喜滿樓菜館

營業中

休息中

朋友話太耐冇見 要出黎聚下 話介紹我食鑊氣小炒王 咁好 一於去試下先一黎到 即叫左個 啫啫黑胡椒大鱔煲份量大 加左 洋蔥蒜頭青椒 爆炒 勁惹味 肉質鮮嫩椒鹽白飯魚脆醬夠薄 炸到外脆內嫩 加上椒鹽 香酥美味食唔停口 令人口味😋弟一次食 梅菜炒菜心估唔到會咁夾 不過材料靚 點配搭都係一樣好食土魷蒸肉餅 家常便飯 撈飯首選肉餅魷魚彈牙 食得出好鮮味 再加上 豉油同蔥花絕對美味😋食左3大碗飯每日在家煮都好累難得可以同朋友外出食飯真係一件好開心既事

今日難得幾位同事一齊收工，就在附近吃個晚餐先回家吧～其中一位同事帶路來到這裡～看著有很多小炒非常吸引，有點難選擇～下菜還是交給他們～鮮露筍荷豆百合炒帶子，露筍爽口，加左百合令到味道清甜，帶子也夠大粒，粒粒分明！黃金脆蝦，先看看每隻蝦大隻，每一隻也是金童色的！這款送酒一流～土魷蒸肉餅，他們除了把魷魚和肉剁成肉餅，也另外加了較大的魷魚來增加囗感！椒鹽白飯魚，來食小菜真的要點一款椒鹽味小菜，今次點了椒鹽白食魚，每一條炸至乾身脆口，條條分明，也是送酒必配！同事說他上一次也是剛在附近收工找晚餐吃，吃過不錯決定下一次帶我們到來，其實看到餐牌上也有很多很吸引的小菜可以再來一次～

今日去左土瓜環搵親戚，難得放寬限聚令，當然要順便晚餐啦，今次去咗安徽街嘅喜滿樓！門口有咪錶位，去到啱啱有位，好好彩😌這種燈火光明，整齊乾淨，每台會先準備一壺熱水給你清洗食具👍古法焗魚腸，用上幾種蛋生焗，好少地方食得到，懷舊風味十足！鴛鴦炒飯，小朋友至愛，用料和份量十足！招牌芝麻雞，是這間店的招牌菜，每枱都幾乎必點，雞味香濃，不會過肥，雞皮香脆，雞肉嫩滑，配上芝麻非常惹味！惹味風沙鱔球，鱔球炸得香脆，鎖住肉汁，加上炸蒜，佐酒一流！人均消費百多元，有大排檔風味又衛生實在十分難得！

今晚經過土瓜灣朋友想食中菜我地簡左喜滿樓我地叫左幾樣餸店員推介左幾樣招牌菜比我地清蒸皇帝蟹香宮腐乳脆蝦冰鎮南非鮑魚油鹽水泥鯭涼瓜排骨煲清蒸皇帝蟹單係賣相已經好吸引份量亦好多好細心咁分好哂蟹肉好鮮甜 好新鮮啖啖肉 好彈牙朋友都讚不絕口香宮腐乳脆蝦好夠鑊氣又入味咸香適中 蝦肉新鮮煮得岩岩好 唔會過老冰鎮南非鮑魚温度處理得剛好如果雪太耐又會過硬宜家岩岩好 而且清洗得好乾淨涼瓜排骨煲涼瓜苦中帶甘排骨唔多肉但都好juicy整體黎講樣樣菜都有水準有驚喜值得一試

同屋企人食飯，老人家都係偏愛食中菜，搵到呢間喜滿樓菜館，有中菜又有小炒架喎，希望佢哋鍾意食啦！避風塘炒大肉蟹，炒得好香，微微辣，送飯一流。手打花枝丸，外面炸到脆卜卜，咬落去非常彈牙，唔錯。原隻菠蘿脆皮咕嚕肉，大大粒酸甜菠蘿肉配埋咕嚕肉好好肉地。芝麻雞，表面有芝麻香，食落雞肉好嫩滑。蜜椒脆鱔球，爆香嘅鱔球，唔太油膩啱啱好。西蘭花帶子，每一粒帶子都有西蘭花咁大粒，帶子新鮮爽脆，西蘭花炒得翠綠。

