喜來稀肉 (金巴利道)

營業中

休息中

岩岩先喺韓國返黎，但仍然意猶未盡個靈魂仲留左喺韓國所以返到黎香港都要食韓國菜講到香港嘅燒肉，我特別鍾情於喜來稀肉講起喺香港韓國燒肉嘅原祖，佢都算係數一數二今次我地黎食晚餐，一入到去啲員工就好親切咁示意我地可以喺出面夾前菜，前菜有好多款，包括泡菜、麻油菠菜、芽菜、生蒜⋯ 另外仲有提供生菜添我就覺得呢度醃嘅泡菜非常之好味飲品叫左柚子梳打鐵板兩邊加左蛋漿一邊係原味，另一邊係加咗泡菜嘅辣味仲有我最愛嘅拌冷麵麵質好煙韌，撈埋啲辣醬同醋一齊食非常之夾而燒肉方面，我哋就叫咗辣護心肉、牛五花，辣魷魚燒好嘅肉包埋生蒜同生菜一齊食真係一流另外值得一提嘅係呢度嘅員工個個都好nice而且仲會定時定候幫我哋換鐵板添

同FD行尖沙咀，行到好肚餓，睇到哩間韓燒都有尖沙咀分店，咁一定要encore啦。晚上好full，唔想等位一定要提早book台。餐廳裝修得好韓風，除咗QR code落單，仲可以任食韓式前菜。韓式前菜有數款任食，最鐘意食辣椒仔同酸蘿蔔，酸辣脆口，做為開胃前菜唔錯。芒果蘇打，落咗好多芒果果汁，飲落芒果味好濃，唔會好甜，好飲。辣韓豚五花肉，五花肉預先用韓式辣醬醃制過，唔洗點醬都夠味。五花肉大大一件，同埋都算厚切，要燒耐少少。食落好香口同埋唔油膩，加埋生菜蒜片一齊食，超好味。調味牛排骨，牛排骨都用秘制醬料調味過，不過口味會比五花肉偏甜少少。牛肉食落好軟嫩，唔會覺得韌。調味好出色，食到停唔落口。食完烤肉，仲可以食爐邊蛋TIM，一邊加咗芝士，一邊加咗泡菜。芝士果邊，仲可以拉絲，好好味

尖沙咀金巴利街出名多韓國餐廳 今晚就同朋友去食呢間樓上韓式烤肉餐廳 🥓餐廳環境寬敞 座位佈局分明 餐廳播放住強勁新潮嘅k pop 音樂 真係特別有feel 🤩💃🏻👯‍♀️👯‍♂️餐廳有多款韓式小菜 可以任夾任食👉🏻泡菜超級好食😋 唔會太辣但又夠味 岩晒香港人口味😋😋 👉🏻涼拌山茼蒿 另一推介 好香麻油味 食落爽脆清甜☺️ 🐮牛五花 $158黎到燒肉 我個人就鍾意醃醬汁嘅燒肉 即使唔使沾醬都已經夠晒味😆 呢碟牛五花🥓店員花心思擺碟 讓每一塊牛肉都能沾上醬汁 🐷喜來韓豚五花肉 $180肥膏與瘦肉層層相扣 邪惡感爆燈😈😈豬油香味撲鼻 口感滑溜彈牙🍛石鍋牛肉拌飯 $85趁住熱辣辣 加辣醬攪拌後 飯香撲鼻🤩🤩配料豐富 荷包蛋汁滲入飯當中 更加美味🫐藍莓梳打 $45清涼解渴 食完燒肉 飲一啖就仲正🤩飲到底發現有啲藍莓果肉添😀🍽️🍴總結🍽️🍴餐廳 韓式小菜可以任食真係好正 😊

