土司工坊 (青衣城1)

營業中

休息中

【葵青區】【土司工坊】成日寫葵青區都係寫葵芳、葵廣等地，而家真係少咗好多機會去青衣嗰邊，一有機會梗係要食吓嘢。不過揀嚟揀去都揀唔掂，最後「做生不如做熟」，都係食返啲食過嘅嘢。而新加坡式早餐本身我都非常喜歡，所以見到呢間嘅時候，其實都係一拍即合嘅。雖然有諗過不如食其他嘢，我指嘅係入到嚟呢間餐廳之後食呢間餐廳嘅其他嘢，但係最後都係不敵 Kaya Toast 嘅引誘，叫咗 $42 嘅「傳統土司套餐」，夾嘅餡都係「牛油咖椰」。成件事真係好鬼新加坡，我又真係好耐冇去喇，上次去已經係三月嘅事喇。多士係正，但靈魂都係喺「半熟蛋」度，唔明點解有人會叫煎蛋，唔明點解土司工坊香港分店 default 係煎蛋，件事錯晒。半熟蛋真係好正，配埋加 $5 嘅「凍美祿」，可以話係 perfect 池。用 $18 叫件「班蘭蛋糕」拉我返香港，真心唔係嗰回事囉咩料。埋單係 $65，其實味道好一般。。。（地址：青衣青敬路31-33號青衣城1 1樓128號舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：中西區：1am1229#1amfoodie #foodie

一個人食嘢都等齊先坐低食原來係錯㗎！我企喺度等，出嘢食嘅年輕女員工即刻問我做乜嘢，然後叫我坐低食住等？我之後就明，半熟蛋等10分鐘食晒啲嘢都未有得食？其實佢哋係咪連蛋都未開始煮？咁不如唔好賣啦！叫凍奶茶少冰原來會變成熱奶茶？唔會再幫襯！

當刻在自助餐具櫃檯找不到叉羹，問了兩位年輕女員工，得到嘅答案係”未洗好呀”(4個字)，然後佢哋轉身就行開咗…..然後佢兩個繼續佢哋之前”未完嘅對話”(吹水)….真有性格….

今天來到青衣城，心思思想吃南洋食品，就走到土司工房。這店的裝修以國際象棋的黑白格仔為主調，店內坐椅很多。看了想吃的到櫃檯付款點餐，店員給你一個取餐聲響器，餐做好後有聲響提示去取餐。餐具飲用水放於專檯上自由取用。本想看看有否下午茶套餐但這店沒有，只好選全日供應的套餐。套餐價格由68元至78元，可作正餐吃了。星州海鮮叻沙跟。麵內有蝦，六片炸魚片，半隻流心蛋，炸豆腐卜，芽菜等。食材並不是很多，麵都算爽口彈牙，蝦也是爽口的，但叻沙湯底不夠濃郁，所以和其他食材同吃時，口感沒那麼好，吃起來感覺一般般，沒有特別。南洋咖啡，我要煉奶沖的，色澤，香味和甜度正常。喝下去口感順滑。吃完叻沙看見店內賣的斑蘭蛋糕，整件綠油油的色彩很吸引，要了一件。蛋糕很香很鬆軟，比吃叻沙好。

週末午餐想食喇沙決定去toast box 裝修完第一次去食環境舒適光線充足今日都多人要排隊等一下點了一碗喇沙少少辣味有蝦有蛋配返份花生醬吐司夠哂多醬脆卜卜飲埋杯薏米水非常豐富坐低慢慢食好relax

佢都叫做裝修過下，外邊商場的用餐位置有輕微不同，不過不知道是不是始終係喺商場其中一層嘅中間，不是自己餐廳裏邊的位置，因此總是有點兒骯髒有點兒灰塵的感覺，感覺環境不算太乾淨。妻子問及我們應該吃麵條定還是多士的下午茶，由於不算太肚餓，之前都已經吃完麵，因此只點了肉鬆多士配飲料。真是可惜，這兒下午茶沒有生雞蛋，只有煎蛋，那麼就比較無聊，你煎蛋偏向熟，完全沒有質感，亦都將蛋味消滅了。多士不算太過乾，不過始終肉鬆比較乾身，如果不加點煉奶或是其他調味，都是有點乾燥。

