品穀

營業中

休息中

品穀 #佐敦之前都已經係咁講佢哋嘅麵包bagel真係好好食，今次試埋佢哋嘅曲奇。海鹽焦糖碧根果曲奇 $25無論係口感定係味道都超級豐富。首先面頭有海鹽焦糖，甜得來隱約食到啲鹹味，鹹甜交集得好好。然後碧根果亦都非常脆口。曲奇唔係我哋平時一般食開嘅口感，而係比較似消化餅、合桃酥，非常酥脆，但因為入面仲有cookie dough，所以個口感比一般嘅消化餅合桃酥更加豐富，仲會有啲濕潤。總之，成個曲奇嘅口感味道都好獨特！味道:4.2/5性價比:3.8/5

這間麵包店口碑不錯，經常聽到好評，而我吃過幾次都ok 的。唯一問題是：款式比較少，有幾次去到bagel都只得原味，今次買到綠茶味。宇治納言比高（$24），bagel 來講算好細個，餡料唔算好多，不過幾好味。包體煙銀，算係高分口感；餡料好味，有紅豆蓉和mochi 。可惜餡料分布不平均，餡料亦不算多。不過係幾好味，價錢唔算貴，會再回購。伯爵茶卷蛋（$33），口感都相當鬆軟，絕對可以媲美不少五星級酒店的蛋糕。咬下去時空氣感十足，中間的奶油口感輕盈，不會甜得過膩。每一口都感受到淡淡的伯爵茶香味 ，滿分！

本身唸住淨係去買個牛角包試下🥐但去到見到好多包都好吸引 忍唔住買咗4⃣個食😅食得出真係用好多心機去整 牛角包嘅鬆脆程度💯番到屋企用焗爐焗咗陣再加d蛋汁perfect😍另外想推薦大家試下個榛子包😋裡邊有一粒粒嘅榛子再加埋榛子醬 口感非常豐富 但又唔會太膩👍🏻 講真麵包來講真係有啲貴🙈但個人覺得真係對得起個價錢😋值得一試😆.croissants here are absolutely amazing - flaky & well defined layers! the hazelnut bread was surprisingly delicious, the sauce & the nuts were well-balanced which gives you an unique texture while eating i enjoyed everything i had at Big Grains! will definitely go back again try their bagels 🥯 as well as cakes 🍰 they are slightly expensiv

今日去尖沙咀睇戲之前，去左佐敦食飯，咁岩經過品榖！之前寶仔已經好想試，再加上寶仔最近好迷貝果！所以就買左黎諗住做聽日早餐！肉鬆海苔貝果($23)寶仔將佢放入焗爐，焗熱翻五分鐘，已經熱熱地，個皮幾脆口，內裏幾軟熟，美中不足既係其實寶仔唔太中意食肉鬆。。但當時原味同抹茶味都已經賣曬。。希望下次可以試試其他味道！紫薯包($18)張生揀左紫薯包，想健康啲，見到佢入面都幾足料嫁！張寶仔最中意支持小店😀 寶仔相信一日既開始係會影響全日既心情，所以好味既早餐可以為我地帶黎開心活力既一日

品穀 #佐敦上次食完佢嘅宇治比納貝高覺得好正，真心係我so far係香港食過最好食嘅bagel，所以今次試埋佢另一隻味。海苔肉鬆貝高 $28貝高嘅韌性同宇治嗰個一樣咁勁，甚至比好多台灣嘅貝高更有咬口！而且鹹嘅貝高真係比較少見，呢個海苔肉鬆做得好好，我好怕啲肉鬆會食到好乾，但呢但香得黎又唔會乾得制，食完之後真係好滿足。味道: 4.3/5性價比: 3.8/5經典牛角$23另外上次好晏去到，已經賣曬佢地最出名嘅牛角包，今次終於試到！佢外層的確好鬆脆，入面一層層嘅酥皮都幾香牛油味，帶少少煙韌，要用少少力撕開，都算係幾高質嘅牛角包，不過如果牛油香可以再勁啲就更加正。味道: 4.2/5性價比: 3.8/5

