四季‧悅 日本餐廳 (Manhattan Place )

營業中

休息中

作為一家由四洲集團作擁有的日式餐廳，這家主打放題作為餐廳的賣點，裝潢有現代日式的風格，坐位也蠻舒服。首先說一下結論，如果是以午市價食的性價比還不錯，以晚市388的價錢來作評價，我認為性價比只是中等甚至不值。第一他們的刺身屬於中規中矩沒有太大味道或者保存問題，但用的材料都偏向一般，好像帶子是用s級的，三文魚完全沒有腩位，應該是直接入凍貨而非買魚回來改，其餘的不多說。火灸三文魚壽司應該在火灸前有淋上醬油，令其在不點額外醬料下，依然有其風味，而壽司大小剛好一口一件，這非常貼心，但可惜的是上菜的時候魚肉同壽司全是冷的，失去了火灸帶來的烤香。第一轉的烤物，明太子雞翼，三文魚扒及比目魚，完全是擺放一段時間才會有的口感。兩件魚的口感完全又硬又實，如同干巴巴的伯伯。明太子雞翼簡直是災難級，咬下去冷是必然，明太子跟雞肉完美一分為二，是在吃明太子跟雞翼？另外還有一個芝士年糕，不知是炸是炸還是炸完放到冷掉，完全沒有該有的口感。至於炸物，普遍炸過頭了，光看相就知道，芝麻雞翼是干巴巴的，炸雞也是，章魚丸也是。唯一只有炸蝦還好了。而軟殼蟹也是，冷掉的干巴巴。我反而比較欣賞支豆的味道不是用鹽調味，而是獨家的香蒜醬油

事情是這樣的。早前公司發了花紅，大家開心；我都有心想感謝我團隊各兄弟姊妹過去一年的努力，那就分批請他們吃午餐。餐廳由他們選，我來到負責食同埋單就行了 XD這第一餐先是男子組，他們想吃日本菜，挑了 Manhattan Place 的「四季 • 悅」。看相上的介紹，這裡已開了愈四十年：這裏午餐是散點，晚市原來是做放題，晚市才入均 HK$388 任點任吃兩小時，在網上訂座還有第二位6折優惠。如此推算，咁我覺得這頓午飯的價錢就有點 over-priced 了。早知話請同事們食放題啦 XD我點的「特選刺身配御飯」HK$528，先來前菜三點：「醋漬海蜇 • 明太子沙律 • 涼拌牛蒡」正常發揮，醋漬海蜇不錯，清酸開胃：「茶碗蒸」：內裏沒古靈精怪的什麼雞肉、蟹柳之類，主要以簡單的松茸菌帶動香氣及味道，蛋也滑：「昆布麵豉湯」：刺身拼盤上場。有北海道海膽、牡丹蝦、中拖罹、帶子、赤身、油甘魚、𩶘魚、三文魚籽等等，賣相亮眼：總括每樣都新鮮，有預期中的鮮甜：特別問侍應拿了些紫菜，用來包海膽吃：我的另一最愛三文魚籽，也用脆紫菜包着拍入口中，鹹香爆發，快樂不羨仙：兩位同事不約而同點了「時令手握壽司」HK$358，同

早幾日Lunch見到四季悅晚市有日式火鍋好吸引，琴晚收工即興同同事去咗食。對於有選擇困難既我哋，呢度既火鍋配料係set好一份份，只需揀二人前/四人前就可以等食。我哋一行4人，揀左四人前首先食一碟刺身，有金目鯛&𩶘魚，好新鮮！之後開始食火鍋材料，火鍋的湯底大讚魚湯非常鮮甜，蕃茄湯十分濃郁，兩個湯底同食材好夾。火鍋配料很新鮮，份量剛剛好，日本薩摩和牛既油脂分布均勻，味道很好。豚肉片沒有雪藏味，有豚肉味第一次食手工雞肉丸，味道不錯，口感佳。仲有大大隻魷魚筒&海蝦十分鮮甜。另外有唔同款式既日式食材，例如福袋內有麻糬，煙煙韌韌，芝士竹輪卷，日本豆腐十分滑溜，豆味香濃又有一大份唔同種類既蔬菜，菇類。仲有每人一個拉麵，拉麵彈牙幼滑，2個湯底配拉麵都好好味！值得再黎食

