哦吧OPPA & POCHA

營業中

休息中

今日無意中發現左一間韓燒店-「哦吧韓式烤肉」一行入餐廳，店員就用韓文同我地打招呼，餐廳充滿韓式風味，牆上面仲有一個可以俾網紅打卡嘅燈牌，認真特別😳😳😳我地叫左一個dinner set，有五花腩🥩，牛肉🥩和泡菜湯，正餐未到之前先送上6款不同既小食，好食之餘又開胃開始燒五花腩啦，店員好貼心幫我地燒埋🥰，五花腩油脂分佈恰到好處，表面燒到變金黃色，香味撲鼻而來。老闆娘推薦我地用菜包住五花腩時可加入辣醬🌶️，酸蘿蔔和飯，食落果然酸辣可口Jumbo beef每日從濟州新鮮空運到港，加上梨汁和洋蔥等配料醃製，食既時候味道酸甜開胃，肉質嫩滑，值得強烈推薦大家試一下😋😋😋泡菜湯足料又夠入味，搭配白飯更是一流最後老闆娘貼心送我地一份哈密瓜，加分📈第一次嘗試呢間店令我喜出望外，老闆娘和店員都係正宗既韓國人，有種令我去咗韓國嘅感覺，可以encore👍👍👍

元朗雞地多左間韓國餐廳入面地方都幾大正想搵餐廳慶祝父親節食韓式料理就唔駛同人逼啦落完order, 就好快上韓式伴菜估唔到有成六款甘多鐘意食伴菜既我就岩哂💛烤黃花魚依款真係傳統韓餐成日見！外表煎得好香入面肉質仲幾嫩滑唧少少檸檬汁就更加帶上鮮味💛鐵板炒豬肉豬肉好入味炒得好乾身連埋其他配料都幾好送飯💛豆腐湯上台個陣仲係好滾入面好多料豆腐，金菇，雞蛋湯底都幾辣～飲完全身熱哂仲會跟一碗白飯唔覺唔覺又食一碗

聽聞元朗有間正宗韓燒,放工跟朋友一起試下,門外招牌光猛...有隻豬仔做生招牌非常可愛...店內裝修可以見到很多豬的擺設,很有特色!老闆娘及員工都是韓國人,食物也是由韓國空運到港,經老闆娘推介,店內主打係黑毛豬...1.韓式燒黑毛豬 ,黑毛豬是濟州空運到港,肥大肉厚,非常鮮嫩,新鮮生菜加上多種配料及秘製醬汁包住一口咬落去....口感十足 豬味香濃！2.部隊火鍋,材料豐富有 芝士 ,火腿,香腸,豆腐,年糕,泡菜,蔥花,翠玉瓜..等等..有一點辣,但係可以接受..味道亦都不錯！可以見到舖頭有不少韓國人來幫襯...老闆娘也熱情招待..廣東話還說得不錯！電視也播著韓國節目...喜歡韓國文化嘅朋友真係可以過來一試...正宗韓國燒烤！

好耐冇去韓國好掛住韓國菜 , 咁岩見到元朗有間個名好特別既韓國菜 , 同朋友即卡黎試下 入黎到已經好有韓國氣氛 , 因為原來店員都係韓國人黎 , 嗌左個炸醬麵 , 濟州五花肉同埋芝士雞蛋卷午市套餐有齊前菜 , 飲品 , 仲係唔洗加一 , 好抵食 , 中午岩岩營業已經坐滿好多人 , 有唔少學生都黎食 . 可見價錢親民前菜最中意佢個酸蘿蔔 , 又甜又酸 , 切到好薄既蘿蔔勁入味 , 好開胃 炸醬麵 , 大大碗撈埋 , 炸醬勁香又濃郁 , 麵軟硬岩岩好 , 食出韓國既味道 , 炸醬份量多到可以用埋黎撈飯食濟州五花肉 , 店員超親切 , 主動幫我地燒埋 . 燒到皮脆肉香 , 咬落去油脂分佈岩岩好 , 口味同肉味都一流芝士雞蛋卷 , 賣相已經夠哂吸引 . 同埋估唔到咁大份 , 蛋味唔太濃帶出芝士香濃 , 兩者好 match , 蛋既質感好厚實 , 食落好滿足野飲仲有梨汁揀 , 入面梨肉滿滿好 juicy !

