咖啡廳

營業中

休息中

一入門口就係刺身檯, 睇落OK, 但因為甜品款式實在太多, 最後冇位食刺身/壽司。不過同檯有人拎左一件吞拿魚壽司, 件吞拿魚似乎放左好耐, 望落...好似硬左咁。旁邊係salad bar, 配料算好齊全,又夠新鮮。行入去係cold cut+海鮮, cold cut有3款肉類加煙三文魚, 以lunch buffet黎講好OK。煙三文魚唔會太鹹, 味道唔錯。海鮮都有3-4款, 有蟹有螺, 但大胃聯盟冇派代表試。生蠔方面, 先有法國蠔, 再出厚肉美國蠔, 不斷refill, 呢部分Sheraton非常大方, 效率十分好, 而且蠔都洗得好乾淨, 一D殼/沙都冇, 只係個sauce比較失色(目前食過最好既sauce出自The Food Gallery)。跟住就係甜品區, 款式好多, 而且絕大部分都好食。紅酒果凍最特別, 有微微既酒味, 配上生果, 好match; 芒果酥/士多啤李酥, 個酥皮做得好香好酥, 令我回想番The Promenade既芒果拿破崙 (但比較之下, The Promenade既芒果拿破崙更鬆脆); 朱古力慕絲唔會太甜, 但幾滑; 芒果布甸可以話係甜品中既敗筆: 芒果醬太稠味

今日係我地兩個7月之星一齊慶生的日子早早就挑選好了今天我們要在Sheraton的The Cafe大擦一餐!(又食....今年我的生日好像就只有食、食、食、食....)選這裡是因為朋友T早知我喜歡生蠔一開始時很多人目標也只有沖著這而來其實也不用心急吧我才不信酒店只出一輪便沒有補貨所以這是我吃了兩轉蟹腳後的收鑊來的質素還可以的但總覺得小了點蠔應有的甜味所以這裡已經是我所有的戰績還分了點比朋友我對生蠔咁忍手咪就係因為佢地囉估唔到lunch buffet都有咁出色0既蟹腳同龍蝦鉗雖然無前晚係翠樂庭咁粗壯但蟹肉仍充滿鮮味而且唔會好似出面D餐廳為左將蟹腳保存得耐D就浸係超鹹0既鹽水入面最後蟹腳比鹹魚更鹹....如果酒店可細心點先把殼敲裂就真係100 分啦最後我係因為敲蟹殼敲到手軟而停戰架 >.<試試酒店內的熱盤吧比起冷盤熱盤對我一點也不吸引行了兩個圈就只有上面的收鑊只有燒牛肉比較出色(但我仍念念不忘翠樂庭的燒牛柳)咖喱豆味道不錯但他的薄餅未能吸引我多吃幾口還是回甜品bar作最後作戰吧有即烘的Waffle比即制的pancake對我更吸引配上一球H字頭的macadamia雪糕及朱古力醬

平日放閒假最好就係去酒店食LUNCH BUFFET，起身後才輕輕鬆鬆致電訂位。被安排在窗邊二人檯，安頓後便開始巡一巡自助沙律區熱葷區粉麵區芝士餅干區甜品放在櫃內，更乾淨衞生，亦可隨便自取 第一輪梗係食生蠔啦 ~對上一次(兩三年前吧)吃生蠔是order形式的,每次向waiter / waitress講大約要幾多隻，之後由他們捧上；但今次又變番再舊的做法，蠔吧師傅密密開再放在放滿冰的蠔盆內，食客自行夾取。不是蠔季，生蠔明顯唔算靚,肉質唔飽滿，但尚算新鮮。第二個目標就係長腳蟹就咁聞都聞到微微蟹味嘩! 真真正正既蟹捧呀!蟹肉好鮮甜，唔會一陣雪味，有點海水咸味，要encore !自己砌碟靚靚沙律，沙律菜新鮮嫰綠，以煙三文魚伴吃，再加入油醋汁 ，簡簡美味 ~ 咁既樣既沙律出去食閒閒地一碟都要成舊水啦 !熱食吃了少許點心，夠晒熱，不過不失這碗是即灼淨餸，餸料伴清湯底，味道也可以呀 !甜品廚即制窩夫，在暖暖窩夫上加一球hd 士多啤梨雪糕，冷熱交融..... 再以酸味較重的生果作裝飾，掂!窩夫有蛋香，外脆內綿 !每人二百幾蚊回晒本   滙豐白金信用咭有折

凍海鮮有龍蝦，蟹，蝦，新鮮不過咸，有鮮味！蠔很清甜，可惜不是當造，始終較瘦刺身都是一般貨色，不錯但無大驚喜小海膽魚子飯不夠甜味，還要吃飯...下次可免了牛扒燒得出色，有牛香肉滑多汁！鵝肝要排隊取，但製作需時，隊又很長，很浪費時間，帶著孩子吃飯，這樣排隊也很麻煩，我相信很多人如我，都不敢多吃，可以讓客人向侍應要求第一份，要添吃才自行排隊嗎？我欣賞燉湯，足料又夠熱，感覺很滿足！欣賞酒店有新鮮士多啤梨，雖不是很甜美，但孩子卻很興奮。而意料之外，waffle是很好吃的，蛋香不太甜！

