國金軒

營業中

休息中

朋友發現咗國金軒有七折，所以就約去食好嘢。國金軒自然環境一流，每張枱都有足夠寬敞程度，裝修佈置亦夠氣派。我哋叫咗一份香酥鴨，味道一般，我真係唔係好食得出同其他地方嘅有咩咁大分別。鼎湖上素，味道唔錯，雖然清淡一啲，但係佢嘅竹笙、冬菇、雪耳等等全部用了都唔錯，個菜心都好甜。最好食嘅就係呢個國金軒推介菜，香梨牛肉。上菜時香氣四溢，牛肉煮得入味，唔會太靭，香梨亦都好甜，係坊間比較少食到嘅菜式。整體嚟講，七折咗之後同質素相比，價錢可以接受。但係如果原價我就會覺得性價比太低了。

全天禁堂食，IFC非常靜，好彩搵到高質素外賣中餐，既然係米芝蓮推介嘅中餐館，一於試吓羅漢齋廚麵套餐，真係要讚下雞蓉粟米更真係好好飲，真材實料👍🏼脆麵拎到返屋企仲係脆卜卜，亮點梗係羅漢齋啦😍應該係靚花菇所以個汁香噴噴，竹笙吸左啲汁好好食😋如果加多少少滾水可以變成一個素湯😂都幾好飲㗎👍🏼

國金軒位於中環的IFC裏面，一進去就被它窗外的美景所吸引，因為能夠看到的摩天輪，晚上八時還可以看到部份幻彩耀香江的燈光表演。這晚是吃我的生日飯，所以叫了很多美食，以下幾款是特別有印象的。乳豬鵝肝醬鍋巴乳豬皮香脆，像吃台灣的只牛肉乾一樣，下面有香濃的鵝肝醬及脆脆的鍋巴，再加上現在底下的芝麻也伴着一起吃， 10分美味。話梅仙雕醉鴿在花雕酒中有一種香甜的味道，那必然是話梅的味道了，鴿子被浸得10分入味，不想錯過每一塊。踏雪尋紅蟹肉鮮甜，下面伴着爽滑的雪耳，增加了口感。芝香焗原隻龍蝦芝士當中加了香脆的煙肉細粒，除更香濃外，更增加了口感。龍蝦也10分新鮮，肉質彈牙，配上伊面底一起吃，是我很喜歡的菜式。

今日端午節來到中國國金軒飲茶，因為上星期同媽咪嚟過，媽咪好鍾意呢度嘅環境，即刻訂埋今日。可能今日假期，Full House, 好彩有訂枱。環境高級，境觀開揚，枱與枱之間有足夠距離，食物與一般五星級酒店差唔多，好好味。招呼也很好，職員有禮。唯一美中不足就係啲茶唔夠熱，唔明點解，就算剛剛加茶都只係暖水，希望可以留意和改善。

原本打算假期食得豐富一點，環境好一點。無奈選錯了IFC國金軒，每一道菜相隔半小時之久，環境嘈雜、食物一般、3小時的飲食體驗，令從不寫評論的我，下決心要分享一下，以免大家同樣被破壞心情、浪費假期時間。

五月做七五折優惠，所以，我立即訂位同屋企人食一去到個侍應帶我地去一間細房，入面一大檯4細檯，wow 對住個大玻璃望住個海及摩天輪食野食物方面，真係睇下彩數，點正個小龍包，正價$60，冇湯汁，quality 同富臨相若不過，其他點心就唔錯了個避風塘炒飯，飯夠乾硬，而入面有d脆脆，好味吖（正價$320）另外，燒腩仔（$2xx) 皮香脆。雖好味但是出面有d 中低價酒樓也有d 有哩個質素再叫咗個春卷（正價$60 ），春卷比出面食嗰啲細條，不過可以諗嘅係貴精不貴多然後，食咗個叉燒腸粉，皮薄而叉燒有啲肥，我哋覺得非常之好食（因為一碟叉燒要成三百幾所以我先至諗住食佢個叉燒腸）雪山叉燒包就冇咩特別，個包嘅size都係同其他點心一樣，比出面d洒家細。而個羅白絲蘇就真係試唔試都擺啦，因為比較普通

