唇茶 (旺角中心第一座)

營業中

休息中

聽朋友講唇茶有別於一般台式飲品，唔賣珍珠賣桃膠，就特登去旺中試下。飲品名好多都好得意，就揀左六月飛雪（熱，$34，微糖）黎試下。有問到店員可唔可以揀無糖，不過店員話手調茶系列最多可以揀微糖，只有純茶系列先有得揀無糖。介紹就寫六月飛雪係壽眉做茶底，有雪梨、無花果乾、南北杏、藍棗同桃膠，一飲落去就有好清甜嘅雪梨味，有南北杏碎粒，好似食緊糖水咁。而桃膠啜極都仲有，估計至少有四份一杯。飲完真係好似食左碗糖水咁飽肚，但拎係手仲重重地，就貪得意睇下裡面仲有咩料，結果裡面有三四片雪梨乾，食完連生果都唔駛食，正。