行開尖沙咀就同朋友去左酒店食下野雖然buffet好吸引，但吾想食甘heavy所以就叫左a la carte呢個crabcake吾錯，底下應該係tabasco+茄汁酸酸辣辣幾開胃主菜我叫左呢個意粉味道吾錯仲好多料雖然賣相吾算好吸引，但味道吾錯

今天又是聚會的日子, 大家一心找Lunch Buffet吃, 其實在九龍, 心水選擇來來去都是那幾間, 不二之選的'之一'必定是Cafe on M, 四月去了兩次, 五月亦吃了一次上篇寫了~   5及6月做泰國食品節, 泰式食物出乎意料竟然好味過很多龍城的泰國菜店.  而Sheraton 的 The Cafe --- 我的'之二'就非它莫屬了, 輪流幫趁的話, 去了Cafe on M一兩次之後就是它了~  今餐正在做優惠, 本來想快快寫出來推一吓好讓大家在選擇時作考慮可惜本人寫的很慢, 今天才有時間寫, 6月有何Promotion就要各位自己再check了.以上兩者都是差不多價錢, 經常有Openrice Promotion Vouchers, 亦有多張信用咭優惠, 另一項是大家在Lunch Buffet時段都有提供即開生蠔!  The Cafe其實本人去年都寫過它的Lunch Buffet抵食, 當時是我的第101篇食評, 估不到今年寫寫吓就到173篇了, 時間真是偷偷在我們食・食・食之間走得很快~  Let's Go, Go go go~  睇睇今日有咩蠔食先!!小女子對蠔認知比較

本身少左大吃大喝 已經好耐無食自助餐但係今日男朋友媽媽生日 所以大家一齊去食自助餐慶祝6:30去到The Cafe 意想不到有咁多人客已經食緊自助餐坐低左 放低袋 就開始由冷盤進發沙律 刺身 生蠔 各種想得出既前菜都應有盡有每樣食物都好新鮮 比人力曬後 廚師即時補給但係可能依家唔係生蠔季節 所以大多生蠔都不太肥美不過食落口 都算creamy 鮮味十足食完頭盤 係時候試其他熟食 中英日韓印 好似咩國家既菜式都有得比你食一次過比你試曬各地最特式食物 樣樣熟食味道都屬正常水準推篤燒帶子 廚師即叫即燒 非常大粒及新鮮廚師廚藝非凡 帶子外面煎到金黃 但內在仍然係半生熟 唔會失去帶子本身鮮味 如果你一早食前菜已經食到飽 唔試以上熟食都唔緊要但係必定要試煎鵝肝鵝肝非常肥厚濃郁 入口即溶 感覺無法形容 你真係要試左先會知不過煎鵝肝非常多人等待 大約要等十分鐘左右先可以力到 另外鱷魚肉花膠燉湯 非常足料湯底好清 花膠份量清晰可見 入口已經知道非平價材料中意中式燉湯既人客 飲過都會讚口不絕到最後一定係食甜品既環節 因為一個好既甜品 可以令個一餐晚餐更加滿足除左主食外 The Cafe的甜品一D都唔馬虎

生月B,坐月介完口咁耐，老公話同我食buffet慶祝。佢揀左嚟呢度食lunch buffet。老公最愛嘅生蠔，replenished 得幾快，佢話都好新鮮，海水味幾重。而我最愛嘅甜品，都有好多選擇，最鐘意綠茶cheese cake, 夠哂芝士味濃。價錢平得嚟有生蠔，真係唔錯選擇

今次阿Sir請食飯我哋揀咗酒店食buffet價錢一啲都唔平座位迫到不得了同啲食物簡直距離好遠對沙律熟食冇乜興趣因為都係普通貨色我見啲沙律菜都唔係太新鮮第一round排隊攞左刺身食只有平價三文魚元貝 限定每人只可以有一片兩個人分到兩片甜蝦得三隻好恐怖我未試過見到咁孤寒嘅酒店好彩刺身肉質鮮甜口感就當然弱啦因為切到好薄唔想再排隊攞第二次生蠔好細隻全都好似係oysters BB咁入口口感唔夠creamy海水味道是有的中間的海膽飯比較腥味煎鵝肝排咗十幾分鐘入口即溶又香又滑味道 濃郁值得一試冷盤的蟹肉不太新鮮雪藏味太重不試也罷全晚最欣賞的就係燉湯味道鹹淡適中潤喉感覺好滋味唔知係唔係人多嘅關係總之手快有手慢冇羊架好味煎帶子都係要等大大粒唔錯肉厚又彈牙啊重點喜愛的Haagen-Dazs雪糕有幾款口味任揀係我全晚最愛其他甜品都做得 fair 啊最尾以一杯香濃咖啡作結

