咖啡空間

營業中

休息中

放工想一個人去舒適嘅空間放鬆下，又或者想約朋友傾計，帶寵物出街都可以。地方幾闊落，有精品寄賣、特大螢幕直播奧運同埋可作音樂表演場地。 是日餐牌包括意粉、蛋糕，蛋糕款式因當日而定。 雖然蛋糕要少許時間溶雪， 但係都值得嘅。 桂花慕絲芝士蛋糕 $45 店員推介，幾少見嘅配搭，整體味道少甜，清香嘅桂花配合唔膩口嘅芝士蛋糕恰到好處。 薰衣草檸檬柚子茶 $30 （跟餐減$10） 薰衣草味幾突出，解膩同時舒緩壓力。檸檬柚子亦唔會太酸。

香港人生活節奏繁忙緊張, 真係要懂得搵個寫意空間去歇息一下, 悠閒地嘆杯咖啡, 而家精神健康學會推動330 是有需要的, 咖啡及音樂都係我嘅精神食糧, 咖啡空間便能一次過滿足2個要求, 除咗狗狗友善外, 咖啡空間特定日期及時間會有music show, 正!Cafe 空間感十足, 放了少量黑膠唱片, 特色相片掛滿牆, Cafe還有一個小型live band舞台, 過咗兩點非繁忙時間黎食野最正, 輕輕鬆鬆坐係度聽住歌, 上吓網, 聽下歌, 或者睇下書,  嘆耐咗都唔會畀人眼超超。Cafe 得兩個大menu; set lunch and drink, 叫得咖啡空間, 靚啡少不了, 一般大路咖啡外, 還有兩款手工咖啡供選擇。我的絕配下午茶 = Coffee + CheesecakeCappuccino 咖啡之吸引, 除了那陣醒神的誘人香氣, 還有讓人心花怒放的拉花藝術, 心心之花拉得很美啡味極之香濃, 奶泡打得細滑,  香濃滑口, 且熱力十足,  喝罷香濃而沒有苦澀嘅餘韻, relaxing自家藍莓芝士蛋糕當自家芝士蛋糕遇上真材實的自家藍莓醬, 便是這個樣子了。Mixed 埋有粒粒護眼藍莓醬

好友搬家，遷往北角，在開 House Warming Party 前，作為好姐妹，當然要前來打點一切。誰料，她的家還有十多箱紙箱未拆，數少時速速收拾......忙透了，連午餐還未享用，所以 4點前，匆匆地在屋苑附近找來一家咖啡店《Coffee+Space》。咖啡店空間感十足，雖未有華美的裝潢，卻有不少書籍及精緻的擺設，感覺悠閒舒適。原來這裡是一家寵物友善cafe，提供寵物 Buffet，店內還設有小型市集，有不少寵物用品及食品，更有我喜愛的榴槤月餅，真的相當吸引。下次有機會，一定要帶我家小寵來High Tea。食品選擇也不少，而且菜式也別具有思，這次我選了一客牛肉薯餅配意式肉醬意粉，雖然只得一塊牛肉薯餅，不過外脆內軟，厚厚的卻不會食到「成口粉」，加上拌上豐富的肉醬醬汁，令意粉更滋味。還有半隻溫泉蛋，蠻不錯喔！友人則選了韓風泡菜炸雞溫泉蛋飯，怕熱辣的 BeautySearch 起初不敢品嚐，誰料拌碟的炸雞不但不辣，反而充滿甜甜酸酸的滋味，拌飯最合適不過。來 Coffee Shop 當然要品嚐咖啡，咖啡細心地沖調，並拉出心心圖案，非常窩心。加上泡沬咖啡豐盈的奶泡，奶香搭配細滑口感，令人充滿

最近和男朋友到北角逛逛 雖然這裏是舊區 但不知為何在這裏會覺得歲月靜好 可以放慢平時急促嘅腳步.我們走到城市花園商場裏的一間咖啡店 看到它環境寬敞又有奧運直播就走了進去 原來這間餐廳是可以攜帶動物進入的 你看這隻小狗多麼可愛的坐上主人的腳上.環境不錯 咖啡和食物還好 我們叫了:1. 紅酒燒汁豬扒温泉蛋飯 (跟餐湯) - $60賣相正常 吃燒汁時吃不到紅酒的味道 豬扒都頗大塊 惟温泉蛋比我想像中有點出入 這隻只可算是糖心蛋吧🤔 🌟Rate: 6.5/102. 牛肉薯餅配肉醬意粉 (跟餐湯) -$60這個意粉比豬扒飯出色 牛肉薯餅嘅粉不厚 食落啖啖薯蓉同牛肉粒 而意粉硬度適中 味道甜甜的帶有香草味 🌟Rate: 7.5/10飲品方面我們加了玫瑰花茶和latte,可能玫瑰花茶太多冰味道偏淡 latte是頗fruity的還不錯.在這裏可以按著自己的節奏和步伐享受每一個時刻 黎飲杯咖啡都係唔錯嘅😌

