和府撈麵

兩個大人一架BB車有時搵食真係唔易🥲見到和府撈麵有位緊係試下隨身配套餐$87當歸豬骨湯梅肉麵（小麥麵）當歸味唔算好濃，如果濃啲就吸引喇梅肉有少少似拉麵叉燒，唔算厚，味道都唔太差炸餃子跟餐+$8正常野，都幾好食陳皮檸檬特飲 正👍🏻好飲❗️陳皮味都幾香開味酸辣湯豬軟骨麵$69豬軟骨超好食，又夠大件，幾入味又唔會一夾就散👍🏻酸辣嘅辣到啱啱好，唔會太辣免費加麵？ 每人加左兩個😂其實麵本身都唔算大個，正常加一個就夠，不過咁岩冇食野有啲肚餓🤣…查看更多

今晚我去咗呢間嘢度，食咗個豬軟骨麵，再叫多一條芝心台灣腸，食到去中間裏面係凍嘅，未熟，於是我叫過店員阿姐來話佢知，佢就話換過條俾我，於是等咗一陣攞到出來俾我係另一條腸，係燶嘅！我問個阿姐點解咁燶嘅？個阿姐話係呀你話唔熟呀嘛，所以攞咗去炸，炸完再放落微波爐叮㗎！跟住佢：哈哈，笑咗聲走咗我心諗咁樣點食呀，我覺得我俾呢間食店玩緊，呢條腸要$16，於是我見擺咗喺度就嘗試搣開裏面睇吓，用條脷舐吓燙親條脷，於是我就冇食，埋單走咗呢個體驗真係好差，我返到屋企越諗越唔忿氣，我蠢咗，我應該同佢講：我請你食，你而家食俾我睇！我冇影到相，係愕然到唔記得影！…查看更多

比佢門口餐牌圖片吸引左入去,點左一款套餐,$88有燒雞及一碗麵同一款飲品！滿心期待,仲諗住好食嘅話,買多一份返屋企畀屋企人試！但嚟到絕對有被騙既感覺,失望！望下人哋嗰碟,在望下自己嗰碟,唔忿氣請教下店員,真係咁樣？？？但係得到嘅回覆令我更加冇興趣繼續食落去！雖則今時今日88蚊唔係咩大錢,但係就要執下你張圖囉！店員仲私下高聲討論我嘅提問,令人感覺非常不好！無下次！！！…查看更多

今日去左一間食江浙菜嘅麵店，見佢重點係 *免費加麵* 咁抵食，麵底仲有3款選擇，一於試試佢😁🍜番茄🍅湯豬骨麵【$76】麵底揀左小麥麵，番茄湯夠濃，豬軟骨都幾淋🍜紅燒牛腩麵【$79】麵底揀蕎麥麵，牛腩夠淋，湯底幾香🍜酸辣湯麵【$88】開胃夏天，必點+$7轉脆皮燒鴨（呢個價錢食燒鴨係超抵）+$6木瓜雪耳燉桃膠有水準足料以上全部麵餐重點係免費加麵🍜…查看更多

全日超值套餐好抵，又多選擇。重點是可以免費加麵及免加一，真正食到飽都唔心痛！脆皮燒雞脆皮燒雞外皮金黃酥脆，多肉，跟雞搭配2種特製醬汁。其實不用醬汁脆雞本身都帶有雞味及香脆，絕對是必叫菜式。當歸豬骨湯麵湯麵的湯底用當歸和豬骨慢慢熬製，奉上時當歸味道濃郁。湯色清澈（絕不味精），喝一口感受到真才實料的味道！完全是當湯飲都OK ! 麵條彈牙，更可選擇麵質。麵內更配有蛋絲及一些青菜，感覺呢餐係健康的一餐。餐飲是陳皮檸檬特飲，飲落喉嚨好舒服！推薦！…查看更多

見到外賣app有平，諗住試下新野(伏),但又出奇地都OK喎😂 湯麵配烤雞50幾蚊香草蕃茄湯面蕃茄的酸甜都算恰到好處，搭配既小麥麵條彈牙。當歸豬骨湯麵當歸豬骨湯麵比較濃郁，當歸的香氣令碗麵多左啲特色。爆汁脆皮燒雞外皮金黃酥脆，內裡的雞肉算鮮嫩，有炸子雞既感覺。外賣返屋企略嫌有啲唔環保，用咗超多盒，整體味道都算OK ，50幾蚊值得食。…查看更多

手機接收訊係滿既，但scan左兩次QR都落唔到單，叫個職員幫忙落order，仲俾部手機佢睇證明係上唔到個系統，點知個大嬸反眼嫌我麻煩，我手機落到單都唔想求你落單啦！都唔係第一次去食，啲嘢食ok既，係個大嬸職員態度麻麻，同埋對面間茶店成日BBBB聲，好煩囉。…查看更多

呢間餐廳嘢食就一般不過價錢算係幾貴，但勝在又有得加面，點知今次叫咗個加麵15分鐘都未到嬲到即刻埋單走人其實你唔想人加面就唔好俾呢個選擇顧客，咁你份量少咪唔嚟食囉真係唔係屈你，我叫個湯麵5分鐘唔洗就到，但係叫加面就15分鐘都冇到建議大家如果有返咁上下食量，就千祈唔好因為有得加面而入去食！因為呢個質素嘅面，最多真係只值$30，因為本身啲餸亦都少。服務方便就更加唔使講，啲嘢食完又冇人收，全部人企喺度吹水，你想搵個服務員問吓你都要行過去打斷佢哋。…查看更多