我記得四五年前喺Toast Box食過新加坡蝦麵 果時係有一種驚為天人既感覺因為湯底蝦味非常濃郁 麵好食 賣相又好睇但之後想再食返就發現佢改晒d menu蝦麵完全消失左 近似既選擇得返叻沙琴日行過TOAST BOX竟然發現蝦麵出現返於是即刻叫左黎食一於以往係快餐店落單方式所以服務不能要求更多今次再食蝦麵發現味道唔同左無以為咁好食蝦味淡左好多 湯底無左幾年前果種濃厚既感覺其實睇色澤都會見到同之前比係淡左好多麵質都覺得無以前咁彈牙不過有樣野抵讚就係 佢d蝦同以前一樣係會剝左頭四分三殼比你完全唔洗用手剝蝦殼呢個我非常中意飲品揀左南洋奶茶個人中意飲品偏甜 所以東南亞既奶茶一般黎講都好啱我口味呢杯都唔例外夠甜 奶味又濃 好飲!!同埋真係好大杯🤣🤣 比一般跟餐野飲都要大杯$74蝦麵連野飲係有d偏貴特別因為佢只係快餐店方式經營店舖衛生都有改善空間同埋唔知點解青衣呢間d凳大部分係無凳pan如果收呢個價錢 我會期望環境會舒適d就算食物味道唔係特別出色

約咗太太嘅朋友嚟到「吐司工房」食晚飯，雖然我哋合共四個人兩對夫婦，不過，見對方都無影食物相嘅舉動，所以，都唔好意思喺咁影，只影番自己嘅喇沙，同後補少少環境相。都好多年無幫襯過「土司工坊」喇，今次就貪呢度地方大，位置又鼠埋一角，食完都無人趕，可以慢慢傾。餐廳環境算連繫埋商場，不過亦間咗個範圍喺屬於餐廳，採開放形式，故此，感覺都幾闊落。呢度採自助形式，點餐就要晌櫃枱落單，兩頁紙嘅餐牌，就印齊晒店家所有食物，全以套餐形式，一面喺主食類，即粉麵飯，另一面喺輕食類，即多士、麵包。晌櫃面落單後，會俾個傳呼器你，等佢響就有得拎嘢食。另外，餐具都要自己拎，自己招呼自己！星洲海鮮叻沙+南洋咖啡 $74個叻沙同餐牌張相就有啲距離，實物就無咁大份，，餸料亦似乎喺少咗啲，不過，叻沙湯嘅色澤就幾對辦，一片鮮橙色，但其實就唔喺好辣，卻喺非常之香濃。有鮮蝦、魚片、豆卜、半隻烚蛋及少量芽菜，質素屬於平穩咁啦；此外，麵底就唔喺糝糝嚟，只喺一般米線，掛起啲汁，都好味道嘅。南洋咖啡佢哋主打南洋咖啡，又分咩南洋咖啡O、南洋咖啡C，唔識唔緊要，餐盤墊就正正一文看清，其實，就只喺加花奶、加煉奶定唔加奶咁解。小弟就揀杯只加煉奶嘅南

大部分原料都系新加坡直送，完全貼近原口味😝恰逢18週年，更加衝鴨😉🍚新加坡海南雞飯嫩滑嘅白切雞搭配香味濃郁嘅米飯，十分開胃😍就呢個米飯已經唔簡單，食起身超香，好奇問咗點整，原嚟將雞油、姜、蒜炒過一齊煲🤫今天咁啱系雞髀，肉質嫩滑大塊，三款醬汁自行搭配，簡單而美味嘅口感讓人無法抗拒🤤🍜星洲海鮮叻沙獨特新加坡風味嘅海鮮叻沙湯底一嚟到聞到就流晒口水🤤非常小細節嘅一點，蝦線處理得好乾淨，並且配料唔少，好鬼抵贊😸🍞傳統咖椰土司+半熟蛋吐司中間夾著咖椰醬同冰冷嘅黃油，喺口入面融化混合，仲真冇話，多咗咖椰醬口感都豐富咗🤤推薦搭配半熟蛋，嫩滑嘅蛋白包裹著半流動嘅蛋黃，根據自己口味加入調料，完完全全馬拉風味，足不出戶就可以嘆到嗰邊嘅地道早餐😋☕拉茶啱好睇到咗拉茶過程，同香港奶茶有d唔一樣，靚仔喺眼花繚亂嘅表演中形成咗拉茶嘅基礎，然後根據我嘅口感加入煉奶同花奶，增加甜味同順滑感，最後仲有個燙杯既細節，保持溫度更長，能夠感受到熱辣辣既口感🥰細節方面真係好加分，唔單止體現喺出品方面，去嘅時間比較夜沒乜嘢人，剛好社牛可以同人哋傾偈，都會盡量回答我好奇嘅問題😜冇表現出唔耐煩👍🏻話話蛋糕櫃上面除咗直送嘅咖啡，仲有直送

