圓圓小姐 (山東街) (已結業)

係旺角開完聖誕Party ，準備回家點知謙謙話 Party 食物令人有點口乾想買返杯靚野飲下甜下喎！ 醒起超耐冇飲過的圓圓小姐係旺角有分店即來啦！一人一杯唔洗爭👇🏻👇🏻👇🏻⚛ 芝士熱情鳳香果茶+寒天晶球（微甜）～ 我飲了一大杯微甜的果茶有齊熱情果、菠蘿和芝士， 慢慢輕吸仲有底層加的爽彈寒天晶球，飲一杯就已經超滿足了。⚛ 芝士黑糖波波鮮奶+荔枝椰果 ～ 謙謙之選 ，上層係濃郁芝士中層係鮮奶，底層係煙煙韌韌的黑糖珍珠，呢杯真係冇得輸，謙謙仲要再另加佢喜歡的椰果，口感層次方面再次提升。

今天經過波鞋街買鞋口渴想買杯飲料就看到很多間分店的圓圓小姐見選擇多而且聽說有兩款珍珠所以就去買來試試看♥️圓圓珍珠花蜜鮮奶茶$35大杯這個是店的特色有兩種珍珠分別用了黑糖珍珠和蔗糖珍珠珍珠的size是一樣的但是味道卻有所不同黑糖就偏焦甜焦甜的但蔗糖就是清甜兩種珍珠兩種風味珍珠亦都非常煙韌很有咬口QQ彈彈的！他有四種茶可以選有阿薩姆紅茶、茉莉綠茶、花蜜紅茶還有炭焙烏龍茶我喜歡花蜜紅茶🍵因為有花香和焦糖味🧡百香鳳梨🍍果茶$45大杯有百香果和鳳梨🍍的清香甜蜜因為採用新鮮水果所以味道不像調味的那麼死甜反而充滿水果的自然香不像一般水果茶見到粒粒或片片水果這種是把水果打爛混合在茶裡每一口都會喝得到百香果和鳳梨果肉纖維十足！😍😍😍😍📍 圓圓小姐 (旺角)旺角山東街50號地下C號舖

食完個快飯好似唔係好滿足，奬勵自己飲番杯嘢，廣告牌上的戀戀草苺好吸引，有果茶和優格之分，諗住果茶應該健康啲，要左大杯加芝士奶蓋（$45），話明真鮮果系列，真係好有草苺味道，不論是聞或飲都好士多啤梨，當然唔會酸啦！即使加芝士奶蓋都唔會搶左個味，係質地厚咗，同本身果茶兩個層次，溝埋飲都唔錯。另外我哋仲叫左杯「圓圓珍珠奶茶」（大$30），佢有分圓圓珍珠和黑糖波波兩個系列，分別主要係前者用兩款珍珠包括黃金珍珠和黑糖珍珠混製而成，而且只有圓圓珍珠系列先有大杯裝，既然未試過黃金珍珠就試吓啦，飲嘅時候雖然好難睇到飲緊邊隻珍珠，不過食得出一隻係煙銀啲，一隻就甜啲，相信煙銀啲嗰隻就係黃金珍珠，我覺得咁樣兩溝又真係幾好味喎，而本身奶茶底都做得好唔錯，又滑又唔會太甜👍🏻

今日喺旺角行街行到攰，就同朋友買咗兩杯飲品。依間好似係新開嘅，鋪面裝修明亮，就吸引咗我去買。🥤黑糖波波可可鮮奶（熱）- $30啲珍珠都夠晒彈牙，鮮奶加埋可可真係冇得輸，真係滿足得到又鍾意甜啲、同煙煙銀銀口感嘅我。🧋戀戀草莓優格晶球 - $48見到佢鋪面都係以紅色色系去裝修，唔知佢嘅主打係唔係草莓呢，於是就叫咗一杯草莓果茶黎試，果然有驚喜！佢係用新鮮草莓加冰打成，飲落酸酸甜甜的，都幾解渴。個底底仲有啲yogurt 同晶球，本身依兩樣嘢都淡未，但加埋酸酸甜甜嘅草莓，即刻變咗草莓味，仲有多重口感添。

圓圓小姐 (旺角).愛好珍奶嘅我🧋，今日經過旺角見到呢間，試下佢！.▪️黑糖珍珠鮮奶▪️.可能我叫左少冰嘅關係，少冰嘅話呢佢杯嘢就會冇咁滿，不過飲飲下越飲越覺得太甜但係珍珠味道各方面都好好，建議大家如果要飲嘅話都係飲返正常嘅冰度因為甜度無得減.▪️香橙柚冰茶🍊▪.好fresh!男朋友呢杯有陣香味，唔肯定係咪就係個橙，喜歡水果茶嘅人可以一試.📌 圓圓小姐 (旺角)旺角山東街50號地下C號舖環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