連放四日假，都要飲吓茶。坐低睇餐牌，價錢酒店級，點心選擇唔多，所以都係叫番食開嘅。雪山叉燒包有水準，蝦腸皮唔夠滑，蝦餃燒賣每樣得三粒，味道可以。牛肉球味道唔錯但祗有有四小粒，春卷正常。食完後加黑糖馬拉糕，唔太甜但得三小粒。結脹時發現有85折，但仍然覺得CP值低。

位置有少少難搵，但係一嚟呢度就俾佢既氣派震懾。入內被安排坐喺對住摩天倫同半海景位置，舒服得很。今日食既係點心，都有頗多的選擇。必點燒腩仔，外皮夠晒香，脆卜卜，好惹味！配上高級黃芥末，將整份味道徹底昇華。而且入口即化，一試難忘，完全返唔到轉頭！原來響鈴都可以整成腸粉！好出色！一般響鈴放一陣就會謝晒皮，但呢份腸粉放好耐都仲係好味道！實在難得！海皇西施泡飯又係另一必點菜單，配上脆米食又係另一種體驗同口感！超乎想像中的好味！脆米份量都好足夠，夠晒食成窩飯。最後呢份子母蝦餃又係一流，好感動的一餐！高質服務，優質食材，幽美環境，寧靜氛圍。

good service 開原年來吃飯，景觀還好，服務也不錯， 但價錢就當然偏貴，點心與小菜味道就一般至中上吧。 (值得讚的就是灌湯餃 。)不過 最大的優點就是勝在不用等位 ，be more precise, 其實還是有很多空位的。 這時世，疫情流行，人量少反而較為安全。

週日中午同埋屋企人過來飲茶，面對海景飲茶心情極佳，黑糖蒸馬拉糕既馬拉糕非常鬆軟而且味道夾雜住黑糖的甜味，三色鹹水角唔大一口可食完，味道上無咩特別，中規中矩咁，蝦餃皮薄餡多，味道鮮甜。海王西施泡飯都幾好食，加上一個好出名的燒肉，肉質嫩滑多汁，非常好食。

聽人講話好，見到米芝蓮有好似有所保證！見中秋就幫襯買盒月餅試下，應節開開心心！買左兩盒四藝月餅，兩盒其中既金沙奶皇都有發霉！但都發售有問題月餅，大家食用前請更加留意同小心！

媽媽生日，當然想主角食得開心又滿足揀左響Two IFC嘅國金軒諗住佢響2012，2013年攞過米芝蓮應該唔會好伏😵ummm只能說我太天真😭🔶黑毛豬叉燒($390)EXTREMELY OVERPRICED!每一舊叉燒都好細舊!!!!!!本身係一隻靚豬，用料係ok,但係佢d個價錢完全唔值得nearly$400八件🙄響其他米芝蓮食府嘅叉燒都唔需要d個價錢💸💸💸💸真心唔推介👎🏻🔶黑松露蘿蔔絲酥佢將蘿蔔絲同黑松露撈埋一齊好香好好食酥皮都整得好薄好脆其他野食都係普普通通，冇咩特別不過食物價錢真心overprice叫左個竹笙(冇相) 得三件細細舊要百幾蚊😵🤵🏻Service方面係冇服務可言😂 可能星期日多人飲茶，好understaff落單,refill茶水都有d耐🤫不過店員態度都ok👌🏻

