品穀

營業中

休息中

今輪抹茶祭在佐敦店一口氣買了三款抹茶包。當天是星期六，中午一點半開始排隊，差不多一小時後才有食物到手。下一輪將於十一月廿六、廿七荃灣店發售。抹茶牛角 ($40)• 大致分成三層：頂部配有燉蛋奶油，再放上一顆泡芙、抹茶餅和抹茶達克瓦茲。• 牛角包本體外層非常香脆、牛油味突出，內裡做得纖薄同時非常煙韌有口感。• 包內的抹茶忌廉極之順滑、抹茶味濃，而甘味相對較低。抹茶生乳 ($26)• 包的本體和裡面的麻糬同樣煙韌，口感十足。• 表面經過烘焗處理，配上抹茶糖霜，加添幾分香脆。• 包內除了麻糬，同樣充滿抹茶忌廉⟡ ໋ 八女抹茶圓頂 ($50)• 頂層的是脆皮泡芙，表面非常香口鬆脆，內裡則充滿抹茶忌廉。• 中間是抹茶蛋糕，口感香軟、濕潤度適中，最底的是抹茶脆餅。• 整體由軟滑到脆口，是一款口感豐富的甜品。

✿年度品穀福岡八女抹茶祭✿又黎到品穀一年一度抹茶祭，用上100%福岡縣八女抹茶🍵，具有香濃和醇厚茶味，作為一個抹茶fans，當然要去捧下場😆今日新鮮熱辣辣去咗灣仔店排隊，準時一點到已經見頗長人龍，店員話每日每款只會出300個，好彩最後都可以買到想試嘅款，每人不限購喔❤️😍!有興趣朋友記住mark實日子去啦😆灣仔店 11/11-12/11佐敦店 18/11-19/11荃灣店 26/11-27/11⭐️限定1pm開賣⭐️—————————享用食品總結:🥐抹茶牛角-香脆又多層次嘅牛角包，外脆內軟，入面有抹茶鮮忌廉，超濃抹茶味，食完個口有茶味嘅回甘，香濃醇厚😳，牛角包面上有法式燉蛋cream，脆皮泡芙，抹茶脆餅同抹茶達克瓦兹，一次過滿足你四個願望呀😝🍵抹茶生乳-簡單嘅一個包，內含好多驚喜，首先個包係菓子麵團整，濕潤嘅面包包住入面抹茶生乳忌廉，加上超出色煙靭嘅Mochi🥹，好好食🥹，每啖都爆曬cream🍞焙茶生乳-見到蜜瓜包形狀嘅焙茶包，即刻都想買黎試下，用咗香月園焙茶粉，面層有焙茶菠蘿皮，好香脆，內裹嘅焙茶忌廉同抹茶隻唔同，呢隻係挺身少少，但都好香濃，入口即溶😳—————————評分:💰性價比: 8

🐭 米奇老豬Vol. 272 🐷［品穀］老豬每次經過品穀都會比佢地嘅透明櫃吸引到🤭因為真係擺得好靚 勁色彩繽紛！各位包控有無推薦邊款必試㗎？ 🍞.🐖🐖《芋泥盒子》🐖🐖💰$23💰吐司體係類似生吐司 鬆軟 奶味重 牛奶室溫食微乾 但翻熱後就無左呢個問題～面頭嘅奶酥嘅芋味就唔算出吐司入面嘅芋泥口感綿密 偶有芋粒 👍🏻而且甜度恰到好處食到芋頭天然甜得來 又唔會過於乏味芋泥同吐司比例大概1:3私心想多d芋泥 或者加埋麻糬🤭不過體積偏細 食完一個要加多兩隻蛋先夠飽😂.❣️🐭總評分🐷❣️味道：8.1/10服務：N/A環境：N/A性價比：✴️ 中低 ✴️ （呢個價錢我可以喺百事吉買2.3個芝麻吐司🥹）ENCORE：🧐 .自費️⭕/試食.📍品穀📍灣仔太和街10-20號福和大廈地下B舖荃灣大河道100號海之戀商場地下G18號舖佐敦白加士街61號地舗#米奇老豬_灣仔區#米奇老豬_荃灣區#米奇老豬_油尖旺區#米奇老豬_包#品穀 #biggrains #灣仔美食 #佐敦美食 #尖沙嘴美食 #尖沙咀美食 #荃灣美食 #海之戀 #芋泥盒子 #芋泥 #芋泥控 #生吐司 #芋泥吐司 #芋頭控 #芋泥包 #香港麵包 #香港貝果 #

