唐宮小聚 (新城市廣場三期)

營業中

休息中

近排食左呢間幾有特別既特色中餐廳 先講下餐廳環境 呢度既地方都好寬敞 啲枱都夠哂闊落🪑坐落幾舒服💁‍♀️呢度個乳鴿都算係必食🐤價錢算平💰食得又滋味 但由於佢哋上菜速度都算幾快🏃所以小編建議可以先點乳鴿 食完乳鴿後 先再叫上其他菜🐤 沙田乳鴿 ($39)肉味好香濃 個皮烹調到微脆 肉質好嫩滑 另外肉汁好足夠 鹹度亦都調校都啱啱好🧂呢道菜建議大家可以一試👍🍀荷花蒸飯 ($99)份量算幾大 荷葉飯聞落清香👃但上面所見嘅蝦就不是太新鮮🦐口感有啲呈粉狀 個飯整體上都好足料😍有雞丁、火鴨、冬菇同埋瑤柱🥕金蘿蔔糕 ($89)呢碟份量就唔算多🤭芋頭蘿蔔糕呢個配搭小編都算係第一次試 可以同時滿足到鍾意食呢兩款糕嘅人👏呢道菜好有避風塘嘅蒜香味🧄至於芋頭蘿蔔糕就炸得好香脆 食落好香口👅摻入嘅芋頭、臘肉、冬菇都係大大粒😋好足料 味道好有層次

來了三次，第一次係看到有乳鴿，所以入去食。乳鴿，鴨舌都好好味，當係小食，同朋友一路當下午茶，一路吹水。第二次再去，點知無哂鴨舌，我就試了其他，冰的糖醋排骨好好好好味！店員話等一會兒食冰上的炸排骨係最好食！又係喎，好脆口！第三次來仍有驚喜！牛同叉燒都好好味！

到唐宮小聚多次，今次才寫食評😀。 他們的乳鴿，從沒令我失望， 不愧為該店嘅皇牌，完全沒有失準，絕對是必食之選。個人口味，推介鮑魚酥、 大蝦炒腸粉、鴨舌。除食物質素穩定及價錢合理外，特別欣賞他們沒有限時進食，所以是相約吹水的好地方。

食物質素一般，純粹靠食物賣相，吸引人打卡。椅子布面有很多污漬，靠窗位置枱與枱之間太窄，亦無位置讓人擺放袋，客人背頂背。侍應在客人臉旁位置攝入熱蒸籠點心，非常危險。基本上試過一就夠。

✨沙田乳鴿乳鴿唔算好細隻 皮脆肉嫩 肉汁豐富 略嫌味道少少偏鹹價錢幾抵食 每次都一定每人一隻✨牛肉叉燒味道偏濃 主要係帶香料同黑椒香味肉質有少少韌 有幾件好難咬開 但味道幾唔錯✨荷花蒸飯飯有少少偏濕 餡料豐富 都幾足料味道帶荷葉同瑤柱香味 幾惹味 飯量都唔少✨得意小豬賣相幾可愛 口感彈牙偏實 乳酸味出 但味道怪怪的食物唔錯 環境可以幾好坐 枱與枱之間都算幾闊落服務較差 人手不足 要等好耐先有人理價錢可以 乳鴿幾抵食 但其他食物就正常價錢

為朋友慶生，知道朋友喜愛特別美食，揀左間fusion食物嘅來試😋。食物賣相吸引😍，見餐廳有花心意留住食客來打卡。🥢沙田乳鴿🐤即炸，肉嫰，撕開肉時有汁流出貼心有即棄手套提供方便進食🥢非常山竹（龍蝦汁、蟹肉）賣相好似山竹，拎起手熱辣辣，咬落去係煙煙韌韌嘅糯米皮，啖啖蟹肉同龍蝦汁😋🥢和牛啤梨🍐（黑椒和牛咸水角）賣相好似梨，拎起手熱辣辣，都係有煙煙韌韌嘅糯米皮包住餡料，好重黑椒配碎肉，有肉汁多🥢焗鮑魚酥有三層，面頭炆鮑魚仔、中間係黑松露配菇絲、底層酥皮撻。鮑魚仔炆得腍，菇略咸，酥皮撻甜甜的。🥢冰鎮咕嚕有驚喜，咕嚕肉面層被冰鎮後凍凍地、脆脆皮。🥢荷葉蒸飯（鮮蝦、火鴨、雞丁、瑤柱）餡料足夠，飯有啲淋似膾飯，略咸。🥢得意小豬🐷🍓（草莓乳酸凍）拎起個碟輕搖一搖，小豬震震震好得意，我個囝超鍾意。食落係士多啤梨味嘅乳酪，不太甜，配淡奶。🥢貓山雪糍🐰（貓山王榴槤糯米糍）兩隻白雪雪嘅兔仔，聯想到冰皮月餅。食落去真係好似冰皮月餅咁，有榴槤味，但食落無咩榴槤肉😆

