四寶食堂 (華凱大廈)

營業中

休息中

果然係人氣茶餐廳，北角呢一間成日都好多人排隊，今日終於都有機會試下，雖然間舖頭唔係好大間，但係啲位都坐得舒服，果然冇得輸這茶餐廳嘅價錢 cafe 嘅味道😍蔥油豬扒太陽蛋飯厚切豬扒，又香又肉汁，又幾好食喎，仲有隻煎得好靚嘅太陽蛋，加埋啲蔥油撈飯冇得頂！唔怪得成日咁多人排隊❤️最鍾意杯紅豆冰，唔使嗌多紅豆佢都有咁多紅豆，正呀✌🏼之後嗌咗個瑞士汁炒牛河夠晒鑊氣，炒得有幾靚仔，牛肉又夠多，河粉唔會炒到一pat pat，好味😋

晚餐我同朋友去左間茶餐廳叫餸食飯🤗 之前食過呢間其他分店唔錯 今日再去食 我地兩個人叫左三個餸食🤗今次叫左兩個燉湯套餐 套餐包左一個餸、燉湯、白飯、飲品 仲可以加配個小食 燉湯都非常足料入味😚好快就將個燉湯飲曬其中一個套餐係鍋巴金薯虎蝦 虎蝦有三大隻 蝦肉都好爽口 值得一試😎另一個套餐係飛魚子珍珠帶子扒西蘭花 超多珍珠帶子 加埋飛魚子同蛋白調味 好正😋最後再叫左個淨餸 拔絲山楂汁菠蘿咕嚕肉 咕嚕肉皮脆肉嫩 餐廳用上新鮮菠蘿🍍好好味最後又係甜品時間 我叫左麻糬波波紫薯味 麻糬波波外層係菠蘿包皮 內裏有麻糬 口感一流

炮台山一帶真係有好多餐廳 試極都未試晒 今次咁啱同同事lunch見到呢間餐廳大排長龍👭🏻👬🏻就入去試試黑蒜油叉燒滑蛋飯🍳 ($60)呢款係餐廳，招牌之一 眼見附近隔離，佢都有叫 餸，上枱時候見到一片金黃色好吸睛👀 但真係非常之滑 再配埋黑蒜油更加提升個香味 叉燒係瘦叉燒，但係一啲都唔靭 同事試咗啖都話非常不錯👍🏻皇室咖喱牛肋肉飯🍛 ($68)同事大讚呢個咖喱 通常茶餐廳比較難食到啲好食嘅咖喱 呢間餐廳就落足心機煮 因為裏面係有大量嘅香料熬制 味道非常香濃 而且牛肋肉好入味 送飯簡直一流😋奶茶 (+3)奶茶都幾香滑 飲落有少少茶味滲出但完全冇澀味 不錯👌🏻

食過旺角個間幾次 今次行過北角 試下分店🫡北角分店無旺角咁大咁光 正正常常既茶記餐廳有齊中式港式西式 一定揀到想食既野 價錢合理 多樣式 🍲一人前養生燉湯晚餐－ 薑蔥鮑魚雞煲(💰$108) 養生燉湯晚餐入邊有好多野揀跟餐有🍚同燉湯 當日係木瓜桃膠🌷先講雞煲份量都好多 入邊有薑蔥 洋蔥🧅肉質唔會太乾雞煲味道夠濃 汁杰身 送白飯 足料🥬蟲草花杞子高湯時蔬(💰$68)蟲草花杞子又係養生之選揀左菜心 高湯清甜 感覺滋潤 幾好食👌🏻🍳晚市常餐🍗喜哥蔥油豬扒(💰$68) 跟嫩滑炒蛋 脆皮菠蘿油 大大個菠蘿油🍞牛油好有心另外用冰座住上🧈蔥油豬扒比想像中大隻 用左蔥油調味 味道唔會太鹹 非常大份既常餐扒餐🤣