今日收工又好想食韓燒，一講到韓燒即刻諗起呢間老字號，多年前喺香港開店，之後開咗超多分店，而家尖沙咀呢間更加係屹立不倒。今日7:30pm來到，剛好不用排隊可以直接入座，其實大部分位子已經坐滿。我第一時間就係去kimchi bar個到攞d自家製嘅kimchee，然後一邊食一邊睇menu。今次朋友話想食牛舌，所以就叫左一份，一份其實都有好多塊，而且每塊都係薄薄地一片，燒一燒就好快熟，燒到金黃色，香口又入味！之後我就要咗一個蛋拌生牛肉，超級新鮮，加埋個蛋黃，打卡真係一流！至於主食我哋就要咗一個石鍋牛肉伴飯，好大份，好抵食！嚟得韓國餐廳，當然唔少得飲我最鐘意嘅生米酒啦！店員好有心機咁樣幫我serve，謝謝oppa！

【尖沙咀人氣韓式燒烤🍖喜來稀肉】-『喜來稀肉』係韓國過江龍😝裝修十足十韓國嘅燒肉店，仲有Oppa坐鎮幾有氣氛～價錢相宜，泡菜同埋生菜都係自助😗仲有圍爐芝士煎蛋🫕幾啱約埋一班朋友聚會😍-😋蟹籽紫菜飯團🍙 $50+1飯團成個波咁樣造型好得意😙入邊有蟹籽同紫菜，外邊煎得焦香，灑上一啲芝麻，味道唔錯👍🏻好味指數：🌕🌕🌕🌕🌑-😋牛護心肉🥩 $160+1牛護心肉係牛嘅橫隔膜，係非常稀有矜貴嘅部位。肉質軟腍😛肉味濃郁，帶點油脂的甘香，好啱用嚟燒肉😍好味指數：🌕🌕🌕🌕🌗-😋海鮮拉麵🍜 $65+1價錢唔貴但入邊有大蝦又有青口相當足料🤩拉麵比較粗身有咬口😙個湯底辣得來有幾惹味🌶️好味指數：🌕🌕🌕🌕🌑-😋喜來韓豚五花肉🥓 $180+1五花肉油脂豐富，燒完之後金黃色，加埋泡菜同生菜一齊食，好夾😏而且份量都幾多下好味指數：🌕🌕🌕🌕🌑-📍喜來稀肉 (尖沙咀)尖沙咀金巴利道79-81號金栢閣地舖及1樓💸人均消費：$250

喜來稀肉 (尖沙咀)尖沙咀金巴利道79-81號金栢閣地舖及1樓。喜來稀肉可以話係香港韓燒界嘅代表，我由好多年前就開始食佢lu~ 其中一樣最鐘意嘅就係佢張凳可以打開放褸放袋，咁就唔怕食完會成陣韓燒味啦。呢度仲有咩好？就係可以任食多款韓式前菜，我呢個菠菜芽菜怪，真係淨係食前菜都飽左一半呀 🤣 另外，包肉食嘅生菜都一樣係免費任食架。仲有樣野都係任食，就係爐邊蛋餅，食完記得叫店員encore呀。牛肋骨肉（$150）、韓豚五花肉（$180）肉類方面有韓牛韓豚，質素都有番咁上下，有d就包生菜食，有d就夾埋蒜片食，正呀。牛排骨湯（$125）就咁食燒肉好似有d齋，另外就叫左個牛排骨湯，向來都幾鐘意飲韓式牛湯，湯底清清地無味精，又用石鍋熱辣辣咁上。@seorae.hk 。#gpigtst

環境門口細細，上一層就見到環境好大又闊落，凳可以打開放袋及外套等，唔怕食到成陣味，每張枱櫃桶裏都有提供紙巾濕紙巾等。食物喜來韓豚五花肉 $180切好晒好方便，薄切非常易燒，油脂勁香。喜來烤肉 $158招牌菜！賣相吸引係玫瑰花形狀的牛脊肉，牛味相當濃，大約有8-10塊。牛五花 $158肥瘦均勻，淹得味道剛好甜甜地。護心肉 $158每隻豬只得200克左右的稀有肉，柔軟多筋口感帶勁，非常特別的。蟹籽紫菜飯團 $50之前係一碗自行包的，而家包好了一團團方便食，配燒肉一流！免費吃沙律吧有8種韓式泡菜及沙律任食，泡菜、蘿蔔、青瓜、蒜片、豆芽等。最正係生菜任食，可以包住燒肉食，解膩一流！爐邊蛋一邊泡菜一邊芝士味，用手機任叫任加！

