哦吧OPPA & POCHA

營業中

休息中

餐廳環境裝潢新穎，座位空間感十足，四周都有炫燈閃爍，應該幾岩年輕人口味，足足有三部大電視，播放不同節目。一般午餐都會配送三碟配菜，分別係泡菜、土豆絲和豆腐漬，不論份量和質素以配菜黎講算水準之上。同時會附送飲品，可從梨汁、雪碧和可口可樂選一款。牛肉湯飯韓國傳統牛肉湯風味，湯底清清甜甜，帶有淡淡牛肉香味，牛肉口感煙韌，帶有些少筋腱部分，牛香味特別濃郁，湯內會有口感軟熟既米線，與牛肉一齊食有反差感。紫菜包飯外表色彩繽紛，打卡一流，有蟹柳、火腿、漬物、玉子、青瓜、牛蒡、胡蘿蔔、香蔥等材料，不論味道和口感都十分豐富。原味香脆雞相對健康既香脆雞，著重於食到雞既原味，外表炸得金黃，口感香脆，但雞肉唔會有柴既感覺，附有酸蘿蔔，有一定解油膩既作用。

呢間韓國料理餐廳係由韓國人開🤩🤩肉肉都來自韓國/濟洲✈️由廚房到門面都有韓國人接待餐廳環境好大好舒服，服務又好好👍🏻👍🏻仲會附上多款精緻韓式小食😻😻✨調味LA排骨🐽排骨本身已調味，入曬味排骨大大片，肉感鮮嫩牛肉有香濃牛味剪開好岩包生菜一齊食🥬✨濟洲五花肉🐷濟洲五花肉同一般既豬肉真係完全兩個層次🫨肉味大不同，香口好多呢個一定要試下😽😽✨半隻原味炸雞🐣炸雞即叫即炸，超級熱辣辣好新鮮既雞，入面有肉汁好juicy，本身既調味好濃厚吾需要再加醬汁😍✨泡菜煎餅🫓煎餅煎得夠乾身，外脆內軟外皮超級脆卜卜，入面好足料好豐富泡菜味，加埋佢地韓式秘製醬汁味道好傳統好好味😋

主打韓燒，仲有其他韓式料理部隊鍋、醬油蟹、湯麵、炸雞等🙌🏻餐廳好大，好有韓式風格🥳好多打卡位📸衛生就一般🥹性價比一般般少少偏貴，自己考慮吓啦有7款前菜好豐富，前菜款式經常轉變🙌🏻有新意🥳最推介佢嘅魚乾仔同酸蘿蔔套餐set $620<濟洲五花肉＋濟洲豬肩肉＋韓豚調味排骨+生菜>五花肉肥瘦適中，口感香軟多汁，帶有少少韌性，咀嚼起有嚼勁🤭充滿濟州味，同喺濟州食嘅差唔多☺️好適合配上生菜食👍🏻 濟洲豬肩肉相反就一般，未完全解凍，燒起上來就有少少困難😓韓式調味排骨慘哂濃郁嘅韓式風味，醬汁香氣四溢，肉質軟嫩可口，配合生菜，有種清新爽口嘅搭配嗰日餐廳有少少繁忙，店員冇點幫手燒🥹不過自己燒埋洋蔥和菇都燒得好香，好滋味📍哦吧元朗鳳攸南街9號好順利大廈地下74-76號舖

今日嚟到元朗一間好得意嘅韓國餐廳，入邊嘅侍應全部都係韓國人嚟㗎！韓式炸雞$78炸雞炸得脆卜卜非常之香脆雞肉汁好鮮嫩一咬啲雞肉嘅汁bid晒出嚟🌝水冷麵$78天氣咁熱，食返一碗水冷麵真係透心涼，面嘅質地煙煙韌韌咁湯汁凍冰冰咁樣好適合夏天食鮑魚石鍋雜錦飯$78呢個飯真係值得推介鮑魚非常之煙靭可口，配埋個飯一齊食，簡直冇得頂再撈埋啲韓國辣汁一齊食，非常之酸甜開胃韓國紫菜包飯包$78飯卷入邊有蟹柳青瓜蛋絲，呢幾樣嘢夾埋一齊食，非常之好味，令到我食到停唔到口每個lunch set都會配一個雪梨汁俾你飲係韓國進口㗎非常之好飲😍哦吧OPPA & POCHA (元朗)元朗鳳攸南街9號好順利大廈地下74-76號舖

