和牛燒肉一郎 (荃灣廣場)

營業中

休息中

2024-07-04 同朋友聚餐，見呢間係Openrice上面評價都唔錯所以就揀咗呢間，點知食到我頭都痛埋。一落完單，和牛壽司就上檯，味道好差，醋味好重，感覺就好似食緊一舊固體醋咁，咁我都未覺到反感，始終呢間餐廳主打燒肉。而第二樣上檯嘅就係牛五花，上菜速度係快，但可惜啲雪都未浴曬，另外牛肉質素好差，完全冇肉味，食幾舊已經唔想再食了。炸物方面，叫咗碟炸蠔，一上檯已經覺得唔對路，有一股濃烈嘅腥味，自問自己好食得腥，所以膽粗粗咬落去，果然令我冇失望，舊蠔唔新鮮嘅程度係要即刻要吐返出黎。最後甜品方面，佢地啲芝士布甸味道係唔錯嘅第一舊食完即刻想encore，點知食第二舊個陣就中伏，苦嘅，應該係壞咗。總括而言，呢間餐廳食材保存可能有啲問題，唔會再有下次。

2024-06-23 和牛燒肉一郎（荃灣廣場店）)🐃🐃🐃🐃🐃兩個人選了個埋單人均$6xx日本黑毛和牛D course，除了頭盤送果份和牛西冷稱得上和牛，其他落單嗌果啲質素同相果啲一樣，極少油脂。🐃🐃🐃🐃另外，D course寫明日本和牛6款，QR CODE點單只有3款。味道方面正正常常，口感一定不是和牛，對比上次食非常之失望😌😌😌，忍唔住留下食評。依個價錢唔會有下次😌😌😌😌😌😌

完全差差差，d 肉可以完全無味😣,無一舊牛係好食,雞都係無味，豬就薄過紙,燒熟已經溶晒😓,服務好一般,啲肉嚟到就咁擗晒喺枱角，$500一個人真係嬲死😔千萬不要去食

約朋友去荃灣食飯，朋友推介《和牛燒肉一郎》食佢地嘅S2 80品燒肉放題，餐廳比我第一印象就是氛圍很好，裝潢簡潔而舒適，讓我感到放鬆和舒適。關於食物，和牛絕對係no. 1, 肉質鮮嫩多汁，口感絕佳。S2套餐中的80品種類繁多，有各種不同部位的牛肉可供選擇，每一種都有獨特的風味和口感。本人最喜歡厚切牛舌，每一口都讓我感到舌頭上的享受！此外，配菜和飯食也非常出色，他們提供了各種新鮮的生菜和蔬菜，讓你可以將牛肉包在生菜中，增加了口感的層次感，而米飯煮得剛剛好，口感鬆軟，非常適合搭配燒肉。服務方面，工作人員態度友善，提供了很好的建議和推薦。他們非常專業，總是及時為我們補充食材，確保我們的用餐體驗愉快。

今日叫佢呢一個S1特價烤肉放題，價錢真係好吸引，只係需要$188，加一，呢個價位真係Super good deal!明太子飯捲，每一客有四件，入口有充滿到爆嘅明太子，絕對唔會偷工減料，辣辣地幾好食再加埋Wasabi牛舌，調味係洋蔥同青蔥，加埋嘅口感非常好食，薄薄地幾好食，味道都唔錯炸物，有炸蝦炸蠔同埋炸薯條，炸薯條會跟黑松露醬，出邊食最少都$60-70，薯條加埋黑松露醬好好食，炸蝦即叫即做，熱辣辣，而且炸粉唔係好厚，都幾好食！炸蠔加埋沙律醬，簡直係絕配！

和牛燒肉一郎不嬲以高質和牛放題為賣點，今次正值3週年驚喜大優惠！只要惠顧晚市燒肉放題A-F套餐，就可亨「四人同行一人免費」真係勁抵食！荃灣廣場分店門口有好多牛牛公仔可以打卡，環境闊落，設有好多卡位梳發非常好坐。Qr code 落單，簡單方便，佢哋仲有「和牛識別番號」！即系食緊啲牛牛嘅出世紙，可以比我哋了解多啲牛肉品質，和牛嘅口感就係最正㗎啦！套餐由A-F，價格由HKD198-HKD990/位，節假日價錢會貴少少，我哋揀咗Set D：有日本黑毛和牛6款放題，頭盤已經有黑毛和牛 4款＋海鮮3 款＋ 是日黑毛和牛精選 ！任飲梅酒、清酒及啤酒，食物多達132款，非常豐富！自助區提供沙律、甜品、雪條、多款果茶、果汁及罐裝飲品，其他食物就 Qr code 落單。店員先送上兩碟和牛燒肉拼盤，連擺盤都很精緻，有種高級感，今日嘅和牛精選系牛肋肉，里脊肉，一口牛，肉眼。先用牛脂肪燒吓個爐，食肉獸就可以開動啦！和牛肉質素超高，油花分佈均衡，油脂超豐富，入口即溶。餐廳提供多款醬料可以自由混醬，我就最鐘意柚子醋，酸酸咪咪開胃。嘢食都上得好快，呢邊未食晒，轉個頭又嗌到成枱嘢，仲可以嗌埋主食、小食，我就最鐘意冷麵同