一坐低服務員已經準備好爐邊蛋！一邊係泡菜、一邊係芝士🧀可以無限encore呢個爐邊蛋😍個人好鐘意芝士味果邊！蛋香+惹味芝士真係好好食😋另外亦有自助bar，任攞泡菜、酸蘿蔔片、醃芽豆、菠菜、包肉食既生菜🥬肉🥩方面，叫左3款：喜來烤肉 $158一上枱牛肉片已經卷成玫瑰花造型～薄薄地一塊，燒5秒左右就食得！連埋醬汁帶出香濃牛肉味！而且冇乜油脂，食多幾塊吾吾會膩，必食。護心肉 $158護心肉亦係招牌菜之一！肉質柔軟，比較多筋，非常有口感，而且冇醃製過，可以食到肉嘅原味。真雪花牛肉＄228非常鮮嫩多汁既牛肉，咬落去就溶化。但係佢有好豐富既油脂感，不喜歡的朋友可以用新鮮生菜包住一齊食，不但可以中和返，而且更有口感。泡菜豆腐湯 $85熱辣辣豆腐湯非常足料同大份，雖然係辣辣地，但非常惹味，食咗一啖之會忍唔住再食落去，非常刺激味蕾。

一講起韓燒 直接就諗起呢間喜來稀肉喺香港已經整整10年真係一d都唔容易👍🏻之前食過已經想encore了今日去開尖沙咀開會 收工就黎個early dinner先😆前菜 泡菜 生菜全部都係自助無限添加👍🏻仲有任食 #爐邊蛋 🤤我地叫左：🔸韓豚五花肉煎完既五花肉表面焦脆一啖食落去係滿滿的油花香🤤🔸豬頸肉外表微焦香脆 口感好爽口 👍🏻🔸調味醬油雞肉燒完既雞肉好鮮嫩 唔會好柴🔸海鮮泡菜煎餅煎餅外層酥脆 裡面有海鮮同泡菜碎 配咗啲特製嘅醬汁 增加咗層次感👍🏻唔好睇佢樣樣野好似唔太大碟食食下都好夠飽😂餐廳裝修滿滿韓國地道既感覺枱與枱之間好闊落啱晒同朋友去傾下計 飲返2杯😆

元老級韓燒食店 - 喜來稀肉每個人都應該有食過屹立至今當然有一定水準而自助區有各種韓式小食喜來泡菜、酸泡菜、蘿蔔、青瓜、涼伴小菜及一盆盆生菜等任拎任食當中為人熟悉的是爐邊蛋一邊芝士一邊放泡菜 任添加♥️⋆_ᴛᴏᴛᴀʟ ᴏʀᴅᴇʀ__ ⋆🥩護心肉護心肉是喜來稀肉的招牌菜式次一柔軟多筋 口感帶勁 沾醬一流 🥩喜來烤肉以玫瑰花🌹造型的牛肉片醬汁很入味 亦是我的最愛🥩牛護心肉是牛腹肉 肉質略帶點油花口感軟腍 肉味濃郁 非常甘香🍸水果燒酒 益力多味韓國燒酒口味很多選擇益力多燒酒 口感很特別 酒精濃度位12% 男女都適合 🈴

兩個女仔想食燒肉 食喜來稀肉一定係冇錯架！叫左兩款豬已經可以食到飽！辣韓豚五花肉喜來韓豚五花肉韓燒真係必須燒豬五花肉！燒到焦黃色咁配生菜 多生蒜 記得醮埋Wasabi! 而真係食過咁多間韓店嘅泡菜都真心係喜來嘅泡菜最好食！真係冇得輸！隨左豬五花 最出色真係喜來蛋！爐邊免費任添加嘅泡菜蛋同芝士多真係好正！個人就愛泡菜蛋！估唔到泡菜同蛋係咁夾！水冷面食咁多燒五花肉 中間再叫碗水冷面係唔錯嘅選擇 面好爽好開胃 好似過一過冷河咁 又可以再戰！飲品叫左西柚梳打香濃西柚多柚肉～好fresh! 好喝好喝！

