影片
以上資料只供參考, 請與餐廳確認詳情
相關文章
之前喺Airside分店食過午市，一直好想食埋晚市，星期四晚終於去咗沙田新城市幫襯啦🤩我哋叫咗節日歡樂二人聚餐 $688，可以揀單拼或雙拼鍋，當然揀雙拼好似抵啲😂 我哋揀咗椰奶雞湯鍋拼慢燉牛板腱清湯鍋，椰奶雞湯有濃郁嘅椰子香，配跟餐嘅泰式金邊粉，肉，蔬菜食都好正，掛晒湯咁🤤牛板腱清湯味道清甜有層次感，配唔同嘅肉類都好夾🥰依個餐最正係有個海鮮金盒，裡面有鯇魚片，鮑魚仔，帶子，墨魚膠，蝦， 蠔，珊瑚蚌，全部都好新鮮肥美。肉方面可以揀日本黑豚肉或美國嚴選牛板腱，我哋揀咗牛板腱，好有咬口，肉味濃郁😍套餐仲有小食泰式手打蝦餅，外脆內軟，好有蝦味。跟餐+$38有一杯飲品，我哋叫咗泰式芒芒碌碌，好colorful, 好清新又解渴，芒果味仲好濃，好似飲緊楊枝金露咁；爆珠馬蹄椰子水，好清新解膩。最正係依間火鍋係加湯唔係加水，唔會愈溝愈淡，茶水同埋手工醬料費15蚊一位，已經包咗任食嘅泰國蝦片，真係好抵，全部侍應服務都好nice，講解又詳盡，環境又舒服，餐廳仲好貼心有供應圍裙同埋usb位可以叉電，值得一讚😍評分：最高為5分治癒度：👩⚕️👩⚕️👩⚕️👩⚕️抵食度：💉💉💉💉翻兜指數：🩺🩺🩺🩺四面泰泰式火鍋沙田正街18-19號新城市廣場一期7樓708號舖📍沙田港鐵站A3出口5分鐘路程
繼續閱讀
放工約了友人到沙田睇燈飾順便食飯，方便之下係返新城市廣場搵食，天氣凍凍地想食火鍋，但又想食泰菜飲冬陰功，上網見到有間泰式火鍋店，據簡介係上海過江龍，以自家熬制湯底出名的人氣火鍋店，見食物幾正又好奇之下即吸引左去一試究竟。餐廳面積頗大，以白色及木系為主調，暖色燈光感覺柔和，四周的綠色植物佈置，有著小清新之感，坐位闊落，感覺舒適。餐牌，食物都幾選擇，一場來到就試下招牌貨。醬料費，每位$15。有青檸汁、辣麻豉油及泰式甜辣醬，店員講解醬料配搭，都幾細心，建議海鮮蘸青檸、泰式甜辣醬蘸肉類或丸類效果更佳，而辣麻豉油就百搭。每台附上香脆的泰國蝦片。爆珠馬蹄椰子水，$42，賣相有著清新之感，爆珠內有馬蹄粒，口感幾特別，味道清甜。秘制冬陰功椰奶雙拼鍋，$178，雙拼一次過試晒，打邊爐之前先飲啖湯，味道各有千秋。秘制冬陰功鮮蝦，內有4隻蝦，味道香辣，酸酸辣辣有鮮味。椰奶雞湯鍋，內有雞肉、粟米及菇等，口感順滑，椰香味濃帶清甜味，飲多幾碗。美國雪花牛小排，$288，賣相像雪山一樣，滿足仙氣，牛小排油花豐富，肉質滑嫩，牛味濃香，美味，蘸辣麻豉油，味道香辣，不俗，而蘸泰式甜辣醬又有另一番泰式風味。手工竹笙蝦卷(5件)，$79，見係推介就試下，外層竹笙軟腍，吸盡湯的精華好入味，蝦膠彈牙爽口，美味。手工椰奶雞肉餃子(5件)，$68，賣相飽滿，內餡雞肉份量十足，味道不俗。鮮活海蝦(4隻)，$38。賣相有型，海肉鮮味爽口，蘸青檸汁味道更清香醒胃。招牌椰皇凍，$58。食埋甜品先滿足，點左人氣之選，又一個仙境再現，質感似豆腐花的軟滑，椰青味的清香，輕盈清爽的甜品，美味。走時見列3隻小象好可愛。食物味道不俗，有特色又可打卡，服務態度幾好，冬日又多個聚餐之選。
繼續閱讀