Tried pistachio cake last time, the taste is so special which is totally different from the one tried in chain bakery 😍😍so I decided to try their bread products this time牛角包係它們既top sell, 不過今次我冇叫croissant, 叫左核桃包 hkd23俾完錢之後可以叫店員幫忙加熱，外脆內軟，再加上甜甜的walnut 😋😋

品穀 #佐敦記得年幾兩年前佢啱啱開張已經有好多人討論，有好多人都話好好味，尤其是係佢嘅牛角包，有好多唔同口味，仲會即刻新鮮打啲忌廉入去。仲記得嗰陣唔覺得太impressed，相隔年紀之後再試佢其他嘅包，覺得佢哋進步左好多！伯爵茶Scone $18好香伯爵茶味！好難得係坊間嘅麵包舖可以買到咁香茶味嘅製品，真係好有驚喜！而且佢嘅外型仲係非常正宗，中間真係有一條痕俾你界開揸醬。唯一可以改進嘅係佢嘅質地比較鬆散，我個人比較鍾意黏身少少牛油味重啲嘅鬆餅，呢個好容易一咬就已經散開曬。宇治比納貝高$28呢個係我喺坊間麵包舖食過最有韌性嘅貝高！之前喺新蒲崗嗰幾間好出名嘅麵包店買過都有啲失望，口感比較似麵包。但係呢一個真係好韌，甚至比好多台灣嘅貝高更有咬口！而且佢嘅抹茶味都算香，雖然未夠伯爵茶咁強，但係已經勝過晒一般坊間嘅抹茶味！而且佢入面包住微甜嘅紅豆同埋一粒粒麻薯，都幾好味。唯一係因為我食開無糖健康嘅貝高，所以食呢一個嘅時候會覺得佢個紅豆餡有少少甜。不過整體來講已經係喺香港好出色嘅麵包店。味道: 4.4/5性價比: 3.8/5

難得要去尖沙咀食素食自助餐咁就唔爭在行到去佐敦品穀買埋聽日早餐今日夜晚七點到佐敦都仲有幾款麵包可以揀今次就買咗朱古力牛角包 杏仁牛角包 同埋朱古力蛋捲當然仲有佢哋招牌牛角包 一共埋單$122朝頭早用焗爐焗返熱食味道同剛剛出爐一樣外脆內軟只有品穀先至會做得到個價錢同佢嘅材料係成正比好多人唔知其實牛角包係好難整要用好多心機心血先至整到一個好食嘅牛角包加上佢嘅材料列明晒出嚟一定唔會食到啲差嘅材料真材實料每一次經過都會買支持本地麵包店

中秋收琴朋友送嘅月餅，原來係品穀出嘅，以前淨係食過佢啲麵包，估唔到今年連月餅都出埋！包裝係藍色為主，盒面仿窗花設計，都幾有意境得黎又夠晒體面👍🏻總共有3隻味：原味、咖啡同Earl Grey，試過品穀嘅伯爵茶麵包同scone，Earl Grey月餅都一樣，經典嘅點點嘅茶葉碎，差啲嚇親媽媽以為發左mo😆入口茶味充滿口腔，吸啖氣都係earl grey味！餅皮鬆脆，整返熱中間嘅麻糬夾係金沙奶黃餡中間，成個配搭好正！朋友話好彩訂得早，限量發售差啲買唔到，唔知下年佢地仲會唔會出月餅呢👀

午飯時段過去睇下有咩好牛角酥買喇可能遲左 所以款式比較少見賣相吸引 結果買了榛子朱古力酥雖然放了好一會先食 但外層仍酥脆 最重要係唔會油淋淋 感覺健康d👍瓣開个麵包 真係好有驚喜原來有大大粒既榛子🌰 同 朱古力醬🍫好惹味 簡直好似食緊繽x樂咁 非常yummy 😋