住大西北既朋友終於唔使特登出尖沙咀食韓國菜喇。 係Yoho附近開左間由韓國人主理既韓國燒肉😆😆今次同朋友試左濟洲五花肉同牛大排骨五花肉由濟洲直送，附送雞髀菇同洋蔥。老闆娘好親切咁幫你燒同推介同豬肉配搭濟洲黎魚汁一齊食。 除咗平時配飯醬同生菜包黎食， 老闆娘推薦酸蘿蔔配豬肉既配搭，酸酸地比起生菜包更開胃😋😋大牛排骨一打開俾個份量嚇親🤣🤣牛肉經過長時間醃制，味道非常濃郁但唔會過咸，肉質嫩滑唔會韌，配飯一流。食完燒肉再食韓國家常菜味道既泡菜湯解解膩😏 泡菜湯非常足料，酸辣味道平均。

估唔到有正宗韓國燒肉餐廳，唔使出城都可以食到😎 位置比較偏僻，但搶眼裝修一眼就睇到🤩老闆娘係韓國人，極力推介濟州豬肉，全部肉類由韓國直送🇰🇷所以質素有保證。先有大量自製前菜小碟，除咗泡菜，仲有好特別嘅餐肉粒蛋餅。🐖濟州豚肉套餐 $620🐷🔸濟州五花肉燒完後唔覺油膩😍咬落爽脆，肥瘦分明，充滿油脂香及口感，配自家製酸蘿蔔片一齊包住食，開胃大增👍🏻🔸濟洲豬肩肉肥瘦勻稱，肉質纖維比較厚實，沾上韓式辣醬食非常惹味。🔸韓豚調味排骨壺漬排骨有驚喜，塊肉比我塊面仲大。調味以韓式燒肉汁調製，甜度適中，非常入味😋肉質偏向軟淋，入口好滿足😌套餐都配上一籃生菜，包住燒肉食，減低油膩感，增加爽脆清新口感😚最後每檯都送上哈密瓜作飯後果，非常貼心。

嚟到呢間餐廳,真係好有韓國感覺,因為真係由韓國人主理😍~我哋揀咗個套餐B3🍱,佢有大牛排骨,濟洲豬腩肉同埋泡菜鍋~套餐仲有跟埋6碟小菜,今日有魚糕,泡菜,芽菜等等🌱~第一次燒豬腩肉乾身咗啲🤏,但個皮就好香脆好食~第二次識控制火喉🔥,肉就無咁乾~不過都係大牛排骨最好食😋,因為醃得好入味,略帶少少甜味~包埋新鮮生菜🥬,同埋加埋醬汁,真係好有韓國feel~因為套餐無主食,所以加多咗個水冷麵🍜~蕎麥麵好煙韌,加埋簡單嘅青瓜絲同醃菜🥒~我個人鍾意酸啲,所以加咗唔少醋,佢仲有個蒜醬可以加🧄~估唔到元朗有啲咁正宗嘅韓燒😍~可以慰藉下我去完韓國後空虛嘅心(同個胃🤭)~Klook 3%優惠碼: HELENCKLOOK

一個繁忙的夏日晚上,我來到位於元朗的OPPA&POCHA韓式燒烤餐廳,尋找片刻寧靜與道地韓式風味。OPPA&POCHA的用餐環境寬敞明亮,配以沙發傢具卡位,坐得挺舒服餐廳以多款地道韓式烤肉、料理和熱情款待出名，用方便的scan QR code形式落單，期待他們的款待食主菜之先，服務員禮貌地送上6款韓式小吃，包括蛋捲片、泡菜、銀魚乾、煎魚片、蝦乾小炒菜、白汁燴通粉，份量少少，各有特色燒肉：濟州豬斧頭扒厚實粉嫩的斧頭扒,配上印有餐廳名的杏飽菇及洋蔥，我小心翼翼地將扒放入韓式石頭鍋烤爐入面輕煎，想不到爐面完全不“痴底”，粉色豬肉好快變粉中帶金黃色老闆娘十分好客，知道有老人家喜歡吃細塊肉，她馬上協助我們將所有材料煎到細塊，並烤至軟身一點，服務要讚輔以餐廳特製的醬料,入口時肉汁慢慢滲入味蕾,滿載濃郁的豬肉香氣，出自濟洲的豬果然高質韓國人參雞湯雞肉嫩滑,飽含人參的補氣功效,為這頓飯增添了健康元素。韓式蛋捲外皮呈現金黃色澤,蛋香味濃。搭配餐桌上的各式泡菜,更添風味。牛肉石鍋雜錦飯飯粒飽滿鬆軟,加入各式蔬菜和嫩滑牛肉,在石鍋的高溫下煮出了的焦香味，推薦加入蛋黃液食，香上加香飲品方面，我們點了有氣無糖紅