元朗呢頭勁多野食,見呢間店係韓國人主理,應該好地道,就同朋友黎食。佢地出名部隊鍋,叫左一客,有芝士、kimchi、韓國火腿、腸仔,個湯有好濃既kimchi味,少少spicy,中意食kimchi同spicy既人唔可以錯過。炸雞叫左兩款味道,一款係honey butter,另一款係甜酸炸雞,雞好juicy,份量岩岩好夠2人share,調味唔錯!店員見我地差唔多食完野,就幫我地炒飯,係我地面前加kimchi同紫菜炒,好有風味,味道非常之得!飲品方面好多韓國既飲品,樣樣都幾好飲。甜品係本地既哈蜜瓜,都幾甜。呢度服務好,老闆娘仲送我地出門口添。

最近有幸造訪位於元朗的韓式餐廳「哦吧OPPA & POCHA」，呢次用餐經歷讓我對這家餐廳留下了深刻的印象。首先，一入到餐廳經已受到很親切的招待（應該是老闆娘，飯後閒談得知她是韓國人），枱面放滿各式各類的韓式前菜，頓時令我流曬口水🤤接住落嚟就講下各種招牌菜，首先係「醬油蟹」，老闆娘話佢哋嘅貨源都係由韓國直接運送過嚟，尤其係醬油蟹呢類食材，稍有處理不好都會令食物變質，但呢度嘅蟹肉肥美飽滿，在醬汁的浸泡下更添鮮美！我再配搭明太子紫菜飯，簡直就係韓式料理的完美詮釋。跟住，就到品嘗「牛肋骨煲」。這道韓式菜將牛肋骨慢火燉煮,直到軟嫩入味。肉質鮮嫩多汁,配上濃郁醇厚的湯汁,簡直是一道令人沉醉的comfort food。我亦品嚐咗「海鮮煎蔥餅」。這道菜將新鮮的海鮮和蔥花完美融合，煎至外酥內嫩，每一口都飽含海鮮的鮮美滋味。蔥花的清香與海鮮的鮮味形成了美妙的和諧。以上嘅菜式加埋生果足以令我飽到上心口，而且仲回味無窮！眼見其他食客在品嘗其他菜式，我早已決定一定要再來幫襯，就係為著品嘗更多的美食！

#20240608 📝📍 哦吧OPPA & POCHA @hkoppapocha 元朗鳳攸南街9號好順利大廈地下74-76號舖➖➖➖➖➖➖➖➖➖➖➖➖➖➖➖➖➖ 🥢 #前菜💭 每叫一個set都會送3款韓式小食，老闆娘話見🐷散叫左其他野食所以送多3款，so sweet🥰泡菜、大豆芽同菠菜都唔係濃味果隻，可以就咁食👍🏼香菇蒜芯同魚仔就比較惹味，尤其隻魚仔咬落好似魷魚咁好有嚼口🦑仲有款完全唔韓式既蘋果蛋沙律，飯前飯後食都岩🍎.#特大牛骨湯 #二人份量 $228💭 真係幾大兜下，第一啖試左啲湯先，暖肚而且超重牛味，一飲就飲得出係用左好多牛去煲呢個湯，如果冬天飲相信仲正❄️啲牛骨全部都係用排骨位，每舊都大大舊，一咬就可以扯啲肉出尼，啲肉淋得尼但啲筋膜位又帶少少爽口，非常之好味🐮配料有啲金菇、蛋絲同韓國粉絲，唔使驚唔夠飽肚🤪.#紫菜包飯 $68 🥢 #梨汁 💭 睇個橫切面就知用左勁多既材料落去包，雖然樣樣都唔係啲咩名貴野，但佢每樣都用左2-3條去包，口感豐富好多，同出面果啲材料得每樣一條既差好遠，正正因為佢用左咁多料，所以用唔到太多飯，咁就唔會食幾舊就塞到個肚飽晒😎叫lunch set仲有得包埋野飲

前幾日過嚟同朋友慶祝生日唔係咁愉快食物質素係唔差但係員工態度唔係咁好同埋希望改善吓蚊蟲滋生嘅問題 一路食飯一路不停有蚊飛入嚟叫人哋下次點樣再過嚟食飯如果真係想做落去希望可以改善吓以上呢啲問題環境衛生同員工嘅服務態度真係好重要

