哥登堡餐廳

營業中

休息中

星期日都要返工 夜晚放工就想relax吓 鋸吓扒啦 嚟咗呢間土瓜灣嘅老牌懷舊扒房 地鐵通咗車真係多咗好多人流 今晚八點都仲等緊位🥲鋸扒梗係要用鐵板上啦 揀咗哥登堡什扒同羊扒 不過揀咩都唔係太重要 因為店員好似唔係好理會你嘅選擇 落單嘅時候佢問羊扒要咩汁 我地想話蒜蓉汁 佢就已經話黑椒汁啦 可能佢覺得咁樣配搭好食啲啦😂餐湯同餐包都係一般餐廳水準 唔好多講啦 我地嗌咗白湯 鐵板餐嚟到真係嗞嗞聲 不過汁就已經淋咗喺上面 有啲失望🙍🏻‍♂️什扒有牛扒 豬扒 煙肉 雞翼 煎蛋 腸仔 啲扒都幾大塊 肉質幾腍 雞翼有全翼幾驚喜 不過肉汁唔多😗羊扒有三大塊 又係配黑椒汁 三塊都係近骨嘅位置 所以都好肥美 羊味好濃郁 個人鍾意呢碟多啲😆飲品可以有得揀特色飲品 例如紅豆冰同涼粉冰 甜品就有雪米糍 成個晚餐好滿足 不過返到屋企好口渴 應該都落咗幾多味精😮 不過鋸扒就係唔健康㗎啦😎

最近來了土瓜灣這邊上班，終於可以在午餐時間來這間歷史悠久的哥登堡餐廳。發現它的確像餐廳多過似扒房，午餐，一個就是雞脾配飯、另一個吉列豬扒配炒飯、另一個都是魚柳配粉。見到咖喱可以配牛脷，就點了個咖喱牛脷飯，配忌廉湯以及鴛鴦走。忌廉湯味道普通，不算太稀，不過質地都不覺得特別好，味道好普通通，至少沒有漿成一嚿嚿。咖喱味道還算不錯，不算太辣，不會辣到你額頭或頭頂冒汗，但亦沒有日式咖喱那般甜，是正宗的港式咖喱味道。牛脷質地略為偏熟，面頭有少少脆的質地，輕微過熟，但內裏的質感還是不錯，香味濃郁。本身以為這條飯好像有點太大，不過想不到原來用港式咖喱汁，一邊伴着吃，還是可以吃得完，可能這就是用汁撈飯比較邪惡這個說法吧。鴛鴦走的味道亦都比較強差人意，好像奶茶味道比較出，都不太看到港式咖啡的味道，煉奶亦都不太喝到，以這種舊式餐廳來說，這款飲料的確比較失望。

✨羅宋湯羅宋湯 番茄味香濃內有好多蔬菜 仲有牛肉粒 超級足料✨粟米忌廉湯忌廉湯香滑 稀稠度適中淡淡忌廉味 幾多粟米粒✨餐包普通正常野 其實冇乜嘢好講但鍾意佢每一次都係有翻熱先上枱✨西冷牛扒餐西冷牛扒 肉質結實 有啲咬口唔會好似出面𢲡到腍啤啤肉味唔算濃 亦有少少筋但配埋蒜蓉汁 味道唔錯另外有啲薯菜伴碟百幾蚊成個餐咁多嘢食 絕對收貨✨焗法式田螺自選晚餐嘅頭盤 七選一今次揀咗焗法式田螺田螺口感彈牙滿滿蒜蓉香味薯蓉 唔夠香滑偏乾身✨自選晚餐自選晚餐包左麵包 湯頭盤 主菜 甜品 飲品都係一百蚊 仲要冇加一 真係超級抵食主菜部份可以喺五款肉類中揀兩款再揀飯 意粉 薯菜 吉列石斑拼豬扒飯吉列石斑 炸皮鬆脆 斑塊肉質嫩滑豬扒 大大件 肉質結實 口感軟腍 帶啲咬口 配埋蒜蓉汁 唔錯炒飯 炒得乾身 飯粒分明 有蛋香✨甜品跟餐甜品 可以揀啫喱或雪米糍我地每次都會揀啫喱 青檸啫喱 中間有少少罐頭雜果口感偏彈牙味道正常✨椰汁紅豆冰跟餐飲飲冰唔需要另加錢椰汁味好濃 質感偏稀紅豆 香甜 份量多 軟硬適中✨雜果冰有成半杯雜果 幾足料唔算好甜 懷舊嘅味道食物唔錯 抵食夾大件環境懷舊 乾淨企理 都算好坐服務正常 價錢合理

