啖啖肉

營業中

休息中

食評這份炸雞球外酥內嫩，每一口都充滿了香脆的口感。搭配的酸忌廉醬汁滑順，增添了濃郁的風味，恰到好處的香讓人欲罷不能。整體口味均衡，適合作為小吃或分享，令人回味無窮。必定會再點

服務員態度不佳 對客人呼呼喝喝 毫無禮貌。食物質素一般 唔值得等半個鐘去食。之前同朋友嚟食嘅時候，我哋企咗喺佢門口睇緊Menu，佢只係望住我哋，直至我哋點餐嘅時候，佢先話我哋收咗，令我難以理解佢嘅做法

認得呢間炸雞幾出名見得兩三個人排隊就試吓。買完之後聽到叫號碼發現叫緊6x，但我地10x。第一下以為聽錯，點知問真啲店員話要至少等30分鐘😨 完全唔明點解俾錢嗰刻冇講聲🫠30分鐘之後諗住就有，點知只係叫緊8x😨 最後足足等咗一個鐘先有😓 中間有問下店員叫到幾多號，佢黑面，態度差，好似唔想答你咁。🫠炸雞唔係唔好食，但冇好驚艷，唔值得等一個鐘。大家weekend 去食嘅話慎重考慮唔好食呢間。😓🙏🏻

發現💥 葵廣名物炸雞新神作！估唔到竟然係蟹黃加炸雞呢個組合😮呢間我哋次次去葵廣都必食，私心推老闆係米芝蓮fine dine出身以韓式炸雞 x 英式炸魚做法招牌自創輕盈啤酒炸漿主打即叫即炸，鬆脆唔油膩嘅「零負擔炸雞」🔥-呢度炸雞同其他店好唔同，外皮做到薯片咁薄脆食落唔會油淋淋，感覺冇咁heavy肥膩雞肉極之嫩滑，次次食都爆曬肉汁好正💦-👍🏻蟹王 $58呢個新口味大癲😳用大閘蟹蟹黃同蟹肉做醬，加上花雕酒同蟹醋提鮮鹹香鮮味十足，仲食到一絲絲蟹肉，落重本🤯個醬真係cls，唔知老闆會唔會考慮俾人買走返屋企撈飯食呢🥹😂不過強烈建議一定要堂食拎到即刻食！試過外賣拎走食真係差好遠-👍🏻酸忌廉洋蔥 $48招牌味，酸忌廉配新鮮紫洋蔥粒同法蔥仔一定要撈勻食，酸酸地好香洋蔥味有啲似品客Sour & Cream薯片🤣-📍#啖啖肉 @damdamyuk葵芳葵富路7-11號葵涌廣場潮流廊二期2樓2008A號舖

葵廣越嚟越多唔同種類嘅店舖進駐🤓，掃街其中一站試咗呢間叫「啖啖肉」嘅炸雞店🍗，標榜令人無負擔嘅炸雞，店舖主力賣8款唔同味道嘅炸雞，落單後都要等45分鐘🫢❣️酸忌廉洋蔥炸雞 $48所有炸雞即叫即炸👍🏻，炸雞外皮用啤酒脆漿炸成，所以做到外脆又唔油膩嘅感覺，雞肉亦保留肉汁😋，真係做到啖啖肉🥰，配上酸忌廉洋蔥一齊食，竟然又好夾，冷熱交替😂，真係第一次食完炸雞覺得冇負擔🤪👅好味度：8.5（10分滿分）每份有5大件，定價雖然高但味道同質素都有保證，值得Encore😋

葵廣“啖啖肉”的酸忌廉洋蔥炸雞，絕對是一道令人難以抗拒的美味！這道菜的特色在於外脆內嫩的炸雞，雞肉鮮嫩多汁，每一口都熱辣辣好juicy！炸雞外皮金黃酥脆，咬下去時發出聽到脆卜卜嘅聲，讓人欲罷不能。最特別的是那酸忌廉醬，與洋蔥的搭配讓整道菜更添風味。酸忌廉的清新與洋蔥的甜味相互融合，為炸雞增添了一層獨特的風味，令味蕾感受到無窮的驚喜。這醬料不單止提升了口感，還讓整體味道更加豐富。酸忌廉洋蔥炸雞都十分適合與朋友分享，來到葵廣，千萬不要錯過這道美味的炸雞🍗

