四季燒臘茶餐廳

營業中

休息中

今日收工想食碗燒鴨瀨粉，就去幫襯一間較舊的燒味茶餐廳。到餐廳時已約4點了，可能有晏，店內只有幾個食客。餐廳裝修雖然舊，但尚算乾淨企理，眼看員工多數都上了年紀，所以手腳都有點慢，但笑容滿臉，工作好認真，感覺是一間好有人情味的小店，還有一隻很可愛的店貓在餐廳坐鎮，真係有意外驚喜。好啱我呢D貓奴食物方面，燒鴨味道屬正常水準，瀨粉份量係滿滿一碗，比起現在的連鎖店份量約多一半，如果唔係好大食，食晒一碗真係可頂埋晚餐，凍檸檬茶就也屬正常水準。總捨嚟講，都算係一間不錯的餐廳，尤其鍾意貓咪🐱嘅朋友，不防去拜訪吓啦！

自家外賣就唔好試，差唔多成兩個鐘先送到，距離只不過一條天橋，自己行路10分鐘到，如果唔係唔舒服，都唔會咁做，11 18分落單，下晝一點先送到，仲要送錯單位，幸好自己閉路電視有留意，肯定冇下次 (仲要乜嘢餐具都冇）

落完單等緊嘢食嘅時候，坐坐下聞到一陣陣臭味（似係霉味/臭毛巾味），聞到臭味嗰陣已經心知不妙，奈何已經落咗單🤦🏻‍♀️海南雞飯係超級多油嘅白切雞，啲肉好韌，每一啖都好似訓練緊咀嚼肌咁，碗油飯乾到好似未煮熟咁😓 湯飯剩係得麻油味，啲牛落重梳打粉，成碗嘢多油到食唔落🤮兩個飯都係咁難食，再加埋每隔一陣就會飄嚟嘅臭味…食得好痛苦🤢 之後都係頂唔順要放棄🤮❌❌❌永久blacklist ❌❌❌

四季燒臘茶餐廳因為朋友話唔係好肚餓，有啲諗唔到食乜咁，咁就是但係條街度無目的咁搵一間茶餐廳黎食。——————————————麻婆豆腐飯豆腐夠滑😋😋😋，大大碟，料多， 但係味道有啲過咸😂😂😂燒味雙拼 （燒鴨同切雞）🐔🦆🐔🦆果然係主打燒味， 燒味質素唔錯，就算係切雞係雞肉部份都唔會好鞋同埋好老。肉量多，一個女仔食既話，飯量有啲過多，價錢適中。埋單$102/2個人， 連埋例湯+野飲，不過不失。

2021年8月13日(五)哥哥介紹嚟呢間食晚餐，仲話要買海鮮來料加工最後買咗兩隻蟹及聖子來加工，唔同煮法及唔同重量有唔同嘅收費，今次每樣收咗$48加工費另外嗌咗小菜套餐，生炒骨、豆腐火腩煲、通菜炒牛肉每份$68，包一碗白飯、一碗例湯及一杯熱飲，凍飲加兩蚊即叫即煮，都好多人幫襯，要俾啲耐性等吓全部野都好夠火喉，煮得好好吃晚上7:00全場滿座，好多人叫外賣，職員做到冇停手，堂食人士都有人買來料加工及好多人都叫蒸魚套餐。唯獨是碗例湯唔掂，其實係例水

諗住放假唔想出街，叫個外賣，同佢講干炒豬排河走芽菜，淨係要走芽菜，因為試過好多次其他配菜唔俾，淨係得豬扒同河粉，跟住聽電話個阿姐講，我照寫攞去，但係咪走芽菜定走曬所有配菜我就幫唔到你拉，師傅咁忙，點走到啊？如果唔得就冇叫喇。直情係唔憂做，以後都唔會買幫襯四季茶餐廳。我自己都係做飲食，我得一個要求唔過分，淨係要走芽菜，幾次都走曬所有配菜，搬黎元朗都4年幾陸續都有幫襯開，你估元朗得你一間茶餐廳啊？當你師傅唔忙個陣就可以折埋喇！可笑

去元朗探朋友，順便去買老婆餅，食埋tea先返歸，原本諗住去某沙牛麪聞名既茶記，可惜人太多，就轉去附近搵間食飽算。附近幾間都滿座（疫情下，幾乎都一張枱一人），行遠少少只有呢間有位，是但，坐低先講。一入門口已經聞到陣異味，唔強烈，但就係聞到，都入到嚟，就試下。點咗個下午茶排骨炒河，加凍檸茶盛惠 40大元，唔貴。坐咗大約十分鐘就上齊。排骨炒河色水麻麻，好淡色，食落排骨鬆散，好似雪咗好耐又重料醃過，河粉碎散，味道偏淡，重油味，排骨以外仲有雞蛋，無咩特別味，但乾炒河粉加蛋比較少見。下午茶關係，份量偏小，同價錢成比例。檸檬茶無少甜…唉，香港茶餐廳通病。今餐麻麻地，唔太差亦唔係好。但我想講呢間店既店員，好似對疫情無咩感覺。入店無主動叫你探熱，無掃安心出行。但最嚴重既係，水吧，廚房，侍應都比我見到唔戴口罩對食物吹水，外賣員由店頭走到店尾一直大大聲講嘢都無戴口罩，而同時一堆堆煮好既滷水就咁放系度，平時我都覺得唔衛生，何況而家疫情。呢間店睇名似主打燒臘，臨出門見到門口有個食客食緊叉雞飯，賣相十分好又大碟，可惜我應該唔會再嚟試了。

最近疫情關於少左好多出街食 今日響外賣apps見到呢間餐廳運費好平 就試一試 下午茶時段好多餐都特價 叫左公司三文治 飲檸蜜送到上來仲係暖既 有餐肉火腿蛋蕃茄生菜呢d指定野之餘估唔到仲有芝士片 個包底都有用牛油烘過 香口 好快就ko哂成份 正

價錢不算便宜但份量小而且難食。中午叫個外賣等一小時才送到，結果居然還漏了白飯？？？？打電話去問飯都沒有點食，條友話會保送。結果依家夜晚10幾了，影都無，我都懶得再問了。

中秋無人約住朗屏的我叫左四季外賣叉油鶏反+中湯+可樂份量〇k味道也不太差致電到府也不用30分鐘外賣來説也算怏忘了説價錢添今餐乜只是＄20