今晚懶洋洋，大家都不想煮飯，於是買外賣回家。於是買了外賣二人餐。⭐️沙田乳鴿小小一隻，回家依然很香，乳鴿很香，外皮微脆，味道不俗。⭐️沙薑豬手這道豬手不俗，口感清爽，略帶酸甜味道，不錯喔。⭐️水煮魚片飯酸辣汁、菜和飯是分開的，未打開已經聞到一陣酸辣香味。有魚片、黑木耳、萵筍、寬闊粉、姜等。味道很香，入口也不錯，這份量足夠兩個人分享。⭐️西蘭花苗西蘭花苗含有豬油渣，所以聞起來已經很香。⭐️得意小豬最有驚喜一定是草莓乳酪凍，想不到拿回家絲毫無損，小豬仿佛躺在泡泡浴中泡澡。外表十分吸引，根本捨不得吃。入口酸香，因為這是乳酪凍，無論男女老少都喜歡。

今日糸第二次幫襯，叫咗四樣嘢，一個蟹蝦蜆粥，每樣一件，個粥好綿，另外叫左個和牛啤梨，實際上係一個鹹水角，入面個餡係牛肉，做工精緻，味道亦都好好，同埋一個大澳蝦醬聖子，少少辣但係吊起左成疊野嘅味，最後我哋叫咗個荷葉飯，雖然細細個，但係足料

呢間餐廳既點心精緻又好食！🤤1️⃣咖喱雞胡蘆酥（$49 3件）顏色好靚，咖哩又香～2️⃣和牛啤梨 - 黑椒和牛咸水角（$49 3件）好有創意，將普通既咸水角整成啤梨樣，仲用左和牛，而唔係普通豬肉！3️⃣沙田乳鴿（$39一隻）沙田乳鴿好出名，佢地開喺沙田既呢間分店都有得食！4️⃣小聚拼盤 - 3款 （$69）我地揀左黑松露雞、雷椒茄子同醃蘿蔔。可以喺餐單上既款式自行配搭。5️⃣黑金流沙 - 流沙奶黃包（$49 3個）次次黎都食～真係一咬啲奶黃就流晒出黎～🤤6️⃣脆蝦多士（$79 3件）都係必叫，多士勁鬆脆，蝦肉又彈牙！7️⃣擔擔麵（$49）8️⃣荷花蒸飯（$99）想食啲飽肚少少既仲有飯麵選擇～

今次約左朋友去沙田食點心我們揀左唐宮小聚，因為款式多，而且都整得靚!我們叫左乳鴿$39 @，細細隻，炸到剛剛好脆，味道之後又叫左黑金流沙包 $49=奶皇流沙包，呢間餐廳改D名好有創意，濃濃的奶皇，最重要的是真的有流沙 小小熊仔$49=朱古力流心包，個包整到好得意，睇得出好有心思製作，味道都好好和牛啤梨$49=和牛黑椒咸水角，整到同啤梨一樣，廚師的手藝精緻最後叫左D飽肚食物 荷葉蒸飯$99 同埋知粥常樂 $49，呢2款都OK，食點心都食少少飯會飽D整體評分:4/5環境:4/5味道:4/5

做咗佢哋會員屋企好每次食都指定今晚都有啲現金卷可以扣，e.g$20 or $50 ( over $300)而生日月份仲會送一個指定甜品😊今日叫咗一隻沙田乳鴿，食咗幾次好似水準都冇變一樣咁滋味。粉麵飯類佢唔多所以次次都叫何花蒸飯都唔錯份量多幾多，清香。今日仲叫咗冰鎮咕嚕肉真係好脆，不過都係要趁熱食，冰火交融嘅感覺，如果唔係之後係真係變咗冷盤😆點心方面就叫咗和牛啤梨個外型就一流我覺得佢個餡太多黑椒，微辣，唔係個個人都啱。試咗一個新嘅點心咖喱雞葫蘆鬚，外表打卡幾好裏面就真係普通咖喱雞味道冇乜特別。最後就係嚟到生日甜品粉紅色豬仔呢個有驚喜非常之有奶味嘅果凍。

