哥登堡餐廳

營業中

休息中

我自小住在愛民村,就讀學校亦在愛民村,在校內認識到很多同學來自土瓜灣,所以,土瓜灣成為我最常到的地方,無論溫習,玩樂,上朋友屋企,打籃球,踢足球,食飯都在土瓜灣...哥登堡,一看門口已經知道是老牌洋式餐龐,這裡的價錢比起附近的茶餐龐,比較貴,但是,我最鐘意去既時候,係下午茶的時段,因為下午茶的價格對當年還是學生的我仍接受到...其實,他們有好多食物都好有水準,但我最鐘意食既,莫過於乾炒牛河了,炒得夠乾身,而且河粉唔會一夾就散,牛肉亦軟硬得宜,縱然因為下午茶既關係,份量會比較少,但係,我始終熱愛...而且連飲品都只係$22..所以每次一有時間,經過土瓜灣,我都會去幫襯一次...至於奶茶咖啡,唔好期望佢地會好好飲,佢地既奶茶太多冰了,就算嗌左少冰,都係冇用...每次同舊同學重臨哥登堡,多少回憶就在心頭...

呢間土記極老牌嘅餐廳，自小响附近返學時已日日經過，但細細個時候，銀根短缺，邊有能力响呢間當時算叫做較高消費嘅餐廳食lunch ? 都係响學校門口嘅飯盒車買個飯盒，或買幾蚊燒賣粉果食就攪掂一餐...年紀大咗，經濟可以負擔得嚟，來到呢度，總有種時光飛逝嘅感覺...簡簡單單一個麥皮餐，配腸仔蛋。味道絕不會比附近茶記標青，甚至可以講係仲差D添，但老牌高級餐廳，始終有一份優越感，價錢總係會貴一D...吃的只是一份情懷。想要食好D又平D，你一定唔會選擇呢度...

情人節晚上, 原本想著由老公下廚, 點知由於時間關係, 最後都係選了屋企附近的哥登堡, 這裡沒有因為節日而加價, 有人在外排隊, 等了一會, 便有卡位Order 咗一個晚餐一個扒餐, 水準可以, 勝在夠平夠classic, d waiter 又醒目

琴日又去食過..係門口等左陣.白湯好咸~個個staff都好似好趕甘= =我停手休息下,碟野仲有4分2,佢就想收,好在我話仲要..之後我食多左少少,同朋友傾計咪又停一停囉,佢又問我收得未= =我咪話未囉!!再過多陣,我仲有成舊肉係碟到,佢就問都無問收左!!勁炆!!甘趕住去死咩~之後雪糕.佢又係問都無問就比左雲尼那味=_=唉無野好講食物份量又少左不過都係抵食服務就差左好多食物都要改番好

好抵食~1個set有成6樣野!!soup.餐包.前菜.主菜.甜品.特飲~勁正!服務就一般lol 不過都值得試下!個田螺好好味.諗起都想再去=]

曾幾何時，好像在這裡吃過，如沒記錯，是紅湯加疏打牛的扒餐。天時暑熱，找處地方避避太陽也好，這裡空調強勁，就進來吃個下午茶。這裡是豉油西餐廳的格式，昏昏黃黃，直角卡位加四人散座，半明不暗的，也是個人偏愛的格調。下午茶餐也有不少選擇，就要了個吉列豬扒沙律。吉列豬扒是雪藏豬柳，大大塊加上給化學醃得腍腍的，可幸還是炸得熱脆，未至於一無是處。在豉油西餐廳的菜色中，沙律也佔一席位。這裡的沙律，有蘋果、菠蘿及紅腰豆，加上沙律醬，吃起來很酸。比較起心目中最理想的豉油餐廳沙律，還欠了蛋及薯仔。熱咖啡普普通通，加上用個普通的玻璃杯盛著，更覺普通。埋單廿四蚊，夠便宜。

早幾日同個仔食晚餐,俾佢見識土瓜灣最舊西餐廳.呢度幾十年如一日,但雖舊仍未至於殘.晚餐$45包湯,頭盤,主菜(可以揀兩樣),甜品及飲品,陣容就夠大,其他就好一般.最欣賞係焗田螺,D薯茸好正,可以比美大餐廳,份量好大,一個人食唔哂,味道就麻麻地,不過唔會難食.

