四眼佬打冷小廚

營業中

休息中

今次撞岩屋企人生日，而又有人提議不如食潮州打冷，於是就上網搵吓葵芳附近有咩打冷鋪，加上朋友既介紹，就揀左呢間四眼佬打冷小廚黎試吓😋由於疫情關係，所有人進入店鋪都需要量體溫，一入到去，店員好熱情同埋知道屋企人行動不便立即執好左張枱俾我哋就坐。呢間除左平時見到既小菜，有潮洲必有既滷水，蠔仔粥同炸蠔餅，相當吸引！我地分別嗌左五樣野，分別有金牌大什拼，方魚蠔仔粥一窩，香脆蠔餅， 椒鹽鮮魷拼九肚魚同啫啫雞煲。❣️金牌大什拼（$108）大大份有齊曬墨魚，生腸，大腸，紅腸， 鵝腸，鵝腎，腩肉同豬耳頭，味道岩岩好，唔會過咸，而且滷水味入得岩岩好，夠曬入味！❣️方魚蠔仔粥（$95一窩）大大窩蠔仔粥，入面材料十足，有超多蠔仔，仲有少少碎肉同加左啲方魚調下味，味道剛剛好，鮮味十足！❣️香脆蠔餅（$78）呢個價錢便宜而且有齊兩大塊，炸得岩岩好，食既時候好脆口，而且無放太多粉，食既時候蠔肉好多，十分足料！❣️ 椒鹽鮮魷拼九肚魚（$128）一個價錢有齊曬鮮魷同九肚魚，啲食材新鮮大大舊，完全無乜炸粉，食到食材既原汁原味同埋炸得非常鬆脆，係一個唔錯既小食黎。❣️啫啫雞煲（$88）呢個價錢真係好抵，上菜既時候已經聞到好香，見到啲

葵芳有好多好嘢食，其實都好耐冇食打冷，今次行過一於試呢間。門口已經見到係好傳統嘅打冷櫃位店內環境企理最近有抗疫價羊腩煲，遲啲凍啲可以試下最後我哋2個人點咗1）蠔仔粥一碗，好多蠔仔份量多，唔會太鹹有傳統嗰種味道2）豉汁蒸大鱔有驚喜係佢用粉絲薦底～而且好入味新鮮，蒸得啱啱好3）薑蔥炒蠔🦪蠔好大隻，仲有四隻好抵食4）自選滷味拼盤拼盤好多款式選擇，我哋揀咗魷魚、鵝腸同生腸，三款$88份量多，我本身鍾意食鵝腸佢呢一度都好食

雖然唔係潮州人，但我很喜歡吃潮州菜。凍海鮮、滷水、螄蚶、蠔、蜆..全部都好正。而打冷菜館那種自己人架己冷親切貼地的感覺，亦都是十分可貴，令人可以放鬆豪邁大吃大喝一番。四眼佬打冷小廚除了地下，還有二樓和廂房，非常適合一大班朋友飲酒作樂。除了正宗潮州打冷菜之外，還有海鮮、火鍋和小炒，不過可惜當日沒有生猛海鮮，我們便點了其他菜式。潮州鹵水鵝片（例牌$98），漂亮薄切，給滷水煉得晶瑩，色澤也可以，香料味道平均，左一片鵝片，右一啖啤酒，爽！豉汁蒸大鱔($138)，鱔肉結實甘香，調味非常不錯，豉汁很香，又有粉絲等等的配料。去親潮州菜館，例牌都會點方魚蠔仔粥（一窩$95），這裏的蠔仔粥很鮮甜，肥美蠔仔，湯底有芳香的魚味，而且一鍋也很多，足夠四個人吃。最後還點了星洲炒米，微辣惹味，咖哩味濃，$68一大碟，不但米粉多，配料亦很多，很抵食。

今日同屋企人食飯，都係葵芳選擇餐廳，在泊車附近見到間叫四眼佬扛冷又大而且入面都多大張桌，仲有二層，我地最後一行五人去食飯。而每個餸都是大約每款八十蚊左右，除了潮州還有中菜都幾多選擇。我地最後一人叫一個餸來吃，蠔餅入面蠔都不少幾足料但少太細片。大家都覺好食的九菜豬紅，入味而且豬紅少有好滑又濃味推介。另一個好味的魚頭煲，幾大個而且味剛剛好又夠熱不錯。豉椒鵝腸，份量不多，味道普通不差。最後我地叫了一個炒菜，腐乳通菜炒不錯，但腐乳好少，菜的份量都夠，不夠醬的原因所以味道偏淡但炒得幾香口。

今日凍翻，諗住食d 熱野，冬天食桶蠔煲，唔熱，黑椒牛仔骨，唔得，直頭無黑椒味叫多個豆苗加兩罐可樂比左三百幾都唔知我要求高，定e兩味唔叫得我之前都去過幾次，食過鹵水鵝片，黃金蝦，不過食品質素每況愈下，得個咸，油，如果食小炒我以後唔會選擇e間，寧可去新都會pepper lunch 食 唔係小炒，至少熱每人160,比多少少放題都得仲要同人去食，食得唔多高興不過服務ok, 人係唔錯，不過品質。。。一般總之同朋友吹水可以，食物就唔好咁高要求喇