隔離店食完lunch, 就見到依間新式面包店其實係ig 已經成日見到佢個廣告都覺得好吸引所以都特登買幾樣試下最吸引係門口d 蛋卷，有我最愛既伯爵味梗係要一試番到屋企先知入面已附叉仔，個設計好好蛋卷鬆軟，有淡淡伯爵茶味，唔會搶左cream 既味cream 屬於厚實個種，唔算滑，但係隻伯爵茶味好出，同個蛋卷體好夾，一d 都唔會好甜，鐘意食伯爵茶既一定要試依個比錢個陣見到cashier 隔離有伯爵scone, 當然唔執輸要試埋scone 既伯爵味無蛋卷甘出，但都算豐富，scone 口感岩岩好，表面硬身d, 入面唔算硬，食完一d 都覺口乾，自己配埋jam, 一流最後當然試埋佢既包，依個係我第二日做早餐核桃量ok, 但係外面硬硬地，入面超鬆軟既口感真係好好味，外面都有好多貴價面包店差唔多價位，但核桃包都係一係好硬身，一係好軟，所以依個價錢佢比到相應質素，真係好得！ 個種面包鬆軟感，真係好正！仲要擺多左成晚都keep 到雖然依間店價錢較貴，但試左三樣野都超水準～～～實會encore

之前一直看這家一直想去試一下，但是都沒有專門過去，這次在附近吃飯，七點鐘不到已經所剩無幾，巧克力蛋捲味道一般，有個什麼曲奇饼干，酥酥脆脆倒是很好吃，還買了一個紅茶麵包，味道也不算太好

一向十分欣賞整得好靚既生日蛋糕。上網見到呢間有好多好靚既蛋糕，仲有唔少好評，但價錢頗貴，反覆研究好幾日，思前想後決定試試佢點解咁貴！日本柚子蛋糕$580切開蛋糕散發出陣陣柚子味，入面有柚子慕絲，柚子蛋糕，杏仁脆餅。食落柚子味好濃，但略嫌蛋糕外的朱古力太甜，蓋過了柚子味，令蛋糕食落唔夠清新。餅底比較厚，係杏仁脆餅，有咬感又結實，係整得唔錯既餅底。總括而言，係賣相高分，食落普通，無咩特別。食完再睇返website, 發現減價了，竟然有$380 1磅，我買的時候只有一個選擇，雖說我買的是1.5磅但如果有選擇我會選1磅的呢🤔蛋糕附送的切餅刀是stainless steel，挺漂亮的。

擺了一晚當早餐吃，麵包沒有變硬芝士核桃包 21麵包鬆軟帶麵粉香，吃起來有淡淡的甜味，一開始吃還覺得沒什麼餡料咬幾口吃到裡面後，非常足料，芝士大大塊還有核桃粒，兩者搭配得很好，核桃本身的香氣和油脂加上鹹鹹奶味的芝士，完全不會膩，適合不喜歡吃甜的人一整個包份量十足，早上吃完撐到中午都還飽

瓶子漂到佐敦，走著走著，不知不覺，有點肚餓。路過了熟悉的澳牛，時間關係，沒充裕的時間坐下進食。簡簡單單，方便快捷的吃個包子。走進品穀，一列整齊的木系透明櫥櫃，放滿了麵包，彷彿是一堆藝術品一樣。每次來到麵包舖，也有身置藝術館的感覺。畫面真的好美，很治癒。瓶子是個貝果控、貝果飯。有貝果的地方，就有瓶子，也能把貝果當飯吃。麵包控對品穀不會陌生，品穀算是早期興起的本地手工麵包店。主要售貝果、可頌、法包。佐敦店很貼心的提供翻熱服務👍🏻👍🏻貝果是日式那質感，鬆軟有回彈。宇治納言比高，抹茶紅豆麻糬餡，紅豆麻糬是很正常的甜，貝果以抹茶粉製作，有回甘。既能為生活添一份甜，也有一份苦苦的滋味。