老公話父親節想食精緻D嘅火鍋，搵左好耐，比我搵到呢間食和牛火鍋。入到去環境幾好，唔似平時D放題坐得咁迫，帶住小朋友真係驚會有意外，呢度起碼唔使人貼人咁行，無咁危險。另一個surprise係個爐係凹入枱裡面，鍋頂同枱裡一樣高，咁樣反而易D睇到鍋裡面嘅野，唔使下下企起身夾野食。上菜上得好快，擺盤好吸引，不過今次係為左D和牛而黎，重點梗係要食和牛先，好彩無令人失望，牛味濃而且唔靱，我地特登將幾塊和牛淥耐D先比小朋友食，淥咁耐竟然一D都唔靱，小朋友條金舌頭都竟然肯食晒！ 其他野食都唔錯，D雞肉、豆腐好滑，蝦都新鮮，魷魚唔靱，年糕福袋都好好味。最後食拉麵，有驚喜喎！我地叫左個2人前，兩個大人加一個2歲小朋友都夠食，又坐得舒舒服服，周圍唔會好嘈！埋單$688加一，又有2個鐘免費泊車，仲送左幾張$100蚊劵可以下次用，老公都表示滿意，下次可以encore！

好耐無食放題，放假同朋友岀九龍灣行街，openrice 見到呢間四季悅，就去試一試。估唔到放題價錢，食到高質食材，抵食，職員服務好！下次會再encore餐廳環境舒適，座位闊落，食物選擇多，有刺身壽司，燒物，炸物，鍋煮類，甜品等……刺身非常新鮮，厚度適中，油甘魚&劍魚腩十分肥美，馬刀貝&赤貝好鮮甜爽口。軍艦塊紫菜保持到脆口，壽司舊飯大小適中。🍣除左刺身，燒物都值得一讚，鹽燒雞翼&雞軟骨串燒得岩岩好! 香脆可口，意想不到有燒烤味大蝦&燒雞髀菇都好好食! 天婦羅炸粉夠薄，唔會好厚🍤🍤清酒煮蜆&牛肉鍋都不錯，蜆肉都算大粒肥美，牛肉肉質唔會太乾。最後食埋蕨餅，日本雪糕。大滿足

係附近放工，又成日睇到網上有promotion ，就決定約啲同事去試下個放題🤣餐廳係九龍灣近Megabox，都算方便🤔因為有訂位所以去到即刻就入到，佢地就安排左梳發位比我😍4個人都坐得幾舒服👍🏻重點黎啦‼️食放題一開始就梗係不停叫野食啦，刺身都幾多選擇😍有油甘魚，三文魚，仲有帶子刺身😋😋😋叫啲數量都比得幾準又快上，好快就食曬😝熟食方面都係串燒同炸物，啲炸野上到黎熱辣辣，特別最好食既係忌廉蟹餅，好creamy 好滑🤩 其他天婦羅都炸得好脆口！炸蝦都幾大隻😚仲有佢個汁燒鰻魚同三文魚扒都好好食🤤鰻魚份量岩岩好，個汁又唔會太多或太少，食落滿足感100分🤩三文魚扒就煎到好香又有啲魚油，食落好香口😍但飲品方面就選擇唔多，但都有基本汽水同檸檬茶之類，不過不失🧐佢放題仲有啲meji雪糕雪條，芝士蛋糕同蕨餅。每樣都唔錯，特別係蕨餅，口感qq彈彈😋忍唔住叫左幾次😍