好耐冇同屋企人食飯，梗係要整返場海鮮大餐啦一早book左位就唔洗驚要等，呵呵。椒鹽南非鮑魚 一上枱，大家都忍唔住嘩左聲D鮑魚都係大大隻，而且食落去仲脆卜卜 ，雖然有d熱氣，不過冇所謂啦花雕蛋白蒸花蟹望到就知幾抵食D蟹嘅鮮味入左蛋白度，好似啖啖都食整蟹咁。豉汁蒸鱔啖啖肉嘅鱔，見到我屋企人食到好滋味，不過我就麻麻地魚嘅，就不多評論喇蒜蓉粉絲蒸扇貝大愛e個餸本身就好鐘意食蒜蓉同扇貝，雖然冇影到，但粒粒扇貝都好肥美飽滿，好新鮮嘅感覺！欖菜肉鬆炒涼瓜哈哈，叫左咁多肉，梗係整返d菜中和返，涼瓜仲可以清熱氣~最尾再整個冰糖燉雪耳潤一潤正！

常常說，舊區有驚喜，這間小炒絕對是一個大驚喜。一行六人，點了幾個小菜，食得岀廚師的功夫。芝麻雞，皮脆到好似薯片咁，而肉質滑溜。另一驚喜是黃金涼瓜，一咸一苦，炸得脆卜卜，咸蛋王正好balance 苦溺味，佐酒一流。砵酒焗蠔大大隻，外面夠脆身，入面juicy。䌫角骨惹味，東升班鮮嫩可口，點了其他小菜如小炒王丶椒鹽豆腐也夠鑊氣。地方乾淨，服務態度殷勤，大眾化價錢，難怪坐無虛席。家庭小店，食物有heart，值得推薦。

上星期五忍不住清茶淡飯，去了土瓜灣搵食，要泊得車又方便都是去喜滿樓，最緊要是衞生企理，食物有保證。叫了芝麻雞，椒鹽鮮魷吊片雙拼，鳯尾鮮蝦球，芥末沙拉骨，黃金桶蠔及翠塘豆腐。椒鹽鮮魷加吊片新口味食法，食齊兩種魷魚。首選是黃金桶蠔，鹹蛋黃味唔錯，桶蠔炸過。其次是芝麻雞，做得招牌菜唔會衰，今次食更多了一個自家製辣麻醬，令到芝麻雞生色不少。翠塘豆腐就太水，食唔慣，比花甲蒸滑蛋差。鳯尾鮮蝦球用自家手打蝦膠，又新鮮又彈牙，包住隻鮮蝦，是今餐的最驚喜。

今年訂了土瓜灣高山道附近喜滿樓食提早食團年飯，上星期三全家12人去到這間新星食店。我們點了9送1燉湯。有黃金桶蠔、扇貝超大隻好好味及鮮味、上湯大蝦伊面、清蒸老虎斑、唔少得仲有招牌芝麻雞。食物和服務質素很好，有水準和風味，我最愛是芝麻雞，獨特而花功夫製作，雖然我唔知道如何將芝麻蓋滿雞皮，只知道這才是皮脆肉鮮滑，非常好味。黃金蠔好美味，外脆內多汁而且好大隻炸蠔。今年團年飯家人都好滿意，下次買隻外賣芝麻雞返屋企加餸。

本人是蟹痴，什麽蟹都鍾意食，尤其是長腳蟹，來過喜滿樓三次都是為了食長腳蟹,，第一次是朋友生日，專登帶我地嚟食餐好嘅,雖然呢度環境係普通啲，但絕對唔好睇小呢度嘅的食物，雖然這𥚃長腳蟹要二百多元一斤，但這𥚃的蟹品種大隻，蟹肉更鮮甜，老板話長脚蟹來自阿拉斯加白令海峽，是最佳品種。第一次凍食最鮮甜美味，最佳味覺享受。第二次是花雕疍白蒸，蟹羔勁多，混在疍白一起食更是好味。蟹水滲入了蛋白加上花雕味，味覺多重享受。昨天再去喜滿樓食，今次是上湯長腳蟹伊面底，雖然有點浪費隻蟹，至少比龍蝦更便宜，下次都係凍食最好味。另外還有好多唔錯嘅菜式，芝麻雞、咕噜肉、蜜椒鱔柳、椒鹽軟殼蟹等。

