堅信號上海生煎皇 (軒尼詩道)

營業中

休息中

你地個侍應妹妹（Yan）真係好熱情有禮貌又主動，由我同個friend一踏入門口就已經上前詢問我地幾多位又帶埋我地入座，推薦咗店舖嘅招牌生煎包比我地，又會remind我地生煎包係新鮮出爐，需要小心熱同埋爆汁，講返個生煎包，包面有芝麻同埋蔥花，包底煎得金黃，一啖咬落去特別香口脆身😍食完四粒唔夠喉再嗌多咗四粒😋真係好好食，亦都希望哩一位侍應妹妹可以繼續keep住咁優質嘅服務態度👍🏻👍🏻👍🏻

作為一間主打生煎包嘅餐廳，當個生煎包落單一分鐘就上菜，唔係現煎係會失望嘅。咬開肉汁豐富（同埋唔使驚焫親，因為唔係好熱㗎咋😂😂😂）（都完全唔熱燙，唔使吹喎）但個皮嘅味道粉感重，唔太係包嘅口感味道反而似係食緊餃子皮。同唔夠脆底就唔多掂。（講生煎包質素後面街嗰間祥x記大勝，唯一係呢度有堂食位坐呢點勝）擔擔麵都係兩分鐘上菜嘅預制品，但相對麵質合理，有花生味，略嫌湯底偏油偏甜。感覺個味道有少少似之前啲雪糕拉麵咁有啲怪怪哋，整體小辣係無乜辣味，印象只有個甜字😂排骨菜飯就應該係即刻整嘅。如圖所見個排骨乾爭爭扁撻撻咁。同埋個菜飯無乜味，吃了個寂寞Ok 係 for 個環境同速度，食物本人係不太okay 的

這家餐廳就在公司附近所以偶爾我也會去外賣因為可以在手機預先點餐所以更加方便堅信號的麻醬五彩冷麵、生煎包和灌湯小籠包都是我的最愛生煎包做得也是香港最好的包𥚃面湯汁非常豐富一口咬下去真的會湯汁四射目前是我的排行榜第二位因為第一位是我在上海食過的保羅店另外麻醬冷麵也很好食那個麻醬汁調得非常好味真的吃到醉到了而灌湯小籠包他們也做得不錯小籠𥚃面湯汁豐富肉鮮味美吃很多個也不會足夠的哦最後希望店家午市套餐可以考慮加入麻醬雞絲粉皮就好了

午市套餐有多款選擇，是麵/飯配小食和一杯飲品(部份飲品需加錢)，亦可以不配飲品。今次點了擔擔麵和兩個小籠包，飲品不要。擔擔麵選了小辣。味道不怎樣辣，花生醬/麻醬味偏淡，花生粒也非常少。並不合我的口味。小籠包熱烘烘，皮薄而略有湯汁，算好吃。我沒有點任何飲品。服務中規中矩，環境尚算舒服。下午一時亦未見排隊人龍。

最近去咗灣仔返工，已經去過好幾次食午飯了。通常唔係特別深刻好食/唔係伏嘅我係唔會寫食評，但我忍唔住要幫佢寫👍🏻我會綜合埋上幾次咁寫已經食過新嘅蔥油撈麵，上海粗炒，今日試埋湯麵，同埋小籠包，生煎包食得多，今次有機會試小籠包。蔥油撈麵真係唔錯的，個感覺唔會好油膩，份量啱啱好。上海粗炒ok一般，唔係唔好食，係好食嘅，但平平無特別。係我第一次去嗰日，唔知係唔係坐冷氣風口，個粗炒的確有d凍。但之後再去食個溫度已經正常返，所以我就覺得食物變凍應該係我坐風口位問題。到今日食嘅豬扒湯麵，其實主要都係想讚呢個豬扒湯麵，所以決定寫食評。我一向好怕食清淡嘅麵，因為食過好多都唔好食，「滾水麵」，d麵質又差，所以我都係抱住「唔好食嘅大日就改返食撈麵粗炒算了」嘅心去試食嘅，食落口，麵質係彈牙嘅👍🏻有掛到湯👍🏻個湯睇落去無色亦無咩濃香，但原來個湯係有味道的！連帶個麵食每一啖都有味道。雖然我都有加咗少少辣醬食，但真心感謝呢間堅信號真係識煮清湯麵👍🏻個豬扒都好好食，有d甜味嘅，我嘴細，有d難咬開，但唔硬，味道亦都新鮮嘅👍🏻小籠包好食嘅，但我感覺味道係蒸嘅生煎包，同我食開嘅「蔗渣級小籠包」好唔同👍🏻一一一因為我去親都係午

又係返學前搵食，最近‘堅信號’係公司附近開左，近近地就試下啦！放工仲有下午茶，揀左我最愛擔擔麵配生煎包再配蜂蜜綠茶💰$43 擔擔麵+ $16 生煎包以前係深水埗舊鋪間唔時會食，但今次食退步了，色澤上可以，但少左份香濃味道，麵質亦過淋。生煎包還保持到水準，但唔知係咪煎定，食既時間唔夠熱！最後配蜂蜜綠茶反而有驚喜，味道唔錯喎😅總結：位置近地鐵站出口、室內環境可以、食物水準一般，下午茶價錢合理、一試無妨啦！

