喜來稀肉 (登龍街)

營業中

休息中

早幾日，朋友同我慶祝生日，佢話揀咗我最鍾意食嘅韓式燒肉店，真係多謝佢咁有我心。我好耐之前已經嚟過喜來稀肉一次，覺得餐廳氣氛好好，唔侷唔大油煙，感覺良好。今次朋友book咗平日晚7pm, 聽到後面有walk-in人客嚟，職員都話是晚full booking, 呢間餐廳的確好多捧場客。講返食物先，皇牌嘅「喜來烤肉」仍然好入味，燒過嘅肉用筷子就可以輕鬆分開，汁多味濃。推介的「真雪花肥牛」就比較好咬口，肉味重些，用泡菜加生菜包住食，好好味。叫咗碗白飯，再加埋爐邊嘅芝士蛋同可以不停refill嘅泡菜，真係食到好飽又好滿足

最近去咗住銅鑼灣嘅朋友屋企玩，玩到咁上下就係佢屋企附近食埋晚飯，係餐廳林立嘅登龍街行咗陣，最後決定食燒肉。🥩坐低無耐侍應就送上三款餐前小食同新鮮嘅生菜。🥬 🥬喜來烤肉 ($158) : 將牛肉捲成花朵形狀上枱，賣相相當精緻，真係睇得又食得。😚牛護心肉 ($160) : 油脂分佈平均，口感細膩柔滑、肉味同醬汁味道都相當濃郁。😍牛肋骨肉 ($150) : 見到啲脂肪就知唔講得笑 🤤 雖然好邪惡但係非常好味，唔食對唔住自己。

未有得飛韓國，就唯有去我喜歡嘅喜來稀肉食返餐，一解思鄉之情。今次黎到，覺得餐廳環境好似upgrade左，坐得舒服左喎，成餐飯就食得更舒服喇。我每次去韓國餐廳就算選擇再多，我最後都係會食個湯鍋，好似好無新意添，不過個人喜好嘛。今次破例叫個石鍋烤牛肉。侍應哥哥一整盆上菜，包括4小碟泡菜，同埋主菜，配以生菜，可以包牛肉食。石鍋烤牛肉好冧，醬汁好好送飯呀，亦配有洋蔥，好甜，好好味，仲有索左汁嘅粉絲，我鐘意呀！用生菜包牛肉，放入泡菜一齊食，又係幾清新，一d都唔會覺得膩呀。

今日同朋友喺時代廣場行完街，之後就行去登龍街度揾食，同朋友都想食燒肉，所以就幫襯左呢間韓燒老字號 “喜來稀肉”。第一次嚟銅鑼灣分店，環境比另外兩間寬躺，餐牌同以往差唔多，由於餐廳每份牛肉嘅份量都幾多，所以同朋友只叫兩款就已經夠食。枱上三大兜小菜可以任食，因為會無限量供應。😋喜來烤肉 ($158) : 餐廳嘅皇牌菜，將牛肉捲成花朵形狀，底下浸滿甜甜嘅醬汁，放上鐵板輕輕燒一下就已經可以入口。牛肋骨肉 ($150) : 呢款脂肪含量比較多 🤤 所以燒起上嚟油香滿溢，入口豐腴肥美，牛味濃郁。

韓燒香港有好多間，但會一再回頭得呢間！同朋友兩個食肉獸，一坐低就叫左野飲同四碟肉，再配埋爐邊蛋同前菜真係好飽！前菜有三款，最中意芽菜，有咬口又夠辣！食完都係可以再加！因為太餓，肉都未黎就燒住爐邊蛋先，個人覺得放芝士加泡菜落去最好食！而且係任添！中間個鐵板竉咗兩次，店員都好主動幫我哋換，令到啲肉冇咁易煎燶。我地叫左兩款豬，包括護心肉同五花肉，護心肉係必食，好入味，好正！五花肉第一次叫，個人覺得唔夠肥haha,但朋友覺得好食！牛類叫左真雪花和牛同喜來烤肉，肉既份量都唔少，唔會un,都幾新鮮，包住生菜食可以解油膩！飲品叫左芒果梳打，又係解油膩好幫手，唔會死甜，下次想試埋菠蘿味，又或者飲燒酒！最後食埋韓國雪條先走！大滿足！

