圓圓小姐 (山東街) (已結業)

作為一個珍奶控，有時路過賣珍奶既舖頭真係會不禁停低想買返杯！今次係旺角見到呢間圓圓小姐，就同朋友試試啦！我地叫左芋泥QQ鮮奶同埋黃金珍珠奶綠！識飲緊係要走冰啦！芋泥QQ鮮奶裡面除左有啖啖芋泥之外，仲有芋圓係裡面，口感煙煙韌韌，整體上唔會好甜！岩哂我呢個芋頭同埋煙韌控！個奶味都好香！黃金珍珠奶綠係圓圓小姐既推介飲品，珍珠一樣夠煙韌，每一啖飲落去既茶味都好香，如果鍾意茶底香既朋友可以試下呀！鮮果茶都好吸引呀，下次要試下先

茶飲店到處都係，其中喺旺角既Lady Bobo絕對係卧虎藏龍之一😎台藉店主主理，自家調配茶葉，用既係純天然茶葉，無香料無香精，主要茶底包括斯里蘭卡阿薩姆紅茶、茉莉綠茶、花蜜紅茶、炭焙烏龍茶.. 而仙草係自家製，柔嫩至可以輕易由飲管吸啜，爽口清甜😋珍珠也有2種，多人熟識黑糖味外，另有一款蔗糖口味，金黃色，入口比黑糖少甜清新✴️#鮮奶三重奏 $36黑糖珍珠、芋薯圓及嫩仙草 💛起碼佔底2/3杯😱，每一啖都吸到，鮮奶好純滑，絕對唔係奶精溝，仙草勁柔嫩非常滿足同飽肚🤣#戀戀草莓優格晶球 $48呢個出乎我意料，佢係用100%草莓打成冰沙，底層係晶球，何為晶球🤔 其實係Q彈既寒天😆低卡有高纖，再加入優格，咁多益生菌，即刻覺得飲完之後腸道健康哂😎#圓圓珍珠花蜜奶茶 $36茶底係紅茶，帶有花蜜清香味道，加埋黑糖珍珠及蔗糖珍珠，珍珠味道好分明，真係食得出兩種味道及兩種口感👍🏻👍🏻

旺角都有呢間舖頭啦佢哋開咗新分店排隊等大概10分鐘左右就會有🌟戀戀草莓優格晶球雖然而家係冬天不過又唔係話好凍所以決定試吓佢哋嘅招牌之一士多啤梨沙冰，佢哋用新鮮士多啤梨打成天然感覺，絕對唔會加入化學野之前試過一啲會有藥水味，呢度就完全冇乳酪真係超級正，士多啤梨🍓配上都好夾寒天晶球會增加口感，我仲加埋嘢嗰份加有咬口清新解膩🌟芋泥 QQ鮮奶芋泥同奶味超級正，重點係佢哋嘅份量好多叫咗半糖個甜到啱啱好感覺上佢哋舖頭整體飲品都有啲甜所以就要微糖或者半糖芋圓煙煙韌韌，最鍾意呢啲有咬口～

之前已經好想試呢間由台灣人開的圓圓小姐早排佢地係旺角開左新分店 方便好多~而且分店整修好粉紅好昅精 一經過就見到!〰️ 戀戀草莓優格晶球 $48呢杯見好多人都有推介 就決定叫佢!最頂層到底分別係 草莓沙冰•優格•寒天晶球沙冰飲落幾綿密 酸醋甜甜好清新飲得出係用上真士多啤梨 而唔係假甜嘅香精同中間濃稠嘅優格撈匀之後 成杯變到好thick而最底嘅寒天晶珍口感好Q彈 但又唔似珍珠咁會滯見佢地ig有介紹係用海藻膠同蒟蒻整成比珍珠低卡仲高啲纖維 很可以!! 推介🤘🏿❤️〰️ 黑糖珍珠奶綠 $35其實佢哋最招牌應該係黃金珍珠加黑糖珍珠但我落完單先發現叫錯左淨黑糖珍珠唯有比個藉口自己下次有機會先試埋茶底嘅選擇都好多 我就叫左配奶綠不過我就覺得無乜特別驚喜 正正常常嘅一款~佢地係銅鑼灣 同深水埗 都有分店質素真係不錯 見店主平時都好上心 值得支持有機會會想試埋其他優格同招牌珍珠！

圓圓小姐係由一位台灣人妻嫁來香港，好掛住台灣飲品，而開嘅台式飲品店，支持支持芋泥QQ鮮奶~$36叫咗中杯，少糖少冰，芋泥都好多，啖啖都食到有，口感好豐富，唔算好甜，鮮奶奶味都好重，鮮奶順滑😍圓圓小姐🏠：旺角山東街50號地下C號舖☎️：68889285