今晚不想煮飯，同家人落街食覓食，經過四寶食堂，看看Menu，都幾啱食，一於試一試先。拔絲山楂汁菠蘿咕嚕西班牙黑豚肉 $108小菜都可以+$28升級套餐 (米飯一碗+原盅養生燉湯)，今日係木瓜燉湯，都幾足料，湯鮮甜滋潤。招牌拔絲山楂汁菠蘿咕嚕西班牙黑豚肉擺盤精緻漂亮賣相吸引，外脆內軟，再配有原菠蘿肉解膩，配搭一流。低調沙嗲金菇肥牛粉絲煲 $108+$28升級套餐 (米飯一碗+原盅養生燉湯)滿滿的肥牛鋪滿煲上，沙嗲濃汁好邪惡，十份足料，下飯一流。椒鹽豆腐金磚 $78炸得剛剛好，酥脆內軟，火喉控制很好。蟲草花杞子高湯浸時蔬 $78長野縣白桃氣泡茶 $38朱古力咖啡 $38

午後奔放，這是爆熱量的一餐。小時候很少機會吃茶記，主要因為有潔癖的阿娘。我個人對茶記並無壞印象，小時候父母難得carry，每個機都令我和弟弟超期待。小孩都嗜甜，吃飽正餐還是要追著要吃紅豆冰與西多士。時間逆轉，現在到我主動carry，父母都不會say no。這幾年有很多新式茶記，一到週末，座無虛席；燈火通明，乾淨企理。也有十年沒吃乾炒牛河，近一千卡的熱量自問應接不下，那天有人分甘同味就小放肆一下，招牌炒河的牛肉片沾上瑞士汁，一大片深咖啡色，重口味無誤。相反板燒薄牛扒，有沙律on side，減低油膩感，燈黃色的炒蛋蛋香味濃。XO醬蝦球滑蛋飯同樣亦係蛋漿出色，這版本入口多了份蔥香，配甜醬油一流！提外話，餐廳週末得熱鬧，感覺的店員都在忙個不停，但服務態度仍保持親切友善，值得一讚！

蔥油豬扒•菠蘿油• 炒蛋好開心晚餐有呢個組合~蔥油豬扒鬆軟入味又香口，蔥油唔會油膩膩，蔥香加豉油鹹香，非常惹味。加上香滑炒蛋 ，冰火菠蘿油，好似食緊超豐富嘅港式全日早餐(其實係晚餐)！拔絲山楂汁菠蘿咕嚕肉香脆炸外皮，沾上甜酸開胃嘅拔絲山楂汁，拉拔絲的感覺太療癒了。咕嚕肉最怕食到好厚嘅炸粉，又或都無味嘅豬肉，放心～茶餐廳都做到酒樓級嘅水平，非常高質，炸粉夠香脆，厚薄適中，豬肉入味，醬汁唔會太甜，仲有新鮮香甜菠蘿伴碟！黑醬油胡椒粉絲大蝦煲熱辣辣嘅粉絲煲，一放低已經好香胡椒味，有三隻厚肉大蝦，粉絲炒得好乾身又入味。大蝦新鮮又彈牙，夾雜住微辛胡椒味，惹味非常！瑞士汁炒牛河足料嘅炒牛河，牛肉大塊又夠厚，食落唔會有發肉粉味。瑞士汁鹹味甜味都好balance，食得出係瑞士汁而唔係普通乾炒牛河。最重要係食到底唔會有好多油沉底。炒河因為用瑞士汁就相對無咁乾身，但依然鑊氣十足。瑤柱鮑魚福建炒飯高級版福建炒飯，粒粒鮑魚仔加上絲絲瑤柱，炒飯乾身，啖啖都有豐富配料。大阪黑蒜醬油鰻魚炒飯一放低已經有好香嘅黑蒜醬油味，而且同樣足料，啖啖有鰻魚，不過整體感覺較肥膩，炒飯唔係偏乾身嘅那種，不過真係幾好味，飽都食左兩碗。

➲炮台山 四寶食堂冰室都出麻糬波波！？即刻買來試下先！完全唔洗排隊，出咗4隻味，緊係買曬來試啦～ 全部味都好煙韌，入面全部都實心，唔係乜都無嘅「空氣感」。以唔洗排隊來講，性價比好高！➳ 原味QQ波 ⁽⁹/¹⁰⁾與其話係原味，應該叫做黑芝麻味，入面都有好多芝麻粒！➳ 紫薯QQ波 ⁽⁷/¹⁰⁾無乜紫薯味，甜甜地！➳ 綠茶QQ波 ⁽⁹/¹⁰⁾好有茶味，淡淡清香！➳ 朱古力QQ波 ⁽⁹/¹⁰⁾濃濃朱古力味，偏甜唔苦！➳ 紫薯流沙包 ⁽⁴/¹⁰⁾今次雪凍咗再焗返熱，不過嗰餡係紫薯泥，整返熱無咗流心。但係麵包部分太多，有種食緊齋包嘅感覺。⤵ 四寶食堂 (北角)北角炮台山電氣道258號華凱大廈地下C及D號舖√ 炮台山站B出口, 2分鐘步行√ Walk-In