通常打火鍋就梗係食肥牛，但呢間日餐廳就用左薩摩和牛，咁特別梗係要黎試下啦😋入到去職員就安排左我入其中一張枱，張枱比較特別，係個爐座落去張枱，另外仲自帶抽風系統。雖然附近都好多客食緊火鍋，但一啲都唔覺有煙😂😂講番啲野食先，佢本身就預設左二人同四人set，咁我地兩個就係係叫2人set啦🤔一開始就上左個金目鯛同𩶘魚刺身，雖然佢話可以淥黎食，但我都係當刺身咁食😍金目鯛真係好好食，有口感又冇根😋😋😋咁差唔多食完就上埋湯底，佢係鴛鴦鍋黎，分別有魚湯同埋番茄湯，個魚湯非常之鮮，蕃茄湯都非常之濃😝啲野食種類都幾豐富，基本上火鍋要有都有齊，基本丸呀菜呀果啲都有，仲有牛豬雞食🤩今日既主題係和牛，咁就由和牛講起😏佢上黎已經有曬擺盤，打卡一流😗啲牛都幾靚，淥左個薩摩和牛試一試，好淋好有牛味😍仲有碟封門柳，都好正😍佢仲要係擺到牛肉玫瑰花咁上盤，靚到呢😚個豚肉都好好食😌佢啲海鮮都幾新鮮，特別係隻海蝦，又大又正，配合埋個魚湯，啲鮮味出曬黎😍😍😍仲有啲日本魷魚，都好夾個魚湯😜啲丸類都好豐富，最好食係個福袋同芝士竹輪😋😋😋仲有個豆腐都滑好有豆味😙個野菜盛都係豐富，又有菜又有唔同菇😊食到好滿足😍最尾仲有個拉麵，唔會唔夠飽

之前已經食過一次四季悅，覺得佢環境舒服寬敞，帶埋個1歲半BB一齊坐都好夠位。刺身款式都多同新鮮，同埋唔會到食嘅時候都仲係結緊冰。壽司同刺身款式唔會好重覆，每件份量唔會過大，食壽司最怕食一兩件就已經塞到飽曬，有花之戀正。熟食都多選擇，印象最深係隻芝麻雞翼送出來嘅時候熱辣辣勁正。個燒菠蘿係每次必點，次次都係咁juicy咁好食，連阿B都爭住食。其餘d燒芝士年糕，串燒，一口蕃薯都好食，最難得係無漏單嘅情況。飲品最特別係有以前細個成日飲嘅粒粒橙，即刻飲返幾罐。甜品選擇唔算好多，但係個雪糕超好食，另外有好少見嘅蕨餅。總括嚟講哩個價錢食到呢個質素算好抵，仲有兩個鐘免費泊車，過左鐘時租都好平。weekend响商業區起碼唔洗出去周街同人迫，適合帶住細bb gathering。

這個地方給我留下了深刻的印象，不僅僅是因為他們菜單上的精緻美食，還有他們獨特的用餐體驗。菜單上的天婦羅是這家餐廳的招牌菜之一。我點了一份蝦天婦羅和蔬菜天婦羅。天婦羅的炸得恰到好處，外皮酥脆，內裡保持著食材的鮮嫩。蝦天婦羅的蝦肉十分鮮美，入口即化，讓人回味無窮。蔬菜天婦羅則展現了蔬菜的鮮甜和獨特的口感，令人愛不釋手。除了天婦羅，他們的串燒也是非常值得一試的。我點了一份牛肉串燒和雞肉串燒。牛肉串燒肉質鮮嫩多汁，搭配上醬汁更加美味。雞肉串燒則保持了雞肉的嫩滑口感，外表烤得金黃酥脆，每一口都充滿了炭烤的香氣。整個用餐體驗讓我感到非常滿意。餐廳的裝潢簡約而舒適，營造出一個愉快的用餐環境。服務員態度親切，專業而周到，為整個用餐過程增添了一份溫暖和舒適感。

以經早一個星期訂位十多人分開來坐！分四張枱給我們坐，未夠鐘未食完以經開始趕人走還三次！離譜，選擇少，又咸無咩野食！假期前夕，間野生意冷淡得驚人，飲料、甜品選擇超少，不如唔好做放題店啦。🤬🤬🤬唔會再黎！！！！！！！！！！！！！！！！！！！！！！！！！！🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬

