咖吔

營業中

休息中

和小米來到這商場, 想找個TEA. 自己未曾光顧這家東南亞餐廳, 剛好這裡可馬上入座, 所以我倆就在此TEA一TEA了!  班蘭咖央多  馬拉名物 - 班蘭KAYA多.   合拼碟上的多士,,,,,其實是2塊包片的份量.  啡色包包, 十足馬拉OLD TOWN STYLE. 中間的KAYA淺墨綠色, 接近接近我在馬拉超市買的的班蘭KAYA醬. 至少這個班蘭KAYA唔係青BB囉! 掀開多士, 中間那黃色正方形的, 雖不知是真牛油, 還是人造牛油, 總之篤眼篤鼻. 以匙把那堆黃色推開, 平均分佈在整塊多士.  多士外脆內軟, 容易咬開. 微甜的班蘭KAYA跟黃色的固體油混在一起享用, 鹹中帶甜再以啡色包包作中和, 然後一口一口地消滅佢!!!   熱白咖啡   本來想要KOPI U. 無奈職員表示没有黑咖啡, 唯有頂硬上, 夾硬吞左這個馬拉名物 ~ 帶甜加入白色奶精的白咖啡. 香茅青檸荔枝梳打  小米的餐飲. 香茅應該可以變為飲筒, 但小米卻直接飲.....

今日特登和朋友趕在6點前來到食下午茶的🤣因為貪佢好味抵食😋新加坡喇沙摻摻～勁大碗材料仲勁豐富，蝦仁、魚片、魚丸、芽菜、糖心蛋、豆卜，而且湯底非常濃郁😋地道老鼠粉～俾佢個名吸引到😅沙煲上熱辣辣香噴噴，老鼠粉就是銀針粉，上面鋪滿銀魚乾、肉碎、炸花生、蔥油穌，仲有生太陽蛋，撈埋一齊食好有口感好好味😋香辣炒飯～新鮮炒起用鑊仔上，份量算多，不怎麼辣，仲有2串串燒✌️串燒拼盤～爽口彈牙魷魚鬚，嫩滑雞肉，新鮮彈牙蝦，各2串。桔仔話梅水～原粒話梅，桔仔和青檸，酸酸甜甜好解渴👍

呢間咖吔店食飯時間長期都有人排隊，通常都要等一陣，不過因為係商場，可以行陣街先，好快就入得。地道老鼠粉 $88只係聽呢個餐個名，真係完全唔知食咩。見佢咁特別，就試下先，原來係炒銀針粉，加埋咸香肉碎，蝦米仔，菜莆，花生等等，成個粉都偏咸味。中間有隻溫泉蛋，可以中和到個咸味，而且用砂煲裝住可以keep到個温度。馬來燒雞配油飯 $68呢個係我最愛的一款，燒雞烤得勁香口又唔肥，仲配有勁多配菜花生，魚干，青瓜，洋蔥，半隻流心蛋，同油飯撈埋一齊食，真係可以成個飯清哂，真心好味。午餐包飲品，有馬拉拉茶，青檸梳打等都好好味。無論環境定食物質素都好穩定，所以成為我平日的飯堂。

今日午餐去咗坑口東港城嘅咖吔食午餐，餐廳都幾多人光顧。叫咗午市套餐嘅新加坡喇沙摻摻，摻摻就係油面加米粉，喇沙湯底好濃郁，食落酸酸辣辣，餸菜都幾豐富，有鮮蝦，豆卜，魚蛋，雞蛋等等，個面底食落都好飽肚，仲可以加青檸汁同辣椒醬。另外，叫咗一份小食，係斑蘭咖央多士，第一次試呢種小食，個麵包好脆口，斑蘭醬甜甜地加埋牛油，真係非常之好食，想食少啲牛油嘅話就算整走佢都好食。飲品午市套餐加$12飲美祿哥斯拉，個賣相好吸引，面頭有美祿可可球。