最近元朗有間新開張韓國人主理餐廳，剛好到元朗區工作，午餐時間來試一試!韓國人主理以韓國濟洲直送食材供應燒肉、燒鰻魚等料理，午市則主打定價相宜的傳統韓食，適合區內學生幫襯👍🏼員工大部分都係韓國人，佢地都識講廣東話👍🏼餐廳環境幾闊落，午餐以家庭式韓國料理主打!更有vip 房可以包箱聚餐，私隱度更高。韓式前菜會視乎當日安排，所以可能次次都唔同口味，有意思!有泡菜，銀魚仔，麻油菠菜，魚板，翠肉瓜同沙律土豆絲，泡菜，翠肉瓜，魚仔，腐皮，海帶等沙律沙律菜新鮮脆口，沙津醬特別多小編大愛😋午餐由中午12點至下午3點供應20款韓式選擇，更額外配送三碟配菜!一個價錢包括套餐飲品! 而且學生更有減$15的特別優惠! 學生更可以免費加飯!!店主實在太有人情味了!~最重要係星期一至日都同樣有呢個午市套餐!豆腐鍋飯 $78推介:⭐️⭐️⭐️⭐️⭐️上檯滾熱辣出爐到，驚喜原來豆腐湯都充滿海鮮，入面有蜆肉、蝦、魷魚等👍🏼鮮香甜美，豆腐好滑亦豆味好濃，個湯非常適合送飯，推介!冷湯麵 $78推介:⭐️⭐️⭐️⭐️⭐️店員話冷麵用左葛根麵加埋老闆娘自製的酸青瓜白蘿蔔，再加韓式芥辣及醋，整個水冷麵清爽開胃，夏天食午餐環節一流!冰涼湯底加彈牙麵條

哦吧OPPA & POCHA 是一家位旅元朗的韓國餐廳。老闆娘熱情招待。侍應服務殷勤。有韓國家庭式的你氛圍。//泡菜餅泡菜煎餅的外皮經過煎炸，呈現金紅色，口感酥脆。煎餅內部保持水嫩。味道帶有泡菜的酸甜和微辣風味。//牛肋骨煲牛肋塊的外观呈现漂亮的条状，肉质细嫩，脂肪分布均匀。肉质鲜嫩多汁香濃。口感丰富。配有白羅卜好入味。//前菜6碟，有泡菜.土豆絲.銀魚仔.麻油菠菜.翠肉瓜.非常地道開胃。//人參雞湯傳統的韓國菜餚.整隻童子雞.雞的肚子裡塞入糯米，搭配人參、紅棗、薑、蒜等配料。上枱時.熱呼呼的人參雞湯暖暖胃補氣。//雜錦紫菜包飯結合了壽司和飯糰的元素. 各種蔬菜。口感爽脆米飯軟糯.

晚上在元朗四處覓食， 係一個唔起眼嘅內街， 路旁見到一個寫著「哦吧」霓紅燈箱。比佢略帶玩味嘅名字吸引咗🔸前菜6小碟欣賞泡菜係自家製，涼拌薯仔絲爽口🔸烤牛肉火鍋，稍為醃好的牛肉，配上各式各樣的蔬菜組合。有金菇，珍菇，娃娃菜，韓式粉絲，大蔥，鴻喜菇，鮮冬菇，紅蘿白，配上高湯。份量挺多，但這個火鍋我們是光盤操作。連湯一點都不剩🔸甜酸炸雞韓式炸雞最地道的味道，灑上花生碎， 炸雞很新鮮完全沒有雪味，醬汁經過廚師特調的，有別於一般我們食過嘅甜酸味，有微微的辣， 更加惹味。而且不膩🔸蜂蜜奶油炸雞卡嚓卡嚓香脆可口，雞肉嫩滑非常juicy，調味就是韓國某熱賣品牌果仁 就是那個味道，非常好吃，有配上醃製嘅正方形小小酸蘿蔔～🔸韓式蒸蛋用陶鍋內起來的，蒸蛋要趁熱食，漲卜卜，軟綿綿，口感柔嫩，鬆軟可口。 材料簡單，就是高湯 蛋 蔥花 紅蘿蔔🥕🔸韓國BONG BONG 葡萄汁及粒粒梨汁，食韓國野必會見到，可以舒解炸雞嘅熱氣，而且好多果粒🫶🏻和老闆娘聊天， 表示食材是來自韓國的，而且好熱情健談，雖然要滿場走，但都見她每台客人都會去打招呼講幾句，服務到位。

呢間韓國餐廳係主打烤肉，招牌韓牛同埋濟州豬肉但都仲有好多款小菜、炸雞、韓式料理可以揀見同場都好多枱都食烤肉，但太熱氣嘅關係，就揀咗食定食估唔到有驚喜位～😋✨牛肉石頭鍋飯石頭鍋一上嚟熱辣辣嘅感覺材料豐富，有韓國牛肉、芽菜、菠菜、生菜，同一隻半熟蛋加埋韓式嘅甜辣醬，撈勻食好豐富調味啱啱好，而且食到底仲有飯焦，真系好香‼️食韓國野一定要配埋好多小菜先正宗，✨炒年糕同韓國街頭嘅味道一樣，甜甜地辣辣地，好惹味！年糕煙煙韌韌，煮得腍身，食極唔停～✨大醬湯暖笠笠好飲～特別鍾意湯料蘿蔔，煮得好腍好入味✨韓式炒豬肉用韓式烤肉醬汁來炒濟洲豬肉，再加入洋蔥、蔥花一齊拌炒入口甜甜鹹鹹的口味，好好味呢間係一間家庭式經營嘅餐廳，阿豬媽超級親切又識講廣東話，下次黎試吓佢個燒肉先～