旺角洗衣街公園附近真係有好多好飲好食嘅餐廳，今晚收工想去飲珍珠奶茶，見圓圓小姐個名幾得意試吓圓圓奶茶$35Bobo series有得轉鮮奶，可以小糖少冰，我個人覺得好好飲，奶茶味好出，珍珠好煙韌大小適中戀戀草莓優格$48Strawberry yogurt smoothies 最上層係士多啤梨冰沙，中層是乳酪，最底係蘆薈，好有層次，沙冰蘆薈有咬口，乳酪滑滑地，溝埋好正，無得揀甜度但整體甜度適中～下次想飲下芝士系列

其實這間店的飲品價格比較實惠 但又不可以說是值這個價錢 根據本人去過台灣無數次 亦飲過不同台灣品牌的飲品無數次 我對以下這兩杯飲品有以下評價供大家參考一下珍珠花蜜紅茶珍珠甜的程度過可接受 但搭配了紅茶 真的有點不夾 紅茶帶有苦澀味而配花蜜 是 (可以)的但配 珍珠 除非 它是極少甜 否則不叫這杯 倒不如只叫紅茶第二杯 珍珠炭焙烏龍奶茶 我沒有拍照 珍珠配奶茶 顯得珍珠太甜 但是只喝純奶茶 以這個價錢是可接受 只是我建議買沒珍珠的奶茶 比較好飲但是如果沒珍珠 那茶應該要做得很到位(例如 come—y tea 水平) 才會吸引消費者去買它所以這兩類型飲品不建議購買可能 水果茶 比較好? 我沒試 我只可以説這間店的飲品沒特色

Happy Friday諗住叫杯「廢水」飲下開心下啦。之前飲過呢間覺得好飲就番兜啦。甘就連埋幾個同事一齊叫，兩熱兩凍，再call gogovan 送嚟公司。等呀等，終於送到嚟啦，滿心歡喜以為有得飲啦，跟手就發現咗我個杯比人預先吉咗個窿，有張膠紙貼住個窿做封口。大佬呀，我明熱飲要唞氣，甘點解唔用番個熱飲蓋，要甘樣吉個窿啫？你覺得個客見到咁樣會夠膽飲咩？你肯定你張膠紙好乾淨？細心啲睇會見到有啲毛/塵都黐埋係張膠紙到？成杯送咗去垃圾桶了，等咗一個鐘，結果係飲唔到😭😭下次都係叫番凍飲算

今次試咗Lady Bobo嘅圓圓珍珠花蜜奶茶🧋飲落其實冇話覺得係特別好飲定唔好飲😛但係其中一個特別之處係真係飲到有少少花香味😗淡淡的唔會太突出🙌🏻幾特別😊

老闆娘好友善介紹每款飲品☺️全店堅持用全天然茶葉 (無香料香精) 製作茶底，果茶亦係用100%水果製成 (不含果醬及濃縮果汁)，良心店家，飲品味道天然又好飲😆👍🏻 🌟戀戀草莓優格 (優格晶球) $48打卡勁靚😍有新鮮士多啤梨冰沙🍓，果味香濃，下層乳酪香得嚟唔會過酸，味道酸酸甜甜開胃又清新。最鐘意佢底層嘅寒天晶球，口感煙韌，低卡又高纖。🌟鮮奶三重奏 (黑糖珍珠、芋薯圓、嫩仙草) $36三重口感，好滿足☺️我揀左無糖，因為本身珍珠芋圓都有甜味，所以整體覺得甜度剛剛好～🌟圓圓珍珠鮮奶綠 $30有齊黃金珍珠同黑糖珍珠，珍珠口感煙韌，幾好食。茉莉綠茶茶底清香，味道天然，唔會有我好唔鍾意嘅香精味。🌟黑糖波波奶茶 $27黑糖味道好香濃，原來係自家熬煮嘅人工黑糖，誠意十足👍🏻珍珠吸收哂黑糖香甜味，黑糖控值得一試～

行過旺角 見到間飲品店新開 買左杯戀戀草莓果茶 34蚊 價錢普通 個杯冇乜特別 一飲落去 淡茂茂好似水咁 已經想dup咗佢 如果大家想試吓難飲嘅嘢 可以支持下佢冇下次，同埋第一次買問店員有冇少冰，佢話係連冰打既，之後反左我一下白眼，我心諗我西知咩！