❣️小兄妹relaxing time @Coffee+Space❣️今日同小兄妹一齊過大海去炮台山嘆lunch 😎餐廳喺炮台山城市花園商場！搭地鐵過嚟好方便！小兄妹揀咗日式和風味噌鯖魚溫泉蛋飯配花茶同埋湯😍鯖魚外層煎到脆卜卜好香口！最正就係個溫泉蛋！撈埋啲味噌汁一齊食超級惹味！我就揀咗明太子忌廉溫泉蛋意粉！意大利粉上面有超級多木魚絲！平時我哋要食小丸子先可以食到😆依家可以大膽大膽咁食啦😍仲有好多紫菜添！意粉爽口彈牙，撈埋粒粒明太子一齊食好creamy好好妹！小兄妹仲揀咗藍莓芝士餅做甜品！蛋糕好厚實，脆卜卜既餅底，藍莓醬放喺蛋糕嘅旁邊！可以自己按喜好加喺上面！小兄妹每一啖都加少少藍莓醬！每一啖都好棉滑😋😋

呢間餐廳地方好大，冇諗過喺炮台山竟然有一間咁寫意嘅餐廳，顧客先到職員度落單，然後拿着一個感應器回到座位，當感應器響嘅時候就可以返去領取自己嘅食物，我鍾意啲餐廳以半自助形式， 因為唔洗成日有人行嚟行去催我落單，又唔會喺我啱啱食完最後一啖嘅時候收走晒我啲餐具，有時候有呢一個嘅空間感其實都令我可以減慢節奏，放鬆一下，都幾貼近呢間餐廳嘅名👍🏻一個午餐連埋餐湯加飲品仲要冇時間限制都係$70，今時今日嘅香港地用$70可以買到一個慢慢享用午餐嘅空間真係好抵，最重要嘅係呢間餐廳嘅嘢食好好味😋牛肉薯餅配意式肉醬意粉牛肉薯餅剛剛炸起外脆內軟好好食，肉醬意粉用新鮮蕃茄製造而且個醬汁夠多，每一條意粉都可以掛到啲汁同埋有好多肉碎值得一讚自家製麻辣醬牛脷意粉呢個意粉好有驚喜，佢嘅麻辣醬好好食，冇諗過麻辣意粉原來可以咁match，而且牛脷超大塊又勁淋，呢一個意粉值得encore，而且佢呢個意粉唔會好淋，再落鑊炒過非常好食羅宋湯材料十足，好好飲原來呢間餐廳係狗狗友善餐廳，期間有一隻狗狗入咗嚟，大人小朋友見到都好開心，餐廳亦有寄賣狗狗嘅用品，養狗狗嘅主人又多一個可以帶狗狗去嘅餐廳選擇

黎左城市花園食午餐，呢間平民商場入面一上扶手電梯就見到呢間cafe，呢度原來星期六夜晚有live band，另外店鋪入面仲有賣好多其他嘢，食完飯或者等出餐嘅時候都可以望下。今日我揀左韓風泡菜炸雞溫泉蛋飯（$70），本身午餐跟雜菜湯。飲品我轉配Dirty (正價$35，跟餐$25)。雞嘅份量幾多，本身無落炸皮，所以食落都唔會好熱氣或油膩。雞嘅質感幾滑，本身個韓風汁亦甜甜地，送飯一流架。依家咖啡亦非常濃郁，dirty有明顯兩層。另外再加左個藍莓芝士蛋糕 ($35)，個質感唔會好膩或者好滯，份量亦幾大件，真係黎定個肚食先啱。而家適逢奧運時期，呢度有好大個屏幕可以睇奧運，幾有氣氛㗎。

