喜來稀肉 (金巴利道)

營業中

休息中

最近去左食喜來稀肉韓國餐廳，令人印象深刻。我地叫左幾款燒肉：牛五花 $158牛五花肉質嫩滑，富有脂肪的大理石紋路令肉質更加豐潤多汁。在燒烤的過程中，牛五花肉釋放出誘人的香氣，每一口都充滿了濃郁的牛肉味。搭配餐廳提供的醬料和配菜，令依個牛五花肉成為了一道令人難以抗拒的美味！牛護心肉 $160牛護心肉的肉質緊實而有嚼勁。係燒烤過程中，牛護心肉保持了肉質的鮮嫩度，並且能夠保持其天然的甜味。每一口都讓人愛不釋口，讓人回味無窮。喜來韓豚五花肉 $180豚五花肉的質地柔軟，肥瘦均勻分佈，帶有豬肉獨特的香甜味道。經過燒烤後，豚五花肉的脂肪融化，肉質更加鮮嫩。搭配韓國的辣醬或蒜泥醬，增添了豐富的口味層次，令人回味無窮。喜來稀肉韓國餐廳的燒肉品質好而且多樣化。除了燒肉，餐廳仲提供各種韓國小菜和配菜，豐富了整體的用餐體驗。整體而言，喜來稀肉韓國餐廳給我留下了深刻的印象。新鮮的肉質、美味的燒烤和友善的服務都為我提供了一個愉快的用餐體驗。如果您想品嚐正宗的韓國燒肉，我強烈推薦您來這家餐廳一試！

難得白色情人節，晚上在尖沙咀搵食在偏佈韓國餐廳的金巴利道選了一間滿有特色的韓燒餐廳作晚餐~ ~喜來提供自助前菜，有泡菜、波菜、芽菜、蒜片、醃蘿蔔仲有包肉生菜🥬也隨大家拎🫰🏻-石鍋豬肉拌飯拌飯含多種蔬菜及香脆飯焦將所有食材充分攪拌融合加上韓式辣椒醬入口氣味噴香，更好食...-牛排骨湯🐮排骨肉軟嫰入口即化湯內加入韓式冬粉，蔥花，黑胡椒粉喝上一口湯，熱騰騰的溫度直接暖和身體，真心推介!-牛肋骨肉：牛肉🐮非常軟腍，牛香豐富調味醬肉鷄肉：雞肉🍗軟嫩，夠入味包生菜🥬更健康～加入泡菜、蒜頭片🧄更好味😋..

今日試吓朋友介紹嘅喜來稀肉地道嘅韓國燒烤。我覺得真係好適合帶嚟香港玩嘅朋友嚟呢度試吓。首先講吓環境佢有好多好特色嘅打卡位。其實入到去都覺得好似自己喺韓國嘅烤肉店咁樣。配菜係自助形式，我好鍾意食泡菜同埋芽菜仔，可以食幾多都得。超正。我哋兩個人叫咗1）喜來韓團五花肉。2）喜來烤肉 。3）牛肋骨肉- 整體肉質好鮮嫩。-我本來唔食五花腩肉，但因為燒出嚟啲肉好香好好食，再加上朋友極力推介我我都試吓😀。我哋今次跟咗韓國食法用生菜包住啲燒肉同埋啲飯再加少少醬汁呢個安排好推介，因為咁樣就唔會覺得好油膩。食完燒肉時間啱啱好就可以食。食完燒肉之後兩邊嘅蛋啱啱熟。一邊有泡菜/一邊係原味。好有特色。整體上我都覺得好滿意👍🏻好推介。

是日同朋友OPPA晚餐🔥一定食正宗韓燒店🍽喜來稀肉🇰🇷無論環境裝修同野食一路刀保持到🇰🇷地道feel✨K-pop音樂襯托下食住生菜包燒肉🫔甘先系韓燒啦😋喜來稀肉既肉品真系好好食🥩再加上無限refill芝士蛋🥚泡菜蛋～生菜🥬配菜任食～真系食得好爽爽😋🇰🇷牛肉眼🥩肉質厚而軟腍🇰🇷牛護心肉🥩肉質夠彈性有咬口🇰🇷韓豚五花肉🥩油香味濃肉質爽脆🇰🇷喜來烤肉🥩上等牛肉🐮牛味非常濃郁