將軍澳東港城 有一間便宜 抵食 星加坡菜..咖吔 Kaya, 環境佈置清雅簡約, 舒適寬敞的大卡位, 看看餐牌非常扺吃嘅下午茶,幾十元一個套餐 加飲品. 這裏不_但食物好吃，環境舒適， 正是超chill的好地方. 我們選擇了四款下午茶檳城蝦麵66元麵質爽滑彈口 , 配以新鮮蝦， 雞蛋，豆卜 和一些美味蔬菜, 湯底不濃不淡恰到好處 ,鮮味撲鼻, 真想再嚟多一碗呢😁😆😋地道老鼠粉62元老鼠粉 粗條 銀針粉 彈牙, 還有乾蝦， 雞蛋 ， 花生 ，蘿蔔 再配以沙巴醬 微辣, 吃到停不了口.牛油果五色紙米卷56元牛油果，青瓜，紅蘿蔔， 蔬菜, 顏色鮮豔，賣_相極美, 清淡可口.串燒拼盤..雞肉大蝦魷魚鬚68元大大串雞肉,大蝦，魷魚鬚, 香濃的沙爹醬 辣味恰到好處, 乾身惹味, 濃濃香香是我喜愛的味道熱手工拉茶 ... 隨餐附送茶奶正是絕配, 入口 溫暖 , 再來一杯熱桔仔話梅水…… 隨餐附送酸酸甜甜， 解渴怡神，好飲啊！香茅青 荔枝 梳打…… 隨餐附送香茅荔枝清甜 冰凍 可口， 芬芳撲鼻， 加上有氣梳打，非常正

可能東港城冇咩好食，呢間一開就日日都排長龍，我都食過好幾次，次次都食海南雞飯同喇沙，今次試下其他野巴東牛肉配椰漿飯 $56牛肉都唔韌，調味幾香，椰漿飯幾特別，配埋好夾烤馬來葱餅配咖哩 $52葱餅剛焗起好脆口又香葱味，配咖哩好香～串燒拼盤 $68係用新鮮嘅材料唔係來貨嗰種串燒，蝦燒得勁香🔥個醬好濃郁咸蛋黃雞翼 $68脆卜卜超邪惡💥咸蛋黃怖滿成隻雞翼，細細隻咁幾好咬香茅青檸荔枝梳打 好fresh，唔洗加錢飲到係幾抵海鹽雪糕椰汁珍多冰 +$12海鹽雪糕咸咸地幾好食，配椰奶冰好滿足！

咖吔 Kaya (將軍澳)呢間新加坡菜喺香港都幾多分店，食物選擇都算多，小食、飯麵、甜品、飲品都有，而且都係幾出名嘅星加坡美食。。🌟班蘭咖央多士🥪 $28多士入面夾住班蘭咖央同厚牛油，多士烘得好脆，咖央甜甜地，幾好食但超邪惡🤤。🌟新加坡喇沙米線 🍜$82有溏心蛋、魚蛋、魚片、豆卜、蝦、芽菜同洋蔥等，可以揀米線或者摻摻。喇沙湯底有少少辣，食落好香而且有淡淡椰奶香，湯底少少杰，配米線幾好食。。🌟海南雞飯（白飯）🐔$88其中一道佢哋好出名嘅菜，海南雞幾滑，份量都可以，雞皮唔算太肥，配左三款醬汁點海南雞。飯有得揀白飯或者油飯，仲會配一個冬瓜湯。。🌟娘惹椰青糕（4件）🍰$38口感有啲似大菜糕，比較爽口，味道唔會好甜，仲會食到椰青肉，價錢略貴。。🌟美祿哥斯拉🍫 $36美祿上面加咗朱古力脆脆，味道幾濃郁📍將軍澳重華路8號東港城1樓112A號舖