平日午餐時段，不用等位，我就二話不說入咗去。餐廳背景音樂播放住佢哋嘅主題曲，好彩唔係好洗腦😆點咗一個午餐set，要擔擔麵加小籠包配熱檸茶。小籠包算係不過不失，咬開會有湯汁，味道係大眾化嘅豬肉味，不過要小心頂部封口位置係開口，翻轉咗舊小籠包夾嘅時候，湯汁會倒咗出嚟😅擔擔麵相對有啲令人失望，佢嘅辣係10小辣都無，只係食到花生醬嘅甜味，變咗似係花生醬湯麵咁。佢嘅麵量相對地算係少，細食嘅女仔就ok，男仔食起碼要兩碗先夠。

「堅信號」由一個前藝人白手興家的勵志故事。相信他當年決定隻身飛往上海學藝一年，返回香港在旺角經營了一間蚊型生煎包店默默地經營。經歷過疫情，仍可以做到有聲有色，絕對係靠實力。今日就去灣仔主攻生煎包，平日午飯時間，店員有禮帶位，我緊緊涉到一個位，生意都唔錯。生煎包一共四個$40 基本上用手機下單，生煎包唔使兩三分鐘就上枱了。枱面上有教客人怎樣食生煎包，我就用自己嘅方法一啖咬落去，真心出事，啲湯汁bid 晒到對面，好彩冇人坐對面。生煎包面灑上幾粒白芝麻，皮有一定嘅厚度，包底十分香脆；湯汁鮮香，肉球有肉香而不蘇，最意想不到係會食到咀黏黏，因為肉質新鮮；充斥着膠原蛋白，好好味！印象中只有在上海吃過這樣高質的生煎包。

一直食開旺角堅信號，之後閂咗，咁啱到灣仔試下呢間分店。生煎包（四件）上菜用不鏽鋼碟，個碟好凍。 即使係即刻食，個包、湯汁都變凍咗，個皮好韌，底嘅脆皮都硬埋。豬肉餡都係好食，有汁。希望可以換個碟。第一次試小籠包，熱辣辣，湯都仲辣口，加埋薑絲同醋都唔錯。稍嫌皮厚咗D。酸辣湯唔會好辣，筍、木耳絲好多。I may not visit this shop for the King bun in Wan Chai again. If you are looking for unique food in Hong Kong, I would recommend you try other food except the King bun in 堅信號.

上次行過～買咗杯 #紅豆凍奶茶 已經好想入去試吓，今日特登去灣仔日式淺木色嘅裝修門口已經非常吸引⋯⋯有好多一家大細去食即食物都好啱小朋友用QR code落單明明個午餐$65最佳小食 可以加到$156，太誇張了吧😂🌀第一個午餐🌀🔸#上海排骨湯麵 🍜 $65鍾意佢嘅湯～ 淡淡的，唔係好濃烈嘅味道面嘅軟硬度到適中，唔會因為放得耐而林咗排骨鬆化，肉質亦都鬆軟，一人一件好快冇晒😅🔸#灌湯小籠包(兩隻）跟餐好食喎，唔係太大隻，啱啱好放入口皮薄包住肉汁👍🔸#堅信號生煎包(2隻）$16一定要試吓呢度嘅王牌外皮煎得脆卜卜，入口鬆化爆汁，好食🤗🔸#堅Gur巨峰梳打 $15我諗好好飲，妹妹轉頭飲晒🔸#韭菜水餃(3隻) $18反而水餃肉質比較硬好明顯係唔新鮮🔸#酸辣湯 $12大大碗，真心好抵正常嘅酸辣湯味😁🔸#金箔蟹粉小籠包(2隻）$30有一點金箔喺小籠包皮上邊高貴晒～淡淡的蟹粉味，都好好食但濃味啲更好，不過畢竟$30兩件😅🌀第二個午餐🌀🔸#川味口水雞菜飯 $78口水雞好好食，麻辣汁好香，雞肉都好嫩滑菜飯太大碗，根本食唔晒🔸#相思紅豆奶茶 $15🧋其實上次外賣嘅時候樽載著好靚今次你個藍色嘅膠杯真係冇乜胃口，淨

