咖吔

營業中

休息中

檳城和牛蝦麵份量啱啱好，唔會太大碗，配料款式多和牛味道濃郁，牛丸10分彈牙，估唔到咁好食😋😋😋😋馬來炒貴刁依碟份量十分之多，都幾抵食👍🏻👍🏻👍🏻😄河粉口感煙煙韌韌，配料炒得十分之香口，一定要加埋啲花生碎同埋青檸汁一齊食😋😋😋建議要兩個人share，如果唔係食得多就會覺得幾濃味，會鹹咗少少凍馬來拉茶呢杯就一定唔係港式奶茶，奶茶口感香滑，加冰飲覺得好爽口🫠🫠🫠🫠🫠

今日同屋企人去坑口東港城食馬來西亞菜，好彩早小小食，坐低冇耐就好多人等位。我哋4個人叫左幾樣野食。#無骨海南雞半隻（加購油飯）海南雞啖啖肉，而且肥膏唔算好多，口感出色，加埋小小醬油，送飯一流。特別一讚係油飯，香乾身，呢個好好食！#白胡椒肉骨茶可能我印象中同預計中肉骨茶係藥材味重啲，呢個肉骨茶白胡椒味好重，唔係好肉骨茶嘅感覺，不過料都幾足。#地道老鼠粉老鼠粉唔算好乾身，不過味道就好足，而且撈埋蛋同其他配料，每一啖都好滿足，如果乾身返啲會更好食。#參峇醬燒豬頸肉出色必食！雖然比較後先上菜，不過因為係即叫即燒，所以上枱個陣熱辣辣加上火喉十足，就咁食已經好正，再配埋醬汁，減低埋個油膩口感，一流！#斑蘭咖央多士呢個都係必食推介，上台盡快食，多士凍左會影響口感。#黑頭膏炒芥蘭芥蘭爽口好入味，不過食到底口味會重啲。

平時叫開外賣🛍海南雞飯都出色今次試下堂食其他嘢~ 🥑牛油果五色米紙卷以為牛油果會係重點，點知每舊都係得一少片好失望😥 碟上面有芒果醬叫做令成味餸菜有啲味道🥕新加坡古法炒蘿蔔糕好濃味嘅蘿蔔糕 好重醬油味冇特別comment 但係食左幾舊就唔想再食🌮烤馬來葱餅 配 咖哩就係餸菜名一樣，葱油餅點啲咖哩黎食但係葱油餅質地偏硬 咖哩味道就唔錯 少少辣 啱啱好🥘地道老鼠粉啲粉有咬口，入面有魚仔乾，有花生，夠鹹香上面隻半生熟蛋令成個粉多左份蛋香味份量唔係太多整體來講, 不過不失，食返大路嘢會比較好，下次都係食海南雞飯會滿足啲😥要讚嘅係，我覺得裝修都幾舒服，感覺乾淨用嘅碗碟都幾靚，令人賞心悅目😊

牛油果五色米紙卷 $68適逢夏天前菜一定叫啲清新派，呢個係首選🤩🤩🤩裏面有甘筍絲、青瓜絲加啲紫椰菜，配上芒果汁成個卷好Fresh👍🏻👍🏻👍🏻鹹蛋黃魚皮 $68次選，就係呢一個超級惹味魚皮🤩🤩🤩每次嚟到一定要嗌！😍😍😍地道老鼠粉 $88但係一次食，味道豐富，有肉碎加櫻花蝦，一定要撈埋啲粉一齊食🤩🤩🤩🤩半熟蛋配咖央多士 $46半熟蛋一定要配甜豉油，蛋黃味香濃😋😋😋😋

