唯一麵家

營業中

休息中

由十幾歲食到廿幾歲, 由五蚊一個到八蚊一個, 仍然是那個熱辣辣, 兩面焦香餅皮煙靭, 韭菜香絞肉汁充盈的餡餅. 有些味道, 兒時吃過便不會忘記. 美食給予的快感, 消散於味蕾, 卻深深地溶於記憶裡. 這是其之一.

水餃酸辣湯,一碗大約有6只水餃(水餃一煎就變成了餃子喇) 每次我只食酸辣湯,其他都未食過因為我都係喜歡重口味一點不喜歡比較清淡的湯麵酸辣湯裡面有豬紅,豆腐,竹筍酸辣度適中,不會太辣水餃餡料好好味,有好多肉汁韮菜好香,麵皮偏厚餡餅都係每次必食都會番煎一下,才上枱餡料和水餃都係差不多甚至係一樣,不過食法就不同可以加一些豆瓣醬少少辣就更加有風味

好多次經過呢間唯一麵家都見到不少人入內, 應該不錯吧, 回到家上網查查, 都唔少人讚佢的野食, 默默在心中記下呢間店, 搵日一定要去試下~上星期同老公行街拍拖, 正狡盡腦汁諗緊中午食咩之際, 俾我望到呢間店, 即刻拖老公去試試~ 入到店舖, 枱櫈係好簡單的二張長枱係中間, 側邊有三四張細枱, 好逼, 坐得唔舒服, 但一餐半餐無所謂啦~ 幫老公叫了排骨擔擔面, 我自己就因為三心二意而一時半刻拿唔到主意, 係度東張西望睇下人地食咩, 因為唔肚餓, 所以諗緊北京餡餅還是煎簿餅好呢? 最後叫了前者, 呢個唔駛等, 因為巳有煎定既現成貨品, 店員巳幫我剪成四小件, 拿上手唔太油, 還熱辣辣, 但沒有俾到我驚喜的味道, 老公的擔擔面來到, 即係炸豬扒擔擔面, 但豬扒係浸係面入面的, 麵條不淋, 還不錯, 但....這是擔擔面? 有幾濃的蝦仔味道, 同我平時食開的味道完全唔一樣, 有蝦仔的咸香味, 但無麻香味, 我"o"晒嘴, 祇能說我不懂欣賞~總算試過了, 以後經過不用再記掛了~

這間店 , 好老實對荃灣人來講 , 係人都知 ..... 麵一般啦 , 所以不會堂食囉 , 要重點就行了。咩係重點 ? 北京餡餅是也 ! 我晚上等老婆收工 , 十點左右 (差不多收舖了) , 買兩個餡餅 , 當然要求阿姐加熱啦 ! 嘩 ~ 正 !!! : D 好香韭菜味, 好多肉汁 (唔係無 , 係睇下彩數 , 當然不及清真XX 果間甘好似倒水一樣啦) , 外皮都幾香脆架 ...... 餡料足夠 , 保證回味無窮 ! 不過話明外賣, 你拿到番屋企先食 , 凍左唔好食 , 唔好話我唔提醒你 , 一定要即食啦 !

剛剛去吃了, 叫了一碗豬扒麵, 豬扒一般啦, 硬了少少, 肉汁全無!!!! 反而個麵就極淡, 淡得緊要!!!!! 若不是貪近, 不想行, 坦白說行去荃興徑大把好東西吃, 價錢較這兒更平!!!! 這樣的一碗麵要$28, 個人覺得是勁唔抵!!!! 而且環境給我的感覺也是較污糟!!!!! 試過一次相信也不會再去吃了, 行遠一圔去荃興徑可以有更多及更好的選擇!!!!!!!!!!!!!!!

