四面泰泰式火鍋

營業中

休息中

四月四日兒童節，相約家人一起慶祝侄仔入到心儀的中學，好過中六合彩🤣🤣🤣！大家北上消費，我一行五人留港消費，刺激經濟😬😬😬！前兩日打電話訂枱，去到唔駛等就有位，但坐得比較迫，要問侍應取椅放東西。我叫了3-4人寶藏海鮮手工金盒連雙併湯底，一邊冬陰公湯底，另一邊椰奶雞肉湯底，究特別。另加叫美國雪花小牛排、牛板腱、鮮腐竹、手工韭菜餃子、蜂巢豆腐、泰國船面河粉鮮手打烏冬。飲品都好好飲和精緻，分別叫了泰式手標啵啵奶茶、奶蓋手標啵啵奶茶、鮮芒芝士奶蓋和泰式芒芒碌碌。海鮮手工金盒內有鱔、魷魚、鮑魚、鮮魷魚丸、扇貝、蝦、珊瑚蚌，全部好新鮮。值得一試，但是份量比較少。

主打泰式火鍋，標榜每日新鮮自家熬制，提供優質正宗泰式湯底，而且仲有一系列泰式小食同飲品，滿足一眾泰國菜愛好者！午市優惠雙人套餐 ($299)另外附加一服務同$15/位醬料費醬料費包含濕紙巾、紙巾、手工醬料、泰國蝦片同時令茶水。湯底可以單拼或雙拼揀咗椰奶雞湯鍋，配料足，椰奶香氣極重，店員建議水滾後飲咗湯先，入口清爽不油膩。四面拼盤(4粒)有手打鮮蝦丸、手打墨魚丸、牛丸同豬肉丸，每款都係每日人手新鮮制作，爽口彈牙。美國特色肥牛肉味濃，清邁什錦田園同泰國船面河粉索咗湯汁，有陣陣椰香，味道清甜。加湯係加番原本湯底嘅湯。招牌椰皇凍 ($58)賣相討好，有仙氣飄飄嘅效果。椰皇凍滑溜溜，椰香味濃郁，入口清甜，係味覺同視覺嘅享受。

近來沙田有泰式火鍋店非常出名，主打幾款新鮮自家熬製湯底，配上一系列精美吊燈，感覺休閑寫意。今回2人同行，叫了一款2人套餐，先選鍋底、再有手打丸子、田園時蔬珍菌，再選肉類、麵食等…而醬料費只需加上$15/位便可，還有鬆脆蝦片，手工醬料等…椰奶雞湯鍋來到，當然先嚐椰奶雞湯口感濃郁清潤；不禁讓人一飲再飲！美國特色肥牛油脂豐富，輕輕一炙，就可食到爽滑的肥牛了手打丸子口感非常爽彈，而且款款都非常足料，絕對愛上。什錦田園有多款蔬菜，滲透了椰奶雞湯感覺更香滑，陣陣柔軟。最後他們的泰國船面河粉質地較粗身，口感煙韌嫩滑。

沙田新城市中心,食肆林立,競爭激烈要闖出一條新路線,實不容易,午市路過竟見此店座無虛設,應該不會是伏店,再看餐牌價錢也尚算公道,姑且一試,原來真是無揀錯,食物和招呼到位,而且份量也不薄,與同事一人點了一個一人火鍋餐,如需額外的小吃和特飲,也只不過是加多三數十塊錢,最重要是湯底真的是無添加味精,尤其那個椰奶雞湯鮮甜無比,友人的冬陰功蝦湯,也是香辣無比,不要看少那兩隻蝦,也是超鮮甜,反而肉的份量少了一些,可能是太好味的關係,有點兒唔多夠喉,整體用餐感覺良好,結帳再加埋每位15元的醬料包括免費奉上的一大盆脆蝦片,每人也不過佰二三蚊,實在是性價比極高的火鍋店,下次再試其他菜式。