好耐冇去旅行好掛住星馬嘅美食，今日晏晝就去咗坑口嘅咖吔食下午茶，下午茶嘅價錢都好抵，而且份量都唔會少過lunch好多。🍴新加坡喇沙摻摻 $62呢個湯底真係好正，好濃郁同濃味，仲可以加佢比嘅青檸同埋辣醬，加咗青檸有酸酸嘅味道，令到喇沙更加多層次。摻摻係米粉加油麵，兩種面Max埋一齊都好正，米粉好吸湯，啲餸都好豐富，有蝦，雞蛋，魚蛋，魚片，豆卜等等。食得好滿足呀！🍴香芒大蝦米紙卷 $68顏色真係好豐富呀，望到都想食，芒果大蝦呢個配搭好夾，加埋青瓜紅蘿蔔同埋椰菜，健康得來又好食，個底仲有啲芒果醬添！

🥢參峇醬燒豬頸肉👉🏻份量十足嘅一道 厚切豬頸肉烤至一層油脂香於表面 每一片都係厚切多汁👉🏻配小小辣參峇醬 甜辣惹味 喚醒味蕾🥢新加坡鹹蛋黄雞翼👉🏻超邪惡雞翼 雞翼嘅炸皮外完全被金黃嘅鹹蛋黃覆蓋住👉🏻炸皮充滿鹹香但唔厚粉 雞翼肉汁豐富🥢斑蘭咖吔多士👉🏻大麥吐司的口感比較豐富 外層也烤得酥脆 👉🏻中間配一層厚牛油和香濃斑蘭咖吔醬🥢檳城蝦麵👉🏻無想像中咁重味嘅主食 想食蝦湯但又剛剛食左幾款濃味小食、前菜嘅當刻 有被平衡番味覺 唔會過膩🥢烤馬來蔥餅配咖喱👉🏻咖喱配薄餅係次次去食星馬泰菜都必點嘅 👉🏻薄餅烤得好夠乾身 食入口啖啖香蔥味 👉🏻至於咖喱偏濃椰奶香味 配薄餅好適合

呢間餐廳已經拜訪過幾次 一試再試 整體質素高👍✨檳城街頭排骨山$180超級大份 黎到真係比佢嚇親兩個女仔煎皮拆骨😍採用左秘製醬汁 芫荽控岩晒配埋蒜蓉 好香好吸引 不過食落鹹咗少少 配埋油飯晒就perfect肉質好淋身 帶埋手套食無得輸✨香芒大蝦米紙卷$68東南亞食物點少得米紙卷包住甘筍、紫椰菜、青瓜，甜芒果 當然仲有蝦蝦味唔太重 都唔覺自己食左蝦🤣 但整體口感豐富 ✨斑蘭咖吔多士 $28麵包烘得好鬆脆 內有斑蘭嘅香味仲有舊牛油😍入口即熔每次去呢都好多野想食馬來街頭椰子雪糕又係勁好食整體來講 呢間餐廳性價比高 值得一去再去😋員工態度又好好 食得好舒服推介指數：⭐️⭐️⭐️⭐️⭐️

《最愛南洋風味😆》———————————————-#咖吔 🇸🇬-呢間Kaya係我哋嘅飯堂，作為佢嘅常客仔，前排又去食佢嘅晚市啦😙 餐廳裝修典雅，地方寬敞光猛，坐得好舒服😌-🦐 檳城蝦麵湯底透出陣陣蝦香味，加埋啲干蒜同洋蔥 份外惹味😍 摻摻麵底好豐富，口感多元，裡面仲有大蝦、豬腩肉、豆卜同半邊蛋，份量十足，非常足料😝-🐭 地道老鼠粉原煲咁上熱辣辣🔥老鼠粉比較短小，口感爽口彈牙，味道濃郁😉 吉穿上面嘅半熟蛋，撈埋乾魚仔、菜甫、花生、肉碎同香蔥咁食夠哂滿足☺️-🌴 馬來街頭椰子雪糕特別中意呢道甜品，賣相十分吸引，用咗半個椰子裝住雪糕🍨粟米🌽同椰子肉🥥，別具有南洋風味，雪糕質地幼滑，食唔停口～-🍹 香茅青檸荔枝梳打呢款特飲味道香甜，上面原支香茅，感覺清新，啱哂夏天飲❄️ -⭐價錢參考：(另收加一）檳城蝦麵：$86地道老鼠粉：$88馬來街頭椰子雪糕： $62香茅青檸荔枝梳打： $36🍌抵deal 指數：8/10💰人均消費：$150