這次是第一次吃這種街坊式小菜餐館，因為今次是為了探望朋友，朋友住宅樓下就是這間餐廳。可能因為地理位置較接近民居，所以價錢都好實惠，而且味道也很好，款式也很多。我們三個人叫了四個小菜，芝麻雞是朋友食過推介的，外皮充滿着芝麻粒，非常鬆脆，雞肉非常嫩滑，果然是招牌菜，黃金鮮魷～重口味我好想試，另外清蒸三蘇魚，因為這條魚的名字太特別，所以就叫了，真的很新鮮。還有清清的清湯魚肚浸時蔬，味道也很好。這餐真的很不錯。

我都是第一次來喜滿樓，以前成日都話土瓜灣沒有什麼好食地方，依家有點改觀了。可能因為落雨，人少少會靜啲。有位姐姐幫我地落單時，有男人走過黎同我地傾計，建議我地試下呢度嘅芝麻雞、大良炸鲜奶、瑞士燒汁牛柳粒、椒鹽吊片、豉椒炒聖子加煎米粉底。所以我地全部都點。餸菜很快上枱，色香味都有，最喜歡食椒鹽吊片，比鮮魷更惹味，食落有海味味道，最適合飲啤酒。芝麻雞真是寧捨不同，雞肉超嫩滑，可惜唔夠咸。班波友仲約定下次再來食過。

本來個plan係去九龍城嘅，但係但我地揸住架車等咗好耐都冇泊車位，然後又想食嗰間泰金國又勁排長，又經已係九點幾十點喇，唯有轉陣去有機會泊到車嘅地區 — 土瓜灣。驚朋友介紹去咗呢間食小炒既餐廳，很不起眼，有點舊式，周邊都唔係土瓜灣最旺食肆的地方，但，有驚喜喎🤤👉🏻芝麻雞好香好脆👉🏻小炒皇好有穫氣，魷魚勁香，又乾身👉🏻其他非炒類就無乜特別，即係話來嚟度要食炒嘢及炸野🤤👉🏻老板好人，我地擺到明係最後一枱，食完仲坐喺度傾計都仲叫我地慢慢！

未食過這麼好食的羊腩煲，又是秋冬季節，最好食羊腩煲保䁔一下。上星期就由朋友帶我到土瓜灣區安徽街一間好味道的喜滿樓菜館。餐廳主打懷舊住家菜及地道風味小菜，最出名是芝麻雞。剛遇上氣温驟降，叫份古法雙冬羊腩煲。一打開蓋，陣陣香味撲鼻，羊腩炆得夠味，原來個羊腩汁可以當湯先喝，老闆娘話個羊腩汁加了滋補中藥材，再加上老薑炆製，補而不燥，不油不膩，老幼皆宜。最特别的是汁底用腐乳而不是柱候酱，飲落咸甜適中，免費送一碟腐竹及唐生菜，食完暧笠笠，不口乾。

約幾個老友出來食飯，佢住土瓜灣區所以就去番呢一區食晚飯，有朋友話之前食過喜滿樓，覺得唔錯值得再去食。餐廳環境簡單夠晒街坊風格，食物選擇多價錢大眾化。牆上有塊大白板寫了些大廚推介和新推出時令菜式，所以就㸃幾味推介菜：風沙雞和芝麻雞各半隻、啫啫芥蘭煲、避風塘桶蠔、椒鹽吊片等。全部菜式有新意，味道一流，夠鑊氣夠風味。招牌菜首選是芝麻雞，芝麻雞勝在芝麻夠脆夠香，風沙雞勝在夠蒜香，這𥚃用的上等雞種，皮薄肉質鮮嫩有雞味，有層次口感，老友們個個食得高興，𣈱飲高談闊論，真是對酒當歌，人生幾何。