食物中等還不錯吃，但衛生真的還好，有擦跟沒擦一樣。服務真的特別差，我知都是做生意，但不能只顧2位的客人，3-4位的桌位少之又少。過了十幾分的號客人返來，又即刻給檯，是不是對下一個號碼的客人，不公平。希望服務排位改進，食物不錯吃，不要因為服務沒了一間好吃的店。…查看更多

元朗YOHO Mix必食又好食仲要好抵食🔥燒雞套餐🤩有一碟燒雞，都幾滑❤️唔係柴晒👍🏻仲有兩個醬可以點麵3選1，試左酸辣湯麵，麵量夠👍🏻湯底幾好飲唔會太辣💖正，仲有蛋絲❤️酸菜❤️菜❤️跟餐試左陳皮檸檬茶🤩正🤭陳皮味都幾出，仲有兩片鮮檸檬🔥🔥🔥免費加麵😎加一個試下當歸豬骨湯梅肉麵❤️感覺有d似日式拉麵🤭當歸味都幾出，好食👍🏻👍🏻缺點係有少少迫🙇🏻由尤收銀同飲品櫃旁🥲太多人出出入入停留🙇🏻食品上整體都唔錯❤️有下次🔥和府撈麵 (元朗)元朗朗樂路1號YOHOMix元點L1樓B119號舖…查看更多

去左yoho搵食，本來諗住食湊湊，點知勁多人，咁岩隔離有間餐廳，價錢又唔貴，決定試下。超值套餐 $88湯麵三選一，揀左當歸豬骨湯麵，仲有蕃茄湯麵同酸辣湯麵選擇。跟餐有脆皮燒雞半隻及飲品一杯。可免費選擇椰漿或白桃烏龍茶。麵底都有選擇，分別是小麥、蕎麥和衣藻，三款都好吃，個人比較喜歡衣藻，麵條綠色很吸晴。當歸湯聞落好香，但食落味道不大。燒雞脆，咸香，雖然唔滑，但都唔會韌。附上青色辣醬，及香料。香料味道似印度香料，而青醬有少少青椒味，幾特別。肉桂紅燒牛腩麵 $79湯底深色，但味道一D都唔濃，牛肉及湯底有少許騷味，牛腩肉淋，唔痴牙。雖然味道普通，但可以免費無限加麵，仲要唔使加一，可以一試。…查看更多

Tea Set~~~$38 up ~~~都算幾抵食～～～今日揀咗～～～當歸豬骨湯麵豬骨湯麵/香草番茄湯麵/開味酸辣湯麵（三選一）+炸豬排+飲料套餐- 炸豬排雖然細份d, 但外脆內嫩，炸得幾好～～～-（小麥）當歸豬骨湯麵個湯我覺得好好飲，當歸味好出但又唔會好中藥，飲落好似牛奶咁順滑，我全部飲晒😂😂😂～～～-原味椰漿椰味同甜度係我覺得適中嘅口味，都幾好飲～～～雖然唔係好大間，但裝修環境都幾優雅～～～買單冇+1, $68~~~唔算平，性價比中等～～～…查看更多

半隻雞👀😶問店員，「呢度半隻雞？」店員話「係呀，我哋改咗剪法，呢係半隻雞嚟」最憎就係呢啲取巧答法😡🤬出去食嘢，除咗醫肚，就係享受美食，唔係想嗌交所以呢間可唔去了和府撈麵…查看更多

唔差喎，第一次幫襯係點都會有新鮮感，湯底係奶白色，有味精，但唔會口乾，當歸味好易入口，但湯係少左啲，加麵就最好提早講，因為湯係無續添，所以早講加麵好啲～Um….炸雞係乾身左少少～杯陳皮檸檬還可以，叫走甜都係偏甜，應該檸檬係有糖醃過。全日免加一，$88套餐（湯麵+炸雞+飲品）係幾抵食，落單後可以即時埋單，食完可以閃人，幾方便！我覺得套餐可以再多元化啲，搞下唔同既配搭，又或者有二人餐，咁就會好啲～…查看更多

元朗新商場元點開咗好多新食肆，行過經過呢間和府撈面，見到Menu已經幾吸引，再睇價錢又幾抵食,所以就決定試試佢！點知發現好食嘅酸辣麵！首先，講講佢既炸豬扒湯麵，草本湯底再加酸辣，呢個湯底會令人食唔停口，濃味得來有啲似拉麵湯底，又唔會油膩，在家算好開胃。另外佢嘅粗糧面，咬落硬身，類似一蘭拉麵嘅硬嘅硬度，鍾意食硬麵嘅朋友值得一試。另外佢個炸豬扒有茄汁點，豬扒比較薄身，但炸得好食，炸粉適中，剛剛好。另外佢仲有個燒雞，燒雞皮脆肉嫩，最特別係佢嘅綠色青椒汁，食落辣辣地，但又好開胃好好味，再加上佢嘅辣椒粉，值得推薦。整體嚟講呢餐十分有驚喜。…查看更多