唐宮小聚 (新城市廣場三期)

營業中

休息中

明明好多人手，但個個做野都好慢，好hea，俾點心紙落單好耐，所有人都黑口黑面，食晒又唔會收碟，埋單埋好耐。*黑金流沙 $49流沙包熱辣辣，鬆軟，流心奶黃餡非常流心，但鹹蛋味唔夠香濃，偏向重奶香味。蔥油拌麵 $49非常失望，蔥油蔥香味係零，冇錯！係零，面頭嘅蔥係燶晒，只有苦味，有幾粒大蝦米，但做唔到提鮮嘅作用，唯一優點係麵條煙韌唔張口。小聚拼盤 (三款) $79黑松露雞 黑松露味香又濃，炸芋頭絲好油，雞絲只有幾條，份量實在太少醬汁鴨舌 醬汁香濃入味，帶少少麻辣，鴨舌偏細隻，mui下mui下醬汁蘿蔔 醬汁鹹鹹地，蘿蔔吸晒啲汁，但依然爽脆，非常好味整體來講，每碟份量都太少，除翻開每款$26左右，唔抵食。沙田乳鴿 一隻$39最抵食係乳鴿，完隻炸乳鴿，外皮脆香，皮下脂肪薄薄一層，乳鴿肉juicy嫩滑，而且入味，肉味濃郁。酒釀丸子丸子煙韌偏腍，酒釀嘅酒味濃烈，帶甜酒味，份量多，可以兩人分享一碗。