影片
更多
2024-03-13
43 瀏覽
要喺尖沙咀超大競爭嘅韓國街屹立不倒多年真係唔容易，而今晚就再呢食吓喺香港已經有好長時間嘅喜來稀肉。對上一次呢食已經兩三年前。就睇吓有無退步到啦。比起之前呢食，今晚嘅食客數量唔算好多，唔洗等位(或者係成個尖沙咀都靜)。我地兩人人被安排左喺場中間位置嘅細檯，比較有情調(暗左啲)。而家轉左用QR Code落單，都好，減少漏單嘅問題。兩丁友叫唔好多嘢，所以都係簡返啲個人必食Item。護心肉今日第一樣要叫嘅就係護心肉，可算係近年韓燒呢講個人大愛嘅部位，而叫嘅時候有一刻掙扎過叫牛定係豬嘅護心肉，最後都係決定食豬護心肉，因為個人對牛肉都係偏愛無調味嘅。而呢度嘅豬護心肉係傳統韓式醃肉甜甜哋嘅味道，肉質厚實味道豐富，記得可以配埋生菜辣醬蒜片。五花肉對於我呢啲為食嘅肥仔，五花肉係另一個韓燒必點，啱啱燒起嘅五花肉油脂喺口入而爆發果個油香真係其他部分做唔到，第一兩塊個人建議點少少鹽就咁食，個肉味會好出，淨食肉一兩塊之後開始配埋返生菜辣醬蒜片又可以解解膩。肥？食啦！牛肋骨肉又身為牛肉痴漢嘅我又點可以韓燒唔食牛呢，今晚叫左一個最唔會有伏嘅牛肋骨肉，呢個部位肥瘦適中分布均勻，入口油脂豐富真係唔會好膩，但同其實部位有
比起之前呢食，今晚嘅食客數量唔算好多，唔洗等位(或者係成個尖沙咀都靜)。我地兩人人被安排左喺場中間位置嘅細檯，比較有情調(暗左啲)。而家轉左用QR Code落單，都好，減少漏單嘅問題。兩丁友叫唔好多嘢，所以都係簡返啲個人必食Item。
護心肉
今日第一樣要叫嘅就係護心肉，可算係近年韓燒呢講個人大愛嘅部位，而叫嘅時候有一刻掙扎過叫牛定係豬嘅護心肉，最後都係決定食豬護心肉，因為個人對牛肉都係偏愛無調味嘅。而呢度嘅豬護心肉係傳統韓式醃肉甜甜哋嘅味道，肉質厚實味道豐富，記得可以配埋生菜辣醬蒜片。
五花肉
對於我呢啲為食嘅肥仔，五花肉係另一個韓燒必點，啱啱燒起嘅五花肉油脂喺口入而爆發果個油香真係其他部分做唔到，第一兩塊個人建議點少少鹽就咁食，個肉味會好出，淨食肉一兩塊之後開始配埋返生菜辣醬蒜片又可以解解膩。肥？食啦！
牛肋骨肉
又身為牛肉痴漢嘅我又點可以韓燒唔食牛呢，今晚叫左一個最唔會有伏嘅牛肋骨肉，呢個部位肥瘦適中分布均勻，入口油脂豐富真係唔會好膩，但同其實部位有少少唔同，牛肋燒得熟少少，表面有少少焦個味道會更突出，不過唔洗擔心會變牛肉乾，因為個油脂分布均勻，點燒都好食。
大醬湯
最後叫埋個大醬湯，細細份但係好足料，有半隻蟹，蜆，蘿蔔，豆腐，翠肉瓜，青辣椒，洋蔥同金菇等，味道好豐富而且唔係好辣，我覺得比起佢個泡菜湯，個大醬湯都有啲驚喜。推一個！
雖然肉就唔係食左好多款，但係同時要食埋泡菜，醃菜，爐邊蛋(refill左一次)，都真係好飽。相對起而家香港好多新開嘅燒肉店(Oppa或者女店員幫你燒果隻)，呢度仲係難得地自己慢慢燒 (店員都會主動換板同補潤板嘅肥豬肉)，可以靜靜哋一路傾計一路食，都唔錯，希望可以Keep住呢種簡單。
無叫嘢飲下，最後兩個人埋單$630。
張貼