新開個陣去過一次，個時食個b餐任食都幾好👍🏻但今次再去明顯有落差，啲熟食冇咁好食。漢堡排好乾偏鹹。雪糕櫃內容冇咁吸引。肉類仲有有漏單既情況發生🥲白等左啲時間。

放題，吃勻了可以點的肉，如果稱得上好吃和可以encore 就祇有厚切牛舌和薄切牛舌長片，其他豬牛雞沒什麼特別，吃一次就夠了，沒雞翼是特別令人沮喪，南瓜切得太簿，好易烤黑，蝦不新鲜，吃下，帶子可以入口，但甜美，拉麵賣相乏善足陳，是花了點氣力才吃完。大家有點不甘心，姨甥叫了可樂餅和炸蠔，竟然是一郎最好吃的，新鲜熱辣，可樂餅的薯蓉又滑又香，冒着煙，你祇想一口一口一口不停吃，炸蠔是充滿汁，外脆內嫩，連吃炸物的妹妹也吃不停。要讚是有棉花糖，邊烤邊吃，太快活。

放假特定節目，就係周圍搵好嘢食，今晚食呢間燒肉放題。假日比較貴，我哋揀咗set D, 即場做會員後，價錢$538/位。包任飲啤酒「匯泉」😵‍💫馬上再加$68升級sapporo. 呢個價錢就性價比較低。場地唔多油煙，服務態度一般般，汽水飲品正常選擇量，上食物效率幾高。第一轉上的和牛，質素很好，中段叫的有點不一樣，質量一般般，在最後階段落單的質量又正常返。😑金菇野菜最好食，翠玉瓜珍珠菌放埋入去金菇菜裡一齊焗熟👍🏽甜品選擇少，雪糕和雪條都多選擇，個人鐘意梳打雪條，好味。

荃灣廣場性價比高燒肉午餐和牛一燒肉之前係荃灣廣場行過就已經留意到呢間燒肉，一路都心思思想試，終於有機會可以試下午餐。🥢壺漬牛外橫膈膜&2色蔥花牛舌（鹽味）100g牛外橫膈膜牛味濃郁，牛舌切工一流，切得好薄身，值得一試。套餐包括有前菜、飯，套餐分量十足，過足燒肉的癮。🥢特選燒肉拼盤（特選牛里脊、豚肋肉、雞腿肉 各100g)燒肉拼盤性價比極高，完全滿足哂想燒肉既心，燒肉分量十足，一個套餐可以食哂牛豬雞，下次可以再食。🥢餐廳只要like ig/ fb，就會每人送一份小食，今次是送每人兩隻天婦羅蝦，天婦羅蝦外皮香脆，蝦味十足，質素極高。總括來說，午餐十分抵食，餐牌除了燒肉外，都仲有好多不同的套餐，部分價錢低至$38，下次可以再食。

最近我去咗荃灣的和牛燒肉一郎，試了他們的S2 80品燒肉放題，正！首先卡位坐得超舒服，位置又闊，仲有路軌送餐👍🏻和牛品類絕對夠食，另外仲有好多唔同產地嘅牛肉選擇，當中厚切牛舌一定係第一！入口淋身，絕對唔會硬骨骨！另外仲有一大片嘅牛肉，放落個爐上面燒兩下，非常嫩滑！他們的配菜也很出色，新鮮的蔬菜和生菜可以搭配燒肉一起享用，增添了口感的層次感。他們的米飯煮得剛剛好，口感鬆軟，非常適合搭配燒肉。此外，他們還提供了各種美味的醬料和調味料，可以根據個人口味調配，增加了食物的風味。

朋友生日，喜歡吃牛，網上找了很久找了這間，買了套餐優惠後，再仔細望下食評內容見到負評提及有很多打手…即時心向下沉….好像中了伏…不過錢已經付了，唯有照食啦。一行三人準時17:30到只得我們一枱，招呼相當週到，店員都很友善，又為我們解決泊車優惠問題，非常好👍🏻👍🏻，要讚👍🏻。食物方面，牛選擇很多，我們主力吃日本和牛，點了一兩款澳洲、美國牛都不及和牛好吃。豚肉都幾好。海鮮吃了扇貝、蝦、廣島蠔、青口、魷魚…還可以。不過飲品及甜品比起其他放題餐廳真係比較少，有點失望…甜品除了幾款明治雪條外，其他都不值一試。（尤其係雪糕👎🏻，食多兩條雪條好過😏）因為朋友都喜歡吃牛，所以都很滿意。當然如果飲品選擇多點，甜品好吃點會更好啦，總括而言， 沒有中伏感，價錢合理。