曾幾何時有個黑糖熱潮，嗰陣我真係會一個禮拜飲幾杯😂當時見好多人話深水埗圓圓好飲，但係仲未試到就執左😭後尾再開返叫圓圓小姐，仲要有好幾間分店，呢日係旺角見到就即刻試左，果然名不虛傳😲▪️ 黑糖波波鮮奶（8/10）💲30 (M)呢杯個甜度係固定既，攞上手個黑糖底暖笠笠，焦香味十足，會滲透到入每粒珍珠個芯，珍珠好彈牙有嚼勁，份量超多佔左個杯既三分一，而且採用明治既鮮奶夠順滑🥛整體真係唔錯，成功躋身我最愛既黑糖珍珠鮮奶頭三位置😍▪️ 圓圓珍珠炭培烏龍奶茶（7/10）💲30 (L)飲落有微微既炭培香，但係奶味更甚，如果烏龍茶味再濃一點就更好😛混珠有庶糖既黃金珍珠同埋黑糖珍珠，不過要左少甜少冰都係會略甜，下次再叫呢杯要半糖或者微糖🤫🔎 整體評分（7.5/10）

最近冒起嘅圓圓小姐好多朋友試過都真係一見鍾情今日食飽飯經過旺角分店門面都幾搶眼一於買兩杯返屋企試下先飲品種類都選多芝士、水果茶、鮮奶都有👍🏼👍🏼螢幕上嘅草莓🍓好可愛我被佢嘅賣相深深吸引左😂落單時先留意到原來係自家調配嘅茶葉感覺好有heart😍未飲先加分😂👍🏼店員亦都好主動介紹又好nice【戀戀草莓果茶】店員話係用100%新鮮草莓調制以茉莉綠茶做基底加上草莓碎冰清甜果香同清新茉莉完美融合Refreshing 🍃【鮮奶三重奏】三重奏分別係黑糖珍珠+芋圓+仙草珍珠、芋圓煙煙韌韌仙草就滑嘟嘟配合香滑鮮奶一次過滿足曬三個願望❤️

Strawberry yoghurt smoothie with Agar ball ($48)I ordered the lowest level of sweetness (微甜). Drinking the top part (strawberry smoothie) and middle part (yoghurt) it thought it was too sour, but after stirring it together with the sweet agar balls, it was very good!👎🏻 the cover broke when I was storing 👎🏻 quite expensive for a cup of drink

📍圓圓小姐呢間茶飲唔知大家飲過未呢？最初開喺深水埗，而家終於衝埋過去旺角同埋銅鑼灣喇😆呢間台式飲品店係一個台灣女仔嫁黎香港之後開既，夠哂正宗啦！🥰👅戀戀草莓優格 $48第一層係草莓沙冰，中間有乳酪，最底係乳酪晶球～今次叫左微糖，佢地係用蔗糖，啱味唔會超級酸，好開胃，所以一啖接一啖好快就成杯飲哂。另外想講吓晶球，好好咬🤤👅芝士炭培烏龍茶 $33圓圓小姐一路好出名嘅都係珍珠同埋茶底，估唔到佢嘅奶蓋都係咁出色，芝士味濃，夠杰身挺身👍🏻茶底用真茶葉，有真真正正既香濃茶味。

之前深水埗店既時候 已經有試過 個日經過旺角竟然見到呢間 後來就知道係分店 呢間既店鋪 好適合打卡🙈🤣戀戀草莓優格晶球大/凍（微糖）$48 之前都係飲佢地既招牌黑糖珍珠鮮奶 今次就試下新既～ 呢個有驚喜😍 晶球係寒天 食落同呢杯既口味好夾！ 草莓偏酸 但撈勻左個優酪就可以中和返 所以飲完又想飲～ 推介！👍🏻芋泥奶綠 中/凍 $28（微糖、少冰）：轉鮮奶 +$4手作芋薯圓 +$7呢杯比教普通 芋泥仲有少少顆粒感 芋圓偏細粒 但都食到佢既煙韌 但番薯同芋頭味就唔算係好出啦🤔