難得一天的假期，決定與朋友相約特色餐廳一聚。朋友喜愛食馬拉菜，所以就試東港城咖吔。餐廳在裝修方面下了一番苦功，加入植物風牆紙，有熱帶風情。下午茶時間，主食配飲品價錢很優惠。⭐️海南雞飯$68香滑幼嫩兼無骨的雞肉，配上色香味俱全的油飯，令我停不了口。另外亦附有略帶甜味的黑醬油、薑蓉及酸辣醬汁，令海南雞帶有不同層次。⭐️新加坡喇沙米線$62含有淡淡椰香的香甜濃湯襯上軟滑麵條，真的好好味。另外加上多種豐富配料如：蝦仁、魚丸、魚片、豆芽、豆卜、長豆角及半熟蛋等。⭐️大蝦青木瓜沙律$68大大隻的大蝦加上顏色亮麗的新鮮蔬果絲，如青木瓜絲、紅蘿蔔絲及椰菜絲等，口感清爽，屬於健康小食之選。⭐️新加坡鹹蛋黃雞翼$68熱辣辣的雞翼上塗滿了鹹蛋黃醬，口感比較濕潤。每一口都猶如置身金黃流沙之中，香氣十足。⭐桔仔話梅水原粒桔仔與話梅均屬於絕佳的配搭，酸甜適中。⭐️青檸紅茶微酸的青檸搭上凍紅茶，清新兼能解膩，好好飲。

之前成日經過成日都見掛曬隊，搞到我好好奇！難得今日一早6點就去食飯，決定今日去入去食呢間🥰大蝦青木瓜沙律🥙：呢道幾乎係我必點既菜式🤤食落青木瓜幾爽口，酸酸辣辣好開胃，大蝦幾有好件，份量好足😇斑蘭咖央多士：咖央醬幾濃香幼滑，蛋味都香，而多士烘得岩岩好，食落幾脆身，唯略甜。地道老鼠粉：呢到用左既係銀針粉，食落滑lulu。面頭配左炸魚、肉碎同埋乾花生粒，食落好脆好香口💓🤤娘惹參峇大蝦🍤：我自己本身麻麻地食海鮮，但見到娘惹參峇大蝦好似幾惹味，都係忍唔住點xd參峇辣椒醬係呢道菜既靈魂，酸辣香濃既醬連埋鮮蝦肉既爽彈，令人好開胃，覺得自己無揀錯！哈哈凍香茅鮮橙茶🥤：香茅令到個茶好清新☘️但係陣味又唔會好搶，好解渴！

海南雞飯油飯夠香，雞肉夠嫩滑，份量仲好多，雞肉起左骨，配搭埋新加坡海南雞必備既薑蓉、辣醬、黑醬油，真係好正宗呀！冬瓜湯夠清甜，好飲😋新加坡喇沙摻摻一上枱喇沙既香味已經傳入我既鼻👃🏻，即刻飲啖湯好香濃，摻摻係指油麵+米粉，一齊食有兩種口感，流心蛋好正😍仲有蝦仁、魚蛋、魚片絲、豆卜，味道都幾正宗咖吔多士剛剛烘完既多士塗上咖吔醬，仲有鮮牛油，真係好好味，必定要試😍😍😍街頭椰子雪糕🍦用椰子殼裝住雪糕，椰子味幾重，佢搭埋返花生一齊食又多左種口味，仲可以食埋椰皇嘅肉添美祿哥斯拉好濃嘅美祿，仲有好多可可球海鹽雪糕椰汁珍多冰藍色嘅海鹽雪糕好吸睛，珍多冰配雪糕原來都幾夾

班蘭咖央多士🍞多士好脆身，班蘭咖央小小甜加埋塊厚牛油超正，似我係新加坡食過個隻。新加坡喇沙摻摻🍜好多配料有蝦、魚蛋、豆腐卜等等….用左米粉加油麵湯底小小辣吸晒d湯好好味😋海南雞飯🍚雞整到好嫩滑配埋三寶醬汁先係精粹，油飯好香係正嘅…..烤馬來蔥餅配咖哩🫓咖哩同蔥餅係一對嘅😂😂😂佢地嘅咖哩唔太辣，蔥餅就比較脆身，小食唔錯。牛油果五色米紙卷🌯五種蔬菜用米紙包住，個汁又酸酸甜甜清新開胃😊