酸忌廉炸雞 $48用主打啤酒炸漿方式去炸，令炸雞咬落更加香脆🍗。一咬肉汁多到爆出嚟，好juicy。炸雞每件都大大件好肉質嫩滑。加埋上面嘅酸忌廉醬，令成個感覺更清新。唯一缺點係真係太多人買😢，假日去要等約半個鐘左右。臨到你個陣， 店員會comfirm下你喺唔喺到先再炸。確保炸雞新鮮滾熱辣。🔥

呢間炸雞舖喺葵廣2樓，特色係標榜住零負擔，用自創輕盈啤酒炸漿嚟整嘅炸雞🤩 見到好特別就叫咗一兜嚟試吓🤔 呢間都幾受歡迎，要等佢炸一段時間先有明太子炸雞 ($45)一兜有五嚿炸雞，上面我揀咗明太子醬🥳 炸雞外皮同平時食開嘅炸雞完全唔同，非常之特別🥰 炸雞外皮超級薄，炸得金黃，入口酥脆，調味亦都唔會太鹹，唔會食到成口油🫨 入面雞肉亦絕對唔乾，保留到少量肉汁，真係啖啖肉好滿足👍🏻 甚至唔配明太子醬就咁食都好好食呢間炸雞食落去同佢標榜嘅幾乎一樣😂 外皮鬆脆輕盈唔油膩，食落完全唔heavy👍🏻

啖啖肉 DAM DAM YUK· 放了10分鐘依然香脆炸雞身為一個不太愛吃炸物的人（尤其是炸雞），卻意外愛上的重口味炸雞。今次點的是酸忌廉洋蔥炸雞。因為是平日晚上，等的時間不算久大約6分鐘吧。炸雞即做的緣故需時，但是熱騰騰的拿到手還是很滿意的。傳統炸雞總是以有存在感的形式出現，厚厚的且有顆粒感，但這家炸雞的炸皮超薄。獨家研究的啤酒漿炸皮十分的香脆，有種像吃薯片的感覺，是以往炸雞沒有的口感，而且這家雞肉比其他的炸雞更嫩，雞的油香也意外的豐富。嫩嫩的雞肉配合薯片口感的炸皮下，即使是原味也不會嫌無聊。而配合酸忌廉洋蔥醬料更是有在吃薯片的即視感，這香濃的酸忌廉炸雞是送酒的一流小吃，雖然很感謝店家給醬滿滿，每塊炸雞都有充分的醬料，但是如果這炸雞是今天唯一的晚餐的話就略嫌過於重口味，讓人更欣賞原味的炸雞。路途中因為要買其他的東西而放下了炸雞，但吃到最後一塊炸雞約莫估計已經過去了20到25分鐘下，撇除了醬料的部分，薯片的口感依舊而感到驚喜。在份量與價格的部分，$48有5塊的情況下，普通女生只吃這個當晚餐的話應該會有6到7成飽吧，雖然肉眼下只有五塊，但因為炸皮很薄炸雞也大塊的。$48只有5塊會顯得有點

去葵廣掃街，見到呢間標榜住零負擔嘅炸雞，一向好鍾意食炸雞嘅，我就忍唔住要去買佢哋有好幾款唔同嘅炸雞，今次就揀咗蜂蜜脆脆味。佢哋嘅雞係即炸嘅，不過佢都幾多人等，所以大約等咗10分鐘先有。就咁望落去其實份量唔算多，但係食落去口感唔錯！佢同一般嘅炸雞唔同，脆得嚟炸漿好薄，咬落去都幾多肉汁，一啲都唔會乾柴，好嫩滑！加埋個酸酸甜甜嘅醬汁，同炸雞個味道好夾，食落一啲都唔漏！呢個價錢唔算好平，但係味道OK，可以再encore！

