喜膳燒

營業中

休息中

想去居酒屋，唔洗日本嘅，香港都有港式居酒屋，位於尖沙咀，最岩同朋友放工去happy下~ 搵到間隱藏於商業大廈嘅美食 一入去個feel有啲似日本居酒屋，坐底好快就落好單啦~落完order，上串燒會上埋燒板，令串燒keep住個温度，邊吹水邊食，都可以保持串燒嘅熱度！一口氣叫咗幾款人氣串燒最特別係燒芝士響鈴，響鈴打邊爐食得多，拎去燒就少啲，食落唔油膩，咬開響鈴爆出芝士響，真係口感同味蕾嘅衝擊~必食！ 燒粟米都唔好錯過，外層帶焦層，食落每粒粟米都鮮甜爆汁☺另外呢到嘅海鮮都唔可以錯過~燒珍珠大扇貝成個手心咁大，上面嘅粉絲吸曬扇貝嘅鮮味同蒜香食落好入味，扇貝鮮甜、新鮮😝 另一樣就揀貴妃蚌，size都唔細，口感爽脆，而味道鲜甜😋除咗串燒，仲叫咗個燒美式豬肋骨，半份兩個人都夠食！肉質鮮嫩，油脂也比較少，所以口感又瘦又嫩~配法式 蒜蓉包同一般食開蒜蓉包唔同，上面有燒過嘅蒜蓉粒口感更豐富、香濃。食完後，當然要叫甜品燒玉桂焦糖金菠蘿同棉花糖多士， 燒菠蘿當然香甜而夠爆汁，棉花糖軟滑配下層多士香脆，中和棉花糖嘅糖度，真係好好食😝飲品除咗啤酒汽水仲可以飲自家製嘅冰糖雪耳雪梨水，食完串燒都唔怕熱氣☺

隱藏係商業大廈內嘅美食，係尖沙咀食到平靚正的串燒，好驚喜！叫左野食之後，就會放上一塊熱石，每次有串燒黎到就會放上去，咁就可以保温，呢個方法幾貼心！ 👉🏻燒芝士響鈴 $22好特別，好好味，芝士係流心，外脆皮薄，必食推介！👉🏻燒珍寶大扇貝(蒜蓉) $68Size大，好鮮味，蒜蓉味勁香，又多汁，正！👉🏻燒香甜車厘茄煙肉卷$29側面睇好似冰糖葫蘆，哈哈！甜與咸交融，口感唔錯！👉🏻燒黑豚肉龍躉卷(鹽燒）$59呢個好有特色，其他地方好少食到！一咬就係大啖肉同龍躉嘅鮮甜，味道非常之夾！👉🏻海鹽燒皇牌牛舌 $49呢個又係必食！牛舌厚身結實，配埋海鹽吊味，好味道！👉🏻黑胡椒燒肥腸 $29肥而不膩，唔會有異味！👉🏻鹽燒西斑牙黑毛豬五花肉 $38油脂正，肉質唔鞋！👉🏻燒韭菜 $19每次食串燒都必叫，有孜然同鹽燒揀，今次點左後者，完全無失望！👉🏻自家製冰糖雪耳雪梨水$32好多雪耳同雪梨，好清甜又清新，食完串燒飲就最啱！

估唔到係呢座甘既商業大廈地下有一間好地道的日式串燒居酒屋。店內唔算很大，但氣氛不錯。叫左幾款串燒同海鮮試下。蒜蓉燒貴妃蚌：勁多蒜蓉，好香。貴妃蚌好肥美又咬口，食落勁juicy燒珍寶大扇貝：除左蒜蓉外，仲有粉絲，但都遮唔到勁大粒既扇貝。扇貝很鮮甜，肉質爽口。燒豬頸肉：爽脆加上甜甜地既醬汁，好惹味牛舌，雞軟骨：輕輕用鹽燒過，好爽燒菠蘿：燒完食落反而有點酸，可以解油膩燒粟米：一上就好香牛油味，咬落去好甜除左串燒，仲叫左豬助骨，味道不錯，又入味。最後叫左綿花糖多士做甜品，為呢餐劃上完美既句號。呢間餐廳真係好適合幾個朋友放工來，飲下啤酒，食下串燒吹水。