今日經過坑口見到一間都幾多人食嘅新加坡菜，就入咗去食啦。今日嗌咗一個海南雞飯，上菜時間都好快，海南雞分量足夠，好香嘅油味，切成一條條真係幾好食，而家有返油香十足，配海南雞絕配。而醬汁方面有經典嘅甜醬油膏，姜，酸酸辣辣好似蘿蔔嘅味道嘅醬，三個都點就有唔同嘅風味。而飲品方面叫咗海鹽雪糕珍多冰，價錢就偏貴嘅，冇跟餐價，海鹽雪糕加椰汁的確幾夾，亦都有啲綠色嘅啫喱，我就嫌呢杯嘢飲嘅碎冰有少少太多，飲洛口嘅時候每一啖都好多冰，如果可以順滑啲會好啲。

星期日，想係附近搵啲特色野，就搵左呢間 新加坡野。門面幾靚，等位要等一陣。接待生哥哥話，要人齊才可入座，又話無計用餐時間。🪑座位是舒服的，用具是精緻的。錢就去了這裡💸💸💸🥢🥢🥢🥢🥢🥢🥢🥢以下為下午茶餐，地道老鼠粉 $62感覺是炒銀針粉，偏有口感，咸香的。拌入咸香肉碎、蝦米仔、菜莆碎、香脆花生，和一隻溫泉蛋，中和咸味 並加添滑溜質感。濃味系列。。。以熱砂煲端出，保持著溫度，亦沒有熱到燶晒，恰到好處。巴東牛肉西班蘭椰醬飯 $56綠色的飯，淡淡班蘭椰香，配搭著香辣的巴東牛肉，香料味濃，幾特色、幾得意！大蝦青木瓜沙律 $68少少青澀青木瓜絲，與胡蘿蔔絲和紫椰菜絲拌在一起，爽脆的都以酸辣的泰式沙律汁拌勻，令人精神為之一振！反而 “大蝦” 就虛有其名，只是4片薄片，蝦肉口感欠佳，不新鮮的質感，我猜它是裝飾用的。¯\_(ツ)_/¯飲品方面，下午茶餐有包幾款飲品的，例如：☕️馬來拉茶有著似泰茶的特別香味，可以。☕️南洋咖啡似越南咖啡，較甜，控糖人士要留意，記住少糖。🍹香茅青檸荔枝梳打即是甜荔枝汽水，放了兩片青檸 和 一段香茅。是想像到的味道，是爽口的。

收工約左家人去東港城的#Kaya 咖吔, 食下好耐冇食的星馬菜😋。這餐廳裝修得頗有南洋風味，坐位相當濶落舒適。我想食湯類🍜，故點了海南雞飯拼喇沙米線，雞皮滑滑的連平時不吃皮嘅我，都唔覺意食左幾片😄，雞肉冇骨啖啖肉，又柔嫩滑滑的，很好味，雞份量亦都好足， 油飯香口粒粒分明。喇沙足料湯底香濃，米線又煙韌, 很抵食😋。白胡椒肉骨茶，上枱時已聞到好香胡椒味, 排骨有4大舊，煮得夠淋身，而瘦嘅比例較多，很適合怕肥的我，湯味都很清甜。包埋油炸鬼，仲有豬肚夠晒飽肚。牛油果五色米紙卷，色彩繽紛好吸晴，材料有牛油果🥑外，仲有新鮮蔬菜的紫椰菜、紅、白蘿蔔&青瓜好健康，點上墊底的芒果汁，味道更勝一籌。

喺將軍澳做完嘢，近近地嚟咗東港城，商場裝修完光猛咗好多，見到有好多新開嘅餐廳呢一間第一次嚟食，睇完餐牌樣樣都想嗌最後叫咗海南雞飯 $88雞味唔算好濃，勝在雞肉夠滑身鹹蛋黃魚皮 $68起初睇少咗佢，估唔到咁好食，睇落已經冧哂，或者個味道唔似鹹蛋食落去完全係兩回事，鹹香味濃，有種香味唔識得形容，十分出色！😍😍😍串燒拼盤 $88欣賞個醬料好惹味又有啲辣烤馬來蔥餅配咖喱 $56蔥餅質地比較厚，配返香濃咖喱食落冇咁膩