四面泰泰式火鍋

營業中

休息中

超正泰式火鍋🍲每個星期六都諗緊要去邊度食好嘢，今日同朋友仔嚟沙田覓食，竟然俾我哋食中一間好正嘅泰式餐！而家佢中午做緊299嘅雙人套餐，都幾抵食！不過提返佢地會收返$15 茶芥冬陰功椰奶雙拼鍋呢個搭配好特別，一邊係超級惹味嘅冬陰功，裏面有蕃茄鮮蝦等食材，又辣又酸，刺激味蕾！另一邊嘅夜奶都好出色，椰奶比得好足，所以成個湯飲落好濃郁，裏面亦都有雞肉粟米等配菜，同個椰奶湯底相得益彰除咗湯底已經有好多料之外，呢個套餐仲包括咗肥牛，蔬菜拼盤，手打肉丸同埋手打烏冬，所以一定唔會食唔飽！我認為冬陰功湯底比較適合綠牛肉同埋肉丸，椰奶湯底就適合用嚟淥蔬菜！另外我哋都嗌咗佢哋嘅招牌椰皇凍，呢個椰皇凍真係不得了！裏面嘅奶凍係好軟綿綿，極重椰奶味！個人覺得如果真係去食嘅話，一定唔可以錯過嘅一個甜品！

泰國打邊爐其實都幾少見，但係原來都好正㗎喎！呢間喺新城市廣場嘅泰式餐廳就俾咗我哋一個泰式燒烤嘅新體驗！我哋揀咗個午市套餐，呢個套餐包含咗好多食物，秘製冬陰功椰奶雙拼鍋，大大盤美國特色肥牛，特色肉丸，蔬菜籃，仲有新鮮手打烏冬！加埋一堆係三百幾蚊，超級抵食！鴛鴦鍋裏便其實已經有豐富嘅湯料，冬陰功酸酸辣辣，超級惹味，用嚟淥肥牛好正！另外一邊嘅椰奶鍋就係完全新嘅口味，椰奶好濃郁，好滑，飲落去好暖胃，而且裏面亦都有啲雞肉，超級足料！呢間泰國菜其實真係幾正，而且裝修整潔，坐得又舒服，店員嘅服務態度亦都好好，大家去開沙田真心推薦一試！

這天到沙田工作，在沙田新城市廣場找吃的，見這間餐廳做午市優惠，雙人火煱原價 $499，推廣優惠價 $299，於是就過來試試，這店是上海知名泰式火鍋品牌 Fall in Thai 進駐香港的餐廳，餐廳的裝修時尚，大自然氛圍，配搭輕奢風格，跟門外新城市廣場 7 樓的戶外環境很挾，食物質素也很有驚喜！ 我們選擇了午市優惠雙人套餐，我們的雙鍋底是秘製冬陰功椰奶雙拼鍋，這個雙拼鍋讓我們可以同時品嘗到兩種不同的泰式風味，非常滿足。冬陰功湯以鮮活蝦煮製湯底，加上泰式香料，不會太辣，挺適合本地人口味。最驚喜是椰奶雞湯，湯底經老雞小火慢煲 6 小時，加入椰子肉椰子水與椰奶，椰子的甜加上雞肉的香，一試難忘！  配料方面，美國特色肥牛肉質優質，油花豐富，只需在湯底稍微涮一下，就可以品嘗到肉的鮮嫩多汁，沒有多餘的膠質或筋膜，口感非常好。四面拼盤有潮汕牛肉丸、手打墨魚丸、手打新鮮蝦丸和豬肉丸，餐廳自家製作，口感彈牙，肉汁豐富。這兩個拼盤都是很好的配菜，可以讓我們吃到不同的肉類，增加飽足感。  麵條的部分是用泰國進口的船面，是一種比較粗的米粉，口感軟糯，很有嚼勁。清邁什錦田園是一個蔬菜拼盤，有生菜、玉米、香菇、娃