有返晚市堂食之後就開始多番聚會今次揀左朋友公司附近既呢間居酒屋黎試貪佢可以飲下野又坐得耐，餐廳有得book位架！👍🏻👍🏻呢度裝修好日式居酒屋既風格，不過食既就係港式串燒。🍢🍢串燒大部分都係一串一串咁散叫而且又可以揀唔到既味道，例如bbq，孜然，蒜蓉，沙嗲等等...可以因應自己需要而點我地2個人一叫就叫左好多唔同既串燒....肉類就叫左下面幾款頭兩款燒汁味濃，肉控岩曬。啖啖肉！雞軟骨同雞翼就燒得較為乾身d，配上辣粉調味。燒豬頸肉串$26燒雞肉串$26燒雞軟骨$26/2燒山賊雞翼$42蔬菜類蜜糖牛油粟米$22/2 😍😍😍必點粟米超甜，燒完再會用火槍燒下鹽燒翠肉瓜$19燒菜心苗$19燒茄子$28特色串燒霜降和牛串$59安格斯牛肉串$54海鮮類燒聖子王$58燒馬來西亞大蜆$882款都用左蒜蓉調味，啖啖肉又冇沙串燒當然唔少得要啤啤佢啦🍻🍻

隱藏於商業大廈嘅美食～😎好耐冇食串燒啦！鍾意食燒海鮮！😎燒馬來西亞大蜆真係超級大顯粒粒肉脹卜卜 ～鮮味又Juicy! 點埋醬汁仲好好味！蒜蓉燒貴妃蚌😍好正！ 貴妃蚌好肥美～好咬口，咬落Juicy 又爽口～ 蒜蓉香燒得好入味～海鹽燒法國鮮蘆筍真係好鮮嫩，啖啖鮮味蘆筍菜汁～頂級海鹽燒多春魚燒得好乾身而不燶不散～好香鹽燒手切雞腎串好爽口～好入味海鹽燒牛肩胛海鹽好入味牛肩胛，啖啖肉香～燒芝士響鈴幾特別 ～芝士心響鈴～

開番晚市堂食就迫不及待約朋友啦，呢間位於尖沙咀嘅串燒店就啱晒啦，餐廳位於寶勒巷地鋪，裝修到好似日本居酒屋咁，傾計一流！串燒即叫即整，但都好快就有得食，上菜時仲會有塊熱板，等食物保持熱度！非常貼心！叫左好多款串燒🍢🍢🍢🔸燒雞翼三隻都好大隻，面頭灑上好多孜然粉，超惹味🔸日本霜降和牛串海鹽燒美國安格斯肉眼串兩串牛肉味道都好濃，燒到剛好，口感一流🔸燒豬頸肉串 豬頸肉肥美，加上BBQ汁，入口好juicy🔸海鹽燒脆雞皮呢個超正，雞皮燒到脆卜卜，油脂迫晒出嚟，所以食落唔會油膩🔸燒雞軟骨燒得好香，爽口彈牙！🔸燒菜心苖超好味，菜心苖灑上好多孜然粉，好惹味🔸燒蒜蓉茄子🍆茄子開邊燒，中間有好多調味粉，食落好香口🔸聖子好新鮮，中間仲有蒜蓉，重口味之選🔸蜆蜆肉大隻，又無沙，仲有醬汁點添🥛益力多沙冰呢杯沙冰好解渴，真係用益力多打出嚟，用嚟消暑降溫啱晒呀！整體嚟講，環境同食物質素都好好，最緊要又唔限時，啱哂同朋友敘舊～

味道中上偏低，如果10分滿分有6.5，但嘢食^_^上得超級慢，來餐速度非常差！每一串野食都要等差唔多15分鐘，仲要係一串一串上。。。。。雖然店員態度都OK，但係餐飯食咗兩個鐘。。。。都唔夠飽，因為食完一串都消化完。。。最後由7點半食到10點 30串都唔到，一開始叫蝦，兩個鐘都未到仲話唔係冇落單

