多枱都食用燒肉餐時，餐廳內油煙情況有待改善。燒肉餐最平由$88起，而晚市加$20就可享用自助飲品、沙律及甜品蛋糕無限添加，坑口區內算是性價比最高的日式餐廳👍🏻

晚上嚟左呢間塚田食堂Menu選擇幾豐富，有多種搭配揀左牛肉壽喜燒鍋燒烏冬定食，有牛肉、烏冬、春菊、腐皮、溫泉蛋最驚喜係有一細碗刺身飯上枱要放係平板爐位置加熱加熱速度幾快，大約熱2分鐘就滾起壽喜燒汁甜甜地，烏冬幾煙韌另一款叫左南蠻炸雞定食有炸雞、沙律菜、味噌湯、三款小配菜配菜味道幾清爽，特別係蒟蒻味噌湯幾順喉，唔會死咸炸雞份量適中，炸粉皮唔會好厚配埋沙律醬汁食好惹味整體食物水準唔錯性價比幾高，值得一試

塚田農場價錢💲: $68/ $88+8/ +$8好味程度😋: 4/5服務🍴: 3.3/5 (早餐時段人手比較小啊)環境🗾: 3.7/5性價比🥢: 4/5回頭率😚: 4/5 (早餐)-係香港要食日本個啲朝食幾乎冇乜地方有。佢地朝早會食的飯、三文魚、麵豉湯等，好豐富！無意中行過呢間鋪頭有做朝食套餐，諗都唔諗第二日就去左試啦！見到都覺得超日式阿，好似去旅行的早餐咁，食完飽到下奏🤣 佢哋可以選擇唔同套餐，分別係主菜同配菜數量的分別、又有幾款麵食等等。-五品朝食套餐。🆗牛奶炒蛋🥛。唔係特別滑，煎得有點薄，調味ok。✅✅3種蘑菇牛油炒。有冬菇金菇本菇，好香牛油味，啲菇菇入晒味🥳✅✅築前煮。用魔芋、紅蘿蔔、牛蒡煮。日本醬油甜口味，令魔芋呢d平時無味的嘢都入味了🤩✅香炸白身魚。好似港式的煎魚柳，粉漿小厚，但魚肉有口感唔會太軟。沾他他醬絕配！✅✅燒鮭魚。魚油香十足，燒得好香口，必選😆🆗🍅湯。呢個就一般了。好似開水的感覺。✅迷你烏冬。清高湯+小小腐皮，清甜的湯底，經典的配搭。烏冬都係粗粗煙韌的！😚-13品朝食。以下的品項都係上面無的！🆗羽衣甘藍沙律。酸酸的，有核桃，可惜個人對羽衣甘藍麻麻地。✅蛋黃醬沙律。