喜來登係我食過禁多間覺得最好食既buffet,現時香港要食比較有質素既buffet,真係都要$500以上，呢間係我覺得貴得黎又值既，佢有生蠔又有龍蝦，又有鵝肝多士，完全附合我食buffet 必要有既野 餐廳環境好大, 最入有幾個大櫃放甜品, 岩哂喜歡食甜品既人d蝦大大隻又有膏，刺身非常新鮮 推介鵝肝大過塊多士！ 鵝肝配上多士食落唔會太溜, 鵝肝非常香, 食幾件已經返本生蠔肥美新鮮,唔會太重海水味

個人比較喜歡食,慢慢食慢慢傾既感覺.18:30-22:00,真係足夠一班朋友又傾又講又食的時間喜歡這裡慢工出細貨的食品,種類唔需要多,卻要精的要求.呢度既BUFFET比到我呢個感受.因為貴,所以少人,假如食過一次就會知道BUFFET應該係點食.(誇張了一點,勿介意)平價自助餐的生蠔是生食的蠔,這裡的生蠔是活生生的蠔,小妹這晚就用叉子篤篤蠔邊,果然仲有反應,所以一滴調味都唔落就吞落肚.整晚食物質料都令人非常滿意.相信未來一年會多去兩三次.

生日飯，我男朋友中意食生蠔，咁我都四處搵有生蠔而大家網上有好評嘅自助晚餐。本來想去洲際，問過但又未必有生蠔，咁呢間有咪試下囉食物種類吾多，一開始時服務吾錯，食食下見到可以加$98飲埋酒咁咪加囉兩個人飲左成兩枝，我地兩個酒鬼刺身厚切，算新鮮食完生野食熟食。。無咩選擇。。湯款少，無特別牛肉普通我不嬲吾中意食鵝肝，男朋友叫我食少少，幾香，可以接受。。其他熟食都係個d..無驚喜。。而火雞夠嫩。？幾好生日蛋糕係最後半個鐘自動波上，幾好，吾係散件碟上抵讚。。最後未夠鐘叫埋定單。。ok,但杯酒飲曬吾會再自動波幫忙倒，都算，自己黎。。到酒無曬叫佢倒，有倒。。但半杯囉。。呢間野輸咪輸呢到囉。。客人未夠鐘，未走，服務應保持到最後。俾曬錢後諗住飲埋佢之前倒杯茶，佢走黎講已到時間，我都知，我都飽死啦吾會再去拎野食囉。。知有第二輪時間，但當時個場有好多枱同一時間到嘅都未起身啦。。最口飲埋啖茶走人。。埋單一千五百幾。。無下次。。

每年平安夜基本上都在迪迪尼過，仔大了，今年搞搞新花款，去喜來登的咖啡廳歡度聖誕，其實平安夜的菜式同平時差唔多，魚生我攞咗三文魚，俾咗腩，好肥美帶子大大粒，一d都唔腥，好鮮甜，甜蝦好大隻，好甜而且有好多春，贊！即場煎的鵝肝要排隊等，不過係值得等嘅，鵝肝入口即化，好滿足煎帶子亦都要排隊，但都極好味，最值得介紹的是花膠鮑魚螺頭燉雞，真材實料，我飲咗兩盅，如鮮甜，總之咁嘅價錢好值

隔咗一年冇來，好耐冇放肆食生蠔，所以book咗lunch buffet諗住食個痛快。 上次來的時候啲蠔係order嘅，原來而家要自己出去攞。係美國生蠔， size非常細隻，食十隻都好似未食過咁，不過係真係好香好新鮮嘅。都refill 得好快。刺身呢，就覺得好普通，又切得好細件，感覺幾寒酸喎。冷盤就有長腳蟹，螺，同蟹鉗，幾鮮甜。 至於熱食同甜品呢我都覺得麻麻地，全部都不過不失啦，唔會覺得好特別囉。 呢個即切牛扒同羊脾，個牛就好鞋，羊就好騷，感覺就真係幾求其。 甜品都冇乜特別，最鍾意就係葡撻啦，夠熱，好味！ 其他啲蛋糕同奶凍⋯⋯就唔係好覺得係酒店嘅水準喇。 因為戒口唔食凍野，所以就冇食雪糕，如果唔係嘅話整體感覺應該可以加返d分嘅。感覺上就比上次來食嘅時候退步左，定唔知係我呢一年來食咗更多好嘅野喇。。。埋單2位，total$623, 用咗恒生白金卡八五折。都310蚊一位，主要都食蠔啦

吃過不少自助餐，最令我滿意及不停去的只有這間餐廳，原因是有我喜愛的生蠔及鵝肝！很多酒店的buffet提供的生蠔每次都只能給3至4隻，而且花上不少時間去輪蠔，但這兒不但不限數量，而且生蠔非常新鮮和有濃濃的海水味，另外鵝肝也十分肥美，另外還有大大粒的燒帶子和燒鮑魚，花膠湯也很鮮甜 甜品最出色的莫過於窩夫雪糕了，吃不停口 唯一不足的是熟食種類較少，希望能增添多點種類吧！總括而言，值得一試！