回味無窮印尼餐館

營業中

休息中

一直幫襯開的印尼餐廳已結業了好幾年..實在可惜....所以已有好幾年沒食過正宗的黃姜飯了,近來發現了荃灣這間印尼餐廳好像不錯,而且我們又很懷念黃姜飯的味道 !!一於試下吧!買了兩盒黃姜飯和半打雞肉沙嗲黃姜飯不便宜 ($3x), 但黃姜的味道不重..有點失色..但材料也不少,有全隻雞翼,花生,蛋絲,肉鬆,蝦片之類的,總算能填補我很想吃黃姜飯的心靈吧 !!而半打雞肉沙嗲, 沙嗲的好食與否,一般來說醬料也是個很重要的關鍵,但這間的沙嗲醬不多, 而且味道不香濃..有點失望呢.........

今日同表姐&表妹放工之後出去行下!去到之前0係OR見到呢間荃灣0既印尼餐廳，決定係時候一試啦!之前經過親都大排長龍，還好今晚唔算多人，唔使等位就有得入去食啦!舖仔細細，但都幾企理!起碼都廁所乾淨+有電視睇，哈哈!好少我呢d年齡層約fds食飯會食印尼餐~但因為屋企人都係印尼華僑，雖然唔食得辣，但係聞到陣味就諗起細個一家人食飯0既回憶......宜家大個左返屋企食飯機會都少啦，何況煮印尼餐要咁麻煩......叫左幾樣送:椰汁雞: 椰汁味濃又香口，微辣程度我都入到口!!0岩晒口味!D汁送飯一流~巴東牛肉: 竟然係用牛展整!!都好落足本喎~~不過見到有汁都有d奇怪(正宗0個d應該吸晒汁入 牛肉)，同老闆??(幾後生)傾開先話，本來係無汁，but香港人要汁撈飯，個個都 要"多汁唔該"，所以先俾dd汁出黎，哈哈!! 因為我唔食得辣，但據同行人士講都好好味~巴里魚: 突然好想食魚0既晚上~炸得好透好脆!!D巴里汁0既辣度我仲頂到~~好快俾我地食清~印尼咖啡: 夜麻麻都要飲返杯!因為真係好鬼香~~正過快餐店0既即磨!!走人之前當然仲要買

前幾天,我從報紙睇到有關餐廳介紹,看食評跟照片賣相也頗吸引, 固是夜跟"打令"老公去試試。餐廳裝潢簡單,這個倒沒所謂,因為通常好食的店子都不太講究裝修。我們點了三個菜,1. 香茅酸辣雞,枉說是招牌菜,差!雞肉老,味道又不酸不辣, 一點都不像其菜名!2. 香葉魚魚多骨無肉,只有辣,味道一般!3. 炒青菜普通郊外油菜,加點點蒜蓉炒,菜頭很多,但菜葉不見,也收38元!最後服務質數亦不好,店子應是家族生意,個個反應遲鈍,有些顧聊天。寄語:有人貼錢我都唔會再去!

睇報紙介紹呢間野, 有幾張相, 好似好吸引, 再上埋黎openrice睇食評, 3 good/0 OK/0 bad, 決定一試!可能黎得早啦, 一入就大把位揀, 睇左好耐menu先揀到... 黃薑飯, 沙嗲雞肉飯, 凍檸蜜 & 班蘭糕先講黃薑飯, 蝦片有少少林左 d飯好似食唔出味, 隻雞翼味道ok, 但偏鹹沙嗲雞, 雖然我原本expect佢會有唔少汁同唔少雞, 點知只係得三串串燒仔, 但d肉整得好好味, 唔"鞋", 又夠林, d沙嗲汁仲勁正!!! 有少少辣至於杯野飲就嘔血喇, 請留意附圖, 佢黎果時杯野只係去到紅色線位, 而d冰係裝滿全杯囉! 我唔係要求要落好多蜜, 但唔駛連水都慳下??? 最後我要求佢幫我拎去加水!最後就係舊班蘭糕, 凍嘅, 裡面有d應該係椰絲嘅物體, 甜甜地, ok好食, $2.5一件, 抵!總結, 咁嘅價錢咁嘅份量咁嘅質素.... 俾60分左右啦

