唇茶 (旺角中心第一座)

營業中

休息中

黃店一定要撐!!初初新開嗰陣!已經畀佢哋嘅舖名同埋飲品名吸引到 用桃膠嚟做呢啲飲品真係好少見!好有創意!!!第二度好少會飲到飲嗰陣都少咗好多罪惡感好似健康養生咗啊

月滿花香(M):入面有玫瑰、桂花、香片、烏龍，四種味道百味紛陳係口腔，平衡得十分好。至於桃膠個量十足，煲得好林又帶點點咬口既口感。叫咗少甜少冰，覺得係健康咗既肥仔水，因為桃膠無珍珠咁肥？！要飲到糖尿了睇來要支持一下良心小店！

黃到連八達通都唔用既黃店🙈 呢間飲品舖d野飲全部都係以茶底做主 無珍珠，芋圓同奶茶等等普遍飲到既野飲🥤-佢感覺比較健康 大多以桂花，玫瑰，雪梨🍐乾做個茶底 好有養生既感覺🤣🤣🤣 係旺中食完野想飲d野又唔想飲肥仔水可try佢☃️ps因為佢真係好岀名既黃店，所以都要排幾耐下隊！可以去周圍行下先拎野飲都得🙈 希望有朝一日大家可以係煲底飲佢！！！！-

💋朋友請飲嘢介紹咗呢間飲店俾我，特別之處係呢間賣點係茶香同埋桃膠，終於唔使飲親都鮮奶/奶蓋/珍珠之類，較清新嘅口味適合嚟形容佢👐🏻👉🏻月滿花香「桂花、玫瑰、茉莉、烏龍」兩款比較之下，月滿花香嘅茶味較突出同香濃，可能由於加左烏龍調配關係，如果喜歡龍井/烏龍/鐵觀音/碧螺春等，應該會特別合適，配搭桃膠又健康又有口感，唔難飲晒一杯清晒底👉🏻黑貴婦「黑糖、桂花、香片」呢款冇月滿花香咁濃茶味，但係我比較中意嘅口味，清新清淡嘅味道，唔難飲出黑糖、桂花、香片味道，因冇一款配料過於搶味，平衡感唔錯，同樣一杯清底冇難度✍🏻落單途中店員有介紹買3送1嘅優惠，所以姊妹買多咗杯外賣返去，特別滿足🙌🏻🥰

💛#唇茶 #良心小店#大大力懲罰💛💝係愛呀!普洱-少甜❤(黑糖/✅原味桃膠/手工啫喱/奇亞籽/玫瑰西米)✅Ⓜ💲2⃣4⃣ L/Hot💲2⃣6⃣今天介紹#養生茶飲唇茶主打選用頂級茶葉🤩超愛茶味超濃既#茶飲由於黑糖桃膠已經售罄😔最終選擇原味桃膠開始都擔心沒有味道🤨職員告訴小編桃膠使用冰糖熬煮味道比較天然清新🤤.‼️少甜是微糖(30%)左右‼️普洱味濃🍵配上桃膠口感特別👄未想過桃膠可以與茶結合🤙🏻意外發現原來養生茶都可以超好喝👍🏻👍🏻✋🏻☝🏻👍🏻👍🏻地址:尖沙咀堪富利士道8A地舖旺角彌敦道688號旺角中心2樓SB06號舖評分5🌟為最高；💫為半粒特色：🌟🌟🌟性價比：🌟🌟💫(M size唔夠喉呀!)上菜時間：🌟🌟🌟💫(前面有8,9位 唔算等太耐)環境：只限外賣味道：🌟🌟🌟記得follow ▶️@tastemysay◀️💋💋💋 #TSM手搖 #TSM黃店 #TSM推薦#TMS懲罰系列 #TMS旺角 #TMS推薦 #吃貨 # #TSM尖沙咀 #珍奶控 #珍珠奶茶 #邪惡野飲#手搖 #黃色經濟圈 #珍珠控 #跪求懲罰 #奶茶 #尖沙咀#必飲#必試#尖沙咀必飲#旺角必飲#旺角 #掃街#旺角茶飲#黃店 #香港人 #黃色小店

飲得多珍珠奶茶 黑糖珍珠鮮奶係時候飲返啲健康啲既野養下生最近有間好支持香港人香港人亦好支持既一間飲品店起旺角中心 主打新派養生茶有純茶同特式手調茶先可以選擇仲注明左係選用特級茶葉 100%真材實料用料講究 而價錢都只不過係介乎24-36蚊仲講明係冰糖同黑糖製作咁正 真係見到用心 飲得放心咁就要左 有桂花 玫瑰 茉莉 烏龍所製作 而成既特色手調茶 B1 月滿花香 茶如其名 唔係一個懂得分別茶葉等級既人 只係知道 有好香桂花味 而且烏龍茶桂花味互相配合 同時玫瑰 茉莉 呢幾種口味都好突出 無一被其他味道過度蓋過 真係難得 配上裡面滿滿既桃膠口感彈滑 而且清熱止渴 有緩解壓力既功效 超值

平時都好鍾意飲烏龍茶，所以就嗌左杯佛系烏龍諗住試試佢，佢仲可以免費加一種配料落去，我就加左手工啫喱，杯茶茶底好清新，又解濟，配埋啫喱好有口感，不過係多人排隊既關係所以要等耐少少，不過見佢幾好飲，等多陣都抵既