今次我去咗尖沙咀近佐敦喜來稀肉餐廳，一間以韓式燒烤聞名嘅地方。入到餐廳嘅一刻，我立即被舒適嘅氛圍吸引住。餐廳內部佈置簡約而現代，木質傢俬同溫暖嘅燈光營造出輕鬆自在嘅感覺。喜來稀肉嘅菜單提供咗好多選擇，而韓式燒烤係佢哋嘅招牌。我決定試吓佢哋嘅牛五花同牛舌。服務員親切地為我們準備燒烤爐，而且佢哋會幫手燒好肉，好貼心。牛五花同牛舌肉質鮮嫩多汁，每一口都有濃郁嘅肉味，真係令人回味無窮。佢哋嘅燒烤醬料亦都好正，帶出肉嘅風味更加豐富。除咗燒烤，我亦試咗佢哋嘅排骨湯。湯頭濃郁，排骨煮得軟滑入味，令人食得好過癮。湯中嘅配料亦都新鮮豐富，增添咗湯嘅層次感。喜來稀肉特別提供免費嘅泡菜吧，我可以自由揀選不同種類嘅泡菜。泡菜新鮮酸脆，爽口又開胃，配上燒烤肉類，味道更加出色。整體而言，喜來稀肉給我留下咗深刻嘅印象。除咗優質嘅食物，佢哋嘅服務亦都非常周到友善。價格方面亦都相對合理，物超所值。如果你對韓式燒烤有興趣，喜來稀肉絕對係一個值得嘗試嘅餐廳。我一定會再次光顧喜來稀肉，享受美食同愉快嘅用餐體驗。

今日想食韓國燒烤，諗起位置方便既尖沙咀燒烤店, 由地鐵站行十分鐘就到餐廳，點左2個牛肉一個主食同，牛肉新鮮肉味香濃又夠腍牛肋骨肉 $150牛肋骨肉,  肉質較鬆軟，瘦肉多脂肪少，有點油花肉嫩牛肉香味足，越嚼越香牛護心肉$160牛護心肉系橫隔膜和肝中間的肉, 食落口感煙韌,  這款肉含豐富的纖維，又略帶點油花，肉質軟腍，肉味濃郁，帶點油脂的甘香, 牛肉充滿油脂的甘香 而且一碟份量不少石鍋牛肉拌飯$85牛肉加上各種韓國拌菜有波菜、紅蘿蔔、豆芽菜及雞蛋及烤肉沾醬, 石鍋能夠好好保持熱度,  一邊燒肉一邊食都仲系熱辣辣, 真系特別好味🥘點燒肉的話會免費附送爐邊蛋, 有泡菜和芝士兩款味道,  呢到座位不少, 枱同枱之間的距離足夠唔迫, 期待下次再嚟📌喜來稀肉📍金巴利道79-81號金栢閣地舖及1樓

好鍾意去喜來稀肉，因為佢有圍爐煎蛋，店家自家製嘅前菜，加埋有OPPA係到，氣氛好有係韓國食烤肉既氣氛❤️前菜推介沙律菜，個汁酸酸辣辣，好開胃🤤一入坐OPPS就會幫手整圍爐蛋，加左芝士個邊咸香咸香，泡菜個邊就惹味💕🔸豬護心肉護心肉本身已經調左味，經過燒烤處理，能夠保持肉質的鮮嫩，每一口都帶來濃郁的豬肉香氣🔸真雪花牛肉每一片牛肉油脂同肉既比例好好，放係烤板上面d油脂吱吱咁響，散發著濃郁既香氣，肉質鮮嫩多汁。也可以搭配生菜及泡菜包裹而食🔸海鮮拉麵湯底鮮美濃郁，充滿辛辣同海洋的鮮味，新鮮海鮮，包括鮮嫩的蝦、魷魚同新鮮的貝類，拉麵麵條有著彈牙的口感

前排岩岩係韓國旅行番黎，自不然好掛住韓國燒肉，所以就約埋朋友黎食韓燒，尖沙咀分店好有氣氛，有部分店員係韓國人，泡菜、生菜都係自助可以任食，今次除左燒肉仲叫左啲韓國料理，味道都好有驚喜護心肉係佢地招牌肉類，係每隻豬肉入面好稀有既部位，肉類質感軟諗，食落有咬口，鐘意食辣既仲可以揀辣果款泡菜湯上枱熱辣辣，泡菜味香濃，入面仲有啲豆腐，天氣凍飲香口又惹味水冷麵加左冰更正宗，食既時候加埋芥末醬同醋一齊食更惹味，麵質爽滑大滿足海鮮拉麵韓國拉麵咁出名點可以唔試下，食落好惹味，仲有蜆肉同青口