食過咁多間日式串燒，呢度嘅價錢算係幾平，人均大約都係200蚊就可以飽。 侍應嘅態度都好好，一開始就會同你介紹有咩係當造嘅，同埋環境都算舒服，地點幾近地鐵站五分鐘左右就可以到。

成日經過呢條街但都唔知呢棟大廈下面係間串燒店😯見佢價錢都算親民，就入咗去試試佢～一坐低店員就放低咗辣汁🌶呢個汁好好食，有啲泰式嘅味道～呢度嘅串燒好得意，會用一塊熱石板㷫住啲串燒令佢唔會咁快凍，所以一有食物嚟，店員就會放上塊板度😆逐一講吓叫咗啲咩食啦🤣芝士響鈴 ($22) 外皮非常脆，入面包住滿滿嘅芝士，好正🤤鹽燒雞軟骨 ($38) 調味啱啱好，好爽～而燒雞皮 ($36) 就燒得好脆，啲雞油勁香🤣燒牛肩胛 ($48)同燒牛舌 ($49) 啲肉一啲都唔韌，軟淋有肉味～ 鹽燒韮菜 ($19) 非常惹味🤤食串燒必點！燒黑豚肉龍躉卷 ($59) 口感好得意，龍躉份量都唔少呀～燒白鱔 ($68) 都算幾肥美，燒一燒迫返啲油脂出嚟😚而明太子雞翼 ($48) 有好多明太子，都幾辣架～我哋仲叫咗個海鮮，燒馬來西亞大蜆 ($88)😆啲蜆雖然唔算勁大隻，但係都好鮮甜，又冇沙👍🏻仲有個我最鍾意嘅焗牛油蒜蓉雜菇 ($45)～份量都唔少，牛油味好香🤤飲品就叫咗個益力多沙冰 ($48)～超級濃嘅益力多味！😚配埋串燒都幾夾🤣冇諗過尖沙咀都有串燒小店😆宵夜過嚟食串燒都幾正🤣

這間位於尖沙咀寶勒巷的小店，佈置像日式居酒屋裝潢，主打各式各樣的串燒，種類非常多，下班後想小酌幾杯吐苦水的好去處。餐廳位置有限，座位不多，如不想白走一趟，記得提前訂座。小店串燒即叫即燒，特別推介海鮮類串燒，鮮甜的海鮮染上陣陣炭香，非常惹味，值得一試。小編🐰必點串燒推薦排名：第1️⃣位：🌸蒜蓉燒廣島生蠔 $78性價比最高，$78有三隻肥美廣島蠔，蠔身飽滿鮮美。第2️⃣位：🌸蒜蓉燒蟶子王 $58蟶子王口感非常彈牙，蒜香味濃。第3️⃣位：🌸燒珍寶大扇貝 $68扇貝肉身好厚，口感十足，火喉剛剛好，鮮甜不柴。另外，即炸的芝士響鈴較少見，入口如風一般在口腔消失，不妨一試。

呢間係尖沙咀嘅串🔥燒店地點方便得來重點係佢提供嘅串燒🍢款式十分之多，食品款式超過一百種🤩，而且有多款🔥燒海鮮🦑添！裝修走🪵古樸🏯日系風格，有重好日式🇯🇵小店嘅感覺🥰。串燒🔥款式太多，多到令人有🤪選擇困難症😂！響鈴同埋麵根打邊爐🍲就食得多，串燒🔥真係第一次！燒芝士🧀響鈴乾身鬆化，中間係釀咗芝士🧀，芝士🧀半溶流心好正！燒🔥蟶子皇好大隻又多汁🤤十分鮮甜，而且加咗🧄蒜蓉好惹味👍，燒🔥馬來西亞🇲🇾大蜆肉厚無砂好清甜😋！🧄蒜蓉牛油🧈焗雜菇🍄味道濃郁🤤而且好 juicy 🥰，燒🔥茄子🍆燒得好透好淋而且🔪切咗件所以可以成件連皮食😋好方便😍！燒雞皮🔥燒到十分香脆🤩完全唔油膩👍，燒大腸外脆內軟層次豐富😋！

