唐宮小聚 (荃新天地)

營業中

休息中

book咗6點一家人食飯，話好個半鐘用餐時間，食到7:10左右個馬尾女人/大媽走過黎問咗兩次係咪會員直接話要我地埋單完全唔係問咁款，都算。拎咗單，佢就咁企喺我隔離等我攞錢，唔知驚我唔畀錢定我爭佢錢咁棟勁埋畀壓力我咁，食咗千三我以為我無畀服務費𠻹。再算，拎完我錢話啱啱好就走咗，一啲送客嘅話語都無，咁我以為佢會返黎畀返張單我啦，啊等咗五分鐘都無喎，咁我問經過嘅另一個啦，佢話第二個拎緊，再等幾分鐘，都係未有人黎，咁我見你咁急咁強迫我提早埋單，點知又唔係急住收檯喎。咁我再問返第一個收錢個女人，佢發脾氣咁話「你要單我畀你！」，之後好唔耐煩畀單我時仲要講話「畀你」，畀我？宜家我畀錢你當我乞衣啊？最基本嘅禮貌都無，多謝呢啲行話無，連送客個款都無，可能佢經理級啦。起碼咁嘅態度我係唔會再黎了，都會提點吓身邊朋友，畢竟邊個想貼錢買難受，又唔係平！

無意中發現唐宮小聚有得叫外賣既一人餐盒..有水煮魚同酸菜魚同埋焗豬扒飯…經OpenRice落單，外賣自取又有75折..$59蚊，價錢都算好抵預返15分鐘左右時間就OK..一人酸菜魚套餐魚同埋個湯係分開的最後我將佢倒埋一齊。湯料既配菜有萵筍，薯粉，木耳，芽菜，酸菜湯底就有少少偏咸，食完好口渴..辣度係小辣左右。酸度不夠….同埋魚塊食落去有小小雪藏味份量就5-6塊左右..成碗嘢覺得最好食係個薯粉同埋木耳……

於25/8 order了晚餐外賣自取，7:51pm order，張單顯示8:11pm取，8:15後去到，門口的小姐話未有，叫我係門口度坐低等，等到8:30都未有聲氣！我忍唔住！再追問渠，然後渠行去前面check下，就拎過來畀我！咁其實係咪一早已搞掂可取呢？！點解啲員工質素可以咁😡可唔可以訓練好啲！唔好拎出來玩顧客呢！之前已試過一次有員工唔識埋單！叫咗幾次搞咗好耐！😠

乳鴿好好食。冷盤也入味。不過酒味很重，如果孩子吃酒不合適。賣相很好，出菜也快。環境舒服，不過食客多，排隊很久。特別推薦那個像Pear的點心，好有咬勁。食材新鮮。

唐宮小聚提供賣相精美、有創意的點心和優質中菜🌿🌿環境：餐廳整個色調以綠色為主，有別傳統的中菜館裝修，有壁畫、皮革椅子、感覺更似歐陸風格🥢🥢食物：打開餐單，可以選擇的食物種類很多🟢黑金流沙$49賣相非常精美，個包脹卜卜，表皮煙韌，入面真的是非常「流沙」🟢沙田乳鴿 堂食優惠$39皮脆肉嫩，頗大隻🟢椰皇燉雞$69一人用據聞平時很早就會售罄幸好這次下午二時多點餐還未賣完湯底非常清甜還有陣陣椰子香味🟢煎辣餃子$49表皮少少厚，一咬穿就有汁淺出來，感覺好像小籠包一樣，微辣🟢鮮肉層酥$49酥皮鬆軟，一層一層，有飽肚感🟢肉鬆抓餅$39份量頗大，足料，有飽肚感🟢大肚婆炒飯$99薑米、蟹肉、蝦、脆豆、粟米炒成，好吃有質感，而且薑米健康🟢蔥油拌麵$59香蔥炒過，有少少香焙味，麵條很重醬油味🟢鳳梨奶昔$23一瓶賣相有趣，有很多鳳梨肉，酸酸甜甜

今日五位朋友相約一起晚餐，由於限聚令仍然四人，所以有一位人要坐隔離枱。不過都好近。一入到去門面雖細，但原來間餐廳好大坐得好舒服。五個人叫咗好多嘢食，因為呢間餐廳嘅嘢食，係好食，不過相對份量都比較少。所以我哋決定帶多啲款，可以試唔同新野。極力推介皮蛋豆腐入口即溶，個醬汁好好食，基本上一個人都可以食晒成個。哈哈乳鴿又係好推介乳鴿好似$30一隻，但真係有質素，有肉汁，好好味。流沙包亦推介流沙包做緊優惠，一咬入口，汁流晒出嚟，熱辣辣香噴噴。仲有炒大蜆好似$138，蜆肉新鮮肥美，不過份量比較少。總體而言呢間餐廳食物質素非常好。但唯一美中不足就係，我哋幾杯嘢飲，由落單去到食完飯都未到。唔知係落漏單定係水吧太忙。

乳鴿：相比之前食過差咗好多 失望之極臘味煲仔飯：啲臘味又硬又咸 硬過條命小蠔煎餅：食完都唔覺食到有蠔 酸菜斑片：萵筍成3吋長 咁大舊 都唔知係我口細定佢懶切胡椒虎蝦：啲蝦一啲都唔新鮮 五小拼：唔寫明肉類唔可以剔二份，黑松露雞芋絲多到唔見雞貓山雪滋：凍都唔凍 榴槤量都唔知有冇10%成餐飯得杯果茶係ok 服務態度差過之前冇進步，成日搵個人都難，問嘢又唔答，order嘢飲揀完1次冇，第2次又冇，重要講嘢冇尾音，越黎越差，唔會再黎！