經典鐵板餐扒房餐廳同另一半係土瓜灣收工，之前同另一半係呢間餐廳食過不錯再來食過，本想叫T骨同牛柳，點知T骨已沽清，最後叫左牛柳同雜扒餐，鐵板餐包括餐包、紅/白餐湯、餐茶/特飲、甜品，十分有香港特色。(1) 牛柳餐 ($145)(2) 雜扒餐 ($125)紅/白餐湯是羅宋湯和薯仔忌廉湯，配上牛油餐包，是中學時懷舊茶餐廳的味道，羅宋湯比忌廉湯好飲。鐵板餐上枱熱辣辣，滋滋聲，牛柳依舊軟腍，生熟恰到好處，雜扒則大大份(有豬扒、牛扒、雞亦、腸仔同煙肉)，薯條香脆，點上蒜蓉汁/黑椒汁/茄汁，是兒時味道。餐茶則叫左椰汁紅豆冰(味道不太甜，有很多紅豆)，同熱朱古力，凍飲免加錢，最後甜品(雪米糍/啫喱)選左啫喱加花奶，食完捧住個肚返家。總結港式扒房，室内氣氛，餐具擺位，枱椅款色充滿七，八十年代感覺，價錢合理，份量又多，服務員客氣有禮，值得捧場。哥登堡餐廳土瓜灣馬頭圍道440號地下人均: $100-$150抵食: 💰💰💰💰💰味道: 😋😋😋😋服務: 💁🏻‍♀️💁🏻‍♀️💁🏻‍♀️💁🏻‍♀️💁🏻‍♀️環境: 😉😉😉😉😉

朋友話呢間嘢食好抵食，咁就試吓啦！門口非常之懷舊嘅感覺同入面既感覺, ，好似80年代90年代嘅一些冰室嘅感覺，環境係真係比較殘舊。有啲座位就坐得比較寬闊, 四人枱坐兩個人，有啲就坐得比較逼夾。好好彩，我個朋友被安排了一個四人枱。佢嘅選擇唔多，都係一些西式嘅扒類意粉。我見到有一個係吉列豬扒楊州炒飯，非常之夠創意，未見過豬扒係配楊州炒飯嘅組合，再加上都有啲想食吉列豬扒炸東西，於是就叫呢隻，再加一杯紅豆冰。上菜時間非常之快，好像不夠3,4分鐘，就已經齊了所有東西。佢會跟一個紅湯，紅湯方面，呢個係我真係覺得味道唔錯嘅一個羅宋湯，因為佢唔係一啲水狀嘅狀態，而且味道都夠濃嘅，有少少creamy嘅感覺，呢樣嘢我覺得非常之唔錯嘅一個湯！個楊州炒飯同吉列豬扒都比較暖，楊州炒飯就比較有少少乾身同埋硬，因為睇得出佢應該係放涼左一段時間，再加上現場冷氣非常之凍，令到佢更加油。吉列豬扒雖然唔係好熱，但係佢炸得都幾好食，基本上成飯都食晒，再加一啲curry 汁嚟食，都唔錯。炒飯真係麻麻哋，因為凍咗，如果唔係放凍咗，本身佢啲材料都幾多，應該都唔錯。叫咗杯紅豆冰，紅豆冰來講我覺得佢都算做得OK嘅，因為唔係水狀啦，紅豆

舊式經濟扒房. 有鐵板餐. 格局似花園餐廳扒王之王之類. 呢間以前應該幾出名. 幾年前嚟過都要係門口排隊.午餐有羅宋湯. 味道正常. 唔係講笑. 正常已經好難得. 湯唔係太夠熱.今日穩穩陣陣叫咗茄汁雞扒飯. 雞扒唔夠滑. 不過個汁就唔錯. 呢種就係只有懷舊餐廳煮到嘅味道.另一個餐叫咗焗肉醬意粉. 坦白講麻麻哋. 有少少酸嘅味道. 應該唔係變壞. 但係就係唔鍾意.跟餐仲有餐飲. 叫咗凍奶茶. 正常.整體餐廳食物質素Ok. 不過不失. 服務就茶餐廳水平.