行完葵廣，就搵左間小炒嘅茶記黎食。呢個滷水鵝片好入味！鵝片份量都幾足，大大塊，淡淡肉，正！滷水味好重，重口味嘅朋友一定喜歡！鵝片下面就係豆腐乾都唔差！吸收左滷水汁，而且豆腐都幾滑，煮得岩岩好而豉油王炒大蝦，蝦身都好大隻，肉身結實而且有小小彈牙，但我覺得似係急凍大蝦，唔似新鮮蝦不過味道又係偏咸，可能我口味偏淡而呢個野菌扒通菜就有意外驚喜！平時食通菜都係蝦醬炒，味道會偏濃，但用野菌扒嘅造法，岩晒口味淡嘅朋友。而且野菌種類都多

食宵夜打冷我最愛去四眼老，貪佢收得夜而且食物又美味。由葵涌廣場行過泥大約10分鐘。四眼老正正系籃球場附近，唔識路都幾難塭。今晚兩個人唔太餓，只叫了3款餸。金銀蛋莧菜：咸蛋同皮蛋既比例系一比一，不會太咸，大大份食極都食唔完。潮州蠔餅：想知一間潮州打冷功力夠不夠，叫個蠔餅便自有分曉。蠔餅首要條件一定要夠香夠脆，而且蠔仔份量不可小。這裡的蠔餅有曬以上既條件，脆卜卜送酒一流鵝片，沒有"蘇"味, 鹵水味道很濃，有很重的八角味，鹵水鵝片最適合送白粥

由於好少去呢區不過方便大家近mtr由老友帶隊加上打冷好似系香港越來越少帶左紅酒一齊吹下水舖面夠晒舊檯又好迫夾要起身讓路果隻已左豬紅蘿蔔豬皮可惜豬紅未夠入味應該系雞紅豬皮就夠淋籮蔔就一般煎牙帶魚好耐無食過夠晒咸叫左兩個粥見有羊腩煲即時開爐除左跟煲茼萵再叫多西洋菜羊腩件夠多話晒$250不過味道就好一般所以叫多個咸菜魚有d打冷地方費時做呢個菜又系好夠咸再試下蜆仔肉反而呢個系成晚最好始終味道濃又咸紅酒飲過後再整多兩支藍妹走人睇個牌原來營業到零晨四點總數八百大元正咁gei地方同食物質素就高左dd

依日原本買晒餸..仲準備緊晚餐~另一半急call我去葵芳陪佢買野買完就順便係附近食埋飯先返屋企囉! 佢話想食潮州菜拿拿淋上openrice搵，最終黎左依間試!食店地方都ok乾淨，我地先點2支啤酒..再點餸因為食店無冰桶~要逐支上潮州大什會有墨魚片,豬大腸,紅腸,雞腎,鵝腸, 大腸,大豆芽等大路食物..味道無乜特別，豬腸好肥椒鹽炸魷魚賣相ma ma..外層鬆但唔算脆口，味道平凡..唔算香口"小炒皇"欠鑊氣，韭菜腍左少少，食材唔算好豐富..味道一般

這天朋友想約我去喝酒，與其到酒吧喝酒又貴又無野食，我反建議到我家附近打冷吃小菜，不但填飽個肚，酒水亦便宜得多。 這店已經營業了多年，我久不久我就會想到這兒打冷。因為遲到的關係，友人已經早早點了個鹵水鵝，這兒的鹵水做得不錯，應該是拜那多年的鹵水汁所賜。我們一行三人，足足點了五個菜，喝了五支啤酒，非常滿足。炸豬大腸是其中一道必吃的菜，有朋友不吃炸豬大腸，所以我們點了這個炸豬大腸拼京都骨。這店的炸豬大腸是開炸好後開邊切一開二。豬大腸已洗得很乾淨，不但沒有臭味，還不會有多餘的肥膏，表面炸得香脆。京都骨做得也不錯，豬扒炸得鬆化，主面沾上薄薄的甜酸汁，很乾身的。要佐酒嘛，少不了豉椒炒蜆。這店的炒蜆我覺得炒得太濕，我比較喜歡乾身的，但適量的豉椒味非常惹味。唯一要改善的是可以縮短炒的時間，因為這碟炒蜆應該是炒得時間太長，導致蜆肉與蜆殼已分離。我是超級愛吃粉絲的，所以每次吃小菜，都愛點沙嗲ＸＸ粉絲煲。本來我想點蝦煲的，但怕吃蝦麻煩，所以最終選擇了沙嗲肥牛粉粉絲煲。煲內除了沙嗲肥牛和粉絲外，還有菠蘿和金菇菜。沙嗲肥牛半來就是很油膩的，加入酸酸地的菠蘿，可以中和一油膩感。粉絲吸收了濃香的沙嗲汁，超好味的啊。