而家出到街買一杯杯嘅茶飲🥤🥤🥤🥤唔係有奶，就有芝士🧀🧀🧀🧀🧀🧀🧀再唔係就一堆水果🍓🍉🍋🍊🍎🥝完全飲唔到茶味，仲要非常唔健康🤢🤢🤢叫極少甜，飲到落口都係非常之甜🤮🤮🤮最近茶飲界嘅紅店，之前已經試過佢一杯有茶味又清新又健康今日行過就再試佢另一杯產品🍵🍵Double may:改名非常有創意飲落口酸酸甜甜非常醒胃而且加入桃膠，男士女士養顏必選總結：鍾意洛神花嘅朋友一定會鍾意酸酸甜甜咁好醒神

係油麻地食完串燒口渴，開地圖見到呢間茶飲店最近就行過黎旺中了💛位置係2樓，一上電梯已經見到一條人龍，好彩我地早到，排排下店鋪已經唔接單了。鼓勵大家用現金，唔用八達通，由小事開始做起養成良好習慣💛外賣買3送1好抵呀，不過只限送貨，可以送去邊度不詳，大家有興趣可以wtsapp佢地問下🙈店鋪主打健康茶飲，叫純茶可以選配桃膠或奇亞籽，兩款都係營養食物喔。我就揀左其中一款人氣之選 B1月滿花香，淨係聽名都覺得好文藝有意境🌻入面分別有桂花，玫瑰，茉莉，烏龍。烏龍味道特出，花味比較淡。桃膠份量好多，飲完茶成杯底都仲有桃膠😂👍平時甜品店的桃膠都係爽身的，估唔到呢度既有爽口，亦有膠質的😍感覺好高纖好高蛋白質🤣💛💛

人老左要養下生💆🏻‍♀️平日下午去終於俾我飲到唇茶!!因為佢地係💛💛💛所以周末同支持💛店日都爆多人🤣🤣幾次都買唔到😢今日終於俾我遇到少人既日子!!一直都想試佢因爲佢啲茶好養生，又有得加桃膠超特別😍金桂花茶 無糖少冰 $26今次試左佢既純茶，個人鐘意飲無糖既茶，感覺會飲得到茶香多啲😛佢個金桂花茶都幾唔錯，唔算超濃既茶，淡淡茶香，加上超好咬同少少甜既桃膠，qq控表示很可以🤣.個人真心鐘意茶飲桃膠，感覺有野咬下，又比珍珠健康一啲🤣

🙌第一次「懲罰」唇茶💋—台式飲品飲得多好容易肥，女仔緊係要養下身，中式桃膠飲品絕對飲得過👍❄️六月飛雪☃️飲落去有好清新嘅雪梨茶味道，絕對唔會太甜，桃膠煮得煙煙韌韌，每一口都feel到養顏，秋天飲亦不錯。—

平時既我都好鐘意飲茶，坊間亦都有太多賣茶既舖頭，要人記得又會再幫襯都唔係咁易。近排知道左有呢間主打比較養生健康既茶飲😛飲品會用到桂花、桂圓、南棗、桃膠、奇亞籽等等。我去個陣好多人😱都等左20分鐘先拎到飲品🤭.金桂花茶 $26/L每款純茶飲品都可以配一種配料，呢杯就揀左奇亞籽，可以見到聚左係底嘅奇亞籽份量非常之多😲茶底就清清地幾香，唔錯☺️.荔枝紅茶 $26/L呢杯就揀咗原味桃膠，份量同樣都唔少㗎👆🏻紅茶味道香濃，甜度剛好，可能我揀左少甜既關係，唔會太甜👍🏻

番番下工，心思思想飲下野，決定叫杯最愛嘅唇茶飲💪🏻💪🏻💪🏻今次要同大家推薦係我最愛飲的陳皮妹妹😍😍（$32，M size)陳皮妹妹顧名思義就係陳皮加話梅再加梳打水😂 （雖然呢間野本身賣點係茶）🤦‍♀️🤦‍♀️呢杯陳皮妹妹d陳皮同話梅好有誠意，深深咁入曬味落梳打水度，好清涼，好岩夏天消暑飲❗️飲完再加水再沖都仲係好夠味，一杯價錢換黎可以飲成日，絕對係超值❗️❗️有時間就可以黎一試💪🏻💪🏻

唇茶 •月滿花香•大杯$32•Double May•大杯$32大推呢間連登仔開既黃店💛係6月之前飲過已經好鍾意😍而家仲要係深黃色既，點可以唔大大力懲罰下😆小店主打茶底飲品，而非平時飲開既珍奶🤪茶底加桃膠真心好好飲😍😍😍口感貼味道絕對不比珍奶差！仲要健康養生勁多🤩你唔係唔飲嘛🤤私心大推double may(洛神花茶底)😈地址：旺角彌敦道688號旺角中心2樓SB06號舖尖沙咀堪富利士道8A地舖

好耐都冇黎過旺中行街，原來呢到整到好似葵廣咁，好多小食同飲品店，想掃街又多個選擇。行到黎2樓呢間鋪，發現佢賣既野飲都係以中國茶做base，而且配料都係好養生。上網 search下呢間野，發現佢既茶同桃膠都係自己煲見到佢個 menu都幾多人氣之選，最後我決定揀左杯「月滿花香」黎試下。呢杯野飲入面有桂花、茉莉、玫瑰、桃膠同烏龍茶，飲落唔係好甜，花香味唔係話好出，但茶味就好夠第一次食桃膠，原來都幾好食，幾爽口。因為我本身都好鍾意似中國茶，下次應該會試埋其他野飲！