鋸扒有人選擇到高級餐廳食靚牛扒，但是不少人會對港式鐵板餐有獨特情意結，鋸扒沒有那治癒的滋滋聲，有聲有色。沒有鐵板的牛扒是沒有靈魂的🤣🤣鐵板餐包括餐包、羅宋湯、飲品、甜品，最適合食肉獸🤭懷舊鋸扒鐵板餐十分有香港特色， 醬汁通常有 香辣黑椒汁同 惹味蒜蓉汁當晚落單的侍應安排多一份焗螺肉配薯茸🥰, 又係每次都要食必選羅宋湯🥣有許多🐮牛肉碎，味道濃郁， 保持水準本來想食tea骨怕點知已沽清， 結果選擇咗西冷同牛柳, 雖然叫咗五成熟 但係都係好熟🤣🤣但港式扒餐唔可以要求咁多話明要食童年回憶嘅味道當然要飲返紅豆冰同啫喱

呢間大大話話都幫襯咗超過20年，上星期去到同老婆一人叫咗一份西冷七成，餐嚟到嗰陣，件扒切都切唔入，老婆嗰份都一樣，好辛苦咁切開，入面仲係紅卜卜，咬落直頭同像筋一樣，結果食咗三份一唔夠都走人，再去附近食碗雲吞麵算數，下次要轉地方鋸扒了，拜拜了老朋友

平時極少去土瓜灣 , 九龍城一帶....見有youtuber有介紹呢間甚有舊港式情懷既扒房 , 難得星期日得閒走去一試舖頭離地鐵站唔算好近 , 要行一段路去到見到舖頭環境係似70-80年代既格局 , 近乎完全無裝修 , 昏暗既黃燈光映照住有歲月痕跡既枱凳 , 伴隨老住舊既風扇 , 確實係有另一番風味 , 似乎至少有30幾40年沒有重新裝修 , 就連餐牌同侍應 都一樣行懷舊風我地入去果陣正值晚市前夕 5:15左右 , 所以內裡只有3枱客 , 到我地差不多食完之際已經全店滿座原本想叫既T骨牛扒沽清 , 我同友人唯有叫 蒜茸汁牛扒 及 蒜茸汁牛柳首先上枱係兩個餐前牛油包 , 暖暖地紅湯則非常出色 , 相信都有好多人提過呢度紅湯係相對高水準 , 湯料都還可以牛扒SIZE唔算好大...比起金鳳西泠扒要細D....叫左6成熟 , 但上左枱似乎有7-8熟以上牛味都濃 , 配菜比較少 , 薯條炸得都叫脆牛柳則份量再明顯少D , 一樣是6成熟 , 味道俾 6.5/10 分加$5 配茄汁意粉...質素不俗 , 茄汁味偏甜 , 意粉尚可跟餐配紅豆冰不另收費 , 叫了兩個最後甜品可選 啫喱 或是 雪米糍 ,

呢間係土瓜灣名物有成40年歷史既平價扒房由於疫情既關係佢地推出左外賣自取每個餐都包餐湯，識揀一定係揀佢地出名既羅宋湯，十分足料，入邊仲有唔少既牛肉粒同埋碗湯分量好足，飲完湯已經半飽今次試佢地既焗吞拿魚意粉，可能多人落單，焗得有d焦，相比下我鍾意肉醬意粉多d屋企人選擇黑椒牛扒飯，餸碼好大，睇唔出只係50蚊個飯牛扒當然唔係靚，但質素對得住佢既價錢另外仲包一杯野飲，我要左紅豆冰，都ok,紅豆夠淋最近屯馬綫開通黎到土瓜灣可以一試呢間餐廳