其實我都係好鍾意韓國嘢㗎🇰🇷🇰🇷🇰🇷無論嗰邊嘅化妝品、衣着風格、音樂文化，韓風都係一個我鍾意既野🤪咁食嘢都係啦，特別係韓燒啦，一來我好鍾意食肉，二來一班人圍住個爐一齊食嘢傾偈一邊飲下🍻都係一個非常正嘅🥰🥰🥰.咁喺香港食韓燒，喜來稀肉從來都係我嘅首選，食物質素性價比係韓燒嚟講真係算非常之高👍👍所以今日又去咗思鄉啦😋😋😋..雖然我鍾意食肉啊，但係我都唔可以食太多，所以我點咗一份雲花牛肉、一份五花肉 (大概$400) 仲叫左個辣🐙🐙 ($150 ) 我覺得好好味🤤牛肉的質素不錯，油花分布平均，價錢適合。五花肉調味得宜，同生菜夾住食特別夾。👍👍💯💯

突然想食韓燒🇰🇷梗係去燒肉元老級喜來稀肉啦原來話咁快就已經十週年！今次食左哩幾款😋依然保持到水準👍🏻🐄真雪花牛肉雪花分佈均勻 油脂好香😍牛味濃郁 肉質好滑食完一塊會想繼續食🤤💓護心肉第一次食同第一次聽佢係橫膈膜同肝之間既肉筋每隻豬得200-300g咋肉比較厚身 食落好有口感🐖韓豚五花肉預先用秘製醬汁醃好 味道甜甜地燒完唔需要加任何醬汁已經好香包埋生菜一齊食好正😋🍙蟹籽紫菜飯團蟹籽加紫菜口感好豐富三個大波波 抵食又好味🍲喜來烏冬好岩小朋友既熱食同埋真雪花牛肉一齊食好正😍🥗配菜自助吧形式特別鍾意食自家製泡菜同蘿蔔🍳爐邊蛋一邊芝士一邊泡菜 免費任添喜來稀肉📍尖沙咀金巴利道79-81號金栢閣1樓連地下

回想起多年前第一次喺香港食韓燒就係係喜來稀肉，之後無論食過幾多次邊間其他嘅，始終都係覺得第一間最正宗，最好食！今日難得約到朋友喺呢邊食飯，佢又想食韓國餐，就決定重遊舊地，味道依然好好食，店員態度亦都保持得好friendly！呢到d banchan都係自助形式，每一款泡菜都係自家製，勁好食，仲要係任加，不過大家記住唔好浪費！食得韓燒，最鍾意就係佢旁邊有兩款蒸蛋，一個係芝士，另外嗰個係泡菜！至於肉我地就要左調味牛排骨，調味得勁好，加埋肉質都勁好食，真係食完一啖又一啖！當然都要叫埋我最鍾意嘅嫩豆腐湯，呢度嘅味道超級正宗，完全同韓國食嘅係一模一樣！石鍋牛肉拌飯熱辣辣咁上枱，聞到已經覺得好香，料都好豐富！飲品我朋友今次叫左芒果梳打，佢話幾好味，唔會死甜。整體嚟講，呢度個體驗好好，難怪成日都咁多人，仲要屹立不倒咁多年！

天氣有點涼，想食傳統韓式燒肉同事介紹下食左尖沙咀韓國街～喜來稀肉呢個牌子喺香港已經有好長時間，單點燒肉店呢講都算係老大哥，亞洲都好多分店！韓豚五花肉🐖喺食韓國燒肉呢話真係唔可以唔叫，用生菜包住剛燒好嘅五花肉配埋辣醬蒜片，油脂喺口入而爆發果個油香真係不可或缺嘅環節。比起坊間原條嘅豬腩肉，呢度嘅係切好嘅厚片，自己燒呢講比較容易控制火喉，個人比較喜歡呢個大小。護心肉(豬)🐖 牛同豬都有護心肉，豬護心肉肉質厚實唔韌，經過調味，微甜嘅味道帶出肉香。韓燒我一定叫呢款！！牛肋骨肉🐂 無論韓燒定日燒點少得叫份牛肉呢，加左一份牛肋骨肉，呢個部位肥瘦均勻，就算唔覺意燒耐左唔會變牛肉乾，始終係近骨部位，肉味都好豐富，唔會感覺好肥膩！大醬湯韓國湯品都係一大重點，唔係好大碗（兩人份量）非常足料，湯有半隻水蟹，蜆仔，蘿蔔片，翠肉瓜片，青辣椒粒，洋蔥片同金菇，唔會好辣，食完仲暖笠笠🤭整體💓：尖沙咀分店坐好舒適又舒服！檯與檯之間都有足夠嘅空間，而且自助燒肉，所以可以一路傾計一路慢慢食，張椅底係小箱仔夠放個袋同外套，完全阻隔燒肉味！記得任吃以下食品,絕對夠飽！芝士/泡菜爐邊蛋吸哂燒肉油香 超正！生菜配菜同自家製泡菜都