好耐無食韓式燒肉嚕今日收同就同朋友嚟到元朗食前菜B3套餐 $580(大牛排骨 + 濟洲五花肉 + 辣泡菜湯 + 生菜)-大牛排骨肉質好軟腍 配埋甜甜哋嘅醬汁 味道好濃郁-濟洲五花肉好厚切嘅五花肉油脂滿滿der 燒到啲油香爆晒出嚟外層少少焦香 肉質細嫩又多汁🥹配埋啲醬汁再包菜食 很可以耶🦦夾住豬同牛一齊食-辣泡菜湯有豚肉、豆腐、泡菜、菇 都幾足料飲落泡菜味好香濃 酸酸辣辣咁-生菜有成幾款菜 好翠綠好新鮮 又幾有誠意蟹籽紫菜拌飯 $58食燒肉一定要配飯蟹籽+紫菜+沙律醬 依個combo永遠都唔會輸 好滿足餐廳負責人都係韓國人 裝修擺設都有心思

#鼠尾草食飲玩 #sagefoodiehk炸雞😋 × 飯卷💖 × 氣氛🔥喺元朗，原來都有好食就又高質嘅韓國菜😍！而且呢間舖頭嘅服務好好，老細都好Nice😚。加埋舖頭嘅價錢真係好抵，平時喺出邊食韓國嘢，絕對搵唔到呢個CP值🙂‍↔️。紫菜包飯裏面嘅餡料豐富，一啖裏面食到又香、又軟綿、又脆口等等嘅唔同配料口感✨。原味香脆雞都整得好好，炸雞嘅外皮夠酥脆，熱辣辣又脆卜卜🔥，裏面嘅肉質都唔錯。兩個人嚟講，呢個份量已經夠晒滿足💖。💰 紫菜包飯($68)💰 原味香脆雞($68)

老公最近非常十分繁忙🫣雖然今日放假但都依然選擇近近地係元朗食個lunch就即刻返歸繼續工作🥹呢間韓國餐廳裝修幾有feel🙌🏻 老闆娘都係韓國人～我哋揀咗兩個set lunch同半份炸雞share❤️泡菜炒飯泡菜足料惹味，味道都辣，但會令人越食越想繼續食😂飯粒分明唔乾👍❤️特大牛骨湯飯個湯清淡得黎好重牛味，好飲！😋牛骨唔韌，骨肉好容易分離👍佢嘅雞蛋絲係將蛋白同蛋黃分開，好仔細😂⭐️半隻原味炸雞新鮮熱辣，皮薄香脆，肉質尚算嫩滑但唔知點解半隻size好似無甜辣味俾我揀🤔原味帶啲鹹香其實都ok，但甜辣始終先係我首選😬#元朗美食 #元朗韓國菜 #哦吧 #韓國菜推介 #元朗韓燒 #牛骨湯飯 #泡菜炒飯 #Kimchi

💫Set  D  濟洲豬腩肉+豬頸肉+ 6種小菜+ 生菜濟州島嘅豬肉真係好正～ 豬腩肉Q彈爽脆👍🏻 豬頸肉肥瘦適中😽 配埋醬料就突出埋肉質本身的風味！而且仲埋唔同小菜就可以有更多配搭🙈口感豐富🫶🏻 值得一試不過份量較少😢 2人份量但真係唔夠飽🥹價錢有些少高所以cp值唔係話太高💫水冷麵水冷麵配上燒肉簡直就係解膩解油之選😆冷麵爽口彈牙～ 配埋青瓜絲雞蛋絲清爽爽脆配埋芥末醬+醋酸酸辣辣超級正😚推薦～整體評分：3.5🌟