4百幾蚊一個套餐，上菜時並沒有介紹食材，幸好我們的朋友知道和介紹給我們，此舉並不符合一間日本高級餐廳的要求。餐牌上明明寫住隨餐附送麵豉湯，但最後發現沒有，追問下才發現原來有湯烏冬便沒有麵豉湯，事前完全沒有知會，職員及後更説平時日本餐廳都係咁，態度不好。另外，訂座時給我地的餐廳不是最update的，去到才知道加了價，希望貴公司能好好提高職員的service 和餐牌quality，不要再mislead 顧客。

性價比高，用OpenRice嘅優惠第二位半價，有coupon加送4支梅酒，上餐快、魚生、壽司、炸物、飲品，都非常滿意，大大件，好新鮮。放題兩小時，完全足夠有餘，當天四人食完全攬住個肚腩走。地方清潔，整體非常好。如果甜品再多些款式會更加好更完美。我一定會推介比其他朋友，未去嘅唔好錯過最近嘅優惠。地點非常接近MegaBox交通方便出咗門口行冇幾耐就有小巴去旺角，要坐地鐵又可以行返去九龍灣站，如果食得飽，可以去觀塘海濱公園行吓。

一行三人想食放題🤔，九龍灣只此一家，四佰多元一位，想必應不同凡響。好⋯就此成行。假日午市，食客相當稀疏，可能因為工商區？只有三數枱客人⋯生意冷清得驚人😅，不過既然已訂位，坐舒服點也不是壞事😌。放題一般都是亂點一通，不過⋯這𥚃跟其他放題不一樣，可能較高檔的放題就是這樣，飲料少得可憐，食物選擇也十分少🤔？不到一會，全枱擺滿⋯可以開飯了😋。第一道上來的是海膽，味道、賣相都很好，可惜只此一個🥺。其他呢？其他菜品不論刺身、串燒、炸物⋯只要你曾經吃過放題，把他的水準放在排名最尾就可以了，差跟本不足以形容呢。店大欺客，這裡算是表表者了，四佰多元的放題，可以做到一佰多元的水準，真係見識到。以後去到大x喜、大喜x之流⋯原來他們真的有用心在做了。

好耐之前嚟過呢間食放題，嗰陣時覺得呢間放題真係超級好食，但原來而家已經冇咗放題，所以今次想試吓佢嘅和牛我哋叫咗兩個晚餐嘅套餐，分別係岩鹽版A4薩摩和牛同日本和牛涮涮鍋，套餐包咗錢菜同埋茶碗蒸岩鹽版A4薩摩和牛令我諗起之前喺銅鑼灣食嘅另一間薩摩和牛放題好好食，所以就想試吓佢，佢呢個係厚切，食落去口感都唔錯，而且佢用咗岩鹽版燒熱都幾特別日本和牛涮涮鍋牛嘅份量都算多，而且佢既鍋係爆滿咗，價錢都好合理，建議唔好淥咁熟，一變色就可以食，我認為咁樣係最好食😋環境依然係幾大同埋坐得幾舒服，當天去安排俾我嘅位置仲好有日本風

.好耐無食過放題啦❤️上星期五Happy Friday 同老公去九龍灣食呢間四季悅🥰由地鐵站行大約10分鐘就到 餐廳好大 坐得好舒服 裝潢都係日系既木色估唔到有咁多款嘢食 成晚都無漏單 而且上菜速度都真係快刺身有好多款 最正一定係赤貝同馬刀貝😋非常新鮮 好爽脆 平時係出面食都好貴 呢度可以瘋狂食！其他刺身都係厚度適中 油甘魚肥美 又香口 推介！.另外 牛肉鍋都好好食🤣我一個人食左2個牛肉好香濃 食得出用左靚牛 配上壽喜燒湯底同野菜同雜菇 勁正 重口味人士必備❤️鵝肝多士脆脆都好香口 鵝肝既油正好俾多士吸收 唔會太過膩 又有口感👍🏻最愛.壽司種類都好多 舊飯唔會好大令人好易飽壽司size適中 串燒同天婦羅都比想像中好食本身個人好怕食天婦羅炸粉會好厚呢度既算薄脆 就算南瓜都好juicy🤤.最後記得留肚食甜品 有明治雪條💜食完真係捧住個肚走啦～