和府撈麵

營業中

休息中

尋日行過，見佢新開咗，即刻走入去試吓，餐廳環境唔算好大，但又落地玻璃望出窗外，二人座位係最多。小蘇肉：即係炸嘅豬肉條，肉質都幾嫩，一咬就開，有個酥脆嘅外皮包住，鍾意食辣嘅可以點埋嗰啲辣椒面，我都食到。牛肉串：可以揀唔辣嘅，一份有五串，一串大約有兩彈，有啲孜然味，鹹鹹地，牛肉都係易咬嘅，我仔七歲都咬得開。當歸豬軟骨麵（粗糧麵）：湯底有浸當歸加花奶嘅味道，豬軟骨大概有四粒，超入味同好腍，面底有三款㗎，我記得有粗糧麵、同埋澳洲小麥粉嘅面，另外一款係通心麵，我應該會分幾次試吓。粗糧面面質係比較幼嘅，初頭咬落去都有少少口感，而最令我意外就係佢碗麵入邊嘅菜，佢個味好特別，連口感都好特別，個味道有少少似茼蒿，但冇咁大陣味，質地有啲似菜膽咁。陳皮檸檬茶：唔係好夠凍，建議加多啲冰，同埋味道偏甜，不過飲落真係有浸淡淡嘅陳皮味，唔苦嘅，幾特別。食評總結：望上去每樣嘢都CP值好高，但其實嗌落又唔係話真係好平，商場嚟講算係正常嘅價錢。本身我嘅口味係鍾意食當歸湯麵，以前啲台灣即食麵有得揀當歸麵，我都會買返屋企食嘅，餐廳味道係唔差嘅。

去左yoho搵食，本來諗住食湊湊，點知勁多人，咁岩隔離有間餐廳，價錢又唔貴，決定試下。超值套餐 $88湯麵三選一，揀左當歸豬骨湯麵，仲有蕃茄湯麵同酸辣湯麵選擇。跟餐有脆皮燒雞半隻及飲品一杯。可免費選擇椰漿或白桃烏龍茶。麵底都有選擇，分別是小麥、蕎麥和衣藻，三款都好吃，個人比較喜歡衣藻，麵條綠色很吸晴。當歸湯聞落好香，但食落味道不大。燒雞脆，咸香，雖然唔滑，但都唔會韌。附上青色辣醬，及香料。香料味道似印度香料，而青醬有少少青椒味，幾特別。肉桂紅燒牛腩麵 $79湯底深色，但味道一D都唔濃，牛肉及湯底有少許騷味，牛腩肉淋，唔痴牙。雖然味道普通，但可以免費無限加麵，仲要唔使加一，可以一試。

Tea Set~~~$38 up ~~~都算幾抵食～～～今日揀咗～～～當歸豬骨湯麵豬骨湯麵/香草番茄湯麵/開味酸辣湯麵（三選一）+炸豬排+飲料套餐- 炸豬排雖然細份d, 但外脆內嫩，炸得幾好～～～-（小麥）當歸豬骨湯麵個湯我覺得好好飲，當歸味好出但又唔會好中藥，飲落好似牛奶咁順滑，我全部飲晒😂😂😂～～～-原味椰漿椰味同甜度係我覺得適中嘅口味，都幾好飲～～～雖然唔係好大間，但裝修環境都幾優雅～～～買單冇+1, $68~~~唔算平，性價比中等～～～

半隻雞👀😶問店員，「呢度半隻雞？」店員話「係呀，我哋改咗剪法，呢係半隻雞嚟」最憎就係呢啲取巧答法😡🤬出去食嘢，除咗醫肚，就係享受美食，唔係想嗌交所以呢間可唔去了和府撈麵

唔差喎，第一次幫襯係點都會有新鮮感，湯底係奶白色，有味精，但唔會口乾，當歸味好易入口，但湯係少左啲，加麵就最好提早講，因為湯係無續添，所以早講加麵好啲～Um….炸雞係乾身左少少～杯陳皮檸檬還可以，叫走甜都係偏甜，應該檸檬係有糖醃過。全日免加一，$88套餐（湯麵+炸雞+飲品）係幾抵食，落單後可以即時埋單，食完可以閃人，幾方便！我覺得套餐可以再多元化啲，搞下唔同既配搭，又或者有二人餐，咁就會好啲～

元朗新商場元點開咗好多新食肆，行過經過呢間和府撈面，見到Menu已經幾吸引，再睇價錢又幾抵食,所以就決定試試佢！點知發現好食嘅酸辣麵！首先，講講佢既炸豬扒湯麵，草本湯底再加酸辣，呢個湯底會令人食唔停口，濃味得來有啲似拉麵湯底，又唔會油膩，在家算好開胃。另外佢嘅粗糧面，咬落硬身，類似一蘭拉麵嘅硬嘅硬度，鍾意食硬麵嘅朋友值得一試。另外佢個炸豬扒有茄汁點，豬扒比較薄身，但炸得好食，炸粉適中，剛剛好。另外佢仲有個燒雞，燒雞皮脆肉嫩，最特別係佢嘅綠色青椒汁，食落辣辣地，但又好開胃好好味，再加上佢嘅辣椒粉，值得推薦。整體嚟講呢餐十分有驚喜。