去開旺角想飲野，見到宜間 圓圓小姐 都好多人幫襯，成間店都粉紅色好靚。飲品既選擇相當多，奶茶，果茶，鮮奶，純茶等等都有。芝士百香鳳梨果茶 大杯45用左新鮮既百香果肉同鳳梨果肉，帶水果既自然香氣，味道酸酸甜甜好解渴，仲有厚厚既芝士奶蓋帶點咸香。鮮奶三重奏 中杯36有齊黑糖珍珠，芋薯圓同嫩仙草。有成大半杯都係食得既，勁足料勁飽肚。鮮奶質感好幼滑，黑糖珍珠同芋圓煙韌有咬口。仙草好滑，我覺走甜都可以因為仙草同珍珠原本就有少少甜味。。。圓圓小姐旺角山東街50號地下C號舖。。

有3間分店，店舖同飲品杯既設計都好有少女風格🌼----------戀戀草莓優格 $42顏色好靚😍好有草莓味，嗌左少糖，不過仍然略為甜左啲🍓唔鍾意飲太甜既人，建議嗌半糖，甚至微糖。 優格係屬於濃郁厚實果種👍攪勻晒黎飲之後，質感同甜味都balance啲😀 芋泥QQ鮮奶 $36芋泥既份量幾多下，不過有啲偏大舊，難以同鮮奶混合，所以有啲唔可能用飲管吸上黎😅QQ同芋圓咬口十足，份量亦都多，飲極都好似仲有咁😂

我同姊妹來到旺角購物中心血拼潮聖，再到附近享受飲品的情趣，姊妹推介之下來到「圓圓小姐」，飲品店人流很旺，被它的飲品所吸引，打算外賣品嚐茶飲。飲品店新開不久，鋪面很新，環境舒適，乾淨整潔，氣氛輕鬆，這裡十分墟冚，很多顧客前來捧埸。店中用了全天然茶葉製作茶底，100%水果製成，非常美味，飲出天然的味道。飲品牌上設有飲品的圖片，飲品當前無法抵擋，放縱一下自己，美味的飲品，我們都很鐘意。我們選擇了凍飲及熱飲各一杯，戀戀草莓優格星球是凍飲及圓圓珍珠花蜜奶茶是熱飲。戀戀草莓優格星球 (大)戀戀草莓優格星球是凍飲，叫了大杯，選了少糖，入面是新鮮草莓加冰打成，仲有yogurt及晶球，另外加了荔枝椰果，增加口感，飲落酸酸的，又帶點甜甜的味道，清甜止渴，香氣滿溢，帶出清新的感覺，不能抗拒它的誘惑。圓圓珍珠花蜜奶茶圓圓珍珠花蜜奶茶是熱飲，中杯的，選了小糖，帶出絲絲甜意在心頭，陣陣茶甘，奶茶裡面軟滑，二者配合非常合拍，珍珠質感夠細密，彈牙有咬口，充滿優雅不膩的滋味。圓圓小姐（旺角）地址：旺角山東街50號地下C號舖     

之前試過銅鑼灣的，覺得唔錯！而朋友好推薦呢間！所以又黎試試(*¯︶¯*)今次試佢既芋圓芋泥鮮奶💛💜但我太夜去（10:2X pm) 所以賣完芋圓最尾揀咗寒天🤍！寒天份量幾多～幾好咬口！佢芋泥鮮奶係芋泥粒💜叫無糖 剛剛好！好快飲完～幾好飲♪( ´▽｀)10點幾，好多野飲舖都閂咗。。想飲既，可以試呢間！味道幾好，服務都係！😝呀呀呀 上次飲佢混珠鮮奶綠都唔差！珍珠唔錯，但覺得佢奶茶底偏淡，幾可惜………..

珍珠奶茶在旺角區可說是無處不在，這天路經圓圓小姐就被其粉紅少女心的店面吸引了。飲品款式不少，還可自選少冰、走冰及甜度，選擇夠靈活。品牌堅持飲品不含人工香料、無香料茶葉、手工熬煮食材及採用當令水果現榨現調，飲得更放心。今次就點了戀戀草莓優格晶球和鮮奶三重奏。戀戀草莓優格晶球 $48紅粉漸層效果搶眼吸睛，先打卡再搖勻，甜美配色的賣相絕對夠「IGable」。墊底的是由海藻膠與蒟蒻製成的寒天晶球，低卡又高纖，接著加入酸甜優格，頂層則以打得幼細的草莓冰沙舖面，一喝果香奶香佈滿舌尖，口味天然清新。鮮奶三重奏 $36一杯有齊手工嫩仙草、手作芋薯圓及招牌黑糖波波三種配料，下得夠足料，同時滿足喝與嚼的小確幸。黑糖珍珠煮得QQ富有嚼勁，芋薯圓質地粉糯煙韌，混合柔嫩細滑的仙草，豐富了多重的口感層次。