隔左一段時間，都冇去食韓燒，近排有些口痕，掛住燒肉味道，難得今日同朋友去開銅鑼灣，行完街之後，當然就要去食附近一間人氣地道韓燒餐廳餐廳有我至愛爐邊蛋，食落又香又滑，店員服務態度好用心，會主動換燒肉盤，添加前菜等，而且餐廳人手非常足夠，會特別留意客人需要，餐牌上肉類款式都十分之多，另外仲有拉麵，冷麵等主食韓式海鮮拉麵$65湯底味道香甜帶點小辣，再配上有勁道拉麵同海鮮，就非常豐富蟹籽紫菜飯團 $50將蟹籽，紫菜，沙拉醬一起攪拌後食，味道香濃惹味又十分飽肚牛五花 $158牛五花食落油香感重，牛肉味濃，放落爐上燒一下就食得，唔需要燒太長時間辣護心肉 $168護心肉有辣或者唔辣，適合唔同口味嘅朋友仔，肉質鮮味又嫩滑，食落香口

香港銅鑼灣，有一家來自韓國的韓式燒烤連鎖店喜來稀肉，在香港開有三家分店，餐廳裝修是典型的韓式風格，坐得闊落舒適。餐前菜喜來泡菜非常爽口，我特別喜歡的是他家醃製的青瓜羅卜，又嫩又脆，酸甜度剛好，醒胃又健康。生菜和燒烤爐周邊的玉米芝士蛋，都是無限量供應的。掃碼落單非常方便，招牌菜喜來烤肉：擺盤精緻好驚喜，肉色亮麗，肉質軟腍，牛肉味濃郁，口味豐富有層次。喜來五花肉配特製醬料：五花肉肥瘦相隔，燒烤時油香四溢，食慾大增，包上生菜沾上特製醬料，口感一流。主食海鮮蔥餅：有蝦仁、魷魚、蛋、辣椒和蔥等，大大件足料又香口，令我回味。疫情期間去不了韓國而想吃韓國料理的朋友，到喜來稀肉是一個不錯的選擇！

位於銅鑼灣登龍街41-51號金龍大廈地下3號開有家來自韓國喜來稀肉韓式燒烤店，入門需要上一層才可就餐，店堂寬敞舒適，是典型的韓式風格。餐廳不僅燒肉質素高，餐前菜也不馬虎。有青瓜和蘿蔔、蔬菜沙律、泡菜，開胃健康又可口，還有無限量提供生菜、爐邊玉米蛋等。招牌菜護心肉是豬橫隔膜和肝之間的筋肉是必點的，鮮嫩味濃，非常好味。喜來烤肉擺盤好驚喜，像朵盛開的玫瑰花，愛到捨不得吃，肉色亮麗，燒烤時油香四溢，食慾大增，沾上醬汁包上生菜吃，口感一流。主食喜來烏冬：湯底少油鮮甜，烏冬彈牙軟硬度恰到好處。服務生熱情有禮，給我以賓至如歸的感覺。

已經冇去韓國超過三年，但係晚晚受緊韓劇嘅洗禮，所以急不及待去咗呢間食燒肉。我同男朋友都係食肉獸，但始終覺得任食嗰啲肉嘅質素冇咁好，而且呢間啲調味我哋最鍾意。一坐低就有幾款前菜式，特別欣賞呢度嘅泡菜，唔算好辣，醃青瓜都好鍾意，食完仲可以添。我就最鍾意豬嘅護心肉，賣相真係唔靚，但食落口我勁鬆軟，調味有少少甜，完全唔需要落任何調味料，我自己就鍾意加生蒜同生菜食。男朋友就鍾意真雪花牛肉，牛肉肥瘦相間，啲雪花紋好靚，食落口唔使咀嚼太耐已經可以吞，煎嘅時候落少少鹽調味，真係好出色，價錢唔算平，但覺得性價比高，值得一試。仲有其他肉類都好好食，例如牛舌，豬五花肉，而且記得收銀隔離有雪條可以攞，每人食一支。

記得好耐之前食過覺得幾好食，所以今次滿心期待去食。但講真今次都幾失望，d燒肉講真味道非常普通，牛肉無咩肉味，甚至有d覺得又瘦又韌，有好多燒肉店都更好食。最接受唔到真係個人參雞係完全無人參同雞味，好似茶餐廳例湯咁….伏到爆反而覺得個泡菜已經最好食。大部分店員服務態度都算幾好，尤其肥肥地戴眼鏡果個女仔；限時個半鐘其實都燒得幾趕，臨十五分鐘前就會有人同你講last order催你走，但係張枱好細一叫得多野就放唔落，因為限時唔一次過叫晒上晒係唔會食得切。結論係下次唔會再黎食，有大把更好選擇。