呢間隱藏係炮台山城市花園一個商場上面嘅cafe位置好隱蔽，不過入到嚟就別有洞天，雖然格局比較街坊少少，不過可以坐好耐、食物咖啡質素又👌🏻又好抵食，間唔中嚟坐下做下嘢都幾經濟實惠。另外呢度仲有啲音響設備同好大嘅空間，可以俾唔同團體租嚟搞活動，用途多元化，仲會有啲小店係呢度寄賣產品，係一間良心cafe💛💛呢度嘅下午茶有三文治、沙律、每日幾款唔同嘅蛋糕，仲竟然有喇沙供應，平均都只係4、50蚊，加幾蚊就可以轉咖啡茶，仲有坊間cafe會有嘅咖啡，手沖都有☕️藍莓芝士蛋糕、Iced Latte一次我就嚟做嘢兼食咗佢哋嘅下午茶，藍莓芝士蛋糕好classic，cream cheese軟滑，好香芝士味但唔會好漏，藍莓醬落得唔吝嗇😋係一個容易被人遺忘嘅款式但做得唔錯。Latte偏nutty，飲落醇厚，都唔錯。黑糖合桃香蕉蛋糕、洋甘菊花茶另一日就嚟坐下hea下，呢個合桃香蕉蛋糕面頭嘅合桃令到個蛋糕幾香口，香蕉味香但唔會假，蛋糕質感尚可不過黏咗啲。加$5可以轉花茶，款式經常會轉，呢個凍嘅版本有唔少菊花花瓣，不過比較淡，似係菊花溝水而非花茶，麻麻哋😀人均消費：$50推介指數（10分為滿分）：7.5分

一號風球的星期一，是放假的日子，於是到港島剪髮，在之前先去醫肚，走到位於城市花園的咖啡空間用膳。餐廳在一樓，樓下沒有明顯的標示，門口的招牌也不搶眼，看來是走有麝自然香的低調路線？食物和飲品選擇都寫在黑板上。點了一客紅菜頭忌廉素菜意粉，意粉中除了有紅菜頭以外，還有蘑菇等配菜，味道清淡之中帶點自然的香味，和忌廉非常配合。意粉的口感上乘，帶着點點嚼勁，食過返尋味。餐飲的選擇是玫瑰花茶，可自選冷熱。看起來顏色非常清淡，遠看簡直有如一杯白開水，但細細的品嚐，自然能夠品嚐當中的玫瑰花香。附送的餐湯是南瓜湯。味道濃淡得宜。另外，餐廳代理Durian Hill的榴槤月餅，好此道者可以了解一下。

呢個cafe 好特別 除咗俾人食之外 原來佢主打係寵物buffet 環境好優雅好大好寬敞 入到去係有微微音樂令人好放鬆點左個set dinner 全部幾十蚊之內吉烈蝦沙津--賣相精美 吉烈蝦炸得好香脆 而且絕對唔係細蝦 幾十蚊呢個真係好出色 沙津菜非常新鮮 值得加分 食落口感極之豐富 食得好滿足個餐仲包左羅宋湯同埋凍檸茶 個湯好足料好好飲 而凍檸茶好fresh 唔會太甜 強烈推介呢間經濟實惠 又坐得舒服 下次一定會再來encoure!!

週末時間唔知去邊，或者想搵個地方食下、坐下、飲杯啡、睇書聽歌、做自己嘢～總之就係唔留係屋企/逼商場尼間咖啡空間都值得推薦，位於港島區，離地鐵站幾近，雖然個商場好唔起眼，但會少好多街客方便有個寧靜既空間野食方面係cp值幾高，$60-70就可以坐一整個下午🥰西西里汁配意大利雲吞意粉。 8/10酸甜既西西里汁好開胃，意大利雲吞亦好飽肚，意大利粉亦唔會煮得過硬👍🏻自家製麻辣醬海鮮意粉。 7/10麻辣醬係幾香辣，但都幾辣，食開小辣既我覺得啱啱好，再多啲就唔得啦不過啲青口就唔入味，建議改用其他海鮮～玫瑰花茶。 6.5/10清香玫瑰味，跟餐既關係所以只有一小杯～ 所以很快就喝光了☹️凍美式咖啡。 7.5/10濃度剛好～炎夏正午需要這種冰涼微苦的咖啡因提神