大件夾抵食，但不是勁好食~同是土瓜灣區的話，我prefer 金加利冰室但雞扒& d 田螺幾好食吉列o野就no good....仲有杯什果賓治呢.....藥水到爆不過最後o既朱古力雪糕好好食! 仲要有chocolate chips wor! 好味!

記得出做時，經常土瓜灣區活動，就已經見到呢間舖，當時講算係高檔，同區西餐亦算首屈一指，當年曾經約女仔食飯。今早舊地重遊，發覺門庭依舊，廿年來無乜變化，依然黑沉沉，雖然不至於殘破但都幾舊。晨早到哽係要食番個早餐，選擇唔少，大致由$16至$20。今次要薄牛扒跟煎旦、餐肉及腸仔，全部都係即做，唔會凍冰冰，牛扒重有水準，唔又唔會醃到無味。至於杯奶茶就茶味夠濃，亦算香滑，但同區輝香園應該好D。雖然以裝修講，好多新店比佢好，但食物質素咁多年仍可以保持水準，怪唔得依然屹立不倒。

我印象記得這間餐廳已經超過大約二十幾年咁耐,我以前去過土瓜灣偉恆昌這間哥登堡餐廰,這間餐廳都幾大,但是食品就普通啦......但今次我再去天光道這間餐廳,覺得入面裝修侬然是好懷舊feel,我和兩個朋友入去,我就order左鐵板牛仔骨要全熟,忌粟米湯好味道,我個男性朋友就order左鐵板西冷牛扒五成熟唔要汁,另外一位女性朋友都係order左鐵板西冷牛扒五成熟要黑椒汁,佢話個羅宋湯very good同埋牛扒非常之好味道,男性朋友吃完一份西冷牛扒話好味道,又叫多份西冷牛扒同埋焗肉醬意粉,全部吃清光仲話未試過吃這麼多,佢以前去過這些高級餐廳吃牛扒都覺得比唔上這間餐廳超好味,價錢又抵,我吃過牛仔骨都好味,跟有位高大靚仔waiter,好有禮貌同笑容問我咃要雪糕或喱,我這位女性朋友問佢可唔可以要2個雪糕,佢就話可以,問我仲要多個雪糕嗎?我話非常之飽,總括全晚不論環境,食物及價錢都相當very.....very.....good!!!我班朋友話下次一定再過.....

十多年前去過哥登堡，唔記得食乜，淨係記得食完之後同女朋友過左一個肚痾既晚上．．．今晚舊地重遊．．．門口冇乜變，裡面光猛左，多左兩部電視，少左格仔枱布，冇左皮造既Menu．．．傳統老西既格調都冇埋！唉！四個人去，叫左T骨，牛仔骨，什扒同吉列豬扒；先嚟餐湯，味道好港式紅湯白湯，叫做過得去；再上鐵板，T骨要五成熟變八成熟，冇肉汁冇口感，但尚算有牛肉味；牛仔骨超級腍，掂一掂就離晒骨，冇左輪骨既樂趣；什扒塊豬排鞋口，煙肉太乾，腸仔皺皮，雞翼冇味，牛扒好似一般午餐貨式，驚喜係加左個什扒餐中久違了既荷包蛋。吉列豬扒唔夠鬆，但算OK。到餐飲，茶底太耐冇換，攪到檸茶同奶茶好澀！紅豆冰唔係用刨冰，而且稀到水汪汪！雖然話五六十蚊個餐，唔可以太苛求，但係咁既質素真係令人好失望！仲有，D侍應顧住睇無記新劇賭場風雲．．．唉！雖然aged（簡單黎講係屠宰後放入冷藏櫃十零日，等牛扒本身既酵素發酵，令肉質變嫩）既牛扒要響高級扒房先食到，但大部份港人食到好腍既牛扒就話好味好正，攪到D餐廳用盡方法整腍D牛扒，攪到冇晒牛肉味，食到既味只係醬汁！平有平吃，咁樣好似浪費左．．．

必食推介-法式焗田螺, 熱辣辣, 蒜蓉牛油好香,田螺好滑好軟乾淨冇粒粒3人分別試左免翕牛柳碟上,蒜蓉雞扒碟上及鐵板黑椒紐西蘭牛柳套餐: -個紅湯好得, 酸辣香配合得洽到好處-扒都唔錯-仲有餐包,飲品同甜品(雪糕或0者0厘)好滿足!