今日放假又打風，商場飲茶最好。揀左間係荃新天地「唐宮小聚」飲茶，環境幾好，坐得寬闊，都幾多枱，唔洗點等位，好快可以份座。我地點左一份麻辣乳鴿（$39），一份沙田燒乳鴿（$39），兩個都係堂食價錢真係幾抵食，一份得意小豬，一份黑金流沙，一份非常山竹，一份肉鬆抓餅，一份蠟味煲仔飯，一份咸雞煲仔飯，點心味道幾好，包點款式比較少同其他地方相似，影相一流，煲仔飯都幾正，有飯蕉，唔洗加醬油都夠味道，堂食價都係$69抵食推介

今次嚟到荃灣嘅<唐宮小聚>..人流唔算多 有好多座位 環境舒服😌 今次同男朋友一齊去,叫咗皮蛋豆腐, 肥牛叉燒, 蠔餅, 乳鴿, 冬陰功粉!! 皮蛋豆腐非常好食 皮蛋同豆腐加埋芝麻醬 好夾好食 作為前菜10分適合🈴️!!!!肥牛叉燒 覺得性價比唔錯 叉燒肉好腍😄 如果一碟多幾舊就更好😂😂乳鴿值得一試 上枱嘅時候好熱熱熱 一咬好多汁 仲辣親咀tim😑但係我覺得冬陰功粉 就可以唔使嗌 因為個湯底純粹得少少冬陰功味 料又唔多 好一般 ! 不試也罷! 😤總括嚟講, 除咗冬陰功粉外, 其他菜式都幾好! 而且環境唔錯 係一個gathering既好選擇🤭

一家人叫左個4人套餐外賣， 有7道菜，價錢只係500左右，相當實惠。我最鐘意個荷葉飯，夠晒入味，入面既配料咬落都幾香。西蘭花苗都幾新鮮，吾會話煮到過左火。咕嚕肉啖啖肉，吾會太瘦太肥岩岩好。黑金流沙包好食，一咬落好香既蛋黃鹹香出晒黎！比較吾鐘意個酸菜魚片同花雕醉雞，魚片個酸味怪怪地，微辣， 然後隻雞太重酒味，重到有苦味，剩左好多無食。沙薑豬手吾好切咁細就好，同埋鹹左少少。整體黎講，以呢個價錢都相當吾錯，可以一試！

嗌左隻 "沙田乳鴿"~~好味wo..同南小館一樣咁好味～呢隻仲好juicy👍🏻.蘿蔔糕+芋頭糕。。兩種混合一粒～好正.幾好味ge 煲仔飯。。見都好多人嗌😀加上煲仔飯的豉油都有特別調制，所以加落去，味道再升級👍🏻.得意小豬。。士多啤梨+乳酪味～但。。好似唔係好覺有乳酪味🤔(影相一流～味道一般）.非常山竹。。。入面係龍蝦汁+蝦+蟹肉～.入面係貓山王🤭🤭 最少每次叫兩粒～

雖然多分店 但第一次食 啲點心都幾精緻喎😛隻碟有蟻 又有烏蠅🤣不過大家唔使驚呀呢度嘅特色😌🔸黑金流沙必點😛啲黃金色好耀眼🤩新鮮蒸起，鹹蛋流沙好濃郁，小心食到周圍都係😗🔸非常山竹我一開始以為係茄子，再睇多次個menu😳原來係山竹！入面係龍蝦汁同蟹肉，又係要趁熱食，幾好味😋🔸和牛啤梨🍐造得好似🤣不過我無份食🥲🔸小蠔煎餅賣相好好，金黃色的，不過食落有啲油，同好似只係食緊啲粉咁🙈🔸冰鎮咕嚕肉係咪呢排興😝打卡之選😂每粒都夠大舊，粉漿唔算厚，幾好食 😋

小籠包可以唔洗試 完全冇特別水煮魚春卷 其實有3條但食左一條好好味所以先影低 佢真係可以做到水煮汁同魚分開 中間用春卷皮隔住，又唔會浸住d魚，唔會油膩，又食到水煮魚味 堅有辣，超級好味， 好有驚喜鮑魚酥撻 29蚊一隻 超好味，有黑松露味，有好多乾搖柱，鮑魚汁好入味，好好味！！非常山竹，似咸水角，裡面堅有龍蝦汁同蟹肉，超好味，好有驚喜，好滿足，係枝朱古力棒有d唔襯蟹粉煎堆，可以唔食，d蟹肉唔似蟹冇影相麻辣乳鴿，好好味可以再叫擔擔麵，堅辣，幾正宗蔥油撈麵，好dry,可以唔食會再成日黎，好好味 兩個人食左3百幾蚊

昨日中午飯去左果度食，個餐牌取D名都幾特別，點心賣相幾得意，不過價錢偏貴，你問我值唔值，我可以話間唔間中食一次，都OK,我叫左6樣嘢，乳鴨真係好好食，皮脆椰皇燉雞，好好飲蟹粉麻球都唔錯，最值得一讚就係果個白色豬仔甜品，好可愛

好耐沒跟舅父等親戚飲茶，藉著幫媽媽慶祝母親節，就一行8 人去飲茶。好彩之前訂了位，11:30 店外已經眾了幾十人，好彩係室內，所以可以周圍行。由於限時90分鐘，故之前已經想好了各款食物，所以坐低5分鐘左右已經可以落單。雖然是星期六，而且有多客人，但侍應數量足夠，所以服務快捷而且禮貌。不過可能客人太多，上菜有點慢。