暫沒工作的我,係時候約朋友仔食飯兼閒聊!面皮厚嘅我提議去四眼佬,居然冇人反對 六點幾,冷清嘅塲面,再次任坐三個女仔,呱呱嘈咁討論食咩好,結果......... 鹵水鵝:勁肥嘅"我"遇着超級肥嘅"鵝"咬走肥膏放入口,居然咁入味嘅!?勁! 炸乳鴿:完全覺得似係非洲籍嘅乳鴿,咁黑嘅炸到咬落係有d脆但乾身咗少少囉..... 蒜蓉西蘭花:沒有炒散嘅西蘭花,多蒜蓉但唔咸,咬落唔太硬身啱啱好,"正"呀! 蒸魚:唔知係咩魚,唔多骨,食到好滑好鮮味,唔"鞋"喎!仲用好多葱去蒸,但唔見有薑嘅!? 邊食邊吹水,坐咗三個鐘,三個食飽嘅女仔各自歸家

自從與"他"分開後...差不多有一年设來了!吃過很多附近的打令店/小廚,沒有一間使我想再次光顧,唯獨是這間極不起眼的食店,還是覺得你最好! 晚上6时8分左右到達,沒有客?星期日喎?都好!我可以任坐 等待朋友期間已叫啤酒給自己解喝,爽呀!5mins後終於比我等到啦!"衰仔!想餓死人家個女咩?"朋友滿面歉意話"最多比你叫雞嘞!想叫咩雞?"想也不用想,當然是~~ 啫啫雞啦! 每次叫這雞也很期待侍應由廚所取出來的一刻...吱吱喳喳,香味撲鼻,在塲很多食客也会留意(包括當年的我)很熱很熱又比隻雞"辣親"大家請放心這雞濃味而不咸,雞更沒雪味咖,唯獨美中不足就是煲底有很多油,不知是否雞油呢?邊吹水邊飲酒,簡直一生一大樂事呀!為了飲酒期間有餸吃,所以一連叫了三个餸~~ 豉油皇大蝦:大大隻彈牙嘅蝦,超多膏!正!正!正呀!但点解蝦殼咁咸ge?莫非今朝輸馬,所以...... 椒絲腐魚炒通菜:"正"菜一碟,但...乜腐魚好貴嘅咩?好似食到好少腐魚味囉... 薑葱炒蟹:啖啖肉兼食到鮮甜嘅蟹味law,食到完全停唔到手ar 由六时多坐到十时,飲飽食醉的我倆便

下午1:00, 學生哥特別多, 新式茶餐廳坐到出街, 舊式店舖留返俾我哋 。平時只聽及食過晚餐有點好食,我無想過午餐有d也嘢食 ? 原來以粥、飯、麵、油條...為主 。下午都係1:00多鐘, 所有什麼鳳爪排骨飯...已經全部賣晒, 只餘下粥、麵、其他.. 原來粥都有套餐, $20 一個指定粥 +炒麵/炒米/蘿白糕/馬拉糕/炸兩/ 油炸鬼選擇, 真係開心返埋來, 仲覺得好抵 , 不夠5分鐘全部已送上, 先講粥, 一般sz, 熱得很, 對我來說豬肉都幾咸, 又幾多, 要留返d粥一起食,皮蛋不算太多, 但啱老人家一族, 查實唔係太差; 炸兩, 不是即叫即整, 有點腍, 腸粉唔夠滑, 但可填肚; 另外朋友也是叫套餐, 配是炒米粉, 凍唔多夠熱, 但菜多, 份量唔少, 亦足以填肚。總之, 但求一餐 "飽 " 及平!

今日同朋友,合共4人來呢間打冷店食飯,我地每人order一款菜式,分別有粟米魚肚羹(好味道,夠晒多魚肚,4個人飲一窩,每人可以分到2碗)、打冷大雜會(有紅腸、生腸、鵝腸、豬腸、雞腎、大豆牙.....樣樣都有d,啱晒心多多既人)、蠔仔粥(都好多蠔仔,好足料,一窩都係可以每人分到有2碗)、京都骨+炸大腸(雙拼,酸酸甜甜好開胃) 。食完都唔係好口渴,咁即係冇咩味精la,幾好,會有下次!!

昨日同三五知己朋友相聚, 點了 粟米魚肚羹、豬紅韮菜、滷水鵝, 椒鹽鮮魷、三個白飯1個粥、四罐汽水, 份量可以接受, 滷水鵝骨軟+滷水味好正,值得推介, 每圍都有客人叫這菜, 真係不能少。 粟米魚肚羹好大碗, 五個人真係抵飲;，豬紅韮菜份量不太多, 但每人都可分, 不會落空; 至於 椒鹽鮮魷, 小朋友至愛, 熱及金黃, 無得走雞。 推得推介...