午飯與友人幫襯這間常滿的泰式火鍋店, 店員先介紹三款惹味汁醬供不同食材包埋一大盆香脆蝦片也不過每位$15元, 另外它的湯底好地道,包括少有的秘製冬陰功鮮蝦鍋及椰奶雞湯鍋, 試過又真係好好味, 而且店員高度推介先試味, 因全無添加味精, 之後我們選了雪花牛小排及西班牙黑毛豬腩肉, 兩款肉都很不錯, 更有兩隻彈牙大鮮蝦, 而配搭的蔬菜也種類繁多, 更有多款主食可供選擇包括烏冬、船麵或河粉 。飲品更可選泰象梳打水, 不過今次我們加錢要了招牌芒芒碌碌及碟荳花青檸, 特別要提套餐加錢更可選兩款小吃(蝦餅和炸雞翼)水準也不賴。整體午餐印象極好。

( ´▽` )ﾉ是日朋友生日。揀咗呢間餐廳，貪方便，喺正商場嘅頂樓因為我哋兩個女仔食得唔多嘢，所以佢咁啱有個套餐299💰，包咗好多樣嘢(￣∇￣)送一個雙拼湯底，手切肥牛，仲有打邊爐唔係成日見嘅船河，對於我呢啲超鍾意船河嘅人嚟講，真係好滿足(^з^)-☆重點推介係竹笙蝦滑，一定要浸椰子雞湯底，佢係完全索晒湯底嘅汁，唔使點醬料都已經好有味，食得出蝦滑好新鮮，冬陰功湯底入邊仲有新鮮嘅蝦哈哈，呢個價錢真係抵到爛，我哋兩個人食到飽，都係每人$200😍😍😍😍仲有另外叫咗生蠔，好新鮮，完全冇雪藏味另外叫咗份蝦，上嚟嘅時候啲蝦仲識郁🤣🤣🤣

🇹🇭沙田新開泰式邊爐🇹🇭入到門口裝修超級乾淨，望落去舒服整潔，專登避開咗午市晚市人潮多嘅時候，服務員都好笑容，叫佢哋加湯底都特別快一坐低服務員已經俾咗一碟醬料我哋，同埋一兜蝦片，三個醬料唔同味，每一樣都有自己嘅特色，啱晒大眾口味❤️❤️❤️我同朋友兩個人叫咗一個鴛鴦湯底，冬陰功同椰汁雞湯底，冬陰功好正宗嘅味道，酸酸辣辣好開胃，要重點推介係椰汁湯底，佢個味道好特別，同平時食開嘅唔同，超香嘅椰子味，我忍唔住淨係湯都飲咗3碗哈哈哈哈仲叫咗個四寶丸，😍😍😍係手打蝦丸同埋墨魚丸，仲有牛丸同豬肉丸另外仲有個蔬菜拼盤，啱晒唔知點樣選擇嘅我哋，每樣蔬菜都有啲😍😍😍😍下次要再搵一大班朋友仔嚟，試埋佢其他嘢

嚟過呢間嘢幾次，每一次都覺得佢啲食物好差，但湯底幾好，尤其是係椰汁雞湯。晚餐來到大概每人消費400-500，午餐就150左右啦。但今次嚟到覺得佢嘅食物份量越嚟越少，$38元的皇帝菜只有幾條。佢呢度嘅食物差得來，仲要係豬肉牛肉近乎無乜味又好鞋。同埋佢有某一兩位員工嘅服務麻麻哋，仲有，佢會夾硬收你醬料費即使你唔打邊爐，例如我上次係非繁忙時間叫左個甜品椰皇凍，收你$58+$15加收加一，我問侍應我都唔需要醬料點解要收醬料費？？跟住佢搵咗第二個態度唔係咁好嘅女人過嚟覆我話係咁架，因為有比杯水你。即係一杯水收我$15？？無奈

沙田新開了四面泰泰式火鍋店，不同於一般火鍋店，店內裝修精緻闊落，更像一間cafe。沒有添加味精的招牌冬陰功+椰子雞鴛鴦湯底，味道濃郁，未開始食之前已經飲左2碗湯。最緊要係後期加湯係直接加冬陰功以及椰子雞湯，不是加水，令到全程湯底都非常濃郁！炭燒豬頸肉好香好好食👍蝦唔叫大隻但係勁新鮮，有兩隻直程跳咗出嚟～最有驚喜一定係招牌椰皇凍，原過椰青內放滿充滿椰青味整成的奶凍，超級大個，味道好清甜，必吃大推！野飲叫左泰式奶茶，唔太甜，食住火鍋飲都唔會覺得好漏。

