坤記粥店

營業中

休息中

我在外賣叫了鹹肉糭，俾咗一碗粥我，我打去店舖度查詢，有位女店員一聽電話態度非常差咁講：「喂，講嘢丫」！之後我話送錯食物，佢再問我：「咁你想點呀？」非常不愉快，自己搞錯嘢仲對客人不禮貌鬧人！一定不會再幫襯！

超大間傳統粥店，夏日熱辣辣嘅中午店內都坐滿人。傳統粥店真係買少見少，超抵食，生滾粥。個粥底好綿，一碗都好夠食。唯一係地點較偏遠要行上山但葵涌附近嘅粥舖應該得佢// 艇仔粥好足料，不吝嗇地俾花生，多魷魚、豬皮、油炸花生米、炸米粉絲。熱辣辣，外賣自取好好味見佢啲腸粉都超平10幾蚊，大大碟，大癲。下次一定要叫炸兩食！！！

昨日本人在此坤記石蔭路粥店外賣, 購買一碗魚片粥, 女職員找錯錢並及發錯貨品, 在店內我已重複問了是否魚片粥, 女職員說是魚片粥, 但返家才知道發錯貨, 這女職員發錯了一碗綠豆粥, 並且即時反映這女職員找錯錢, 她沒有道歉而且服務態度差. 之前亦發生同類情況, 找錯錢, 和對客戶服務態度, 常常黑口, 劣質服務態度

天氣凍去食就岩岩好，入面衛生一般，裝修舊式，價錢都算平。艇仔粥20蚊已經食到，叫炸兩可以要求職員要即炸既油炸鬼。腸粉份量多，但味道一般，皮太厚。燒賣都可以唔洗試，反而我每次去都會食蒸蘿蔔糕，豆漿有啲甜，可以叫杯裝或者碗裝。坤記粥底都唔錯，起碼食完唔會一口味精好想飲水，今日食左及第粥28蚊都好足料，肉片好食，咸肉糉正正常常17蚊。呢到啲職員姐姐好勁，你一路講食咩，佢地會記低哂再同廚房講，完全唔會用手寫單。

懷舊小食懷舊裝修，地下仍然係舊有紙皮石磚上面留下不少歲月痕跡。街坊生意收費唔貴，亦多懷舊小食，例如：鬆糕、 白糖糕、黃糖糕、煎堆 等。而要醫肚嘅我揀咗以下幾款。🍜炒麵 $11炒得唔錯無燶無乾硬，唔算好油仲有椰菜絲👍🏻唔知大家鍾意加豉油定甜醬，我係❗️加甜醬🧡📍腸粉 $11份量正常，腸粉唔夠滑可以再滑啲。重點❗️甜醬花生醬仼唧🧡📍燒賣 $11有7粒算係多，不過燒賣好似唔係好有味。❗️加甜醬🧡📍皮蛋瘦肉粥 $22大碗，皮蛋✅但粥底未算好好味不過不失。飲品：豆漿 $5唔錯香濃黃豆味👍🏻❗️只收現金❗️人均消費約$30 ，都算係親民。

今日我係foodpanda 到叫外賣，叫左3碗粥，燒賣，一份炸兩同一份蝦米腸。3碗粥我就食唔到啦，因為俾個foodpanda 送遞員倒瀉哂🤬炸兩個油炸鬼好硬外面個腸粉皮甩晒，個蝦米腸食落似齋腸粉，又冇味又唔滑，呢兩樣可一不可再。至於個燒賣唔係該店出品，不作評價。同埋係度奉勸大家唔好foodpanda 叫粥，今日我叫呢間粥外賣，foodpanda 個送遞員好冇責任感，倒瀉哂我3碗粥，仲要就咁放係我屋企門口，又唔㩒鍾通知聲🙄仲要我通知個客服個送遞員先話放左係門口，超差。

這是我媽家附近唯一的粥店。唯一？！對，這種舊式粥店，真是買少見少，磁磚牆，紙皮石地板，地方還很企現，很難得。今天見它油條剛炸好，於是坐下來吃，外賣的話，回家油條會變得「軟淋淋」，浪費😜。我還點了碎牛粥，它加了點白粥底，所以不是太鹹，牛肉份量充足，跟很多外面的粥店「米粉多過牛」的很不一樣，是一碗絕無欺場的牛肉粥。真抵死，店內今天來了新店員，廣東話麻麻地，我點「碎牛、炸麵」，她竟然不知什麼是「炸麵」，但油條來時，她又懂把油條剪開兩段，我不需用手，筷子便可，醒目！由於是剛炸起的，香、脆，部分沾粥，部分光吃，嗦嗦聲，很滿足！

呢間粥店真係有家的感覺，啲粥煮得好好食！！！ 特別係瘦肉粥，大愛❗️每次去親都會食，啲瘦肉鹹得好適中好好食，豆漿亦都甜度適中，好一流，但價錢加價幅度有啲大，不過算合理，因為好好食❗️

