咖吔

營業中

休息中

近近地喺將軍澳食個午餐，好耐冇食過馬來西亞嘢，掛住佢啲地道拉茶肉骨茶，於是乎去咗東港城食飯。午市套餐海南雞飯配白胡椒肉骨茶$118份量好充足，大大碟海南雞，雞肉新鮮嫩滑，仲有一碗白胡椒肉骨茶，裏面有好大嚿肉，胡椒味好濃郁，食到好飽。地道老鼠粉$88地道老鼠粉味道真係好正宗，配有趣魚乾仔，半山熟雞蛋，同埋一啲地道嘅醬料，混埋一齊之後，味道濃郁可口，開胃。手工拉茶係馬來西亞嘅味道，冇得去旅行之後真係好耐冇飲過，可以喺呢度飲吓，解思鄉嘅情緒。凍青檸紅茶清爽甜甜地，有青檸作伴，味道更加fresh。整體而言唔錯，下午茶更加抵，如果就到時間的話，就不妨嘆佢嘅下午茶，因為好抵食，下次要試埋佢嘅咖吔多士。