同老公一齊左就快七年，發覺原來咁多年黎都未試過一齊鋸扒😅因爲我地兩個本身都偏愛中菜。難得本來唔多食牛肉既我，今日突然好想大大啖食牛肉，所以放工就去左呢間舊式港味扒房嘆返個鐵板餐。原來打算食其他貴少少既西餐廳，但咁random食一餐又廢事破費。見到OpenRice呢度個紅湯咁足料，牛扒好評又多，雖然餐廳似花園扒王咁麻甩左少少，但平有平食，都應該絕對夠我過下口癮既！於是二話不說，放工就過左來。大概七點左右到(平日)，餐廳一半滿座，唔洗等位。餐廳格局似茶記，有卡位。裝修雖然舊，但都算打掃得乾淨，屬可接受範圍。餐牌: 第一次食，就梗係食返招牌鐵板餐。本身諗住揀大過塊面既T骨，但竟然賣哂🙁所以最後都係揀左一份牛仔骨同一份牛柳，兩個餐都配黑椒汁。前菜: 羅宋湯加餐包餐包唔多講，都係standard 野，大x樂同款。不過餐包上既時候係微熱既。羅宋湯就真係如其他食評所說一樣咁足料！好多椰菜同蕃茄，入邊仲有起碼四舊牛肉。雖然牛肉唔係好嫩，不過我覺得有肉已經算係好足料，對於保湯既肉我要求唔高，食唔食都冇所謂。而湯嘅蕃茄味就真係好濃。雖然飲得出係茄汁同茄膏嘅味，不過其實羅宋湯個做法就係咁，唔通真係搵一噸蕃茄

之前在這間餐廳飲過個跟扒餐嘅羅宋湯後一值念念不忘，總覺得係以現時呢類港式平民扒房/個湯底算杰，不似一般餐廳的稀如水，而湯料亦足，除應有嘅蔬菜外，湯内更有肉塊，呢個餐湯真係交足貨，而扒餐方面，當日我和靚媽，细仔仔合共分別柯打了三個扒餐，包括西冷牛扒，黑椒牛柳，及羊扒，論味道算OK嘅，再以$135一個扒餐，有埋牛油餐飽，餐湯，餐茶特飲，再跟一杯啫喱做甜品，又有待應為你服務，都吾應該要求咁多啦，總結平民扒房，室内氣氛，餐具擺位，枱椅款色充滿七，八拾年代感覺，此店值得捧場。

收工星期五緊係食好啲啦，今次黎土瓜灣食呢間扒房試下，茶餐廳咁既樣既扒房lol, 幾有懷舊既感覺既。最後2個人都叫左西冷扒125蚊。首先黎到既係餐包同湯，幾好味架，紅湯好濃下又大大碗，不錯。主菜黎啦，叫左汁另上，點知無。。。又要再等終於到啦，黑椒汁，5成熟，牛扒都幾大塊幾厚黎到既時候仲有查查聲 岩岩整好。食落好多汁呀，又有牛味，估唔到都幾正。仲有啲雜豆，薯條咁。野飲叫左雜果涼粉冰，普普通通。唔貴又幾好食，會再黎。

大慨呢 d 就係治愈我心的 comfort food，利申中學時間中有食，當時只有呀sir同有錢同學先幫襯得起，我間中都會去，所以每次食都開心得要寫日記咁滯。。。長大左先識真正西餐係另一回事，叫六成半熟原來會比人笑不過唔緊要既，中學雞果時邊識咁多，而且呢d先係我呢代既集體回憶。前幾日要去土瓜灣工作，六點收工行過呢到，見到門面都係同二三十年前一樣，土瓜灣已經有地鐵，相信唔洗好耐都會重建講bye bye了。下次再經過可能又三兩年後所以雖然下午茶未落格都入去食了個 $130 鐵板牛柳。呢兩年因為疫情經常在家煮食，買一塊同價既牛扒可以煎得好好食，所以現在對煎牛扒標準都高了好多， 不過咁樣比較唔公平既。講返食物，用同類既豉油西餐餐廳比較，我覺得完勝了花園/金鳳/第尾。無乸口既蘇打粉鹼味，肉又無太硬好難吃。份量在相片反映到，有2塊大約250g既牛柳，只係覺得蒜容汁太多生粉。個羅宋湯酸了點，不過我回憶就係要呢種味。一邊食一邊欣賞佢地既menu，上面寫住佢地知自己唔係100分，只求有60分客人覺得ok會返轉頭。都幾老實，味道係60分左右啦。到最後waiter問啫厘要唔要落花奶，果刻又係勾起一陣中學時期

服務差，冷氣吾夠食到出汗，嘢食又難食，白湯係面粉湯，價唔係貴 正常就冇乜要求嘅，但係真係唔係普通嘅差，仲要趕人走， 投訴無門，垃圾中既垃圾， 好多人排隊我覺得應該係又有人宣傳， 上面既評分好假