唯一麵家

營業中

休息中

最愛酸辣湯,上海排骨(即炸豬扒),韮菜餡餅,蔥油餅,油豆腐粉絲湯,等等等等,不過提醒大家,這店勁大油煙,食完包你由頭到腳一陣味.好味.回味.

之前食過佢既水餃, 雲吞, 覺得太厚啦, 今次俾多次機會- 酸辣麵(佢俾幼麵), $22, 以環境黎計, 價錢唔係平, 酸辣湯底顏色清, 幾足料, 多豆腐, 唔錯, 幼麵煮既煙韌度岩岩好, 我見多人食煎餃同燒餅, 不過太油, 都無機會試, 我見佢都有南瓜咸骨粥, 冬天可一試!

上次同同事食lunch,同事要左水餃面,而我就點左呢個酸辣面...以前都食過呢度d水餃,好大隻,好飽肚...至於個酸辣面...其實唔係話好好味...過好咁啦...但就好足料好飽肚...結果都係食唔晒...

成日經過都想試下,今日終於一試!沙田果間唯一認真麻麻,相比下呢間我覺得算唔錯啦!叫左上海雲吞麵同鍋貼,因為鍾意雪菜,阿姐比左勁多我呀,好開心!雲吞味道可以啦,唔算太厚皮,而且係正常既九菜豬肉餡,d幼麵又唔過淋,$22食得過啦!但我鍾意鍋貼,個皮脆脆的,其實係煎餃而已,非真正鍋貼也,不過$6有三大隻,幾好呀!所以人流都唔少,而且係我自己鍾意食上海野,所以呢個評分有d偏心既成份啦!

上次見好多人都無走入去食..昨晚剪完髮走去睇下啦都係咁多人..但係無法又近地鐵站就真係無咩其他選擇(可能係我唔熟地方)...見有一個位就即迫入去坐底叫左個淨酸辣湯水餃, 其實好想叫個餡餅食下..當時好多人都叫餡餅外賣仲要做唔切..可惜碗野都幾大碗下所以都無叫到.水餃都好似有成8隻...可惜粉皮太厚啦...個湯都ok勝左夠多配料啦

尼間野好貴...食個面都要二十幾蚊...D豆漿真係好出色...同水差唔多...街市貨都好過佢....我仲食左個無錫骨上海面.....個無錫骨幾好味...不過個面唔係咁得....咁就三十蚊...我相信其他野會幾好食既..>??!

和男友在圓玄學院之旅之前，先坐地鐵到荃灣。咁我地未食野，見到呢度有餃子食，咁就黎試下。我地點了，北京餡餅，酸辣湯及淨水餃。餡餅，我地坐近門口，見到店員係度即包餃子，同即煎餃子，餡餅。呢隻餡餅係北京做法，生煎熟的。皮薄香脆,餡料係(多)韭菜同少肉。熱肋肋，幾好味酸辣湯，配料有豆腐，木耳，豬紅等，酸辣適中，幾好味，唔錯錯。細碗只係$12!淨水餃，好足料(同餡餅一樣料)，一碗有十大隻，都唔錯。我地兩個人食三樣野都夠硒，本來想食豆沙餅都唔得。好開心咁就去找尋往圓玄學院的小巴站，去到嚇一跳，好多人排隊!真想像唔到。

今天與S姓友人因趕時間去swim下的一個選擇~舖位設於荃灣地鐵站旁, 鋪細, 0裝潢, 算乾淨, 優點係方便異常. 個人認為趕時間可一吃. (因荃灣好吃的選擇較多) 叫左兩味:1. 北京餡餅$62. 淨雲吞(10粒) $22- 餡餅: 個皮厚度適中, 香而少脆, 呢d香口嘢難得的少油, 抵讚^^. 跟住個餡料有豬肉同韭菜, 食唔出有特別好或差, 韭菜味相對較重, 肯定嘅係足料, 肉汁就唔好奢望有喇, 不過熱咁食嘅係幾滋味架. 成日都係果句香口嘢好難整得難食, 差極都有個譜呀. if in case it does, 可以88=.=''' (可一提的係呢度d 餡餅有保溫, 唔駛驚怕凍) - 淨雲吞: ...... 好普通, 唔可以講難食, 要求低嘅可以講係不過不失, 因為重可以食得落口同中肯一句, 好足料(同餡餅一樣料=.=). 但問題是: 1.皮超厚,太大隻2. 雲吞內少許汁都冇3. 餡普通4.$22唔抵! ranking: 5