我最鐘意既韓燒喜來燒肉，位於尖沙咀銅鑼灣都有分店，佢哋既價錢非常親民，某啲韓式餐廳生菜都是要額外收費的，但是他們店的配菜自助吧無限量任加，配菜選擇都好多款式。特別要講到佢哋既肉類，醃製嘅肉都好林，味道有韓式嘅甜味，有自家製既調味醬料，加埋生菜，口感味道非常正。特別要介紹佢哋嘅喜來烤肉，薄切牛肉唔會肥但味道依然香滑。牛護心肉有黑椒+鹽醃製，燒好加上韓式豆瓣醬，味道有多種層次。護心肉係豬肉，比較肥膩要燒耐啲，等D油少D

今日趁着放假，經過尖沙咀韓國街，突然間心癢癢，就決定去食韓燒韓國街有幾間韓燒店，一直都好想試，但係每次行過都會唔記得。今次為咗避開平時食飯人群要等嘅時間， 5:30我地就入座食一開始，店員先幫我哋倒咗蛋漿，之後就話俾我哋聽出邊有個前菜嘅自助區可以自己拎黎食我地今次就哪左幾樣野試下「牛肋骨肉：$150」牛肋骨分肉d五花味幾濃幾香 但相對於豬肉下，係有啲對比下去🫠「豬頸肉：$150」豬頸肉好好食，本身唔會太肥，肉質好爽口，一d蘇味都無！「喜來韓豚五花：$180」五花肉係我今餐既推介！本身五花肉已經用醬汁醃好咗 包埋d菜真係好好食 唔會覺得肥膩！「石鍋牛肉拌飯：$85」個飯就覺得不過不失 相對於燒肉之下，冇太大驚喜設有10%服務費

上2星期喺韓國食完韓燒，依家突然間好想食韓國燒肉，於是搵咗呢間好似好多分店嘅，又好抵食嘅韓式燒肉 呢個係一個二人嘅套餐，牛拼盤本身仲擔心唔夠食 點知見到實物都都幾大份有啲嚇親 即刻覺得完全好ok🤭我鍾意佢啲前菜任夾任拎泡菜嘅辣度好正 仲有菠菜好爽口實不相瞞成個晚餐我一共加咗三次😂😂我研究咗一個自創嘅食法就係將泡菜嘅汁撈菠菜，正😋最體心係每個位都有一包紙巾任用整體牛嘅味道都係出色既 最推介定係雪花牛牛肉同脂肪嘅比例啱啱好仲要輕輕擺一擺就已經食得爐邊蛋兩款口味最好食一定係泡菜口味我覺得呢餐食得好滿足同韓國食差唔多味道，原來仲平過韓國 埋單每人三百幾

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯回想好多年前係韓國食過烤肉，而其中一間就係「喜來稀肉」。知道佢係香港開咗分店，但係一直都冇試過佢嘅質素，今次想念韓國美食嘅時候決定試返一次，睇吓可唔可以搵返韓國嘅味道。喜來烤肉唔講仲以為係玫瑰花添，淨係賣相都拎滿晒分。粉紅色嘅肉質配搭豐富油花，燒香都唔會覺得乾身。護心肉聽講呢個部位好稀少，一隻豬都淨係得少少。食落肉質比較軟身，但係肉味都相對比較濃郁。蔘雞湯食得韓國菜，基本上蔘雞湯都係必叫。遠遠地都聞到好香嘅人蔘味，而且雞肉肉質都好嫩滑。蟹籽紫菜飯團飯粒綿密又有飯香，配搭蟹籽同埋芝麻都令人食到停唔到口。 ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯喜來稀肉 (尖沙咀)尖沙咀金巴利道79-81號金栢閣地舖及1樓 ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