長途跋涉去到將軍澳，發現周邊商場的餐廳都是平時常常見到的，最後揀左呢間餐廳食下午茶，睇睇價錢其實下午茶黎講都貴，要60幾蚊碗麵餐。點了咖喱面同半熟蛋咖吔多士，開頭睇餐牌先覺得都幾多餸，點知黎到d餸好似縮左水咁，魷魚好細條，蝦得一隻切開一半...仲有啲鴨肉碎，碎濕濕咁...咖喱湯底都濃郁配埋摻摻食味道正常，總係食唔慣湯底有好多香料渣，邊食要邊吐番一絲絲香料，明白無成個湯又唔香，可能隔咁一啲會俾。值得一讚係杯南洋咖啡真係幾香！咖吔多士味道正常，半熟蛋配左黑醬油，但醬油本身帶腥味，再加半熟蛋，腥味更重...建議不加....

周六商場都擠滿食下午茶人群。路經呢間見下午茶價錢都算合理，一般都係$60-70左右包凍、熱飲。見環境都唔錯等咗冇耐便安排入但座。點知間食店竟收唔到訊号，職員話呢度無wifi 😕 試問今時今日點會商場食店有咁嘅死位！最後都安排坐出啲方便啲！款式係多嘅，我哋因第一次試，所以都order咗兩款下午茶餐再加單點多士，見賣相嚟到還可以，可惜個喇沙面淡而無味，無椰奶味，唔香唔滑！個咖哩仲咸到一個點🥺😩⋯⋯本想換另一款食物但擔心廚房會加料，最後吃了少少算了！個青檸香茅更是酸到一個點。總結係唔好食！呢啲價錢其實都有不少選擇呢！

呢排東港城開左好多新既餐廳，而咖吔係其中一間但之前開張時實在太多人，為食貓真係唔想等😂到宜家無咁多人，為食貓先的起心肝去試環境咖吔既裝修充滿新加坡既風味，比人一種好relax既感覺😊另外，d位都幾闊落，為食貓坐得都幾舒服👍🏾食物新加坡喇沙摻摻 （4/5）呢碗粉真係好足料，有蝦啦，魚蛋啦，魚片等等😻😻而且d食材擺得好用心，根本同張相一模一樣😂至於個湯底好香，又唔會太辣👍🏾個麵撈埋佢比既辣椒醬會顯得更好食斑蘭咖吔多士 （5/5）推介大家一定要叫咖吔😋佢個多士外脆內軟，唔會過硬過淋👍🏾而連埋入面既牛油同斑蘭醬一齊食，真係好好食，好滿足鹹蛋黃雞翼 （5/5）推介為食貓真係估唔到呢個鹹蛋黃雞翼都咁好食😝佢既鹹蛋黃好濃味，而且個雞翼炸得啱啱好，唔會太乾身（有時出面啲鹹蛋黃雞翼會炸得太乾），不過如果啲雞翼再大隻啲會更好烤馬來蔥餅配咖喱 （4/5）同樣呢個蔥餅都烤得相當唔錯，好鬆脆😍個皮唔會太薄又唔會太厚，搞到成口麵粉而且點埋啲咖喱好快就食哂🤭椰汁芋圓（4/5）通常芋圓係台式糖水舖先整得好食😮‍💨但呢碗芋圓都整得幾好，好煙韌而且有好多粒唔同味道既芋圓♥️加上個椰汁又唔會太甜，正😋估唔到連鎖餐廳都有啲咁高

東港城見到有間食星加玻菜星加玻風味好耐冇食，係旅行既味道餐廳裝修別𡟹好有南洋風味講到星加玻一定會唸起海南雞飯仲有肉骨茶貪心既我就食個海南雞飯白胡椒肉骨茶滿足哂兩個願望以為雙拼一定會小啲但海南雞雞件都算好大而且肉骨茶仲要一大條肉排睇落就好滿足食落去都好滿足白胡椒好香肉排煮得好林海南雞好嫩滑鐘意佢個油飯，都一啲唔膩但好香香料味另外叫左街頭雞鴨絲湯粉清清地，湯頭清甜而且湯粉好好食當然小不了沙嗲雞串燒雞串燒燒得非常嫩滑多汁沙嗲惹味香口，好好食