荃灣路德圍一帶,食肆林立,一到假日便聚集著印傭,可算是一個小印尼社區,近月在此有間新印尼餐廳進駐,名字叫"回味無窮".相約家母來晚飯,晚上六點多還未算多人,只見女店主正在包裝著蝦片.差點忘了招呼客人,不過小店經營,情有可原.打開餐牌,各式印尼美食紛陳,價錢相宜,大多也是四五十塊.可惜這夜只得我和家母,而家母的胃口一向不大.所以只能要巴東牛肉,椰汁雞,黃薑飯,再加個粟米餅.但店員說昨夜巴東牛肉賣光,到現時仍未煮好.而粟米餅亦未能供應.不如要個薯仔餅?家母見到有印尼炒麵,便要一碟.黃薑飯內容豐富,包著黃薑飯的材料有魚乾,蛋絲,炸雞翼,蝦片,花生,醬牛肉等等.先說個黃薑飯本身,黃薑同椰子味皆香,做得很乾身.伴碟的魚乾脆口,牛肉稔熟,最好的是蝦片,不是九份粉一份蝦的比例,香脆又香甜.是夜帶著很多東西,不方便打包蝦片回家.下次來一定會買幾包回家.椰汁雞帶有香濃的椰香,辣度輕微,而且雞肉做得入味,淋到差不多連骨頭也可吞.另外的醬蛋也美味.印尼炒麵同福建炒麵有點相似.味道也不俗.餐牌上還有印尼撈麵,十五夜,加多加多,峇里燒魚等等,非常吸引.菜式價錢便宜,結帳的價錢自然不會不便宜.是次吃不到巴東牛肉,

回味無窮印尼餐館---黃薑飯 (Nasi Kuning)日期：2009-11-22在"回味無窮印尼餐館"(荃灣)買了"黃薑飯 (Nasi Kuning)"($39)。現在先學些印尼文:Nasi，意思是"飯"。 Kuning，意思是"黃色"。 Kunyit，意思是"黃薑"。 Rendang，意思是"巴東牛肉"。 Sapi，意思是"牛"。 Daging，意思是"肉類"。 Daging sapi，意思是"牛肉"。 Ikan，意思是"魚"。 Ikan bilis，意思是"鯷魚"。 Kacang tanah，意思是"花生"。 Telur，意思是"蛋"。 Sambal Telur，意思是"森峇辣醬蛋"。黃薑飯(Nasi Kuning)---內有黃薑飯、香茅雞翼、巴東牛肉、森峇辣醬蛋、醍魚乾、花生、青瓜、蛋絲和炸椰絲。飯粒濕度和軟硬度適中，黃薑味和椰香十足，帶淡淡辣味，油份和鹹味適中。巴東牛肉醬汁較少比較乾身，肉質略硬了點，香辣中帶甜味，相當惹味。香茅雞翼肉質較乾嚡，香茅味足夠。森峇辣醬蛋嫩滑，辣味極重。鯷魚乾鹹中帶辣，炸花生十分香脆。整體質素不俗。

印尼餐館在荃葵區好像沒有，最近才看到有間新印尼餐館開業。今天剛有時間，午餐就到這裡來。這裡人手似乎不夠，起餸菜速度較慢，坐吓坐吓已客滿，有一對夫婦坐埋過來搭檯，閒談之間透露，他們已食過一次後再翻食，並說這裡節奏是慢一點，不過食物唔錯架。因此，如到這裡吃飯，便要預多一些時間喇，今天我點咗個黃薑飯，每碟39元，如要熱飲，可加4元，本想試試飲這裡的印尼咖啡，因早餐已喝過，所以唔想再飲，留待下次再試吧！黃薑飯：配料有蝦片、雞翼、半只雞蛋、花生、魚仔乾、肉鬆、巴東牛肉、豆角。首先趁脆食去上層之蝦片，這裡採用的正是印尼蝦片，很香脆；食完蝦片後，看到飯面放著魚仔乾與肉鬆，而碟旁順時鐘方向分別放著，半只雞蛋、巴東牛肉、豆角、雞翼、花生。那只雞翼燒得皮很香脆，肉質入味，花生質數唔差，也很脆口；雖然巴東牛肉少一點，但燒得很香口，味道很特別；雞蛋只是一般；豆角很腍甜；魚仔乾、肉鬆咸咸香香都幾好味；黃薑飯很少黃薑味，飯身炒到乾濕度適中，整體都好好味，食到淨翻啲雞骨後，才回家去。