呢間在地鐵站對面位置方面算好就腳，所以每次返屋企都好想買北京餡餅食．因為個餅皮煎得金黃色，算係皮薄餡多和多汁，不會乾爭爭，但要預左煎野係油會就多d！有時都會堂食，只會在唔係好迫的時候．因為坐入面會覺得好大油煙同好焗．不過我就一次都無試過水餃和雲吞，只係自己不太喜歡食．而我每次去都只係叫豬扒粗麵．唔想豬扒浸"淋"，可以叫分開上!湯底無咩味道，都好清下，不過就有好多雪菜，加埋入口都好好味．友人試過酸辣湯和蔥油餅，不過不失．但豆漿就差了一點，因為好甜而又無豆味，所以我在便利店買野飲先入去食麵，雖然自己帶飲品，但呀姐唔會俾面色您睇的！哈～可能知道自己的豆漿唔得！友人話出面平一點又好吃一點，不過我覺得在荃灣來講，呢間蠻不錯的了！

未食早餐，出到去就諗住食個bunch啦～要左雲吞麵，熱豆漿～ｄ麵同雲吞都幾好食，雲吞個形狀好特別，唔似出面果ｄ，幾有口感，豆漿就差ｄ，＄６杯，不過好甜，扣分！下次諗唔到食咩既時候，可以再試下其他野，不過我覺得少選擇左ｄ。有ｄ飽點會好ｄ！^^

一星期起碼來一兩次..太鐘意食佢既酸辣粉絲..不過最好不要中午去...無咁入味....另外，服務真的一般，有時會漏單..因為佢地唔寫低你要什麼的，只會叫入廚房整...記唔記得就真係睇運數了..而且夏天食真係幾熱..因為冷氣真係唔夠

在tw比完賽,,已經是10點多了======在沒什麼choice的情況下,, 去了這裡吃蔥油餅[$6],, 豆漿[$6]跟餃子[$22]]]]]蔥油餅真的不太好吃咩一一"雖然沒什麼油,, 可是沒有蔥的香味還偏"un"呢!!!!!!!!!! ="""""""""""=ie 我吃了一小塊就gave up了= =v餃子就很大的一碗,, 皮略嫌過厚]]]]]]可是餡料味道不錯喔~不過因為我很想吃東西的緣故,, 還是吃了很多$6的soya bean milk就ok啦~ 沒什麼特別醬=v=東西真的蠻cheap的說~~~~~~~不過下次來的話,, 想試一下菜飯＝ｗ＋

一條友去搵食，揀ｄ平平地又快快脆既食完就算，於是去唯一。見佢麵類既選擇都好多，仲有菜飯，當然唔少得蔥油餅等小食。由於唔係好肚餓，就要係要一碗雞翼麵與及一杯豆漿。麵係幾大碗，仲好彈牙；雞翼都有三隻大大隻，味道也不錯。唯獨係杯豆漿唔夠凍同埋冇咩豆味。廿幾蚊一餐其實都算幾得啦！

我地叫左2樣野來share,雲吞香茅豬扒麵同埋無鍚排骨菜飯,雲吞皮唔厚,岩岩好,餡亦夠味,豬扒係切件,唔怕食到無儀態,而且好林又有香茅味,個無鍚骨酸酸幾好食,一碗仲有好多件,菜飯勝在唔油膩,都幾清,用來送無鍚骨唔會太咸,而個豆漿亦唔太甜,夠晒健康,依餐食得好滿意,好彩share來食,否則我實食唔晒呀,哈哈!!有個女人比左$500唔記得找錢,阿姐好老實咁叫住佢,其他阿姐亦有笑容,叫佢地比左幾次碗都無黑面,好少食平野既地方會咁nice

跟男友來吃早餐，要了麵、細酸辣湯、豆漿和蔥油餅。麵雖然唔係將花生醬成匙放落湯o個種，但都好香，麵條夠彈牙又有勁：蔥油餅就冇乜味而且凍冰冰，總之叫佢加先熱啦；酸辣湯就真係好得意，因為本人從未試過咁多肉o既酸辣湯，感覺很滯，而且酸味不足，吃後有點失望！