建議：蛋糕盒底有放左一包雪種🧊 不過天氣實在太熱，自取時店員都有提醒盡快放入雪櫃👍#品穀 既蛋糕同麵包都都屬高質之選，之前物色緊原個蛋糕，甘岩碌開艾豬🎂 見到有幾個介紹佢地既開心果蛋糕Post📸 原個#開心果蛋糕 都算係幾難得，到底係咪真係#開心果控 必試呢💚今次試左：▫️開心果慕斯蛋糕蛋糕有3️⃣種尺寸，視乎食用既人數最少係1️⃣磅。每個蛋糕都配一把好高質既不鏽鋼刀，係取餅時店員都有提醒要洗一洗先好用。整體既外型都幾靚，面層有青蘋果片擺設、開心果粒同淋面。切開後層次分明，不鏽鋼刀切真係好岩用👍🏻因為底層既脆底如果用膠刀應該都幾難去切得完整😌整體味道唔錯，雖然未有相像中有超濃既開心果味，不過每層既配搭得宜，甜度算適中。坊間上真係比較少見有開心果蛋糕，所以依款蛋糕對#開心果控 算係其中一個選擇💚

傳統月餅（陳皮紅豆&桂花蜂蜜五仁）2022年6月30日上網訂購的月餅,今天下午終於收到月餅,急不及待地品嚐了陳皮紅豆月餅及桂花蜂蜜五仁月餅.烘焙師技藝高超創新與突破傳統月餅的製作,其清爽好味道完全沒有傳統月餅的油膩感；陳皮紅豆竟然突顯出紅豆泥的豆香及其甜度；桂花蜂蜜顯露果仁香脆；以前的曲奇餅皮還有一點點牛油的油膩感,現在月餅曲奇餅皮完全是完美不油膩,唯一缺點是吃完一個月餅,立即就想到另一個口味月餅的味道如何.

- 品穀係一間新式麵包店，自己都喺度買過幾次麵包，所以今次想同大家分享吓🙌🏻•🍫Mocha dice 朱古力咖啡骰仔💰25最鍾意呢款👍🏼 麵團用咗西班牙可可粉同埋比利時朱古力，連埋朱古力粒令到朱古力味道濃厚；而裡面嘅咖啡忌廉令到成個包唔會太甜，有啲回甘嘅味道，推薦大家去試🥰•🍄Truffle super mushroom 松露超級蘑菇💰24 麵團裡面有自家調配嘅黑松露蘑菇芝士餡，黑松露嘅香氣頗突出，入口都食到一粒粒嘅蘑菇；不過個人麻麻哋嗰種重啲嘅松露+芝士味，可能share食會好啲🤔•🥖Mentaiko baguette 明太子法棍💰26 欣賞店家將法包切咗六件，唔單止容易啲咬，仲要每件裏面/之間都有明太子醬!🤩明太子醬食到有種海鮮嘅鮮味，不過略嫌個包有啲硬&乾、唔太脆 (不過明太子愛好者會鍾意佢嘅味道!)•另外佢哋最近新出咗高身布甸撻，有指定開賣時間，大家可以留意吓佢哋IG呀✨✨

唔知多唔多人鍾意食Bagel呢？🤣煙韌控嘅我表示好喜歡😋今日去開佐敦終於去到呢間品穀我同朋友去嘅時候都夜夜哋好多包都已經賣晒了估唔到Bagel嘅選擇都仲有好多😍開心❤️一個個漲卜卜咁掛晒係度好治癒🥰最後揀咗海苔肉鬆比高 - $23雖然係放到第2日先食但烘翻熱都外脆內煙韌入面佈滿住海苔，都幾香仲有滿滿嘅肉鬆☺️都幾重味令到Bagel唔會太淡味食一個飲杯咖啡就啱啱好可以有個Good Morning了😌

🍞店舖主打手作麵包甜品，無添加🥐經典牛角（A.O.P) 牛角包比出邊個啲大隻，食埋好鬆軟，牛油味好重，放過夜再用焗爐加熱，都保持到水準，焗完都唔會變乾🫶🏻想睇更多食評，記得留意IG __imfoodieb

呢一間麵包店嘅蛋糕真係好有驚喜🥳上次試咗個開心果慕絲蛋糕🎂成個蛋糕嘅開心果味好濃郁💚而且好有層次感！有軟滑開心果慕絲、香脆開心果脆餅、鬆軟開心果海綿蛋糕 仲有餅底 勁有口感😍