今天與S姓友人因趕時間去swim下的一個選擇~舖位設於荃灣地鐵站旁, 鋪細, 0裝潢, 算乾淨, 優點係方便異常. 個人認為趕時間可一吃. (因荃灣好吃的選擇較多) 叫左兩味:1. 北京餡餅$62. 淨雲吞(10粒) $22- 餡餅: 個皮厚度適中, 香而少脆, 呢d香口嘢難得的少油, 抵讚^^. 跟住個餡料有豬肉同韭菜, 食唔出有特別好或差, 韭菜味相對較重, 肯定嘅係足料, 肉汁就唔好奢望有喇, 不過熱咁食嘅係幾滋味架. 成日都係果句香口嘢好難整得難食, 差極都有個譜呀. if in case it does, 可以88=.=''' (可一提的係呢度d 餡餅有保溫, 唔駛驚怕凍) - 淨雲吞: ...... 好普通, 唔可以講難食, 要求低嘅可以講係不過不失, 因為重可以食得落口同中肯一句, 好足料(同餡餅一樣料=.=). 但問題是: 1.皮超厚,太大隻2. 雲吞內少許汁都冇3. 餡普通4.$22唔抵! ranking: 5

昨晚來了這裏食了一碗酸辣湯麵,真係好好味呀!味道不是太酸及辣,但很適合我的口味,這間舖雖然很小,還會有很大的油煙味,但食物真的有水準的,我有時都會幫襯下,放工時間很多人,煎餃,九菜餅,葱油餅也很好味.還有豆漿及其它的麵也是很好味的.

雖然每次食完都成身油煙味，但依然間中就會嚟幫襯下因為佢向地鐵站對面好方便，味道又ok，趕時間時或想求其食個快餐，呢度真係一個好好嘅選擇。今次：我例牌會食酸辣湯麵，當然係好味啦~我嘅情人食無錫排骨麵，佢話成碗無錫排骨都係凍嘅，而且好鞋~

今天跟母親大人吃中午飯, 但時間尚早, 我只叫了北京餡餅, $8, 熱豆漿, $6! 母親要雪菜湯米線(成家人都食得好齋), $18! 入去時坐了一半人, 經過見到有衛生女幫辦, 老闆娘好緊張, 一點笑容也沒有, 而有一樣同麵棧差唔多係成店都係女侍應! 講番食物, 豆漿好熱, 甜少少, 唔夠濃, 亞娘煲既好味(在母親面前賣口乖呢)! 北京餡餅不是即煎, 但她幫我翻煎, 來到時不覺特別熱, 皮薄但略硬, 餡既菜多過肉, 唔錯! 媽媽的米線...我夾了一小撮雪菜, 凍的, 媽媽說有陣唔好既味...唔合格! 我見其他入黎既客人多叫擔擔麵, 下次再試下先!

好多年前都知道呢間係賣北京餡餅! 昨天經過終於可以一嚐. 傍晚時份, 天氣異常寒冷, 能夠吃一個這樣新鮮煎起的餡餅實在是很幸福的事. 我當時在人龍中排第四左右, 等了五分鐘, 終於輪到我了! 我已及不及待打開白色的紙袋一口咬下. 皮煎得相當可口, 不厚不簿, 恰到好處, 肉汁也很豐富. 未到千色店前, 我已整個"殲滅"了! 下次會試下香煎蔥油餅!

好耐冇食呢間,今次因為夜咗要揾外賣,所以食翻呢間.要一個酸辣湯粉絲,一個酸辣湯米線,一個腩汁芥蘭,一個餡餅.上到樓,雖然係分開裝,但啲粉絲已爛patpat了.啲酸辣湯亦冇以前咁多料,仲多咗好多肥膏喺度.芥蘭得四條,腩汁勁多油.最意想不到的係個餡餅,用紙袋及膠袋入住,加上焗咗半個鐘先食,雖然有啲倒汗水,但個餡餅外皮仲好脆,咬落亦好煙韌,更有肉汁流出,相當不錯.

餡餅$6/個- $7... 雖然加左價, 亦都無阻食佢.... 餡餅熱辣辣,加上皮薄多餡,有別於一般街外皮厚餡少,食一個都有少飽肚既感覺。食上海野NO : 1

27/12/2007這間麵店，我很久以前已經想試試。以往經常買饀餅和鍋貼，實在太好味。(除了太油)中午碰巧不用等位，便在這裏很午餐。點了雲吞麵。麵是幻麵，賣相不錯。麵很滑，雲吞有味道。但是環境比較差，位置較窄，有待改善。

(6/10/07)一打開蓋,滿滿且黃黃的南瓜粥,令我發亮!很多的南瓜肉,與粥溶合一起!唔肥的排骨,肉味亦不輸蝕!真係太令人回味喇!.....可惜只是供應到11:00am牛肉餅$7,皮薄餡靘!肉汁多又不油膩。

皮薄餡料多，餡料是韭菜肉碎。記住親熱食，凍左D油滲哂出黎。