香港區區都有韓國燒肉店，有平有貴，呢間銅鑼灣喜來稀肉都算出名，我本身好鐘意食燒肉，又怕成身燒肉味，所以對燒肉店個環境，通風，都有好大要求，呢間舖個環境好舖服，入到去唔會好大燒肉味，而且裝修得好似去咗韓國咁，侍應服務亦很好，呢方面值得加分。食物方面我叫咗個壹頭牛套餐，兩個人食，有5個部位，喜來烤肉比較濃味，燒汁太重，食唔到牛味。牛五花最肥美，又有咬口。牛頸個口感唔錯，但比較乾身。牛肋骨肉同牛排骨都好入味，算係最好味兩種。總結呢間環境服務都好好，食物就正常冇乜特別，呢個價錢，如果去其他燒肉店，可能有更好選擇。

印象中喜來稀肉這間分店在銅鑼灣已經開業了七年。在銅鑼灣這樣競爭激烈的旺區營運七年，可看到它一定有它的特色和過人之處。突然想起好像有一段時間沒有食韓國燒烤，第一時間就想起喜來稀肉。牛舌大大一盤薄切牛舌整齊地排好，賣相吸引。因為較薄，輕烤已經熟透，口感爽滑。牛護心肉未經調味的牛護心肉，可以吃到牛肉原來的味道。油脂分佈平均，肉質嫩滑，一點都不韌。😋濟州五花肉五花肉較為厚身，烤熟後配上辣醬再用生菜包著，一流的配搭 👍🏻。芝士石鍋伴飯及石鍋伴飯這兩個則較為普通，因為石鍋飯我喜歡吃它的飯焦，但這兩個都沒太多的飯焦。藍色檸檬汽水抱著一試的心態，出奇地好喝，而且外觀特別，可以一試 😄。他們的泡菜也是很好吃，辣度足夠亦不會太鹹 😍。Follow my IG 😉

2人行，叫左佢最多人食的3類肉護心肉，雪花牛肉同五花腩老實講，疫情前我差不多每1-2年都會去一次韓國而呢間啲燒肉真係麻麻地，啲肉較韌，韓國真係好食好多。同埋肉味亦唔濃，雖然食得落，但食得唔滿足。配菜又無韓國都一定有配的燒肉汁釀洋蔥，想令舊肉好食啲都唔得五花腩切得太厚，如果唔係太肥切厚啲都冇所謂，但佢呢盆真係好肥，同埋味道都唔得，我地最後無食晒，當係豬油咁用😑其實另外仲叫咗個海鮮煎餅，但又係粉漿多過材料，食左幾啖就唔想再食，連相都廢事影最後埋單去左另一度食下場

收工想食燒肉，但又驚一身味，朋友就介紹我去呢間通風好好喜來烤肉。一入到店內，唔會覺得一陣油煙味，因為佢哋有好好嘅通風，所有嘅窗都好大。今日就同朋友兩個人點左兩份肉，一份湯同一個飯食。辣五花肉，肥瘦分布均勻，仲有秘製調味料，烤完之後包埋生菜同泡菜，好味到停唔到口。招牌喜來烤肉，脂肪比例比較少，好大塊，兩個人食一份啱啱好。純豆腐湯，食完烤肉飲碗熱辣辣嘅湯，非常配合，豆腐湯入面有好多蜆肉，鮮味十足。石鍋拌飯，配點十足，分量足夠兩個人食。仲有大大杯芒果梳打&西柚梳打。

困左咁耐， 又無得去旅行， 好掛住韓國燒肉。年近歲晚， 公司又無乜野做， 於是行去銅鑼灣登龍街揾下韓式餐廳。 咁啱見到喜來稀肉食韓式燒肉， 於是就入去嘆返個韓式午餐。食店環境好有韓國燒肉店的工業風， 午餐時間都係簡簡單單食個午餐定食。烤肉拌冷麵熱大麥茶烤肉拌冷麵， 份量超多，顏色鮮艷 ， 紅色的醬汁拌落d冷麵到， 真係靚到不得了。冷麵配菜有蕃茄，雞蛋，蘿蔔， 呢幾樣配菜都幾新鮮，蘿蔔又甜又爽口， 好味。 烤肉入口彈牙， 有肉汁， 食入口完全感覺到係啱啱煎好。熱大麥茶， 麥味非常濃烈， 天氣咁凍， 飲返杯暖入心的大麥茶， 可以驅一驅寒。