影片
以上資料只供參考, 請與餐廳確認詳情
相關文章
好耐之前試過油麻地老店的原味布甸麵包，味道可以，但未至於非食不可，始終麵包大又飽肚，加上拎到返屋企時，過咗氣而「淋淋哋」，所以縱使熱潮持續，都冇再買嚟食。行經見到呢間pinky的少女心餅店，近睇，原來同轉角的嘉多娜麵包舖係姊妹店。餅店裝潢亮麗，主要出售西餅、甜品同嘉多娜的周邊商品，如鎖匙扣、磁石貼之類。喺轉角麵包店有售的麻糬布甸喺呢度亦搵到，價錢不變，以開心果麻糬布甸為例，$13/個，$25/2個。最後，揀咗2件迷你甜品，埋單$39，店員用白色蛋糕盒仔裝起，都幾有儀式感。開心果麻糬布甸：$13；好的骰，58克；麻糬唔知算係「煙靭」定「靭」，用叉好難扯開，用刀先切到，不過咁細件而出刀仔又有啲誇張；佢有3個層次：麻糬、開心果忌廉/慕絲同開心果醬，比例唔錯，麻糬部分唔會勁多；麻糬包體質地較靭；開心果忌廉/慕絲輕身，口感輕盈，偏甜但可接受；開心果醬帶2濃郁開心果味，份量唔算多，始終只賣$13；另外，仲有少量開心果碎，提供多一重口感；平平哋食到呢個甜品，性價比唔低；因為甜品輕盈，食後感覺似有還無，止到痕但又未係大滿足開心果巴斯克芝士蛋糕：$26；蛋糕迷你、細件，85克；佢的蛋糕體有少少似開心果麻糬布甸中的開心果忌廉/慕絲，不過係挺身版，而且感覺低糖啲；蛋糕面的開心果醬同開心果麻糬布斯的一樣，份量多啲。由於個醬係靈魂，份量亦足，所以，入口第一啖就已經覺得好「開心果」；狗狗爸爸的評價係開心果味足但層次單調，呢點係事實，因為中間的蛋糕體只得一個層次，冇流心效果，似一般芝士蛋糕，食落會覺得冇變化，佢有少少似家後的開心果巴斯克芝士蛋糕，唔係唔好食，但係唔驚艷；不過，平平哋買蛋糕嚟氹下自己絕對可以收貨，食完亦覺得滿足最後，想讚下佢的餅盒設計。佢唔似普通西餅盒咁，一般打開拎餅的方法有3種：（1）直接伸手入盒，將件餅向上抽出嚟；（2）拆開左右是但一邊的卡位，然後將件餅逐少「吞」出嚟；（3）拆開左右兩邊的卡位，將盒鋪平，然後攞出西餅。無論用邊個方法，只要一唔小心，拎件餅出嚟時都容易整花。嘉多娜的餅盒係喺外盒中套入一個小紙盤，兩邊有手抽位（小圓洞），可以用手指抅住，然後將小紙盤向上抽出，佢攞餅的方式同（1）近似，方便懶人同粗人，同時毋須擔心整花件餅，但就有少少唔環保，哈哈~
繼續閱讀
连续三四日都一样排队打卡的布丁包，又香又丝滑！！面包底是有少许韧性的，，大只的布丁包比小只的更好味！！！原味15蚊一只，抹茶红豆糯叽叽23一只而且不是时时有，下午4点半准时出炉
繼續閱讀
一直都好多人排隊嘅手作麵包店超受歡迎，而且種類仲非常豐富！！招牌嘅布甸麵包需要係下晝16:30PM先會开售，未開售之前就已經係排長龍了🤩🤩✨黑芝麻布甸包黑芝麻布甸包佢絕對係我嘅心頭好😍芝麻嗰陣濃郁嘅香氣完美融入咗布甸內餡入面。將佢放去雪櫃雪一陣，口感簡直正到痹！！雪過之後嘅內餡會自然分層，變得更加結實，咁樣食嘅時候，內餡就唔會好似普通狀態下咁容易流出嚟，每一啖都可以完整享受到黑芝麻嘅醇厚滋味，嗰種層次感同滿足感，真係正到冇朋友👍👍✨抹茶紅豆沙布甸包鍾意抹茶嘅朋友，呢款抹茶紅豆沙布甸包你哋千祈唔好走雞😜😜一開包裝濃郁到霸道嘅抹茶味撲鼻而來。咬落去細膩嘅抹茶布甸喺口中散開，驚喜底部匿住一層軟糯 Q 彈嘅麻糬，麻糬嘅軟糯同紅豆沙嘅香甜互相交織每一口都令人陶醉其中🎶🎶仲有其它驚喜嘅芝士吐司、開心果燒餅等等都非常唔錯！！
繼續閱讀
第一次是依度嘅甜品，嗌咗個開心果雪糕。開心果味突出，亦唔太甜。雪糕都算滑溜，但溶得較快，影完兩張相就見到開始流落嚟。如果夏天食的話，可能更加要把握時間。期待下一次有新口味推出。
繼續閱讀
以法式布甸包打出名堂嘅人氣餅店嘉多娜係何文田開設甜品店 ... KADORAR PASTRIES店內裝潢走粉紅少女風主打招牌布甸包、自家製軟雪糕、法式甜點和造型蛋糕仲有周邊產品掛飾、造型磁石、卡通蠟燭等儍媽試咗最近大熱嘅 ...。開心果雪糕 HK$28本來配多塊開心果脆餅但店員話今日冇哂開心果脆餅雪糕夠柔滑，裡面仲有開心果碎粒入口甜度適中，好香開心果味** 以上分享是以我的口味、體質和情況作出分享及感受，一試 / 合用與否請自行決定
繼續閱讀