fall in thai 四面泰位置係沙田新城市7樓今次係第一次去 餐廳座位好寬敞我係lunch時間去食都幾full冇book都要等一陣所以人多都建議打去book左先當日見到餐廳lunch menu有1人餐同雙人餐店員話如果1人餐就係1人1個細鍋而我簡左$299既雙人餐就可以簡雙拼湯底大鍋但要留意佢地係有加一同$15蚊醬料費醬料費包一盤蝦片做餐前小食 香脆 佢地有牛清湯 椰奶雞湯同冬陰公湯我簡左後兩款上湯底既時候店員話湯底係冇味精滾起之後兩款都有試飲 的確唔錯 由其是冬陰公湯 好正 附送4隻蝦 好食既 配料方面就有1份肉 牛豬2簡11盤4款手打丸 蔬菜同粉面仲包1杯特飲粉面我簡左船河 飲品就簡左芒果牛肉配中間個款醬汁好食 自製左1碗牛丸雞湯船河 飽哂

四面泰·沙田••••••••••••••••••••••••••••••店鋪地址：沙田正街18號新城市廣場一期7樓708••••••••••••••••••••••••••••••今日放假 去咗新城市廣場食呢一間餐廳我12點半左右到 都幾多人係門外等大概1:00我終於可以入去食😂見到佢個二人套餐好似好抵咁就嗌咗呢一個餐$299 另外醬料需要加$15同埋有加一服務費我哋叫咗個雙拼湯底秘製冬陰功拼鮮蝦椰奶雞湯鍋☺️👍🏻湯底冇味精 兩個湯都好飲 冬陰功湯底有幾隻蝦喺入邊另外叫咗兩杯特飲都幾好飲 似喺出邊買嘅泰茶咁☺️☺️😂😂整體嚟講份量都足 而且味道都好好。會想下次再黎試下另外一個味道☺️

泰式邊爐真係第一試，估唔到有意外驚喜！鴛鴦湯底係椰子鷄同冬陰功，椰子鷄湯底超級impressing，好鮮甜，冬陰功都一樣超入味，飲得出唔係味精野。就算去到最後都好夠味。價格方面，海鮮定價比較貴，其他都算合理。食物粉量都唔係少。推薦牛拼盤~幾款特飲都好足料飲，最愛的芒果特飲好飲過出面的飲品店！！呢間令人會回味的餐廳，希望繼續保持水準。

今次係第二次去光顧呢一間店，第一次係開左一個月到去第一次上 雖然啲Waiter態度差 不過講真啲野食係OK。啲海鮮套裝係正常既. 肉都還可以。整體係尚可接受不過今次去 完全變曬咁. 啲湯一開始就比好少所以就叫左人過嚟加湯。佢地仲要好唔請願咁，加完湯先有返啲味，第一次食火鍋 一上嚟就加湯 咩新玩法？完全係同第一次食完全兩個味 根本就係偷工減料. 不過難怪既 都係大陸管理既香港餐飲公司.做法一樣 開既時候好地地 過左頭個一浸水就算…其實都冇咩好講 牛丸差 河粉嚟到一坺嘢咁 牛肉套餐 落水 縮水 縮到細過手指尾， 最呃人就係個杯泰式芒芒碌碌 點解可以做到完全冇味 淡茂茂. 兩個人 食左900幾 接近一千.第一次覺得還可以接受，今次去完 咁既價錢你比咁既野我哋，完全唔掂囉。 唔推薦去 亦以後唔會再去！