今日想搵間餐廳類似居酒屋咁，但不想太嘈，可以一邊食住串燒，一邊傾吓偈~🧀燒芝士響鈴響鈴內有流心芝士，熱辣辣，外脆內暖，超有驚喜！🐮燒原條牛肋條(沙嗲汁)雖然寫住原條，但係廚師好細心，剪開咗一件件，方便進食。瘦肉多脂肪少🤣🤣🤣沙嗲汁都煮得好入味！沙嗲手打魚皮餃 我最愛串燒之一， 醬汁獨一無二，魚皮餃嘅餡都好好味4粒吾夠喉！🍄燒雞髀菇孜然仲有少少七味辣粉，菇又夠厚身，一咬爆汁~🐥燒雞軟骨-鹽燒、燒山賊雞翼都係最受歡迎小食~燒馬來西亞大蜆好大隻！冇乜落調味料，食到本身蜆嘅鮮甜味，嫌吾夠味， 可以點佢提供嘅酸辣醬，沒食慾加一點下去即刻食指大動！🍍燒肉桂焦糖金菠蘿加入肉桂粉，令平平無奇的菠蘿更添香氣和提升香醇，亦能抗寒保暖🥰🥰🥰佢哋最好嘅係會有個鐵板附上！咁就唔使驚啲串燒會凍晒啦！

放工時間又黎到尖沙咀覓食😗 搵到間隱蔽既串燒店 勁多款式選擇 有啲仲好特別 味道都好好食 整體感覺都好讚叫左太多款串燒 特別深刻👇🐟燒新鮮脆皮白鱔(2pcs) $68燒汁配白鱔 啖啖都係肉 感覺好新鮮 魚肉味好吸引🐮燒黑啤牛仔骨(2pcs) $68非常之厚！而且牛仔骨經過黑啤泡製過肉質都好突出🧀芝士響鈴(2pcs) $22好新奇好少見到有串燒店會燒響鈴 燒就黎感覺又非常之脆 而且包住芝士又非常之夾🍞燒麵筋（沙爹） (3pcs) $19更加少見既係麵筋拎黎燒 煙韌嘅口感再有沙爹醬襯托 味道更加突出仲有好多串燒水準都好高 價錢合理好適合放工啤啤佢既時候黎 亦有好多生啤酒可以選擇 非常不錯喔🤤

放工最開心就係可以同閨密一邊嘆啤酒一邊食串燒😋行完街，搵到呢間串燒店，佢都好多串燒選擇，除咗有串燒海鮮、肉類，蔬果、丸餃，仲有小食、主食同甜品。 雖然室內，但都唔大陣味喎！燒蟶子皇（蒜蓉） $58蟶子皇都幾大隻，厚肉多汁，鮮甜爽口，而且無沙。燒新鮮脆皮白鱔 $68白鱔皮燒至脆身，魚油豐富，鱔肉爽脆嫩滑海鹽燒皇牌牛舌 $49牛舌好大件，但食落唔會太韌，都幾爽，臊味唔太重鹽燒日本雞心 $36雞心鮮嫩有嚼勁，幾入味燒流心鵪鶉蛋 $28鵪鶉蛋外層香脆，咬開溫熱嘅蛋黃係口中融化，夠哂滋味胡麻醬涼拌稻庭烏冬配溫泉蛋 $72烏冬配溫泉蛋，煙韌又香滑，食完串燒再食凍烏冬，感覺清新

想試呢間好耐呀今日終於訂左位黎試呀店子唔大唔算好多位大家一定要BOOK位呀其實點左好多野試左幾款海鮮扇貝啦大蜆啦象拔蚌仔大聖子其實全部都新鮮比較深刻既係象拔蚌仔同大聖子好鮮味呀又唔會燒得OVER左同埋會有個熱石熱住D串燒呢樣係好貼心既一讚STAFF好好好HELPFUL