要喺尖沙咀超大競爭嘅韓國街屹立不倒多年真係唔容易，而今晚就再呢食吓喺香港已經有好長時間嘅喜來稀肉。對上一次呢食已經兩三年前。就睇吓有無退步到啦。比起之前呢食，今晚嘅食客數量唔算好多，唔洗等位(或者係成個尖沙咀都靜)。我地兩人人被安排左喺場中間位置嘅細檯，比較有情調(暗左啲)。而家轉左用QR Code落單，都好，減少漏單嘅問題。兩丁友叫唔好多嘢，所以都係簡返啲個人必食Item。護心肉今日第一樣要叫嘅就係護心肉，可算係近年韓燒呢講個人大愛嘅部位，而叫嘅時候有一刻掙扎過叫牛定係豬嘅護心肉，最後都係決定食豬護心肉，因為個人對牛肉都係偏愛無調味嘅。而呢度嘅豬護心肉係傳統韓式醃肉甜甜哋嘅味道，肉質厚實味道豐富，記得可以配埋生菜辣醬蒜片。五花肉對於我呢啲為食嘅肥仔，五花肉係另一個韓燒必點，啱啱燒起嘅五花肉油脂喺口入而爆發果個油香真係其他部分做唔到，第一兩塊個人建議點少少鹽就咁食，個肉味會好出，淨食肉一兩塊之後開始配埋返生菜辣醬蒜片又可以解解膩。肥？食啦！牛肋骨肉又身為牛肉痴漢嘅我又點可以韓燒唔食牛呢，今晚叫左一個最唔會有伏嘅牛肋骨肉，呢個部位肥瘦適中分布均勻，入口油脂豐富真係唔會好膩，但同其實部位有

回想起多年前第一次喺香港食韓燒就係係喜來稀肉，之後無論食過幾多次邊間其他嘅，始終都係覺得第一間最正宗，最好食！今日難得約到朋友喺呢邊食飯，佢又想食韓國餐，就決定重遊舊地，味道依然好好食，店員態度亦都保持得好friendly！呢到d banchan都係自助形式，每一款泡菜都係自家製，勁好食，仲要係任加，不過大家記住唔好浪費！食得韓燒，最鍾意就係佢旁邊有兩款蒸蛋，一個係芝士，另外嗰個係泡菜！至於肉我地就要左調味牛排骨，調味得勁好，加埋肉質都勁好食，真係食完一啖又一啖！當然都要叫埋我最鍾意嘅嫩豆腐湯，呢度嘅味道超級正宗，完全同韓國食嘅係一模一樣！石鍋牛肉拌飯熱辣辣咁上枱，聞到已經覺得好香，料都好豐富！飲品我朋友今次叫左芒果梳打，佢話幾好味，唔會死甜。整體嚟講，呢度個體驗好好，難怪成日都咁多人，仲要屹立不倒咁多年！

☄️豬護心肉（$158）豬護心肉食落有啲似腎，但係就有啖啖肉嘅感覺！☄️牛舌（$158） 牛舌味道正常，薄切易入口。☄️真雪花牛肉 & 喜來韓豚五花肉（$228 & $180） 牛五花同豬五花，脂肪同肉質嘅比例啱啱好，有油脂味得嚟又不失咬口。豬五花醬汁入味，唔點醬都夠哂味！☄️ 喜來烤肉（$158）喜來烤肉嘅醃味都好恰到好處，又唔會蓋過肉嘅味道。☄️ 水冷麵（$95）麵質彈牙份量夠哂多，嚟緊夏天就啱哂啦！佢地嘅抽風系統良好，到繁忙時間坐滿人都唔會好大油煙。店員定時更換鐵板同埋提供消臭劑，確保大家食得盡興又唔會成身臭賓賓！總括而言，喜來希肉唔止好食，環境都好舒適，值得一試。