雖然位於「旺角」「山東街」的台式飲品店「圓圓小姐」價目表裡面，沒有提供手調「水蜜桃紅茶」或者「炭燒奶茶」等合乎我偏濃口味的手調台式飲品，但是我還有其他選擇，例如「朱古力奶茶」。享用前我也曾經對「朱古力奶茶」裡面的味道有期待，雖然「朱古力奶茶」也擁有來自「朱古力」的甜味，但是「朱古力奶茶」的實際口感偏薄，沒有一般「朱古力奶」那麼竭和厚身。因為「圓圓小姐」製造的「朱古力奶茶」口感相對有點偏薄，有點像純「朱古力奶」跟「紅茶」曾經互相融合，令「朱古力奶」入口感覺變得被溝淡中和一樣。「圓圓小姐」「朱古力奶茶」有大小不同份量版本供食客選擇，我選擇購買享用大版本「朱古力奶茶」，再為大「朱古力奶茶」飲品選擇了「少冰」，我享用前估計「朱古力奶茶」甜味不會被冰塊融化出的水所完全沖淡。結果「圓圓小姐」廚房製造的「少冰」大「朱古力奶茶」，還是需要利用搖勻飲品，和利用飲管攪拌飲品，才能完全喝到「朱古力奶茶」裡面的真正「朱古力」甜味感覺。可惜「圓圓小姐」價目表裡面的飲品實際選擇，沒有我期望那麼豐富多元化。至於「黑糖珍珠鮮奶」，我已經沒有享用，對「黑糖珍珠鮮奶」興趣已經大不如前了。所以今次我購買享用完甜味「朱古力奶

今天來到旺角購物，恰好遇見一間茶飲店和好朋友的名字一樣！決定立即買兩杯茶飲品嚐看看！這裏的飲品款式也不算少，共分為六個種類，包括「好茶和芝士茶」、「圓圓珍珠」、「黑糖波波」、「奶茶和鮮奶茶」、「鮮奶」和「真鮮果」。考慮了一會兒，決定點選「戀戀草莓優格晶球」和「圓圓珍珠鮮奶茶」。等了大約五分鐘，可以取飲品了！取飲品的時候，店員很耐心地介紹該如何飲用，例如「戀戀草莓優格晶球」，大致分為三層，不要一開始就把三層攪勻，分開飲用會更為滋味。又例如「圓圓珍珠鮮奶茶」，就必須先攪勻再飲用，味道會更為濃郁，口感更加順滑。首先品嚐的是「戀戀草莓優格晶球」(大)(少糖)($48)。先把飲管輕輕插至第一層的位置，喝一口，香濃草莓味道，微微酸，冰粒已經被完全細磨打勻，不會有一顆顆小冰塊的感覺，間中能喝到一些些草莓籽的小顆粒，感覺清新，真材實料。再把飲管深入至第二層，這一層是乳酪，乳酪味很香很濃郁，味道也比第一層再酸一些，滋味又醒胃，口感幼滑。最底一層是寒天晶球層，味道甜甜的，口感較第一二層黏稠，寒天晶球透明帶微黃，低熱量、低卡路里、口感Q彈，為整杯飲品增加了口感！喜歡在喝手搖飲品的時候，有東西可咬可輕輕咀嚼的

今日去旺角行街，有d口渴又口淡淡，就同朋友去圓圓小姐買野飲，估吾到又有驚喜。今次order左真鮮果系列嘅百香鳳梨果茶，茶味清新，而且熱情果味道好出，加埋波蘿嘅果甜味道真係好夾，飲出驚喜，值得推薦。另一杯就係圓圓珍珠花蜜奶茶，個茶底轉左鮮奶茱，真係比較滑而且奶味比較濃厚，加埋超QQ嘅珍珠配上黑糖，完全有台灣原味道嘅感覺。如果下次經開旺角，我一定會再試埋其他系列飲品，例如芝士茶、奶茶或鮮奶系列等等……值得期待。

一直都好喜歡飲圓圓小姐，原來近日圓圓小姐開到來旺角，今日行過見到即刻買返杯黎飲！圓圓珍珠炭焙烏龍奶茶，炭焙烏龍奶茶好有炭焙茶的香味，口感順滑，奶茶味道不會好甜！而圓圓珍珠有黃金珍珠及黑糖珍珠，黑糖珍珠的味道不會好甜，亦沒有假甜味，珍珠口感煙煙韌韌，十分美味！百香鳳梨優格晶球，飲品好香百香果和鳳梨味，鳳梨酸酸甜甜，配上酸味味的百香果，非常開胃！而且百香果籽已經打碎，很貼心！優格、百香果和鳳梨酸酸味味很開胃，而且還有彈牙的透明珍珠，口感豐富又好飲！