又喺兩公婆完咗星期日聚會而打算即興行轉短山，打算由石籬起步，沿金山路行到去九龍水塘，再經樹木研習徑落番九龍接收水塘，之後經長坑村落美孚。所以，今日經過石蔭一帶，就偶然遇到呢一家老街坊粥鋪，捉緊機會，兩公婆就晌度簡單食個輕便午餐。睇鋪面你都見喺好舊式嗰隻，入到裡面，就喺一片懷舊色彩，格仔地磚，一支支4呎白光管，舊式日曆，仿如定格晌八、九十年代。而環視所見，嚟幫襯嘅人都喺佔上年紀嘅居多，後生嘅就得好少。近門口一左一右，一邊喺煮粥，一邊喺炸油器，除油炸鬼、牛脷酥，仲有啲舊式嘅鬆糕。而天花仲吊住一包二包嘅食材，喺啲老鋪先會咁。用啲咁嘅粉紅色紙做餐牌，又喺老鋪「專利」，好少餐廳會用啲咁「娘」嘅顏色，但就有種「老」味。食物嘅選擇一眼睇晒，有粥品、腸粉、油品、小食及飲品，仲有幾款傳統中式糖水添，定價相當親民。而枱上就放齊各款調味料，雖然老鋪，但放得整齊，唔會污污糟糟咁。晌呢啲了粥鋪食嘢，服務就無乜架喇，但啲店員阿姐都好有禮貌。魚片艇仔粥 $23 老婆嗌咗碗魚片艇仔粥，除蔥花，並伴有鹹脆花生粒。撈一撈其實都有幾多料，尤其艇仔粥，一向都喺多料嘅粥款，啲魚片亦頗鮮味，不過，佢就話粥底有少少杰，美中不足之處

今朝早餐，去咗尼間好街方好舊式嘅粥舖。一入門口，右邊廚房位煮粥，一眼見到成底好大嘅蘿蔔糕，感覺係自家製的，叫咗來試吓。可惜上到碟，賣相一般，蒸糕，並冇煎，所以糕水分太多太軟，口感一般，不過係見到有蘿蔔絲，起碼唔會面粉多多唔見蘿蔔，不過臘味太少，唔夠香。叫左豬䏴粥，加左皮蛋。粥底好綿好香，但豬膶太熟同硬，好彩皮蛋加粥已經好味。蝦米腸味道不錯，但如果腸粉再彈牙冇咁腍更好！炸兩冇令人失望，外香軟內脆，👌🏻味！

石陰街市附近有間舊式粥店記得小時候已經有到今時今日依然屹立不倒店內亦裝修多年都一樣充滿壞舊色彩粥店多年都都沒有大幅加價價格親民經濟而且味道都不錯👌最常會點的是艇仔粥配腸粉牛脷酥 煎堆都好食👍要數最有特式的其實不是食物是店面的姐姐👩‍🦱其中一個姐姐經常會點其他姐姐做野🥴

放假同屋企人食早餐今次食啲平民嘢先每人叫咗一碗白粥😉白粥煮得好綿🥰唔想食白粥都有好多唔同選擇😊牛肉粥👍🏻魚片粥👍🏻艇仔粥😂⋯⋯白粥都係$7其他粥都係10幾至$20而宜家呢個物價來講都算抵啦白粥點可以唔配油炸鬼啊!!!!!!!仲叫咗每人杯豆漿豆漿太甜不過做街坊生意邊有得揀少甜呀！再叫埋腸粉同炸兩食物即叫即整😊新鮮好味😉呢個傳統中式早餐冇得輸❤️每人平均成為20幾蚊好過日日食大家樂快餐店早餐啦！

堅係由小學雞食到變中女，情意結。細個爸媽帶嚟食，必點齋腸白粥，當年腸粉未興混醬，甜豉油味最好味，白粥喪加鹽lam lam利。家族生意兄弟姐妹個個餅印一樣，唔驚走失。中學時代識點蘿蔔榚，記得一次著住校服食完先發現唔夠錢俾，我怕怕醜醜同店員話轉頭㩒錢俾佢，佢好友善笑住話唔緊要，下次先，令我記憶猶新。泥狀蘿蔔糕，上次喺深水埗店叫但個樣完全唔一樣，嗰度係一般見到正常大嚿無料榚狀，但呢個泥狀蘿蔔糕佢有脆花生，大量大條香蔥，蔥香四香氣四溢，鬆散嘅榚身吸哂甜豉油，總店獨家，好味！零溫度，凍冰冰，唔夠豉油，唔得。

買嘢嗰時路過呢度,見到好多小食,有啲直程未食過,一時口痕痕見到個發糕幾得意就順手連包買咪服務一般般,都算有耐性,至少畀我問嘢,有問有答------------------------------發糕咬落去係鬆軟嘅,煙韌嘅,略甘,帶有酒麴味同發糕差唔多,只係顏色唔同,仲有表皮硬咗啲,應該係因為佢加咗紅色食用色素令佢容易變硬,不過真係硬咗啲暏,都係好鬆軟嘅紅包賣相唔錯,皮唔會太硬,都好軟,初頭以為個皮係冇味,點知食落先知係有味,鹹鹹地,個餡好微甘帶出個餡嘅味,個餡好似係蓮蓉嚟嘅

某上班日, 突然心血來潮很想吃一碗暖呼呼的粥所以Whatsapp順道問問親愛的同事需要嗎?接了order便向石蔭路街頭的尚品進發誰知那天尚品休息, 我唯有轉戰坤記罷了我點了一碗皮蛋碎牛粥 而同事則要一碗艇仔粥我的皮蛋碎牛粥只吃粥底的話, 尚算甜, 不過稱不上綿滑而且料真更是強差人意皮蛋給的小之有小, 最好吃的蛋黃部份更是沒的而碎牛, 他處理的不好, 很實, 比肉餅的肉還實最後吃了三分二真不好意思給同事買了真麼難吃的粥