二訪和牛燒肉一郎🐮佢哋嘅日式和牛燒肉放題真係好正🤩喺荃灣、佐敦、將軍澳同銅鑼灣都有分店📍今次我再去咗荃灣分店😛和牛燒肉一郎分別有6款套餐可以揀,我地揀咗Course E 日本黑毛和牛12款+海鮮🐮有145款食物任食😍超級豐盛😚牛方面有勁多選擇🐄好似黒毛和牛薄炙里脊肉、黒毛和牛牛肌肉、黒毛和牛牛里脊、黒毛和牛牛肉角切（一口牛) 、和牛肉眼、M9 薄炙牛里脊肉、極上厚切牛舌、特上牛舌棒、熟成壺漬牛肋肉、薄炙蔥花牛舌、牛外横膈膜等等🐮黒毛和牛含豐富油脂,口感軟嫩,融化嘅脂肪非常可口🤤牛味濃郁🐮大部分牛都會有鹽味醬、燒肉醬、辣味噌醬可以揀嚟配搭牛一齊食😛另外仲有牛肉刺身同生牛肉壽司可以食到🐮當中炙燒壽喜燒壽司,店員會幫忙炙燒🔥之後會跟埋生雞蛋🥚將牛肉沾上蛋汁一齊食🐮好似食緊壽喜燒一樣😝除咗牛肉外,仲有日本豚、海鮮、豚、雞、野菜、涼拌小食、料理、小食等等,超多選擇🤩大滿足啊🥳海鮮方面有帆立貝、海蝦、魷魚青口等😆味道夠鮮甜😚食物仲會由燒肉新幹線送達添🚄餐廳仲設有自助吧,大家可以隨意挑選沙律、飲品及甜品等慢慢享用🥳就連我最愛嘅燒棉花糖都有,仲印咗好可愛嘅牛牛喺面🐮自助吧仲有多款不同醬汁比大家揀,好似

今日去咗一郎燒肉一試先，真係冇令我失望！首先，和牛肋肉又肥又香，入口即溶，真係想喊出嚟—正啊！特選嘅牛里脊係咁滑咁嫩，一啖咬落去，已經心花怒放🌸。燒啲海鮮，個廣島蠔肉鮮到彈牙，啖啖肉，真係過癮！燒帆立貝時候，個黑松露牛油香味四溢，啖啖都係幸福嘅味道，實在係咁開心！蔥花牛舌簡直就係夢幻開篇，薄薄一片，火候一啱，唔識食都要讚！呢度另外一個出彩點係生牛肉他他，濃郁而帶少少辛辣，配合微微嘅香燻，美味得嚟又唔膩口🍣。你話蛋糕同雪條？嗱，我一個勁嘅讚好呀，個烤巨形綿花糖賣相十足，甜得嚟又唔會太過，完美！整體嚟講，一郎燒肉真係實力派凸顯👍，嗰啲和牛令人記憶猶新，其他食材質素一樣保持得好，飲品甜品選擇都多，是日滿足感滿滿，想再嚟多幾轉！下次揾食檔口都知道點揀喇😋！

同朋友去荃灣廣場行街，之後去左6樓食呢間和牛燒肉一郎吃燒肉放題。呢間餐廳有全港首推「和牛識別番號」，客人可以閱覽日本和牛原產地，食得安心。放題套餐有Course A至F，今次我哋選擇咗中價位 $598 (星期一至四)的 Course E 送黑毛和牛6款 + 海鮮3款 + 是日黑毛和牛精選，另外精選海鮮、豚肉、牛肉、雞肉等145 種選擇可以任點任吃。建議星期一至四來吃會比較抵食，星期五至日$648會比較貴喔。Course E日本黒毛和牛12款 120分鐘 145款食物星期一至四 $598五至日及公眾假期 $648呢度可用手機QR CODE 下單，下單後更有「新幹線」智能送餐，送餐速度快捷又衛生。牛肉類：我和朋友都是牛魔王，特別推介原塊A4日本🇯🇵和牛，只需烤一陣已經好快熟，入口即溶，油脂感十足！另外6款黑毛和牛可以無限追加。日本黒毛和牛，仲有美國同澳洲既特選牛，任叫任食。推介和牛剌身，油脂含量高，有啲似食三文魚剌身咁既口感入口即化。極上厚切牛舌就爽口又彈牙。和牛壽喜燒，職員會即時用火熗燒和牛，由於我哋怕生，所以再燒多陣先食。閨蜜鍾意食和牛牛肉角切，入口軟嫩，牛味好重😋。海鮮類：黑松露牛油