唇茶 (旺角中心第一座)

營業中

休息中

呢間好出名嘅良心飲品💛 行養生健康路線 最出名係桃膠 今次終於有機會飲到😂行近門口已經聞到好大浸茶味🤪 平時假期都好多人懲罰👍🏻❣️月滿花香 $28🌹桂花 玫瑰 茉莉 烏龍 每一款都係我心水🥰好清香 叫咗微甜 茶味好出但唔澀👄第一次飲桃膠 幾得意 好似蒟蒻咁🤤 冇負擔😛係健康得黎又好飲嘅選擇😼 唔使下下都飲奶茶咁肥😂

唇茶💛是很出名的茶飲黃店, 因為很口渴的關係, 所以想喝一些不太甜的🤫, 所以今次便選擇了 B10 十月殤花💛💛💛 ($36), 而甜度則選了微糖, 初初以為會很苦🤭🤔 因內裡有花旗蔘,菊花,杞子,香片, 但怎料一入口卻帶點回甘😍, 很解渴呢🤩🤤~ 而底內亦很足料, 有很多桃膠🤤, 很有咬口, 又解渴又健康! 除了桃膠, 亦有不少花旗蔘,菊花,杞子,香片!!! 口感豐富! 💛💛💛🤤🤤🤤🤤😍😍 會再去呢!!!!!

番工覺得口淡淡，想出去飲杯茶，但又覺得珍珠奶茶等太肥太甜嘅話，唇茶係你嘅選擇，呢度主要賣點係桃膠陪茶，桃膠滋陰養顏，茶又可以俾你選擇少甜，係你嘅健康之選👍🏻👍🏻今日叫左杯月滿花香，桂花、茉莉、烏龍茶加埋玫瑰🌹，都只係$32，滿滿既花香加埋淡淡既烏龍茶，好好飲🥰🥰鍾意花茶嘅朋友不容錯過👍🏻👍🏻另外個茶杯底有好多桃膠，飲完覺得自己皮膚都白滑左😂😂😂桃膠混和左花茶香味，好飲👍🏻👍🏻

因為見吾少人同埋都有youtuber 推薦過呢間野既桃膠，桃膠又養顏又滋潤，所以就想買番杯黎試下！咁我係第一次食桃膠，就咁個感覺似煙韌左少少既啫喱！但其實個原味桃膠係無咩味🧐當然佢地有黑糖味既桃膠，不過荔枝紅茶加黑糖味桃膠好似有少少奇怪，所以我就無咁樣去match既！飲到佢地紅茶味，不過就無咩荔枝味，荔枝味淡到接近無，而且係無咩甜味，似係飲緊普通紅茶！佢個少甜飲落似走甜，我有懷疑過係咪比左錯左！🙈 但睇番其他人食評先知佢既少甜真係淡過頭！我就估可能就係個荔枝味糖漿落得比較少！建議大家去飲一定要揀原本個甜度！最好可以再加甜！🤤好評係比個養顏桃膠，因為吾多店會有賣桃膠！同埋相信普通甜度一定會好飲好多！🙈

💛黃店🔱今次要介紹嘅食物就係位於旺角！📜” 唇茶 (旺角)📌 地址:旺角彌敦道688號旺角中心2樓SB06號舖🕐營業時間: 1200-2300🍽分店地區:旺角 尖沙咀📝評價💬📢1️⃣紅葉開花$28材料分別有玫瑰,山楂,洛神花同埋荔枝紅茶😍望到啲材料都已經覺得好清新🥰🥰平時出街成日飲珍珠奶茶或者奶蓋芝士茶其實都真係好肥😂😂今次終於飲番啲又開胃又健康少少嘅手調飲品😍😍飲落去第一啖就覺得茶味好香🤩🤩飲完一啖有一啖😇😇完全停唔到😋配料又多👍🏻👍🏻女孩子飲完又健康又養生又可以解渴真係一流❤️❤️KS評分 5分最高🏵環境指數:⭐️⭐️⭐️⭐️🏵味道指數:👅👅👅👅🏵抵食指數：💰💰💰💰🏵回購指數:❤️❤️❤️❤️

大半年前已經聽朋友提及過，前幾日終於一償所願，飲到唇茶💋（疫情關係，真係少左去旺角中心😣）有別於一般珍珠奶茶店，佢主打特色手調茶，走養生路線XD~ 大家可以睇吓以下餐牌😆 有烏龍、香六安、普洱、壽眉、香片等中式茶。款款配搭都好吸引🥰 更重要係B1 -B10 每款都會加入桃膠，滋補養顏 ✨ 岩晒女仔飲👭最後我揀左 "月滿花香"🌸成個配搭簡直係度身訂造😆 有桂花、玫瑰、茉莉、烏龍～ 非常非常清香，有茶味，而且桃膠份量算多，啖啖都食到桃膠～口感十足🥳本身都想叫埋少甜，後來自己忘記左，但甜度又ok ， 真係唔會過甜👻呢款飲品可以話係我暫時飲過最好飲嘅手工茶🥰 真係好正👍

呢間旺中既茶飲店好特別💞💞唔係賣珍珠奶茶或者奶蓋茶，賣既係新派養生茶☺️☺️好滋潤好健康。仲要係黃店黎👍🏽👍🏽👍🏽所以等既時間會耐啲，但一定要支持呢👍🏽👍🏽佢既飲品雖然係養生，但味道都好好，好似飲緊滋潤既糖水咁，不過唔會死甜，因為用既唔係味道好假既糖精，而係用冰糖同黑糖製作。😋😋我最鍾意既係月滿花香，茶底係桂花、玫瑰、茉莉、烏龍，好香好清新既花茶味，好濃既純茶味，絕對飲到茶本身既原味道☺️☺️配料唔係珍珠 愛玉 仙草，而係桃膠☺️☺️仲要好多好足料🤤下次去旺中掃街時，可以選擇養生茶，會健康啲👍🏽👍🏽👍🏽