除了麵條外,還添加了各種蔬菜和中草藥材,可以提供更加全面的營養素。草本湯底和調味料的融合,賦予了湯麵獨特的草本香氣和風味,口感清新醇厚。價格適中，性價比非常高。推薦

好有驚喜，商場開得都竟然係合理價錢，有飯，有撈麵，有拉麵，小食都好出色。我就叫左個肉桂板腱拉麵，味道同大陸分店一樣，好正宗。另外牛腩飯會有湯送，非常咁值得推介。

幾好豬骨好食這家餐廳的菜品讓我印象深刻。首先，前菜的鱸魚刺身色澤鮮豔，口感滑嫩，搭配自製的醬油，簡直是絕配。主菜中的慢燉牛肋骨肉質軟嫩，醬汁濃郁，入口即化，讓人陶醉。配菜的季節蔬菜則增添了清新感，色彩繽紛，讓整個餐盤看起來十分誘人。甜點方面，檸檬塔的酸甜比例恰到好處，搭配香脆的塔皮，瞬間驅散了一天的疲憊。餐廳的裝潢簡約而不失雅致，燈光柔和，十分適合聚餐或約會。服務人員熱情周到，始終保持微笑，讓用餐體驗更加愉快。總體來說，這是一個值得一再造訪的餐廳，我會向朋友們推薦的！

食物環境ok，但係服務👎不了～去元朗yoho幫襯，食物行先當時📸20:57，碗湯味道濃所以飲多兩啖，10分鐘內食咗1/3 D麵開始索曬湯，覺得湯太少唔好食，問可否加湯，員工一答唔可以但原因不明，員工二應該係經理，答冇得加原因一個麵就係固定一碗湯，可以加水(但碗麵已經冇湯，加水會冇曬味)佢：你話濃呀嘛。我：其實你地可以免費加個麵 都會有湯，點解唔可以直接加湯呢？佢：其實都係俾個麵你唔會有湯。我：咁索曬湯好難食倒喔。佢：其實碗麵唔預你食咁耐。我：本身po相想讚，宜家收返。佢：好呀！講完呢堆廢話影返張冇湯相係21:08.你預我10分鐘內食完埋單走？但凡你過嚟解釋唔可以加湯嘅原因加多一句“唔好意思，我地個湯固定真係加唔倒。”我就唔會咁多廢話！食物好固然重要，但服務唔好請都唔會再去。#元朗yoho #元朗 #服務比一般更一般 #沒有再光顧的魅力 #和府撈麵

響元朗YOHO MIX開左間和中式麵店和府撈麵主打養生湯麵成個環境一望就知係黎自國內品牌價錢屬於平價幾親民款式就不算多今次我就試左個養生當歸豚骨麵我仲叫左個粗糧麵養生到底朋友就試左個菇菌湯麵個麵一出成個賣相都係好住家feel似媽咪出品咁聞落，個湯好香食落，好淡味菇果個更淡以呢個價錢都收貨對我黎講只係填飽肚之選因為仲有免費續麵但一碗都夠曬份量後加在個牛肉串$32 有5串的確性價比勁高但實物就一啖肉一啖肥膏睇下大家接唔接受到

和府撈面，湯底味道偏淡，欠缺層次感，麵條口感偏軟，不夠爽彈。配料方面，肉片略顯乾柴，蔬菜種類單一，整體缺乏亮點。雖然份量不少，但味道平平，令人失望。2/5分，建議改善湯底和麵條口感，提升配料的豐富度。

當歸豬軟骨麵，有三嚿豬軟骨，湯底都有一股當歸味，喜歡藥材味嘅話應該會幾鍾意。假日12點幾去唔洗等位。有啲似中式拉麵嘅感覺🤔仲可以免費添麵，唔驚依唔飽。環境尚算坐得舒服😌

呢間麵店係新開嘅，今日試下佢嗰個蕃茄豬軟骨蕎麥湯麵，個湯味都好濃，賣相唔錯，另外試埋佢蕃茄肥牛湯麵，啲湯底都有幾款，好足料。個面個質地比較煙韌，個味道就足，整體可以。

想食呢個面好耐喇、元朗終於開左。今次試左蕃茄湯同當歸湯，香濃好味，面既硬度都好好有位又快又可以加麵 一定夠食湯麵味道好 又濃味當歸味好鬼香 香港其他地方都冇 仲有野飲送 正