從來唔信openrice食評，但負評一定要信😂專登開個account打食評，因為真係泰。離譜！同朋友一行三人食呢間，食左鴛鴦湯底（椰奶湯及冬陰功湯），再加d大路打邊爐野，例如牛肉、丸類、菜。再另加小食豬頸肉及炸蝦餅。食落嘢食味道正常，我哋仲飲咗幾碗冬陰功湯。埋單仲要成千蚊，都幾貴。食完當晚就嚟料，三個人都屙，第二朝勁肚痛，完全訓唔到，即刻去睇醫生。醫生就話係食物中毒。當晚全場滿座，想知其他食客有冇事🥵

今日同屋企人去左試新城市新開嘅泰式火鍋，真係好驚喜首先嘢飲已經10分好飲，泰式奶茶嘅珍珠仲好食過坊間好多珍珠奶茶店。我自己就叫咗爆豬椰子水，非常清新，配火鍋一流。必叫四人份海鮮寶盒，叫寶盒送湯底，好抵食！最緊要係啲海鮮十分新鮮，啲蝦上到枱嘅時候仲郁緊，好crazy!材料全部都好靚，椰子同冬陰功湯底飲極都唔口渴！必定要讚個甜品，招牌椰皇奶凍，非常大份，唔太甜，仲要好香椰奶味！拍得住泰國嘅質素必須一提職員十分細心，又送上圍裙，又比我叉電話。今時今日咁嘅服務質素先啱打邊爐又多一個選擇！

想食泰式邊爐好耐，知道沙田有間開咗半年左右嘅泰式新式火鍋店——四面泰·火鍋，約咗朋友去滿足口腹之欲！新式火鍋店環境乾淨寬敞，燈光仲好光猛，裝修佈置有少少似平民西餐廳。點選午市優惠雙人套餐 $299後，店員先介紹同遞上醬料三款：青檸、椒麻、甜麻醬（每位+$15），再上埋蝦片，過過口癮。✔️鍋底（雙拼）湯底新鮮熬製，店員話放嘢食入去前嘅湯係最鮮甜，最好先飲。椰奶雞湯鍋嘅椰奶濃稠，雞肉喺湯底裏保持鮮嫩多汁，入面配有不同蔬菜，令湯底更清甜。秘製冬陰功鮮蝦鍋湯底辣辣哋好暖胃，湯內嘅鮮蝦彈牙、鮮美。✔️泰廚嚴選肉品（二選一）——美國特色肥牛肉質嫩滑，油脂分布平均。✔️美味主食（三選一）——泰國金邊粉鍾意金邊粉索晒冬陰公湯汁，酸辣得黎又夠爽。✔️手打丸子——四面拼盤（4粒）拼盤包含4種丸：鮮蝦丸、墨魚丸、牛肉丸、豬肉丸，4款丸的的骰骰，但口感嫩滑，彈牙入味。✔️田園時蔬珍菌——清邁什錦田園蔬菜拼盤有冬菇、金菇、娃娃菜等等，各種都試勻晒，新鮮清甜。✔️藕片（+$38）非常爽脆✔️飲品➖泰式芒芒碌碌（+$28）甜度啱啱好，有楊枝甘露配料，又有寒天晶球。➖泰式手打啵啵奶茶（+$28）茶味濃，多珍珠