中午食飯時間成日經過呢間餐廳都好多人排隊今日終於收早啲可以過嚟食晚餐。烤馬來蔥餅配咖喱呢款薄餅食落外脆內軟點埋咖喱汁非常之惹味！咖喱汁識落唔會好辣所以就算唔食辣嘅人都可以試吓。香辣炒飯有兩串雞肉串燒喺面頭，雞肉食落多汁唔會覺得乾柴，炒飯入面仲有好多海鮮配料識落好有鑊氣不過鍾意食辣嘅人可能覺得個飯唔夠辣不過呢碟炒飯就好大碟起碼多三個人食。海南雞飯拼白胡椒肉骨茶海南雞飯啲雞肉食落滑捋捋一啲都唔鞋口，肥瘦適中，醬料方面就有辣醬，甜豉油同埋薑蓉任君選擇，另外個白胡椒肉骨茶絕對有驚喜！好重白胡椒味飲落好濃郁唔係死咸，入邊仲有啲豬肚同埋排骨可以食添！

📍#咖吔 Kaya (將軍澳)將軍澳重華路8號東港城1樓112A號舖♡推薦程度: 🌕🌕🌕🌕🌗🔺🔺🔺🔺🔺🔺🔺🔺🔺🔺🔺🔺🔺❣️#檳城街頭排骨山 💰$180檳城排骨山真係冇得輸👏🏻 亦係餐廳嘅熱門之一❤️超級大份‼️唔怪得叫排骨山~採用咗秘製醬汁 裏面有芫荽、蒜蓉等等醬料 超級惹味 排骨肉質幾腍 好入味不過食耐左味道有少許鹹~ 需要配飯食 ❣#斑蘭咖吔多士 💰$28咖吔多士烘得夠香脆💛 裏面有少少斑斕醬不過都唔夠裏面嘅牛油香😆 yummy ❣#香芒大蝦米紙卷 💰$68米紙卷裏面包咗甘筍、青瓜、紫椰菜、同埋大蝦口感爽脆 夾雜住米紙卷外皮煙煙韌韌嘅口感口感非常豐富 而碟嘅旁邊亦有芒果醬汁 味道偏甜🔺🔺🔺🔺🔺🔺🔺🔺🔺🔺🔺🔺🔺

-新加玻喇沙摻摻夏天熱辣辣最岩食d濃味辣辣地嘅野開下胃，試咗呢個摻摻好大碗，絕對夠飽，擺面仲有半隻温泉蛋，魚彈蝦豆卜之類，配埋有個醬唔辣嘅類似xo海鮮醬，連埋青檸汁加埋落湯度更加鮮味，成個湯好有南洋風味，只係有小小辣，計返譚仔應該得二十至三十小辣，加埋湯底可能有椰奶中和返，仲增加咗香味，我覺得喇沙湯底比咖喱更加鮮。唯一美中不足係可以再加多幾條菜索埋個湯一齊食會更正，不過對女士尼講食曬成碗會有d飽滯。-老街咖哩麵老街咖哩麵係油麵同粉絲混埋嘅，湯底咖哩椰味香濃，梛漿為本身咖哩湯增添咗香味，令麵底都十分入味！成碗麵都好足料，有蝦蜆等海鮮，食到碗底都仲有好多，值得一試！-馬來拉茶有少少似泰式奶茶嘅味道，好滑好香，但個人略嫌甜咗少少，不過都好好飲-香茅青檸荔枝梳打如圖所見有原碌香茅，再加埋d薄菏葉成個視覺望落好refreshing，飲落就有荔枝味不過只係好小甜，岩曬我唔鐘意飲甜野又想食飽消滯，仲有個底係梳打水飲完嗝返啖氣爽曬！最尾仲可以咬埋條香茅清新下個口氣。