第一次嚟呢間嘢食飯，成日都排滿人，我哋今日叫左個冬陰功海鮮刀削麵，焗粉同個面嘅配搭非常好，再叫咗焗鮑魚酥，一口一啖好方便都唔錯，另外叫左非常山竹，其實係龍蝦汁同蟹肉嘅鹹水角之類嘅嘢，超級好味，一定要試，再忍唔住叫左流心皮蛋同埋鮭魚燻蛋，好特別，值得一試，反而個沙田乳鴿就一般，冇乜創意，最後四川火焰菠蘿亦都有特別風味必食！

今日去沙田個一間唐宮小聚食午餐，4點last order，可以坐到4點半先離座第一擊沙田乳鴿乳鴿味道還好，每人一隻，我覺得皮可以再脆啲就更加正第二擊小聚拼盤我哋total 叫左5樣野食黑松露雞、沙薑豬手、醬汁鴨舌、醬汁蘿蔔、雷椒茄子🍆每一款野食都係少食多滋味、唔同味道、辣得嚟好開戲胃第三擊脆蝦多士唔太油得嚟，多士夠脆、隻蝦上面有黑松露嚟調味第五擊焗鮑魚酥餅皮上面有黑松露菇來做配搭，加埋鮑魚一齊食仲好食，值得一試第六擊牛肉叉燒呢碟牛肉叉燒真係無得頂，好好食 塊塊牛肉都係五成熟、入口好juicy 必叫！！！！！第七擊椰皇燉雞係一個椰皇燉雞湯、飲完個人會好暖、仲可以食埋椰子肉第八擊熱情果水果茶依家天氣咁熱，飲番杯熱情果水果茶就啱晒，仲要咁大杯

因為好耐冇去食唐宮小聚，所以今日就同男朋友去食。.我地叫左一碟午餐肉黑松露炒飯、黑金流沙包😍、熊仔朱古力包🐻、煸四季豆、同埋紅油炒手，兩個人食分量啱啱好👍🏻。.午餐肉黑松露炒飯係新菜色黎😍，難得一場黎到肯定要試下新野😆。個粉飯味道好好食，食落好香黑松露味😋，同埋個飯入面有啲燕麥，食落口感豐富。美中不足係果兩塊午餐肉好咸，食下食下有啲苦😣。.每次黎唐宮小聚我都一定食黑金流沙包👍🏻，一咬落去啲奶黃即刻流出黎😍，啲奶黃唔會好甜，絕對係必食之選🥰! 至於個熊仔朱古力包，真係太甜喇，甜到漏，我覺得唔係幾好食，相信下次唔會再叫😅。.個紅油炒手我真係覺得好難食😵，佢有麻醬又有辣醬，食落果陣係完完全全唔覺得自己食緊紅油炒手，似係食緊小食店啲腸粉咁，太難食了，個紅油炒手唔會再有下一次🤮!!!.如果下次再黎，我都會再食多次佢地既黑金流沙包，食過保證你都話好食🤭!

新城市最易拎位嘅茶樓❤️ 如果揾唔到位去呢到會快手啲😂 呢到啲點心好精緻，打卡真係一流😂 味道都唔錯，呢到必食嘅一定係燒三文魚蛋❤️ 每次嚟到都必叫🤪 兩樣野我都鍾意食，放埋一齊都好好食仲有一定要叫就係沙田乳鴿❤️ 又熱又好食，$39/隻，一人一隻無走雞 好高質嘅❤️今次兩嗰人黎食，其實只係叫咗4樣嘢，另外嗰兩嗰就係松露包同埋蒸餃😂 松露包都算好食，咬落去口感好特別，未試過呢隻味，值得一試 嗰新出嘅蒸餃真係好難食😂 但外表真係好靚，但餃皮太厚，同入面啲餡好唔夾😅希望佢可以改良下😥