元朗發現一間新開韓國家庭主理既韓式餐廳，有傳統韓國菜式，亦有燒肉、炸雞，款式幾多元化。老闆娘系韓國人，識講廣東話，幾nice，同每台客人都會傾下計。首爾烤牛肉 $320未見過呢種做法既烤牛肉，中間既生牛肉可以放系旁邊好似火鍋地煮，亦可以放系中間烤，2種食法，湯底似壽喜燒湯，甜甜地，另外有年糕、韓國粉絲、金菇、菜等配料。鮑魚石鍋拌飯 $108鮑魚切粒，配埋多款蔬菜，把所有材料攪拌一齊食，辣醬同芝麻油可以按個人需要加入。份量都有3-4碗飯。豆腐鍋飯 $78去韓國時好鐘意食當地既軟豆腐，所以點左個豆腐鍋飯，雖然顏色好紅，但配合香港人口味，食落只系微微辣，入面仲有翠肉瓜、雞蛋、蜆肉等等，配白飯一齊食好有韓feel！泡菜伴菜呢度既伴菜都幾好食，有泡菜、薯仔絲、魚仔、蛋汁煎翠肉瓜、魚糕等等。飲品方面以支裝、罐裝飲品為主，但竟然發現tonic 紅茶，之前系韓國飲完愛上左，香港比較少見，所以即刻叫左一支飲！

呢間店既老闆娘係韓國人,但識講廣東話！又勁nice!而電視一直播緊韓國既飲食節目,好有韓國風情!首先我哋叫咗個超岩食嘅排骨薯仔湯。湯頭好濃郁,好暖胃,排骨又肥又軟,配埋彈牙嘅薯仔,真係好開胃又好滋味!之後試吓佢哋嘅韓式炒豬肉。肉條好薄又好軟,配埋爽脆嘅蔬菜,淋上濃郁嘅醬汁,味道超級鹹香!又試咗佢哋嘅泡菜煎餅,餅皮好酥脆,裡面夾住多種韓式泡菜,又酸又脆,特別好拌飯食!最後,飲埋兩杯韓國特色嘢飲,一杯提子汁又酸又甜,一杯梨汁清新爽口,又唔會太甜,頗清爽呢!整餐下來,每一道菜都好有韓國風味,不論係正餐定單式點心,仲有特飲,真係非常地道!我信呢間店係附近最正宗嘅韓國餐廳啦!如果你鍾意韓國菜,不要錯過呢間餐廳呀!

元朗其實唔太多正宗嘅韓國料理，呢間由韓國人主理嘅韓國餐廳真係好正宗，入到去好似飛咗轉去韓國咁，今晚叫左好多唔同嘅野食。1. 芝士雞蛋卷呢個芝士雞蛋卷真係好正，雞蛋煎得好滑溜，再加埋入面嘅芝士，入口即溶，香濃嘅芝士味同埋嫩滑嘅雞蛋真係絕配。特別要提嘅係，上面嘅芝士醬同雞蛋好夾，令到整個味道更加豐富。2. 辣泡菜湯飯辣泡菜湯飯係我嘅另一個最愛，泡菜嘅辣味同埋酸味非常夠，湯入面材料都好豐富，有豆腐，豬腩肉，金菇，所有材料都索哂泡菜湯味道，配埋熱辣辣嘅白飯，一啖咬落去，好滿足。3. 烤牛肋骨烤牛肋骨真係一流，牛肋骨烤得好香，肉質嫩滑，帶有微微嘅焦香味，每一口都充滿肉汁，真係食到停唔到口。仲有一樣唔可以唔提嘅係，白蘿蔔炆到好腍，超入味，配埋牛肋骨食更加一流。4. 水冷麵呢到嘅水冷麵伴老闆娘自製的酸青瓜同白蘿蔔，再加上韓式芥辣同醋嘅水冷麵好清爽，特別適合喺熱嘅天氣食，冰涼嘅湯底同埋彈牙嘅麵條，清新又開胃。5. 6小碟前菜呢度嘅前菜有6小碟，包括泡菜、薯仔絲、海藻、魚糕等等，每一款都好精緻。泡菜酸辣爽脆，魚糕彈牙，每款都好有韓國風味。6. 冰凍韓國啤酒Cass食韓國野緊係要飲韓國啤啦，呢到有兩款韓國