寵物friendly既餐廳係市區內真係比較少見，之前有聽過朋友提過咖啡空間可以帶寵物已經好想黎，今日趁住下午黎附近工作就順著黎試一試。附餐會送上餐湯，當日係南瓜湯。南瓜湯口感幼滑香甜。自家製麻辣醬海鮮意粉意粉上充滿青口令鮮味更強烈。被麻辣醬染成深啡色既意粉入口帶一陣麻香，相當惹味。放一口意粉入口已經感受到強烈既麻辣味，先辣後帶一陣麻勁。意粉煙煙韌韌又吸滿晒麻辣醬既精華夠晒入味。意粉中帶少少洋蔥粒，當中既甜味平衡香辣感。Mocha咖啡同朱古力互相融和，先帶咖啡既甘香後有朱古力既甜味。藍莓醬芝士蛋糕芝士蛋糕軟綿帶一陣檸檬既清香令入口相對無咁甜膩，底下餅底香脆又充滿牛油香。酸酸甜甜既藍莓醬再配上芝士蛋糕好搭配，入口口感更綿密。

連放三日假當然要四圍出走一下去覓食,今次特登揀左比較少黎既港島東區:炮台山,無諗過炮台山都隱藏左唔少餐廳,而且仲有好多新既商業大廈進駐連帶都有各類特色商店.走過城市花園見到呢間咖啡空間,對於咖啡控既我一定要入去飲返杯試試.明太子忌廉溫泉蛋意粉意大利粉上鋪上大量木魚絲,紫菜及蟹籽充滿鹹香及鮮香,令意粉入口更香.意粉醬汁間帶有粒粒明太子,入口帶明太子獨有既鹹鮮香.整體味香而唔會過鹹.溫泉蛋拮穿後慢慢融入意粉中,與太子忌廉醬混和後令口感更香滑.Dirty由溫熱既espresso撞上冰凍既鮮奶製造出漸變層,係短短既時間內見証到兩者既融合.入口先有一陣濃厚既咖啡甘焦香,後帶香醇厚香既鮮奶甜味.

疫情開始左之後，好耐都冇帶過狗狗出街，最近又落雨。響OpenRice度見到呢間餐廳嘅評分都唔錯仲可以帶埋狗狗，所以就嚟咗hea下喇。明太子忌廉溫泉蛋意粉 跟餐$60明太子意粉嘅面頭好多木魚片，聞落好香，不過就有少少掩蓋左明太子嘅味道，但係都幾特別嘅新加坡海鮮喇沙米線 跟餐$60喇沙超級惹味，佢啲餸都幾多下嫁，有青口有蜆仲有啲冬菇。Latte $35 咖啡嘅味道偏向nutty, 奶同咖啡嘅份量都好適中。Mocha $45Mocha 嘅拉花真係好靚，忍唔住影左張相。有咖啡味之餘就有朱古力味，咁到底記得搞一搞佢，如果啲朱古力留晒喺個底度。除咗人食嘢之外，響雪櫃仲見倒有狗狗蛋糕，人有得食之餘，又可以同狗狗一齊食野。

估唔到港島區租金高企，仍然可以搵到高質和有空間的cafe, cafe仲要係寵物有善餐廳，啱哂愛寵人士，我最古不到的係餐廳竟然仲有陣復古味！無論牆上面的掛的罷設和放在鋪頭寄賣的東西都別樹一格，當然佢哋的coffee和食物的質素先係重點！餐廳環境舒適，枱與枱都有一定距離，廚房係開放式，一覽無遺，即叫即煮今次我就點了係出面一般cafe較罕有會供應的麻辣海鮮意粉，會唔會好似譚仔！？果然麻辣配意粉也出奇地夾，意粉的辣度剛好，香濃惹味，啱哂我這個重口味的人士，麻香辣兼備，佢對我講係中辣，辣得來又不搶喉，唔使一定要配凍可樂和凍檸tea（起馬我食完，不會覺得一定要飲凍野解辣之餘，仲可以欣然喝自己杯熱咖啡）,海鮮配料方面有兩隻籃青口，和其他雜錦海鮮，以$70來講，應該都對得起有餘至於飲品我就點了hot mocha,要知道一間cafe的coffee好唔好，就一定要飲mocha ，因為要另朱古力和咖啡兩種香濃的味道結合確實不容易，事旦一種比例不對，也會蓋過了另一種味道，而佢哋的mocha比🉐️上其他大品牌，完全係一杯我心目中的mocha,真係勝價比高，咖啡的質素真係無容置疑。順帶一提，佢哋除了有麻辣意粉仲有叻