之前試過一次泰式邊爐，食過返尋味。今次想同朋友試book mark左好耐嘅四面泰·火鍋（沙田），星期六放工鬆一鬆，去chill下。入到去揀左午市優惠雙人套餐 $299，已經有唔少野食可以選擇。點餐後，店員先遞上🔊醬料三款-青檸、椒麻、甜麻醬（每位+$15）❗️同蝦片，過過口癮。🟡鍋底（雙拼）- 每個湯底都係新鮮熬製，進食前要飲多幾碗湯🤤飲到停唔到口🤭▪️椰奶雞湯鍋🍲 椰奶的加入令湯汁更加濃稠，帶有濃郁的椰 香和奶香，雞肉喺椰奶雞湯鍋中煮熟後，保持了鮮嫩多汁的口感，佢吸晒了湯汁的味道。另外，湯鍋加入各種蔬菜，如粟米、菇🍄等。▪️秘製冬陰功鮮蝦鍋🥘🦐冬陰功湯底以辣椒、檸檬葉、薑、蒜等香料熬煮，具有辛辣嘅味道和獨特嘅香氣，飲完暖笠笠開胃。另外，湯入面有幾隻鮮蝦，佢哋喺在湯底中煮熟後保持鮮嫩多汁嘅口感，彈性、鮮美。🟡手打丸子-四面拼盤（4粒）- 「鮮蝦丸、墨魚丸、牛肉丸、豬肉丸」：▪️肉丸鮮甜彈牙，口感嫩滑，一次過試晒四樣款式，各有獨特味道，大滿足。🌟▪️田園時蔬珍菌-清邁什錦田園蔬菜拼盤有蕃茄、粟米🌽、冬菇、金菇、生菜🥬、娃娃菜，新鮮翠綠，吸晒湯底精華，好正。😊▪️泰廚嚴選肉品（二選一）-美國特

朋友想吃火鍋，我想吃泰菜，why not both? 台式火鍋及日式火鍋吃得多，泰式火鍋就真的未試過！午市優惠雙人套餐 ($299)包1款肉品(可選擇美國特色肥牛或西班牙黑毛豬)、1 份清邁什錦田園以及 1份主食(泰國船面河粉或泰國金邊粉或鮮手打烏冬)。醬料費 ($15/位)包濕紙巾，紙巾，手工醬料，泰國蝦片及時令茶水。手工醬料包括：青檸汁、辣麻豉油及泰式甜辣醬，更添滋味。可自由配搭雙拼鍋，選了慢燉牛板腱清湯及椰奶雞湯。店員建議可以先飲湯，然後再打邊爐。椰奶雞湯一飲入魂，充滿濃郁椰香，清甜不膩，入口啖啖盡是滋味。美國特色肥牛肉味香濃，油香十足，口感軟嫩。四面拼盤(4粒)分別是牛丸、墨魚丸、豬肉丸及虎蝦丸。是餐廳每日人手新鮮製作，非常彈牙，口感一流。清邁什錦田園泰國船面河粉夠大片，口感滑溜，吸盡湯汁，味道濃厚，啖啖椰香。不得不提，餐廳會因應客人選的湯底而加入相對應的濃湯，繼續保留湯底美味，而且會使用加湯擋板，相當貼心！炭烤豬頸肉 ($68)豬頸肉爽口彈牙帶油香，香甜美味。招牌椰皇凍 ($58)椰香味濃郁，清甜帶點奶香感，口感嫩滑，入口即化，作飯後甜品就最滿足！

上海知名人氣泰式火鍋店四面泰(Fall in Thai)開到嚟香港啦品牌2019年於上海成立，主打「功夫心機湯底」、招牌「寶藏海鮮手工金盒」及「性價比高」。更以「每日新鮮自家熬制優質正宗泰式湯底」作為招徠，連續兩年登上大陸飲食社交平台「大眾點評」的必吃榜。午市一人火鍋套餐只係$98 每日新鮮自家熬制優質正宗泰式湯底，今次試咗「秘制冬陰功鮮蝦鍋」、「椰奶雞湯鍋」，打邊爐之前飲啖湯，夠哂香濃，醒神開胃 牛肉同豬肉肥瘦分明，煮熟肉質依舊鮮嫩 兩隻海蝦仲跳緊，非常新鮮，蜂巢豆腐吸曬汁，仲有時款蔬菜 附送嘅泰國蝦片非常鬆脆 泰式芒芒碌碌 配料有西柚、西米、椰汁同芒果粒粒好似楊枝甘露 泰式手標啵啵奶茶  口感順滑，珍珠煙韌椰奶凍每日新鮮制作，絕對係必食，好大份，仲有陣陣椰香味！兩個人都食唔曬