今次係炮台山搵食，真心唔熟路，見到有四寶飯堂（之前係銅鑼灣食過），諗都唔諗就入左去。但原來炮台山分店有啲唔同，好似多左中式小菜，之前銅鑼灣我就覺得係好cafe feel既地道茶餐廳。今次炮台山分店就精緻中式小菜👍🏻拔絲山楂汁菠蘿咕嚕西班牙黑豚肉🐖上枱已經好靚靚，真心唔似去左茶餐廳，四寶食堂係有質素，外層小小脆，唔厚粉，每夾一舊咕嚕肉都有少少拉絲既咕嚕汁，但咕嚕肉夠大粒，食落好夠肉感。而且配左一條鮮菠蘿，清甜好食，又開胃😋椒鹽豆腐金磚🥗呢個好好食，炸得十分外脆內滑，而且豆腐切出黎比一般餐廳大粒，每一啖既豆腐比例更多，再配埋勁fresh沙律菜。新加坡黑醬油胡椒粉絲大蝦煲🦐一上枱就聽到zi zi聲， 勁熱辣辣既粉絲煲，底層有3大隻虎蝦，聞到勁香嘅胡椒味，首先試一啖粉絲，好㘃味。面層較干身，但原來d味汁係晒底，可以攪勻嚟食。而蝦就超大隻，隻隻都厚肉彈牙。薑汁炒菜心🌱薑汁菜心夠正氣，夠薑味，天氣凍想食完個人都暖d😄木瓜雪耳湯🥣好足料，無味精，滋潤一下其實真係好抵食，叫小茶加20蚊重可以轉餐，有湯、白飯、飲品，重點係有質素👍🏻

跟家人到北角購物。路經一餐室，正門的一邊出售新鮮出爐麵包，有數個人在排隊等候，想必不錯。已到下午茶時間，便與家人走進去找找座位。雖說是下午茶時間，客人人數不少。看看餐牌，食品選項也合胃口。🥢 星州炒米星州炒米份量不少，餡料有蝦、火腿、洋蔥和蔥段。炒得香口及乾身。🥢 欖菜肉鬆翡翠炒飯炒飯炒得粒粒分明，雖說配料不多，但味道還好。☕️ 熱奶茶茶底尚算順滑，茶與奶的比例平均。🍹 凍奶茶茶底尚算順滑，冰涼解渴。吃得飽飽的。價格合理，怪不得差不多滿座。

四寶食堂，我之前食過晚市，前幾日過開去港島，經過又到tea time 🤤所以試下佢D下午茶餐。 同朋友叫左2個下午茶餐，再加多個菠蘿油🤩全部炸野，真係極邪惡，但真係好鬼正😂炸魚柳+薯條：$40幾蚊，咁大塊炸魚柳，魚柳肉好滑👍🏻再加超香脆炸漿，真係外脆內軟🤤 咸蛋醬雞翼+薯條：咸蛋醬超多呀🤩好邪惡，每隻雞翼都塗滿咸蛋醬，配香脆炸雞翼，雞皮嘅油同脆+咸蛋醬嘅咸同香！！！真係好正！好邪惡！！！食唔夠喉，我地仲追加左個菠蘿油+特飲雪山阿華田🤤 菠蘿包皮仲係脆ga 🤩牛油又滑，如果再多啲牛油，會更加正。 雪山阿華田，又靚又好飲，面頭D cream 打得好滑😋唔錯總結：下午茶set D價錢全部都係$30-$50 ，份量仲唔少，係幾抵食👍🏻😋

🦋Tiffany Blue港式冰室☕️==============================𝐅𝐨𝐨𝐝 𝐋𝐢𝐬𝐭📌🍜秘製麻辣雞扒撈公仔麵 係兩大塊雞扒🐣 充滿蔥油香🤤仲要煎得好香好脆🥰🍳嫩滑炒旦 Creamy滑溜真係好好食👍🏻🍞菠蘿油 好想讚一讚佢個牛油真係好厚好大塊🧈🧋凍奶茶 又香又滑好滿足💯••••••••••••••••••••••••••••••🍽️ 四寶食堂 📍 北角炮台山電氣道258號華凱大廈地下C及D號舖