好嘢！今天嘆咗Toast Box嘅早餐，早上一杯正宗南洋咖啡🍮真係醒神，甜香而且好入味。試咗「B2 餐肉蛋土司套餐」，食到個蛋香口又滑嘅感覺，配埋通心粉就算份量唔算多，味道都算足夠，有種家庭早餐嘅貼心。土司新鮮出爐，熱辣辣嘅脆感加埋肉餡，真係正！新加坡風味鮮蝦配麵條，湯底有股細微嘅黑胡椒辣味，飲落有點刺激，但又唔會過火。黃麵Q彈，配埋新鮮爽口嘅魚片同爽脆嘅蝦，加幾滴黑豆醬，味道就更加豐富。檸檬水可惜唔夠蜜味，但都算清新提神。店員服務態度仲算好，環境舒服，吸引我不時黎朝早享受一番。至於咖央吐司，嗰份甜蜜嘅椰醬香味同咸香嘅牛油，真係又夾又正。孖蛋濕濕哋，滑過奶油，一流！熱奶茶濃郁香滑，一啖暖笠笠，心情都好咗。喺呢度，隨便點都有份溫暖嘅早晨。幾舒心嘅一餐！🍜🍞

好耐好耐以前食過，無咩特別亦無咩驚喜，今次再試係朋友話我帶他去食的一間叻沙無呢間好食，於是又即管再試下，湯係濃的但唔夠熱，料都算足但呢個價錢就唔算好食，點解仲要寫下食評，係因為我叫H7（海鮮叻沙）佢無寫麵/米/米線，以我認知係星架坡食都係比麵，係油麵還有些混合埋米粉，呢度竟然係米線，怪只怪自己無睇清楚，再望下餐牌，又無寫米線，H7只寫海鮮叻沙，其他都寫麵，我錯？真係我錯？咁怪我自己囉，食米線做咩要係呢間食？$74食左碗唔鐘意的米線-.-

落雨只好去商場，行行吓見少少餓就去土司工坊食少少嘢晏晝4:00依d時間，簡簡單單食件土司都唔會太飽，order咗煉奶花生醬土司，個set附兩隻煎蛋～ 問題嚟啦，想order埋南洋奶茶，但已經煉奶，諗住叫花奶啦～ Staff話花奶係走甜worWell～咁煉奶啦眼見人手唔多夠，都知要等吓⋯等梗嘅時候，飲住杯南洋奶茶先都滑嘅，至於同平時茶記飲嘅茶走有咩分別？我諗係茶味，茶記嘅濃d，好彩嘅係加煉奶都無想像中咁甜個土司同一般嘅奶醬多又有咩分別呢？ 我諗無，係塊土司厚薄唔同依set對於我嚟講，不過不失～ 無乜驚喜⋯

堂食海南雞飯，雞脾中間好多血，我怕不安全，讓服務員給加熱下，她回應海南雞是這樣哦，怕血不要吃，好鬼串. 我僅要求微波叮下，結果中間還是血淋淋. 結果加錢買外賣盒打包回家蒸熟，結果雞味道還是不好，腥味，比起大家樂海南雞差遠了. 另外一碗蝦面豬肉也是煮的沒熟透，沒煮熟食物有機會導致肝炎. 不再幫襯. 本沒有打算上来评论，所以沒有拍照，想想還是讓消費者别踩坑留言吧！…………………………………………………………..

lunch食咩好？ 食乜都好都唔想食公司飯盒😂有人提議話去土司工坊食, 原來我未食過呢間🫣1. 新加坡海南雞叻沙 $85 叻沙湯底夠濃味，雞肉嫩滑但略嫌太少～2. 芝士雞扒撈麵 $70 雞扒外脆內軟，但芝士味唔夠出，撈麵應落左甜豉油，唔太差嘅～ 飲品： 美碌恐龍 +$8 (幻想如果加個雪糕球同埋早餐果D朱古力脆脆就最perfect😝)凍奶茶+煉奶 +$5📍土司工坊 (青衣城1)青衣青敬路31-33號青衣城1 1樓128號舖

海鮮叻沙應該係lunch招牌，但都真係相當失望 個湯底正正路路，但係就偏鹹同埋油咗少少。餸份量唔多，蝦明明係海鮮叻沙嘅精髓，但係一啲味都冇，就算浸完啲湯都係冇味，連隻蛋都成舊膠咁。。好失望