今日Half Day Off😉 約朋友去沙田「四面泰」食個午餐一人泰式火鍋🍲一開始職員話「蝦片可以無限Refrill」🤩入口又香又脆，我同朋友每人食了一盤🤣🔥秘製冬陰功鮮蝦鍋 - 美國嚴選牛板腱 130g 🥩 $128推介🫶🏻平時好鐘意飲冬陰功湯🔥辣辣酸酸好開胃🤤今次終於可以盡情飲❗️湯底好入味🤤牛板腱每多30g只需加$20，胃口大的朋友可以選160g😆新鮮的牛鎖住冬陰功湯的精華😋太正了🔥椰奶雞湯鍋 - 西班牙黑毛豬腩肉 130g 🐖 $118朋友選了店內🌟人氣Top 2 🌟的火鍋湯底🍲去泰國必飲的湯都比我哋試曬🤤湯底濃郁，朋友表示大愛😍😍🔥泰式手打蝦餅 加配$24推介必點小食😋😋厚厚的一塊❗️咬開入面滿滿的蝦肉，毫不吝嗇😆外厚的炸面仲好薄！絕對唔厚粉！真是啖啖肉🤩🔥香茅雞翼 加配$24好貼心以單骨雞翼上枱！大家都食得好方便，香口唔辣☺️🍹泰式手標啵啵奶茶 (飲品升級+$28)地道泰色風味的奶茶！茶味較重，不會太甜👍🏻手標啵啵好好咬口😆🍹泰式芒芒碌碌 (飲品升級+$28)鐘意芒果一定要點🥭個人認為一邊打邊爐，一邊飲沙冰是最佳配搭🫶🏻🔹茶水及手工醬料費每位$15，加一服務費📍四面泰泰式火鍋 (沙田) @fallinthai @newtownplazahk 沙田沙田正街18-19號新城市廣場一期7樓708號舖
繼續閱讀
🍲 **沙田泰式火鍋新熱點 | $688歎冬陰功海鮮盛宴** 「四面泰」進駐新城市廣場7樓，主打泰式鴛鴦鍋配新鮮海鮮，$688二人套餐夠晒份量，冬陰功控必試！ 🌶️ **湯底雙重奏** ✅ **秘製冬陰功+椰奶湯底** 冬陰功酸辣夠勁，香茅南薑香氣撲鼻；椰奶鍋溫潤帶甜，涮海鮮最夾～ 隱藏食法**：冬陰功湯底煮完海鮮後加金邊粉，變身泰式海鮮酸辣粉！ 🦐 **海鮮金盒二人份** ▪️ 海蝦x4（蝦膏爆滿） ▪️ 帶子x4（無沙） ▪️ 生蠔兩隻（肥嘟嘟） ▪️ 珊瑚蚌▪️ 鮑魚🥩 **肉類驚喜** ✅ **美國嚴選牛板腱** 油花均勻，涮8秒即食，牛味濃唔韌，椰奶湯底更能帶出甜味～ 🥟 **小食必點** ✅ **泰式手打蝦餅** 蝦膠混入馬蹄粒，炸到金黃脆口，蘸甜辣醬超惹味 🍜 **主食收尾** ✅ **泰國金邊粉** 用冬陰功湯底煮至入味，加埋海鮮精華，酸辣開胃 ⚠️ **真實體驗** - 新城市廣場分店環境闊落，卡位寬闊- 醬料有自製青醬，建議試吓泰式混醬（魚露+青檸+辣椒） 呢個套餐勝在款式多又夠飽肚，冬陰功湯底正宗，海鮮新鮮度拍得住專門店。不過辣度固定，唔食得辣記得叫少辣～ 😉🔥
繼續閱讀
今日去左沙田新城市既四面泰試佢哋嘅節日歡樂二人聚餐，真係有泰國既風味！雙拼湯底我地揀左秘製冬陰功鮮蝦鍋拼椰奶雞湯鍋，冬陰功湯底辣中帶酸，配埋鮮蝦真係鮮味十足；椰奶雞湯鍋則椰香濃郁，雞湯暖笠笠又滑溜，兩款湯底都好有特色，滿足不同口味需求！最重要佢地加湯真係加湯底既，而唔係加雞湯，岩晒我呢啲鐘意飲湯底既人，飲幾多都唔驚淡！🍲🦐🍗海鮮金盒二人份又鮮甜，入面有不同款式既海鮮，勁新鮮！仲有美國嚴選牛板腱，牛肉質感嫩。🥩 娃娃菜清甜爽口，平衡咗火鍋嘅濃味。泰式手打蝦餅彈牙又入味，係必試嘅小食之一。🍤🥬金邊粉吸晒湯底嘅精華，好滑溜又有咬口！另外我地加左野飲泰式芒芒碌碌同泰綠生椰子乳，前者芒果香味濃郁，後者清新解膩，配埋火鍋食岩岩好！🍜🥭🥥整體嚟講，四面泰食住泰國嘅滋味，氛圍感十足！適合朋友聚會或家庭聚會！👍😊
繼續閱讀