沙田的美食選擇一直很豐富，不論是中式、西式、日式或韓式，都有不少人氣餐廳。最近，沙田又多了一間泰式火鍋店，就是四面泰火鍋。這間餐廳是由上海知名的泰式火鍋品牌Fall in Thai進駐香港，位於新城市廣場一期7樓。餐廳的特色是每日新鮮自家熬制的優質正宗泰式湯底，以及寶藏海鮮手工金盒，讓食客享受到醇厚的泰國風味。小食：炭烤豬頸肉我們先點了一份炭烤豬頸肉作為小食，這是一道很常見的泰式烤肉。豬頸肉經過醃製和炭烤，肉質嫩滑多汁，表面帶有微微的焦香。配上餐廳提供的特製醬汁，酸甜微辣，增添了層次感。湯底：秘製冬陰功椰奶雙拼鍋我們選擇了秘製冬陰功椰奶雙拼鍋作為湯底，這是餐廳的招牌湯底之一。這個湯底分為兩半，一半是椰子雞湯，一半是冬陰功湯。椰子雞湯是泰國特色湯底，清湯底經老雞小火慢煲6小時，加入椰子肉椰子水與椰奶，放入一塊塊的雞腿肉，椰子的「甜」加上雞肉的「香」簡直甜香十足。冬陰功湯是泰國稱為國湯的酸辣湯，以鮮活蝦煮製湯底，放入基圍蝦加上泰式香料混和、嚴選食材，湯汁酸辣鮮甜，每一口都是醇泰的味道。這個雙拼鍋讓我們可以同時品嘗到兩種不同的泰式風味，非常滿足。 寶藏海鮮手工金盒寶藏海鮮手工金盒是餐廳的另一

服務態度：觀察了整餐飯，男侍應和/或貌似男侍應（衆數）不知何解比較女侍應較懶散，有一位愈叫愈走，其實我地只想問條簡單問題。我係女侍應可能想快啲轉工走。終於明白何解人們情願北上消費。唉，這裡無寫免加一啊？！要請返劉德華出山啦。火鍋：蝦新鮮但仍活著，生燒有點殘忍。湯比餸優勝，可能我愛湯多過食物。椰雞湯好味，可安哥。埋單：已換上態度好的姐姐。如上餐的都咁禮貌就好 lu。整體：態度係讓顧客不願再回去的因素之一。

朋友最近話請我食飯 帶咗我去呢間新城市食泰國火鍋菜嘅地方食午餐😍價錢好抵食 $299就有個火鍋二人餐 仲有無限任添烏冬！！我哋揀咗雙鍋底 特別想推介下椰奶雞湯鍋🤣味道鮮甜 仲可以打邊爐之前飲番碗真係好啱呢個天氣飲😍成個人暖晒即時二人餐嘅份量好足夠 餐前佢哋會送一碟蝦片值得一提嘅係可以無限量任添 我都食左幾碟香脆無比 仲比較辣辣地 好開胃二人餐裏面加$38就有個蝦餅 必定要加！！！！因為香脆又彈牙 蝦餅厚身多肉 卜卜脆飲埋杯奶茶就真系好滿足啦二人餐有四粒丸 豬肉丸實正新鮮 配埋個湯底一齊食好惹味～不得不說 呢一間既CP值真系好高！

沙田新城市廣場食店琳瑯滿目，有好多好多選擇😄其實每次諗食啲乜嘢，都要諗好耐。今次突然間見到一間泰式火鍋，好似見到曙光咁，即刻入去試吓。主打泰式火鍋之外，當然仲有好多泰式嘢食例如串燒等等，都真係幾吸引㗎。今次叫咗冬陰功和椰奶湯底，嘩，幾正喎，冬陰功湯底裏面仲有四隻蝦係送埋嘅，唔錯唔錯。椰奶湯底好鮮甜呀，下次都要叫。另外叫咗佢最出名嘅海鮮盒，有蠔有鮑魚有蚌有蝦等等，打卡一流，幾好味。 下次去沙田搵食，都係一個好選擇。