適逢端午假期，波王長輩從美返港，並於中環「國金軒」設宴一席，以國金名菜款待肥肥家族。步入中菜廳必先經過羅曼蒂克嘅香檳走廊。主人家早已安排派對於廂房內進行，房內有個獨立洗手間，私人空間足，有靚景睇，仲有專人服務，設備十分完善。餐店面積寬廣，樓底極高，裝潢雅致，連水晶吊燈及藝術擺設都有氣派過人，確真富麗堂皇。桌上有齊備嘅餐具、濕毛巾、餐巾，整潔企理，而且衛生非常。菜單雖早已定好，但八掛嘅XO仔見到旁邊有本厚厚嘅彩圖餐牌，結果都係忍唔住影咗幾頁同大家分享。首頁先道出店子嘅廚藝背景。尾頁則清楚列出各項消費，包括茶芥、開瓶費、切餅費等等。水晶大蝦球（$380/位）：為晚宴作序嘅水晶蝦球同小肥個拳頭差不多大，一上枱已令全場嘩聲四起，外型絕對震撼！據悉，超大隻嘅水晶蝦乃來自沙巴嘅老虎蝦，蝦身雪白晶瑩，且極富光澤，師傅喺蝦背𠝹咗刀即造成起雙飛嘅效果。水晶蝦球爽脆鬆潤，喺口中慢慢咀嚼可細嚐到蝦隻如何爽甜彈牙，爆！乳豬：當紅乳豬上場時已片好皮。燒至金紅嘅乳豬皮不單又香又脆，最重要係鬆而化口，大廚果然有料到！手撕二度肉質香軟幼嫩，毫不油膩，可謂皮脆肉香。陳皮炒東星斑球：紅皮白肉嘅東星斑球以翠綠嘅毛豆粒粒墊底

中午來到這裏飲茶， 今次㸃心叫來了它們；芥末子母蝦餃，一籠一粒蝦餃， 咬落肉彈而內帶著湯汁的，上面的一小粒餃便是包著芥末， 一起吃就如蝦餃点了芥末醬嘅味感。瑤柱灌湯餃， 湯底香濃， 湯𥚃附帶一整粒瑤柱， 湯餃內的用料是蝦碎肉及冬瓜蓉。百里香黑豚肉餐包， 濃郁叉燒豚肉碎肉饀， 細细個， 大口的人可一口進食或分兩口呢。三色咸水角，只是外皮顏色不同內容一致， 也是细細件可一口吃的份量， 味及口感如一般的咸水角。沙薑雞腳，附上沙薑汁另上， 石盤內的雞腳也同時帶汁上， 肉質爽脆不是一般的炆/蒸雞腳有如那些泰式雞腳肉哋， 調味入味其實不太需要另点那沙薑汁， 而点后就額外提升濃度呢。金瓜蟹肉餃，餃皮有些少厚但內裡豐富如蝦餃配合了南瓜粒，清清的。黑糖蒸馬拉糕，算是鬆軟的糕件接著黑糖味。這裡坐位寛闊舒舒， 服務員態度專業。

好友牛一的慶祝，自然不能隨便，所以選擇在國金二期的著名食市：國金軒。地點的確是方便在中環工作朋友，由地鐡香港站上更是快捷。由於下著毛毛細雨，景觀大打折扣，只是看到大大紅色的摩天輪，內部環境尚算寬敞和舒服，餐牌上的古書法寫有關烹飪的文字亦顯得獨特和文雅。首先叫兩個前菜，海蜇和著名的燒肉，可惜說沒有焼肉，只好叫了甜醋豬腳仔，一般貨色，海蜇頭就更驚人，目測只有8cm x 8 cm ，份量非常袖珍，我們四個人，每人只可有一小匙。但是價格是差不多200元。主菜訂了烤鴨，總算是有水準之作，皮脆肉嫩又不肥膩，薄餅軟而薄。跟著的虎掌菌豆腐煲和乾炒牛河的水準普普通通。這裏的地點和環境的確一流，食物質素普通，以這頓2000元左右的晚餐，雖然用某信用卡有折扣，性價比真是低。