塚田食堂

營業中

休息中

收工好肚餓所以叫咗「13品御膳」($168)呢個餐，可以食得飽啲😂賣相好精緻，有13款種類嘢食，入面包咗味噌湯、主食、沙律、小食同甜品，啱晒心大心細嘅人試。主菜有三色刺身、鰻魚、炸豬扒、雞肉同埋安格斯牛，就咁食晒呢幾款都已經好夠，值得一題係個雞肉真係好juicy而且好軟熟！用少少鹽味已經好好食！沙律嘅款式都好多，其中羽衣甘藍沙律最好食！入邊加埋合桃同埋蘋果，爽脆得嚟又酸酸甜甜咁好開胃🤤食哂主食仲有甜蛋同一串豆黑蜜小丸子🍡小丸子真係好食，竟然係有烤過同入邊仲有餡🥺呢個餐真係咩都有齊晒，如果細食嘅仲可以兩個女仔一齊share食。出邊仲有自助沙律同埋飲品吧，加$20就可以無限任添。