月滿花香 $32桃膠足料，幾清新，桂花玫瑰茉莉加埋有花香味，又唔會太甜。加埋桃膠感覺滋潤。飲完會有d飽左！Double May +奇亞籽 $32奇亞籽多到密集恐懼！洛神花再加菠蘿，酸味突出，開胃清新。一粒粒奇亞籽有口感，亦會有飽感！有特色，值試！。。📍用冰糖同韓國黑糖，會較甜，如果想多d花同果味可以半糖

聽朋友講唇茶有別於一般台式飲品，唔賣珍珠賣桃膠，就特登去旺中試下。飲品名好多都好得意，就揀左六月飛雪（熱，$34，微糖）黎試下。有問到店員可唔可以揀無糖，不過店員話手調茶系列最多可以揀微糖，只有純茶系列先有得揀無糖。介紹就寫六月飛雪係壽眉做茶底，有雪梨、無花果乾、南北杏、藍棗同桃膠，一飲落去就有好清甜嘅雪梨味，有南北杏碎粒，好似食緊糖水咁。而桃膠啜極都仲有，估計至少有四份一杯。飲完真係好似食左碗糖水咁飽肚，但拎係手仲重重地，就貪得意睇下裡面仲有咩料，結果裡面有三四片雪梨乾，食完連生果都唔駛食，正。

紅蝶開花（玫瑰、山楂、洛神花、荔枝紅茶）凍-可能叫咗少甜嘅關係，成杯茶比較淡淨係飲到洛神花味，同山楂嘅酸味，其他味真係唔太覺，所以只係覺得似凍嘅淡味洛神花茶，有啲失望😐-全部嘢飲都配有桃膠，桃膠比較健康養生，似食硬咗嘅啫喱/溶咗一舊舊嘅魚膠粉，都啲咬口不過就冇味嘅，個人都幾鍾意😛-建議唔好少甜應該好飲啲👍🏻

荔枝紅茶加桃膠(M $24)喺旺角中心掃完大量重口味食物，呢杯荔枝紅茶嚟得啱啱好，解渴又解辣，仲有滿滿嘅桃膠，落足料，選擇了少甜，味道啱啱好💋下次一定再試其他。

相信大家對呢間果茶店應該唔會覺得陌生😂 之前飲過佢個double may😂😂 都唔錯嘅～但今次就試左佢個熱嘅荔枝紅茶😋（（唔好問點解飲熱啦🤦🏻‍♀️🤦🏻‍♀️ 唔想飲凍嘛⠀⠀🥤荔枝紅茶+桃膠☕️（微糖） $26⠀❖ 佢個紅茶呢應該係用咗紅茶加荔枝糖漿去整嘅，咁所以我嗌左少甜啦，個荔枝味呢就唔係話好重，但我都幾鍾意，因為覺得冇咁甜～岩岩好🥰🥰⠀❖ 佢嘅糖漿嘅甜味亦都唔係死甜嗰隻😳（話說我前日就咁岩飲左另一間杯奶茶好似糖水咁甜，太大對比了...）⠀❖ 紅茶味好濃😍 好岩 #茶控 😋😋 ⠀❖ 而且原味桃膠都甜甜地，又多又有種好養生嘅感覺🥰 飲完即卡覺得好似健康左😂 ⠀❖ 我覺得微糖加桃膠呢個combination 其實真係岩岩好，我諗如果冇叫到微糖，咁就有機會一齊飲嗰陣就會覺得好甜🙈⠀

佢唔係平時飲開嘅台式飲品咁，佢大部份都係唔同種類嘅茶，例如玫瑰，茉莉呢啲。而且佢仲用桃膠取代珍珠，令到成杯飲品健康好多。今次飲呢杯係微甜，所以入口之後，更加飲到茶嘅澀味，比起其他台式飲品嘅化學甜， 我更加鍾意呢類茶飲，如果想飲得健康啲嘅，就可以試吓佢唔同嘅茶。

旺角超多黃店，呢間係飲中式糖水既，每款都各有特色，仲有桃膠，唔使飲咁多珍珠，咁就健康得多啦！呢款係有雪梨、南北杏、無花果等等，好有益，揀少甜都好夠甜度！非常推薦呢類型既即飲糖水，哈哈！

話說上年已經聽朋友介紹過唇茶 一直都好想試試 奈何人已經不再年青 好少去旺中呢d屬於年輕人既地方今晚係附近做完facial個渴渴地 於是作為金魔法師既我 決定的起心肝去懲罰下唇茶 我既出現 的確是成功拉高左整個旺中既年齡層貼晒文宣 岩晒志同道合既你地去到要排隊 前面大幾有5，6個人 但職員好快手好有效率 連埋排隊落單等左唔洗10分鐘就有等飲喇叫左個金桂花茶（加桃膠） 職員好細心主動問我洗唔洗要少甜或者少冰個茶好香桂花味 怕甜既我叫左少甜 甜度岩岩好 裡面好多桃膠 好足料 好似唔洗錢咁 感覺非常養顏 好味又健康 值得一讚既係味道好天然 唔似部份手調飲品店咁令人懷疑自己飲緊元素週期表好味既程度係就算佢唔係咁黃我都會再幫襯 知佢黃到金當然就係要大大力懲罰佢同話晒俾所有人知佢有幾好啦!下次去開附近都會再去幫襯下 相信會愈飲愈靚的！P.S. 見佢出左6.12一週年環保杯 個design好靚 有黑白兩色  扣除成本後會全數捐出 有興趣既朋友可以留意下 懲罰下