突然心癮起想食韓菜，友人介紹呢間開業半年嘅餐廳，裝修&食物都有一定水準Menu 選擇多，除左燒肉，多種部隊鍋，小食都好齊備前菜有6種，如烤魚仔，魚糕，泡菜，烤翠玉瓜，土豆絲等烤牛肉火鍋 Grilled Beef Hot pot $380個鍋超級多配料，旁邊蔬菜，唔同種類菇類為主，中間有韓國粉絲，鮮牛肉，幾片韓式年糕，相當有層次感個鍋需要煮一段時間，粉絲索曬蔬菜，牛肉汁嘅味，好入味，牛肉煮到腍身就需要撈起，呢個鍋多蔬菜之餘又飽肚🥢 鮑魚石鍋雜錦飯 Abalone & Vegetables Pot Stone Rice $108 鮑魚切絲，再加埋不同蔬菜配料，例如有菠菜放係石鍋入面，將底層嘅飯撈起，會有飯焦效果，再隨個人喜好加入醬油鮑魚幾爽口彈牙👍🏻👍🏻🥚 蒸蛋 Steamed Egg $88 呢個係大人細佬都鍾意嘅香噴噴上台，漲卜卜質感勁堅挺，好似梳乎厘一樣咁漲，佢唔係一般蒸蛋咁簡單，聽職員講，呢個蒸蛋用左7隻全蛋👍🏻蒸蛋底層有蝦醬味，幾好食，蛋味香濃，適合多人分享😉食曬正餐後，職員會端上長長嘅哈密瓜，鮮甜多汁，呢個水果係免費的

前幾日來左呢間由韓國老闆娘新開、主打濟州黑豚肉嘅韓國餐廳，選擇好多而且食物又好味😋👍🏻佢除左有燒烤肉類，亦有眾多韓式料理選擇，例如部隊鍋、韓式湯品、醬油蟹、年糕、紫菜飯卷、炸雞等通通都有，喺選擇困難症之下😆 我決定燒烤同料理每樣都點少少試試☺️非常推介燒濟州五花肉❣️油脂滿滿之餘，肉質新鮮又嫰滑，店員亦會幫手燒及剪碎，加埋洋蔥同菇燒得好香，食得好滋味😋二人份嘅特大牛骨湯我亦相當推介，牛骨味道濃郁，牛骨肉足足有八件，亦有粉絲，好足料👍🏻食韓國野總係會想食炸雞，但兩個人叫一隻又怕太多，佢可以叫半隻原味炸雞，一客六件，炸層唔過厚好脆，亦有一種獨特嘅香味，而且雞肉非常嫰滑😋 老闆娘話雞都係從濟州入口👍🏻最後當然要叫水冷麵同飲品 cool down 下❤️ 冷麵加埋醋同韓式芥辣，消暑解膩，好舒服☺️ 草莓 Margarita 唔會太甜，啱啱好❣️最後老闆娘仲送上韓國哈蜜瓜做甜品😃😃老闆娘同店員雖然都係韓國人，但態度好親切，用廣東話溝通都無問題。見佢裡面仲有兩間房，下次可以帶朋友們來聚會☺️

聽講有間係韓國人開嘅餐廳同一般韓燒餐廳不同的是，好乾淨，一啲都唔會油淰淰， 冇黐立立嘅感覺。天氣熱先黎一支啤酒，隻杯都係凍架，好細心睇黎呢度都幾愛豬喎😂就叫個豬肉套餐，有五花肉和豬肩肉。職員主動幫手燒埋，服務好好呀！所以燒到焦香得黎，又可以保持肉汁同爽口。呢個「魚汁」職員話係濟州運黎架，配豬肉真係好食喎。記得配飯食😂特大牛骨湯，好多條帶肉嘅骨，湯底清甜。所以夏天飲都唔會膩，反而好舒服。特別喜歡前菜嘅小魚乾，唔會乾柴死咸