沙田行商場，我發現有午市火鍋既餐廳—四面泰。我好滿意餐廳環境同衛生，叫左一個午市一人套餐及炭烤豬頸肉，上菜前有炸蝦片食住先。首先係椰奶雞湯鍋，熱左之後散發濃郁的椰奶香氣，我先飲一啖湯，好好味，口感順滑。主菜有美國嚴選牛板腱同埋泰國金邊粉，放落火鍋好快就食得，牛板腱同金邊粉吸收曬湯汁，真係好好味。泰式芒芒碌碌係我飲過最好飲的芒果飲品，又甜又可以食到好多果肉。椰汁芋頭馬蹄西米榚好可愛，配有粟米粒，芋頭甜蜜和馬蹄清甜而爽脆。

沙田新城市廣場開左新泰式火鍋店，好特別同埋少見，燈飾好靚可以畀人打卡。門口有職員話有一人鍋，我就黎試下慢燉牛板腱清湯鍋。餐廳提供左三種特色醬料：青檸醬、酸辣醬及椒麻鼓油，並講解食法。未上菜前有蝦片零食，脆口不重味。美國雪花牛小排同埋生蝦都好新鮮，肉質美味可口，仲要混和以上三款醬料，十分滋味。泰國船面河粉已經夠飽，而且仲有好多蔬菜，份量充足。泰式芒芒碌碌配有西柚、椰汁和西米，適合我降火。最後不得不提係炭烤豬頸肉，燒得剛好，帶出到燒烤風味，肉質嫩滑，非常好味，大力推薦朋友要試試。

已經聽過幾個朋友極力推介嘅呢間新開業嘅泰式火鍋餐廳，佢哋話最適合一家大細去食，食物新鮮性價比又高。今日經過新城市廣場就諗住嚟試吓！嚟到餐廳六點幾已經大排長龍，但服務員態度好好，擔心我哋同小朋友肚餓，就俾咗啲水同埋蝦片我哋邊等邊食🥹。蝦片好好食，簡直想問佢哋有冇得一袋袋賣。等緊枱嘅時候聽到企喺隔離啲熟客話佢哋d湯底好正，一個禮拜至少要嚟食三次😂搞到我鬼死咁興奮。一坐低，服務員詳細咁介紹火鍋醬料，真係好特別，唔係普通嘅豉油蔥蒜頭咁悶。我哋叫咗個冬陰功同椰子雞鴛鴦湯底，一上到嚟已經覺得好吸引。因為每日新鮮熬製加上非常足料，未落火鍋配料之前，湯底已經非常好飲，唔係誇張，但真係飲停口。最令我哋驚訝嘅係佢哋加湯底係家原湯底，而唔係好似出邊大部份火鍋店咁加熱水😱。所有海鮮同火鍋配料都非常新鮮，特別係佢哋嘅牛肉，咁靚嘅牛肉喺外面真係冇見過可以買到咁平，真係又正又抵食！我哋叫咗佢哋嘅四面泰牛肉拼盤。想試多啲唔同種類嘅話，建議你哋都可以試吓！甜品我哋就嗌咗佢哋嘅招牌椰皇凍同芒果糯米飯。椰皇凍真係好特別，椰香味好重但又唔會太腻。芒果糯米飯都好好食，見到係水吧嘅泰國姐姐自己整，芒果仲要俾足半個我哋。雖然好飽，

放lunch想食泰國菜🙈同同事去左呢間新開既泰國菜佢哋嘅午市二人套餐好抵食 $299兩位而且主食河粉/米粉/烏冬同蝦片可以refill 食到好飽好滿足👍🏻👍🏻我哋選擇咗美國肥牛 份量都好足 新鮮肉味濃 烚一烚就食得 朋友都話好食而且有四粒丸 個人最愛係蝦丸 彈牙爽口泰式珍珠奶茶唔會好甜 珍珠煙靭 正宗又好飲真係要隆重介紹吓佢哋嘅湯底 椰子雞湯係最好飲 淥熟食物之前可以飲返碗 冇味精 椰香奶味足無論要嚟食牛肉定係烏冬 呢個都係一個唔錯嘅湯底菜類都好鮮甜 烚一烚 好滿足我哋加咗個小食蝦餅 好有驚喜 脆口彈牙！！