四寶食堂北角炮台山電氣道258號華凱大廈地下C及D號舖Shop C＆D, G/F, Wah Hoi Mansion, 258 Electric Road, Fortress Hill, North Point晚市有小炒, 而呢度出品架麵包很有水準, 大大個實在又飽肚的港式麵包,是用心做的又好食的水準之上茶餐廳, 而門口的TIFFANY BLUE, 也令整間餐廳更有活力。男子鐵漢柔情, 冬天非常貼地的養生燉湯DINNER 及少炒, 一於來個男人浪漫晚餐。 包白飯同燉湯, 是日燉湯有雪耳雪梨豬展湯。$88拔絲山渣汁菠蘿咕嚕西班牙黑豚肉$98 金銀蛋肉碎豆苗，豆苗好食呀，加上金銀蛋同肉碎，滾出來個湯鹹香好食。&108 薑蔥三菇廣島蠔，薑蔥香噴噴，蠔肥美煮熟了好大隻。麵包是人氣之選,經常都會賣光光哦! 問了店員還有沒有供應,留了肚吃一個當做飯後甜品,喜歡吃小炒的, 這裡出品媲美很大大酒樓出品, 而價值更經濟實惠, 不用收加一服務費添。仲有全日供應的常餐及招牌喜哥蔥油豬扒煎蛋飯同經典叉燒滑蛋飯, 都是必食的。

下午茶時段行經電器道看見四寶食堂有人龍排隊，可是同街其他食肆還有空位任坐唔嬲！咁奇怪？好奇心重的朋友話照跟，於是我們排了五分鐘後入座。🔶邪惡鹹蛋奶黃流心西多士（$36）西多士煎得好靚不油膩，外面香脆，中間的麵包仍然軟熟，兩片麵包夾著厚厚的鹹蛋奶黃醬，蘸點糖漿，又鹹又甜衝擊味蕾，好好食。🔶福建炒飯（$50）表面佈滿了嫩滑雞肉，蝦仁、草菇和翠玉瓜粒，美觀吸引。我最怕食軟飯，撥開看到蛋炒飯炒得乾爽不油，已即時加分。舀一匙福建炒飯，有汁、有飯、有餸，是百吃不厭的港式濕炒飯。🔶瑞士汁乾炒牛河（$60）顏色深褐，香氣撲鼻，口感濕潤香甜，牛冧肉軟腍又多，碟底鋪了幾條嫩菜芯代替銀芽和洋蔥，又好夾喎。上述全部送奶茶/咖啡。兩樣都有水準。這間餐廳價錢不算最平，但食物有質素，難怪人氣鼎盛排長龍。

放工黎左炮台山搵野食，見到四寶食堂，畀佢Tiffany Blue嘅靚靚裝修吸引左就揀左佢。一入去都好多人，等左陣有人走，店員安排左張卡位畀我地坐，入面好多都係卡位，所以坐得都幾舒服。睇睇張餐牌，每個餸都有圖睇，但因為好多選擇，咩都想食，好難揀呀！友人揀左個湖南土匪鮑魚雞煲套餐配燉湯白飯加熱飲。個主菜係用鐵板上，上菜嘅時候滋滋聲，勁有獲氣。入面有勁多鮑魚同雞，好抵食呀！因為佢好好鑊氣，所以撈飯真係一流！燉湯係蟲草花加豬肉，味道甘甜。我揀左星架坡黑醬油胡椒粉絲大蝦煲。粉絲下面收埋左足足三大隻蝦！佢係星架坡果種黑胡淑味，十分惹味！因為睇相好吸引，所以我地仲點左個北海道忌廉真粟米石斑塊。上碟嘅時候分汁，擺盤方面用左一去綠葉擺底，一片石斑同一片原片粟米，梅花間竹咁擺係一隻Tiffany Blue嘅碟上面，靚到唔捨得整亂呀！食嘅時候將石斑點一點粟米醬，石斑炸到脆卜卜，粟米醬好濃郁味，食完再食埋條粟米，大滿足呀！最後以一個蟲草花杞子高湯浸時蔬作結，時蔬揀左白菜仔，杞子同蟲草花味道甘甜，清清地食番個菜一流！飲品及餐牌如下