在貴網近期飯聚上,也能結識一些新晉食家,其後有個習慣,就係會特意去其專頁,睇下佢地的食評,大約知道口味,風格如何,往往有所得著.P.J和貴刁前後寫過土瓜灣的老牌西餐"哥登堡",小弟進佔土瓜灣十年,只係去過已關門的偉恆昌店一次.在德發商場隔離,座落在四層高唐樓之下的老店,長年過門不入.見他們在食評中也有正面評價,於是踢住對拖去午膳.在老區的舊老西,應該有其一套.其實大約都知係格式係點.檯面一定有茄汁同李斯派林,糖盅等等.晚餐通常以鐵板餐為主.牛豬扒加些波浪薯條作伴菜,一記黑椒汁耍在鐵板上.沙沙聲的動人旋律,細細個聽到會好開心.吃鐵板餐,等於吃大餐.唔使下下等到聖誕,理得塊扒有無加過梳打.抱著懷舊的心情前來,時光倒流二十年,昏昏暗暗之格局,人到中年的侍應.只係食客服飾,件Blazer膊頭唔係加左Pad,亦無人著高腰蘿蔔褲配高筒Yasaki.電視的新聞主播,幸好唔係蘇凌鋒....午餐最平$28,最貴都係三十幾.附近校網龐大,午飯時段,學生哥佔大多數,一邊食飯一邊打PSP,佢地對此港式老西,似乎並非當係一回事.$28一個鴛鴦扒飯,排陣1-1-1,頭陣的羅宋湯,港式做法,多渣,甜甜地,辣辣地,幾

見到女友J好努力咁不斷寫食評, 自己就剩係食無咩貢獻, 覺得唔係咁好, 所以決定開始寫番下.搬左去土瓜灣後, 久唔久就會食下哥登堡, 主要係因為平靓正. 呢區佢算係老字號的餐廳.早餐$18, 午餐$30, 晚餐$50-80, 味道唔算特別出色, 但份量夠, 服務態度ok, 供應的肉當然不是上等貨色, 但比起一d所謂出名的食扒餐廳反而好得多, 難怪成日排隊排到要企出門口.不過呢度裝修仍然停留在20多年前的模樣, 加上無禁煙區, 只要一個無公德心自私的煙民就足以令全店臭哂……

係咁多間扒房之中，首推於此：就係鍾意佢唔出名。當日走去試既原因有三：（一）唔明點解個樣咁殘都唔裝修同唔執笠；：（二）唔明點解個鐵板扒餐咁多野食；同埋（三）點解個咁既鐵板扒餐$45（晚市，唔係特價！）。要o左羅宋湯（連包）同鐵板羊扒。羅宋湯係「莎蓮娜」類：濃、自家製、多料。包係茶餐廳（或者「花園」）先會serve 既大餐包。羊配黑椒汁同薯菜，係「金鳳」類：「梳打」羊好唔好食當然見仁見智，但佢serve 得俾「金鳳」大份，連D service 都似「金鳳」。唔同既係，哥登堡係serve 得慢，甚至「好慢」：佢會等你飲完餐湯先逐個扒煮，少D 耐性都唔得。當然，事後番你開心，敬送雪糕/喱一客。我以上quote 既扒房名純粹係為o左方便比較：哥登堡無論質素、質量同個價都贏哂。但願佢繼續唔出名，唔好變快餐。* 佢其他晚餐都係$39（中/西式），個結構基本上同鐵板扒餐一樣。