N年前試過食蕃薯包覺得麻麻地 所以品穀一直係我心入面係屬於普通既level直到早前見到朋友大推既開心果蛋糕太太太吸引我💚咁岩有bro生日 急不及待訂返個賀賀佢呢個蛋糕的確係真愛😆食完一直令我念念不忘然後過左幾日我再去買包包🤪整體有令我啲信心返返黎係值得再光顧🫶🏻🫶🏻✐ ✎ ✐ ✎ ✐ ✎ ✐ ✎⍥ 開心果慕斯蛋糕 ❙ $390 / 1lb🤤一打開個係好好好香pistachio💚💚未食已經心心青光眼！！首先最外圍係一層甜既glaze然後厚厚既開心果mousse 包裹住一堆「綠寶藏」🤤最底係餅底！！係餅底呀🥲太令我感動因為我係好鍾意食有餅底既cake🤩上層係香脆既開心果脆餅😋食到好多nuts 勁正講到呢到 你都想像到口感幾豐富啦！！再向上移係一層開心果海綿蛋糕軟綿綿又夠濕潤😝好好味成個蛋糕食落層次好分明 開心果味亦相當突出🥰！！畢竟係蛋糕及堅果都有一定既甜度及飽膩所以面頭旋風式既蘋果😆清新爽脆又解膩難怪一磅蛋糕 我自己食左3分2😌（wtf咁癲）每啖都食到開心果本人 😭😭堅濃郁堅興奮堅滾動～～⍥ 松露超級蘑菇 ❙ $24係 我承認我係睇樣而買🤭太可愛既白菇菇樣🤍包包質地好軟熟

黃昏時段到鋪，各個櫃內已清空大部分麵包款式。幸好想食既抹茶比高仍有數個，其餘款式好似：招牌牛角包、芋泥小盒、松露超級蘑菇等等都想試，但比伯爵愛文芒麵包吸引左，其他既唯有下次再試啦。宇治納言比高$25比高表現到應有外殼鬆脆，內裏柔軟有嚼勁。配上受喜愛經典抹茶紅豆麻薯餡料，味道甘甜平衡。伯爵愛文芒$36淡淡伯爵茶香麵包，餡料配上夏日時令食材愛文芒果稱用酒釀製過再加上乳酪醬製作而成。味道清新香甜，享受仲夏感覺。

買過百蚊麵包，對店員服務態度非常反感！黑面，非常不友善，好似得罪咗佢咁。店舖主打健康麵包，但咁嘅服務態度令人決定唔會返轉頭，好可惜。如果想貼錢買難受，推薦大家去呢一間。

尋日經過佐敦鋪頭，見都花多眼亂既包包，之前已經試過紫菜肉鬆bagel🥯，好食😋今次試下其他先～隔左日再番焗做早餐有：杏仁牛角、朱古力咖啡骰仔、伯爵茶鬆餅先講杏仁牛角🥐，唔知係咪隔左一日，牛角包既層次唔夠，但有鬆脆口感既，而且有杏仁片都好多，加埋灑上面既糖粉有甜甜既味道。🍫朱古力咖啡骰仔，內裡係朱古力包加埋咖啡朱古力醬，有少少空氣，而且包既質感有少少乾，但咖啡味突出，有個醬溝返勻，而且個size都大粒，食落都好夠。🍵伯爵茶Scone， 茶味突出，但略嫌就咁食有d乾，要拼返果醬或者clotted cream，個人認為茶香配clotted cream會match d😌

🥯Bookmark左 @big_grains 一段日子，主打喺無添加，感覺比較健康。店鋪的食物名稱牌亦會列明嗰款食物有冇包含蛋/奶/魚膠，方便素食者或者易敏感人事都可以清楚知道，覺得幾細心。宇治納言bagel🥯點解話不真實食評呢🤪因為我放咗呢個個包一個晚上，喺第二朝翻焗。外皮有一點脆脆（？），bagel是中度有咬口，帶點綠茶味，綠茶控來說有點失望。內裏有mochi和紅豆，mochi是黏黏的，紅豆幾甜，但亦不會過甜，是自然的味道。

午後嘅時光食返個健康麵包做下午茶！經過佐敦見到呢一間無添加本地麵包店，佢哋以有機麵粉製作麵包&甜品，麵包保存期短但無防腐劑，超級好！揀咗兩款造型比較特別嘅麵包試下。超級松露蘑菇 $24本身好鍾意松露醬，再加上見到呢個蘑菇造型即刻心心眼😍！估唔到麵包都配搭松露醬，裏面滿滿芝士蘑菇餡料好足料，連細細粒嗰舊蘑菇椗都有松露，滲出淡淡的香草+松露醬香味，呢款麵包本身質地係比較煙靭，沒有做到太鬆軟，可能擔心餡料比較多會令麵包太濕，煙靭質地就唔會變咗濕笠笠，覺得好好味下次會回購！明太子法棍 $26個面已經切開咗小小，原來係因為每一片都搽了滿滿的明太子醬！好香濃！個法包唔會因為擺咗而變得靭，好味！～食物：⭐️⭐️⭐️⭐️總結：雖然價錢唔平，麵包細細個，但呢間本地無添加麵包店好高質！暫時試過兩款都好有驚喜！好想心思思再返去買其他麵包去試吓！下次再經過一定要買吐司麵包、Bagel比酒粒B食！冇防腐劑俾小朋友食都安心啲！用心經營嘅小店！抵讚！