呢間炸雞小店近期係葵廣超高人氣~主張零負擔炸雞，啱哂我呢啲為食又怕肥嘅人🤣當日嗌咗邪惡芝士肉醬($50)，見店員keep住出餐又冇特別講要等幾耐，以為好快有得食🥲點知原地等咗20分鐘，仲要遲過我買嘅人都早拎過我😢拎上手都feel到係新鮮炸起，炸雞因為用咗啤酒漿炸，感覺的確比平時食嘅炸雞輕盈同脆口，肉質唔會柴，而且有肉汁🍗💦一份都有6 7舊，我自己就覺得價錢都算合理~始終去餐廳食炸雞都至少百幾蚊😂芝士肉醬🧀🍖雖然聞落好香但完全見唔到肉醬，一路食先發現得零零碎碎嘅肉末係個底，而且肉醬比較稀，用炸雞或者兩支竹籤根本撩唔起啲肉醬🥺同埋味道上加埋炸雞其實有啲似食緊咕嚕雞…🙈可能同自己期望有啲出入，下次都未必會為咗呢個炸雞等咁耐🙈

完全不值得一試！之前見到好多影片分享平台紅人介紹呢間炸雞店就滿懷期待咁去試吓一去到都未開口order，有位男扮女裝嘅店員極度黑口黑面，而且都冇正眼望過我就講:「要等30分鐘喎」心諗好食嘅嘢等半小時都無妨，橫掂周圍都可以有小店可以行吓等咗半小時之後拎炸雞嗰陣，個店員全程都係繼續黑面。食評:等待半個鐘嘅炸雞拎上手嗰陣竟然係凍嘅，其實炸物凍咗已經大打折扣，再加上面好膩嘅sour-cream，食咗一半已經唔想再食。呢個價錢得到咁樣嘅食物及服務質素，真心有啲嬲嬲地

🍗 火焰鹹牛肉他他醬 HK$50・味道：炸雞調味適中，配鹹牛肉都唔會好重味，仲有他他醬中和油膩感，想像到嘅好食🍗！・口感：啤酒炸漿少見但出色🍺，建議所有炸雞店跟一波！輕盈有空氣感，又保留到脆度！・・・・・・・・・・・・・・・・・・・・🤰性價比：高～🤰9衝度：9衝～🤰結論：葵廣炸雞店唔多，可以試吓呢間～雖然好多人排隊，建議買完之後再買其他嘢等！・・・・・・・・・・・・・・・・・・・・

😋 叫咗一份招牌酸忌廉洋蔥炸雞，金黃酥脆嘅外皮下面喺...多汁嘅雞肉，一啖咬落去，咔嚓薄脆，跟住落嚟喺肉汁喺口入面爆開，幸福感爆棚！💥但令我驚喜嘅喺獨特嘅醬料——酸忌廉洋蔥。搭配上微微嘅酸甜忌廉，完美中和咗炸物嘅油膩，吃完一塊仲想再來一塊，完全唔會有負罪感！😍 清新唔膩！📸 掃街呢度絕對喺唔錯嘅選擇！🌟🌟🌟🌟唔好等啦，快啲帶埋朋友仔嚟試吓啦！🎉#葵芳美食探店# #酸忌廉洋蔥炸雞必吃# #清新不膩好滋味# #啖啖肉打卡日記# #美食無負擔# #網紅小吃新發現#

之前嚟葵廣掃街，炸雞小店就只有CHOCK雞。事隔幾年，原來開左間新炸雞店，不同之處在於新小店係配各款調味醬料，而非調味粉。同埋有我最中意嘅洋蔥忌廉味!!😍 絕對唔可以錯過。網上寫小店下午1點開門，但星期一平日，我準時一點到達，仍然未開😂。半個鐘後番嚟，已經有唔少食客。其實之前睇youtube見有人介紹，話平日唔忙果陣可以雙併口味，但當日職員話唔併得。同埋由於小店位置又熱又企滿人，所以我地行開左。大概7分零鐘番嚟，個職員好惡咁講嗌左你個number好多次….😥洋蔥忌廉炸雞$48老實講，價錢唔算平，一份只得五件🤔。首先試左個醬先，酸忌廉好滑，滑到痴唔實件雞而跌哂落嚟；酸甜度適中，食到蔥頭嘅位置先會有蔥香，個人覺得蔥味可以再濃D。炸雞炸衣好薄，即食好酥脆，不過琼油時間唔夠，好多油。雞件無乜特別，無腥味亦食唔出調味料。除非好中意食個醬，否則試一次就夠，因為性價比唔高，同場仲有其他選擇。