我向來都好愛吃生煎包😍! 好的生煎包皮脆內軟，肉餡鮮味，超好吃的～最近大名鼎鼎的🧡堅信號上海生煎皇𝐆𝐢𝐧𝐠 𝐒𝐮𝐧 𝐇𝐨、潮牌👕𝐍𝐞𝐰 𝐄𝐫𝐚 及 本地藝術團隊✍🏻𝐏𝐚𝐫𝐞𝐧𝐭𝐬 𝐏𝐚𝐫𝐞𝐧𝐭𝐬合作呀(⁎⁍̴̛ᴗ⁍̴̛⁎)!! 三方聯手，推出限量版帽飾、主題貼紙包、「堅係好包」套餐 及 黑魅菠菜鮮蝦蒸餃等一系列新產品，大家又怎能錯過呢～套餐有椒積雞扒刈包、春卷脆脆和堅𝐆𝐔𝐑巨峰梳打🍇，好豐富呀😚! 刈包大大個，雞扒軟腍，春卷好香脆，好吃(≧▽≦)! 我另外追加了新的蒸餃，好滿足呀～𝟏𝟎月𝟏𝟑號起，在全線分店吃「堅係好包」套餐，即送主題貼紙包。而𝟏𝟎月𝟐𝟎號起，在灣仔分店，可換購限量版𝟗𝐅𝐎𝐑𝐓𝐘帽和迷你帽袋鎖匙扣。兩款都相當有型，記得買個回家囉🤩～

今晚經openrice 外賣，點了很多食物，但服務員可能太多單而比少左一些食物給我，其後我打去餐廳了解，經理連忙表示唔好意思，請我回去取回。到了餐廳，經理已準備好食物，還特意送上小食雞翼給我，我表示多謝及讚他們的生煎包真係好好食，拎到返屋企仲熱辣辣及爆汁，經理聽到即送多我四個生煎包，表示唔好意思要我行多轉及支持佢地，到我被佢搞到唔好意思🤣🤣員工真係好親切，要多多支持佢地👍

同事之前黎過, 今日終於輪到我了.午餐時間有套餐. 包兩粒小籠包. 一個主食同一杯飲品. 我叫左呢個秘製豬扒菜飯$70, 飯order左小飯但都超大碗, 有嚇到.秘製豬扒甜甜地. 好好味. 重點係一d都唔un. 好林.  個菜飯都幾多菜. 但點解少飯都咁大碗. 正常size究竟有幾大碗?套餐內包的小籠包, 呢個等得比較耐, 即叫即蒸, 有晒煙夠晒熱. 小籠包內有湯汁. 食時除左要小心熱之外, 重要小心佢的湯汁會爆出黎.味道不錯而且皮唔算厚. 幾推介.同事超推介呢個生煎包, 套餐可以加$16就有兩隻. 若果normal 一碟係有四隻.睇落去平平無奇, 點知一咬落去. 裡面的汁爆到我d頭髮同個身都係.. 真係好彩身邊無人坐. 咪真心好大鑊. 生煎包其實同小籠包好似, 只不過一個蒸. 一個煎. 同樣係好足料. 個皮都好薄.但大家第日食時真係要小心食.同事叫左擔擔麵套餐, 但男同事話呢個份量就算再加生煎包都係唔夠飽. 另一個就單叫酸辣湯麵, 呢個係無餐. 所以唔夠食就要再加其他小食同飲品. 總結, 食品不錯. 但食飯時間坐位都會幾迫. 同埋食完就即收搭碗碟.  坐唔耐. 

📍堅信號上海生煎皇 - 灣仔返工成日經過堅信號但一直都未食過！今日自己享受個metime Lunch一於去試下個午餐Set先😋L2.四川擔擔麵 $59有前菜小食同埋個麵都係60蚊有找👍🏻灣仔lunch嚟講都算經濟實惠！前菜小食揀咗灌湯小籠包(2件)等一等食物就好快上枱啦！小籠包入面都幾多湯汁💧趁熱食 食嘅時候要小心淥襯嘴🤣 層皮都算幾薄！味道咸香😋餡料都幾飽滿💪🏻擔擔麵辣得幾惹味🌶有花生醬底！麵質適中唔易浸到淋晒！食到尾仲可以保持原本麵質都算唔錯🍜麵身掛汁😋食麵同時飲埋湯汁👍🏻今次食小籠包入面都有咁多湯汁！下次要試埋最出名嘅生煎包👍🏻睇佢究竟會幾爆汁🌊

週末響灣仔附近匆匆忙忙食午飯，所以一如以往都係買外賣上去人哋度食會方便好多，跟住響附近睇緊有乜嘢好食，就會有人提議食下堅信號，加上佢都幾靠近地鐵站，響地鐵站行過去都好快到，等嘢食嘅時間都唔算泰萊，係可以接受嘅，個人認為總好過午飯時間要搵位。今次帶咗個一人餐，主食係椒鹽脆王魚湯麵，Siri唔吹黃魚返到去食嘅時候都仲係趣嘅，味道亦都唔會太鹹，面嘅份量都可以，湯嘅味道亦都唔錯，整體嚟講係可以嘅。另外個餐加咗兩隻生煎包，包裝盒都幾環保，同埋冇咁多倒汗水，生煎包嘅正面感覺好似唔係煎得好透，生煎包嘅皮有少少煙韌，唔係好似上海嗰隻，不過裏面嘅肉同湯都算多，整體不過不失。仲有叫咗個酸辣湯嚟試吓，酸辣湯嘅味道都係比較偏向港式口味，同埋材料方面比較少，跟餐嚟講都算係不過不失咁啦。